Ronaldo in Record thar a siem

Real Madrid superstar Cristiano Ronaldo chun, Thawhleni zana UEFA Champions League semifinal second

leg-a Bayern Munich 4-0 a an hne ṭum khan goal hni a thun a, hi hin Champions League season khat sunga goal thun rawntak record Lionel Messi in a siem chu a khum ta a nih. Messi hin 2011-12 season sung khan Champions League-ah hin goal 14 thunin record thar alo siem a, Ronaldo hin goal 16 a thun tah a nih.

Season dang danga Champions League-a goal lo thun rawnn hai:

2012/13:	Cristiano Ronaldo (Real Madrid CF)	-	12
2011/12:	Lionel Messi (FC Barcelona)	-	14
2010/11:	Lionel Messi (FC Barcelona)	-	12
2009/10:	Lionel Messi (FC Barcelona)	-	8
2008/09:	Lionel Messi (FC Barcelona)	-	9
2007/08:	Cristiano Ronaldo (Man Utd)	-	8
2006/07:	Kaká (AC Milan)	-	10
2005/06:	Andriy Shevchenko (AC Milan)	-	9
2004/05:	Ruud van Nistelrooy (Man Utd)	-	8
2003/04:	Fernando Morientes (Monaco)	-	9
2002/03:	Ruud van Nistelrooy (Man Utd)	-	12
2001/02:	Ruud van Nistelrooy (Man Utd)	-	10
2000/01:	Andriy Shevchenko (AC Milan)	-	9

“A ṬUL CHUN MANIPUR RAM SUNGAH LA LUT PEI KAN TIH” - R. LALZIRLIANA

Aizawl, 29 April, 2014: Mizoram Home Minister ni lai mek R. Lalzirliana chun a ṭul a ni phawt chun Manipur ram sungah Mizoram police hai an la lut pei ding thu chanchinbumihai kuoamah a hril.

April ni 29 a, New Secretariat Complex a chanchinthar thedartuhai a pawlna-ah tulai hnaia Manipur ram sunga Hmar unauhai chengna khuo pakhat Lungthulien ah Mizoram Armed Police (MAP) hai an lûtrûk ti Mizorama chanchinbu thenkhatin an tarlang chu thudik a ni le ninaw chanchinbumihai zawhna a dawnlêtna ah Home Minister chun ‘’MAP hai chu an lût ngeia, a ṭul a ni phawt chun helpawl (Mizoram hmelhma)umna khuo chu kan la thlawk pei ding a nih’’, a tih. “ A ram a cheng mipuihaiin an ditnaw zie thu press statement siemin lam hrawna hai chen an houihawta, sienkhawm a ṭul chun kan la lut pei ding a nih’’, tiin chanchinthar thedartuhai a hril bawk.

MAP ha’n Mizoram state puotienga operation an nei chu dan kal an ni am? ti indawnna a hrilfiena-ah Zoremmawia, DIG chun India ram khawlai hmuna khawm helpawl thenkhatin buoina state pakhat lakah an siem chun dân ang takin ‘Hot operation’ hnuoiah bawzui (pursue) thei an nih ti thu a hrila. “MAP hai chu ‘hot operation’ angin Lungthulien, Manipur ah an lût a nih” ti hrilin an thilthaw chu dân kal a ni naw thu DIG chun chanchinbumihai a hril.

April 29 chawhnung dar 1 khan New Secretariat Complex, Khatla, Aizawl-ah Home Minister Lalzirliana’n Press conference koin, Finance Minister Lalsawta, Paliamentary Secretary K. Rinthanga, Zoremmawia, DIG, Zorammuana, AIG le MLA ṭhenkhatin an tawiawm a nih.

Chief Minister Lal Thanhawla chungchang hrillin, Home Minister chun Mizoram Chief Minister dinhmun chu a derthawng hle niin a hrila. “EVM suk chingpen (rig) leia Chief Minister ni thei chaua intumna le opposition party thuoitu ha’n nasataka thukhela mipui lakah suk hming suksiet tuma an beina lei chun Chief Minister hringnun chu a derthawng hle a. Hnam pa ti a hrietlâr Mahatma Gandhi le Abraham Lincoln hai anga that ve el nuom pawl um ngei an tih”, tiin chanchinbumihai a hril. Fimkhur thil thuah Chief Minister venghimtu ding security personnel khawm duongthat an nih, tiin a hril bawk.

A hril peina ah Zira chun tulai Mizoram politics chu an hnawk hle a nih a ti a. Law and Order tiengah harsatna siema, sinthaw hlei theilo a sawrkar siem hrim hrim hi opposition party hai thil tum anga inlang chu a nih a tih. “EVM suk chingpena intuma opposition parties le mithenkhatin CM suk hmingsieta a lal thungpha a inthawka pei tlak an tumna chu ‘police efficiency’ le dan le thupek hratna lei chun an thlawl a nih’, HM chun a tih.

SOURCES: Henry L Khojol Hmar

20th Women’s National Championship-ah Manipur goal 22 a thun

Dibrugarh, April 29, 2014: 20th Senior Women’s National Football Championship-um meka chun Manipur nuhmei hai chun an inhnelpui hmasatak Chhattisgarh hai chu goal 22 zet an pet lut peka hratna an chang. Ningani April 30 khin an Group-a um ve tho Uttar Pradesh team hai an inkhelpui nawk ding a nih.

20th Women’s National Championship-a hin India hmarsak anthawk State 5 an ṭhang a, Meghalaya le Nagaland hai chu an thang phak ve naw a nih. Hi championship hi thla nawk chen inhnel ning a tih.

Boithang Haokip in Fans’ Player of the Year Award-a dawng

Kolkata, April 29, 2014: Football Players’ Association of India (FPAI) chun Thawtannizan khan Kolkata-ah a voi 6-na dingin award inhlanna an nei a, Shillong Lajong hai midfielder Boithang Haokip chu “Fans’ Player of the Year Award” inhlan a nih. Boithang hin tuta season lim ta khan goal 6 pet lutin, Shillong Lajong ta dinga goal pet lut rawntak laia a pathumna a nih.

Award dang dawngtu hai;

“Best Indian Player” : Balwant Singh, Churchill Brothers, forward

“Best Coach”: Bangaluru FC coach Ashley Westwood

“Best Foreign Player”: Darryl Duffy, Salgaocar

“Young Player Award”: Dempo midfielder Alwyn George

“Lifetime Achievement Award” Olympian PK Banerjee

“Special Award” Mohun Bagan forward-Jose Ramirez Barreto

NE-a inchuklai ha’n Cambridge certificate nei thei ta ding

April 28, 2014: India hmarsak biela inchuklai hai chun Guwahati anthokin Cambridge International qualification an nei thei vat ta ding a nih.

Cambridge International School, Guwahati chun tu kum June thla anthok hin inchukna hmun innghat an tum a, hi taka hin ram puotienga inchuk nuom hai le admission zong hai ta dingin a ṭangkai ding bakah engineering le pre-medical test hai khom ram puotienga mi hai leh an inel thei ta ding a nih.

Hi sikul principal Pulak Bhattacharyya chun, "Cambridge International School inchuklai hai chun ram puotieng hieng UK, Ireland, USA, Canada, Australia, New Zealand, Singapore, Egypt, Jordan, South Africa, Netherlands, Germany le Spain-a university a hai lutna dingin India rama pawl 11 le 12 tlukpui, AS le A level qualification an hmang hlak a, hi qualification hi ram puotienga university lutna ding le sin hmu na dinga hai khom a ṭangkai a nih," tiin a hril.

"Inchukna ṭha lem fepui ani theina dingin Cambridge International Examinations hai hi University of Cambridge hnuoia exam a ni a, Cambridge International School, Guwahati-a zirtirtuhai khom ram puotienga mithiem lem hai hnuoia training pek an nih," tiin Bhattacharyya chun a hril bawk.

Cambridge International School-a course inchuk thei "AS" le "A" qualification hi India rama sorkar pompui class 10 board exam pass haiin zom thei an ta; arts, science le commerce stream hai hong khom ning a tih, tiin a hril bawk.

Source: http://hmartlangsam.blogspot.in/

Hmar student IIT JAM 2014 a tling

Indian Institutes of Technology le Indian Institute of Science huoihawtna hnuoia IIT- Joint Admission Test for M.Sc 2014 results suoka tuchena Hmar student ei hriet thei a pathum in hlawtlingna an chang ve;

1. Tv. Lalhrietsûng Sanate S/o. Ramnunsiem Sanate (Mathematics le Mathematical Statistics) Delhi a inchuk

2. Nk.Tenu Sinate D/o. Lalbieklun Sinate (Biological Science) Delhi a inchuk

3. Tv. Robert Zote S/o Chawnghaulien, Shillong (Physics) Shillonga inchuk

"Joint Admission Test for M.Sc. (JAM) is an all-India examination conducted across the country jointly by Indian Institutes of Technology and Indian Institute of Science. JAM is an all India Entrance examination for admission to M.Sc. (Two Year), Joint M.Sc.-Ph.D., M.Sc.-Ph.D. Dual Degree and other Post-Bachelor's Degree programmes at the IITs and to the Integrated Ph.D. programmes at IISc."

HPC (D) to mei mei naw nih

CCPur, April 28, 2014: John F. Hmar, Information Secretary, Hmar Peoples Convention (Democratic) in zanita thusuok a siema chun a hnuoia thuhai hi ziek a nih.

Mizoram Armed Police le hnam phatsantu Lalhmingthang Sanate rawihai inthuruola Manipur simthlanga khuo pakhat Lungthulien-ah lutin, pawitawklo chungah kut thlakin, mipui chiai taka an siem hi a pawi takzet. Lalhmingthang Sanate le a rawi haiin hnam kalpen sukchai zawnga MAP leh inthuruola an chetna hin hnam hmelma a nih ti a sukchieng hle.

Lam indik lo hrawa hma latuhai leiin Hmar hnam le HPC(D) hi buoi ngai naw nih. Mi depde le hnam phatsantuhaiin kil le kapa hnam an zawr zawmpei ding HPC(D) chun phal ngai bawk naw nih. Eio hnamin hmadwm lien tak neia hma tieng pana ke a pen thet thet lai, mani hamṭhatna ding ringawt hnawta pawl le hnam hming indiklo taka hmangtuhai hin ropuina ram min tlun naw nihai a; hnam pawi an tawk pe ding Pathienin phal bawk naw nih.

Indikna le hnam hmangaina hlekte khawm nei lovin MAP leh inthuruola hnam an do hrawn hi, mi dawizep tawpkhawk thil thaw a ni leiin, thisen le hringna tam tak senga ei tum ram tlung dinga ei hmalakna le kalpen chai thei bawk naw nih.

Mizoram sawrkar khawm, inremna lampui hraw le zawng lova, Hmar thisen luongna ding zawnga misuol ruol (Gang Party) leh inthuruola hma a lak hi suktawp vat raw seh. Hnam phatsantu misuol ruol a khawingam sung chu Mizoram khawm him bik naw nih.

HPC(D) chun Lalhmingthang Sanate le a rawihai chu dawthei takin an lo enliem mei mek hlak sienkhawm; hnam pawi an tawk pei ding chungchanga ruok chu HPC(D) hi kuongkuoin inṭhung mei mei naw nih.

Source: Hmasawnna Thar

Suongsang mipui ngaidam inhnina maicham (Ni Tla Ngai naw Zion Khawpui)

CCPUR/Near Thanlon, 28 April, 2014:  Rev. Lienrum in 1927 kuma Pathien thu a hril phal lova an lo hnawtsuokna khuo Suongsang, Thanlon Sub-Div. Manipur chun lungsirin Pathien hmaah ngaidam inhnina Maicham an buotsai.

Hi programme pawimaw tak hi April 24, 2014(Thu) khan Bawng 2 le vawk 2 thatin Suongsang mipuihai chun an nei. Hi hunser hmangpui dingin Rev. L. Neithang, Rengkai s/o Rev Lienrum (L) le a tuhai mi 16 khuol inzaumin an thang.

Khanga Rev Lienrum Pathien thu hril ding phal lova riekna ding invaia khawhnawm a bel lai khan, hla ropui le chuoi thei ta ngai lo ding " Ni Thla ngai naw Zion Khawpui " Thlarau Thienghlim in an phuoktir a nih.

Pu Chunga Kuki Chief of Suongsang hril dan chun, an khuo hin Pathien rawngbawltu khanga a lo hnawl lei am a ni ding vangduoina tamtak a tuok a. Khaw changkang theilo le mi hnung hnawtin a um zing. Lekhathiem, sawrkar sin nei le miropuia hril ding hi khawsuok hi an vang hle. Hnam kar buoi lai khawm khan hi khuo hi raw ut a ni bawk.

Rev. Lienrum in a lo bel le hla ropui a lo phuokna thingbuk hnuoiah ngei khawsung mipuihaiin ngaidam inhnina neiin Maicham lung phun a ni a. Hi hunserah hin Rev Lienrum naupa Rev L Neithangin ngaidam ngenpekna le malsawmna hnipekna tawngtaina a nei. Rev. Neithang hai nupa hi Lal puonsen le khamtang puong inbattir an nih.

Lungphuna inziek (Hmara inlet):
SUONGSANG KHAWPUI INSIRNA MAICHAM.
" Lungsirhai kuomah LALPA a hung hnai ie" Sam 34:18
Evan. Lienrum, Suongsang khawpui 1927 kuma harsat beidawnga a tuorna chunga ngaidam inhnina maicham.
" Ni Tla Ngai Naw Zion Khawpui"

Source: Rengkhawpui Mail.

Open Letter to Admin VIRTHLI

Pu Virthli in zà um,

Tulaia Hmar biel tienga thil tlung le inzawmin thu tamtak ka lungrila ka ngaituo neu2a,chu2 hi platform a hin ka hung thursuok tawp el anih.

Lungthulien a thiltlung kha ka lo hriet ve a,a vawikhat na cho khawm an tanaw a,amiruokchu ei Hnam inrèl bawlna khàwl lientak Hmar Inpui le HYA hin hma an làk ti thu hi tiem le hrietding a um naw hle.Chun nakie khan hrilfiena ang deu HPC(D)President pàwl hai chun an hung siem ka lo hmu a,an thaw nasan le hma tienga an hma làk dan ding an hung hrilsa bawka.MAP hai phaw a hmangin ei khawsung a khàng khan operation an hung thaw ni awm ana,thil thatak chu an tlun naw ding ti chu hrietsa anih.Nu le nau ta ding khawmin thlabàr um tak anih.

MAP hai ei zuk hril ruol2in thil amin ngaituo suok tir a,tienlai hang ti el inla,pu Lalchungin MAP hai le inthuruola Churachandpur sunga a thilthaw kha ei la hrietzing ka ring.,thína chen khawm a tlung ani kha.Pu Lathanhawla khan HPC hai inpe a autonomous pèk a tiem a sienkhawm tù chen hin iengkhawm ei la hmu naw zing ani a.Pu Hawla politics hang thatnaw zie't chu hmu thei zingin a um a,a hmunuom tu hai eini chun insiemthat na hun chu ei la nei.Hmar le Hmar indo tir a a police hai thangin ei hnam hi suksiet a tum nasa em2 anih.Chulai zinga chun an Home Minister hi Hmar hai suksiet na ding chun a kut hi an za zawk2 ani ti kha hrietzing tha bawk a tih.An politics hi hre lova mani hmasiel zawnga a tu2 pawl in thang an làk ani chun ei Hnam chu ei tlusie tùl2 ding anih.

Mizoram a ei demand le tulaia ei chétdan en chun ei thiltum ei hlat ta hle,mani Hnam sunga hin a mihriem nilovin thilthalo um hai hi inthielfai lem inla ei thatpui lem naw dim ani?

Marka 3:24-25 kha ei en chun,'Ram khawm ama le ama àn do chun,chu ram chu ngîr suok thei naw nih' tiin an ziek a,chu2 tulaia ei ngirhmun anih.

Hienga ei fe pei chun inthanglienna ding a um naw hle,ei hma khawm a pik a,hmar biel tienga um hai ta ding lem chun ti le inthin dawr2a um chu an hmabåk anih.Hienghi ei ngirhmun ani ta si hin chu ei hnam thuoitu hai hin ró fel tawktak le inrum tak el insuo hai sienla,mipui khawmin thlawp ngei inla,chuongnaw chun mi hmusit le diriem ni pal hlau rawi ei tih..iem i ngai ve dàn Pu?

Hnam ta dingin,
Jv

HSA EDUCATION CAMPAIGN, JINAM VALLEY – 2014

HSA General Headquarters hmalakna hnuoia 1st - 6th May, 2014 sung khin Jinam Valley, NC Hills ah Education Campaign nei dinga riruong a nih. Hi taka Resource Persons ding hai chu;

(i) Dr. John Pulamte, President, Hmar Inpui Gen. Hqrs., Chairman HSEB, HSA GHQ.
(ii) Lalringum Riengsete, Deputy Secretary, Assembly Secretariat, HSA GHQ
(iii) Josef V Tuolor, Secretary Education, HSA. GHQ, Secretary HSEB, HSA, GHQ
(iv) Lalramhnem Buongpui, HSA NC Hills & KA JHQ

A hnuoia hun le hmun tarlanga um ang hin education campaign hi nei tum a nih.

1st May, 2014 (Thursday): Tuolpui & P Hmarlusei
2nd May, 2014 ( Friday): N Hmarlusei & Leiri
3rd May, 2014 (Saturday): Phaipui & Tattephai
4th May, 2014 (Sunday): Ramvawm & Mauchar
5th May, 2014 (Monday) : Muollien & Boro Arkap
6th May, 2014 (Tuesday) : Jinam Ghat Hnachangzawl

Topics ding hai:
(i) Inchukna kawng a Nu-le-Pa mawphurna
(ii) Inchuklai hai mawphurna
(iii) School le khawtlang mawphurna
(iv) Course dang dang hai le Competitive Exam dang dang hai

HYA Election Commission ngenna le inhriettirna

ELECTION COMMISSION 

HMAR YOUTH ASSOCIATION 

General Headquarters, CCPur 

Thilṭha thaw, Nundan mawi, Tlawmngaina phursuoktu dinga pawl insiem H.Y.A (Election Commission) hmingin tiemtuhai po po chibai ka buk cheu. HYA General Conference, 2014 thutlukna angin hung tlung ding April 30, 2014 (Nilaini) a Hmar Youth Association (HYA) General Headquarters ṭhuoitu ding (2014-2016) thlangna Muolvaiphei Community Hall, Churachandpur-a ei neina dinga hin ei tlawmngaina a hun taka suklanga mani sin pawimawhai maksana Patron/Life member haiin ei member hlun nina suklanga ngaipawimaw taka hung ṭhang seng dingin Election Commission hmingin hi Chanchinbu fethlengin fiel le ngen ei nih. Chun, General Headquarters ṭhuoituhai Joint Hqrs/Branch tina inthawka palai ruothai, ei mawphurna ngaipawimaw a ṭhahnemngai taka Executive Council/Special Conference a ṭhang seng dingin fiel ei ni bawk. Notice insuo a um ta ang khan HYA Joint Hqrt/Branch tinhaiin kum thumsunga HYA Gen. Hqrs. ṭhuoitu ding (Office Bearers) mi ṭha le fel hung ruot/Nomination seng dingin ngen in nih. Chun, floor nomination um ta naw nih a, Guide-line chu a hmaa circular lo thaw ta ang kha zui ning a tih.

 Sd/- Lalhmuok Famhoite
Election Returning Officer, HYA Gen. Hqrs.

MBSE HSLC Results 2014, SHDC houm sunga pass percentage 64

Aizawl, 25 April, 2014: Mizoram Board of School Education (MBSE) chun vawisun dar 10:30 a.m khan High School Leaving Certificate,(HSLC) Examination, 2014 results a suksuoka. Mizoram pumpuiah candidate 19254 umin mi 18469 in exam an hmasawna, candidate 12468 in hlawtligna changin candidate 387 in Compartmental chance an hmu bawk. HSLC topper hi St. Paul Higher Secondary School naupang - Lalremruati Sailo D/o Lalhruailiana le Malsawmzuala Royte S/o Rotluanga, St. Peter Higher Secondary School, Chhingchip hai an ni a, full mark 500-ah mark 459 ve ve hmuin subject po po-ah letter mark an hmu vawng a nih. A pumpuia pass percentage chu 67.51 ana, Nuhmei nekin pasal an pass tha lem a nih.

SHDC houm sunga HSLC result ei hriet thei dan tlangpui:

Total Candidate appear- 401, Pass - 260 (pass % -64.83)
1. GOVT. TUISUALRAL HIGH SCHOOL- (Appear - 30, Pass - 29) Ist Div- 03, IInd Div-15, IIIrd Div-11

2. VAITIN HIGH SCHOOL- (Appear - 16, Pass - 16) Ist Div- 04, IInd Div-06, IIIrd Div-06

3. GOVT. SUANGPUILAWN HIGH SCHOOL- (Appear - 15, Pass - 13) IInd Div-04, IIIrd Div-09.

4. GOVT. VANBAWNG HIGH SCHOOL- (Appear - 18, Pass - 17) Ist Div- 04, IInd Div-07, IIIrd Div-06.

5. N. KHAWLEK RMSA SECONDARY SCHOOL- (Appear - 06, Pass - 04) IIIrd Div-04.

6. GOVT. PHUAIBUANG HIGH SCHOOL- (Appear - 24, Pass - 23) Dist.- 01, Ist Div- 03, IInd Div-09, IIIrd Div-10.

7. GOVT. KHAWLIAN HIGH SCHOOL (Appear - 13, Pass - 06) IIIrd Div-06.

8. RIMAWI ENGLISH SCHOOL - (Appear - 16, Pass - 15) Dist.- 01, Ist Div- 01, IInd Div-04, IIIrd Div-09.

9. NE TLANGNUAM SECONDARY SCHOOL (Appear - 11, Pass - 10) Ist Div- 01, IInd Div-04, IIIrd Div-05.

10. GOVT. NATIONAL HIGH SCHOOL, PHULLEN- (Appear - 19, Pass - 19) Dist.- 02, Ist Div- 02, IInd Div-06, IIIrd Div-09.

11. GOVT. RATU HIGH SCHOOL- (Appear - 20, Pass - 14) IInd Div-01, IIIrd Div-13.

12. DAMDIAI SECONDARY SCHOOL- (Appear - 08, Pass - 07) IInd Div-01, IIIrd Div-06.

13. SAILUTAR SECONDARY SCHOOL - (Appear - 09, Pass - 07) Ist Div- 04, IInd Div-03,

14. GOVT. ZOHMUN HIGH SCHOOL - (Appear - 61, Pass - 27)Ist Div- 01, IInd Div-04, IIIrd Div-22. Comp- 02

15. N. TINGHMUN SECONDARY SCHOOL - (Appear - 09, Pass - 04) IInd Div-01, IIIrd Div-03.

16.GOVT. NE KHAWDUNGSEI HIGH SCHOOL (Appear - 18, Pass - 16) Dist- 01, Ist Div- 02, IInd Div-03, IIIrd Div-10. Comp- 01

17. SAIPHAI HIGH SCHOOL - (Appear - 10, Pass - 03) IIIrd Div-03. Comp- 01

18. PMS ENGLISH HIGH SCHOOL, SAIPHAI - (Appear - 06, Pass - 06) 1st Div- 01, 2nd Div-01, IIIrd Div-04.

19. SAIPUM HIGH SCHOOL - (Appear - 14, Pass - 11) 2nd Div-02, IIIrd Div-09.

20. PHAINUAM SECONDARY SCHOOL - (Appear - 06, Pass - 03) IIIrd Div-03.

21. LAMHERH SECONDARY SCHOOL (Appear - 12, Pass - 10) 2nd Div-01, IIIrd Div-09.

JOB CARD LE EI NUN

~Ngama Khobung

1. Rethei tamtak hai tadinga a tangkai lai zingin, a neinung tamtak hai tadin pocket money mei mei an chang.
2. Sawl lova sumhmu inhnarna a min nei tir.
3. Khawsung roreltuhai sum buoipuina asuk tam. Inremnawna chen an tlun.
4. Khawsunga tlawmngai hnatlang a suk bo. Job card thaw dingin ei sie vawng. Nakie lem chu, thlan cho khawm job card thaw din ei la sie el thei..
( sunzawm thei )

MPSC 2013 Result a suok, Hmar mi 4 in hlawtlingna an chang

Imphal, April 22:  Manipur Public Service Commission (MPSC) huoihawtna hnuoia Manipur Civil Services Combined Competitive Examination, 2013 final result chu zanikhan a suoka, eini Hmar mi khawm mi 4 in hlawtlingna an chang. 

Hmar mi a tling hai:

1. Nk. Lalthazam (Rank 4th) D/o Upa Hrangthankhum Songate, Parbung/Rengkai,  – Nikum khan MPCS a tling a tuhin BDO Saikot sin chel lai zing a nih.

2. Derick L Khawbung (Rank 47th) S/o (Famtah) Prof. Lalnghawrlien Khawbung, Sielmat – Tuhin Guwahati ah Indian Overseas Bank a Manager sin thaw lai mek a nih. Ama hin MCS hmu phak dinga ring a nih. An unau pathumin civil service an tling seng an ta chu. Lawmpui an um khawp el.

3. Zosanglur Joute (Rank 114th) S/o Pi Chawnglienzo, Rengkai Road – Tukum hi Pu Zosanglur a ta ding chun MPSC vawi 3 a zawna a tlingna an ta a, MFS sin chellai zing a nih. ST ah position 16na a ni bawk.

4. Tv. Eric H. Thangsang Pangamte (Rank 146th) S/o L.Ruoivel Pangamte, Rengkai – Shillong hmunah SBI Bank PO sin chellai zing a nih.

Tlangmi a tling po:

1. Lalthazam (1438)

2. Thangboi Gangte (1392)

3. Songeireng Khupboi Aimol (1383)

4. Seiminthang Lenthang (1361)

5. Jameson Sehlal Hangsing (1320)

6. Alfred Jamlallun Khaute (1314)

7. Derick L. Khobung (1276)

8. N. Shokhongam Baite (1262)

9. Augustine Jangminthang Khongsai (1255)

10. Hasby Haokip (1247)

11. James Doujapao Haokip (1241)

12. Thangkhochon Haokip (1238)

13. T. Joseph Lhungdim (1233)

14. Lawrence Kapkhenmang Munluo (1220)

15. Mangte Jonathan Kom (1208)

16. Samuel Tongminlen Lhungdim (1203)

17. Zosanglur Zote (1187)

18. Jangminlen Lupho (1184)

19. Lamgin Singsit (1181)

20. Mangminlian Vaiphei (1169)

21. Lianminthang Samte (1166)

22. Ngamtinlun Touthang (1158)

23. Limlenlal Mate (1157)

24. M. Mangkholun (1156)

25. Lamminlal Simte (1141)

26. Eric H. Thansang Pangamte (1141)

27. Thangkhanlal Ngaihte (1128)

28. Paotinsei Kipgen (1128)

29. David Gangte (1122)

30. Chinpilhing Kipgen (1109)

31. H. Khupminthang Simte (1095)

32. Karong Nelson Kom (1081)

33. Paokai Haokip (1079)

34. N. Donglalmang (1075)

35. Josephine Kipgen (1073)

36. Onminlal Haokip (1065)

37. Sarah Lhingboi (1065)

38. Thanglen Haokip (1058)

39. Hatzaw Suanlianpau (1055)

Sources: Zogamonline & SinlengNews

Lungthulien khuoa operation hrilfiena

Ccpur: April 22, 2014 a Lungthulien khawsunga luta Operation thawtuhai kha keini HPC(D) Founder President, Lalhmingthang Sanate keithuoi party kan ni a, hi khawsunga HPC(D) Duplicate party haiin ralthuom siethatna le inbikrukna hmuna an hmang leia HPC(D) lu dik takhai operation va thaw a nih.

Hi khawsunga inthawk thil, sum, thuomhnaw iengkhawm lak le suksiet kan nei nawh.

Ram le Hnam thatna dinga party in hma kan laknaa a dodaltu an um a ni chun Hnam Sipai han inthiel fai pei kan tih tiin Solomon, Action Commander HPC(D) chun hrilfiena a siem

Source: HmasawnnaThar

1st Hill Districts Premier League 2014

CCpur, 21 April, 2014: Hill Districts Sports Association, Manipur (HIDSAM) le Churachadpur District Sports Association (CDSA) hmalakna hnuoia Lamka Public ground ah ‘Unity through Sports’ ti thupui hmangin ‘1st Hill Districts Premier League 2014 chu April 22-26, 2014 sung khin um a tih.

Hi League a hin match 9 um a ta, Public Ground a nei vawng ning a tih. CDSA thangpuina dingin inkhel enna ding hin hiengang hin ticket chitum tum siem a nih, VIP- Rs 500/-, normal VIP- ticket Rs 100/- le gallery Rs 10/-.

April 22, 2014 ah opening ceremony nei ning a ta, hi huna Chief Guest dingin Shri Dr. Rishang Keishing, MP (Rajya Sabha) ning a ta, Shri Thangso Baite, MP (Lok Sabha) in Chief Host nina chang a ta, hi hai bak ahin Shri T.N. Haokip, MLA, Janghamlung, MLA/Tamenglong, P.K. Jha, IAS, DC/CCpur, John Raleng, Chairman, ADC le A. Santosh Kumar, President, AMFA hai chu guest of honour a hmang ni bawk an tih.

Dr.(Upa) Ruolkhumlien Buhril in promotion a hmu

Patpuihmun, khaw suok (Late) Pu H. Thanghut EE, PHED, naupa upa tak Dr.(Upa) Ruolkhumlien Buhril chu voisun Joint Secretary a inthokin Additional Secretary, Government of India ah alo kaisang tah. A
sin hi Ministry thar hmapo chu a pangngai ala chel ding anih. All India ah kaisang mi 41 umlai a thrang phak ve anih. Service hi ala hau leiin, hmatieng pei a khom a hung kaisang pei ei beisei in ei lawmpui tak zet anih.

Source:

CThant Khobung

A THO NAWK TAKTAK AM

~Ramthienghlim Varte

Tarik Ni 7, April 30 AD a Kross lera Lal Isu khengbeta um chuh a thi tak tak ani ti sipai haiin an enfie hnungin zantieng Dar 5:00PM velin a ruong chu an lak thlak a, hun an tepter ta em leiin thawdan pangai khawm a thaw hman lovin Joseph, Arimathai khuo ami chun Bawrsap Pilat kuom ah Isu ruong chu a hni in an lak thlak a, hmawsarum tak meuvin thuktheinawna damdawi a hungchawi Alawi le Mura anti chau chu an nal sawk sawka puonzai inhmi’n an tuom a, thlan lungker sung a an inzaltir ta a. A thlan lungker sinna lung dawmsawn mei mei theilo khawp a rik ruong danghai sinna lungphek ang mei mei nilo chun an sin a, vengtuhai hmu ngeiin thataka char de’n midanghai thawdan bak a Rome Sawrkar seal an tet khum a nih. A ruong vengtu dinga ruothai kha Juda sipai, a thonawk ding inlau dawp dawp vawng an na, anrawitu ding chun Bawrsap Pilatin ami ringzo tak Sipai za hotu Petronius a ruot ti ani nghe nghe.
Hienglai a Rome sipaihai inhremdan chuh – i) Indona hmuna tlansie chu Sipai hotu lientak General in a kut ngeiin chemin a sathlum ding, ii) Duty laia inlusu chu rawla namthlak ding ti a nih.Chuleiin hi zana thlan vengtuhai hi an inlusu hman chu ring a um nawh. An hotupa rawiin rawla namthlak chu an hma a dawkan ani tlat leiin.

Tarik Ni 9,April 30 AD (Pathienni) zingkar inhma deuvin Mari Magdalin le Mari dang chu Isu ruong zalna thlan chuh ti le inthin dawr dawr pumin anva en dawk dawk a, a hril ang ngei khan alo tho tak tak a nih. A tho nawk thu chuh Vana inthawk Vantirko hung tumin an kuom ah ‘Tinaw ro, Isu an hemde kha in zawng a ni ti ka hriet, hi taka hin a um ta nawh, a hril ang ngeiin a thonawk tah, a zalna hi hei enta hman ro’ tiin. A tuomna puon chau chu anva hmu a nih.

A tho nawk thu an hriet phing leh an lawm taluo a, a thuoihruoi Jerusalem a umhai le mi dang dang a lainatuhai kuomah an hril tapei a. A tho nawk thu chu Jerusalem khawpui sunga chau nilovin Juda ram, Samari le Galilee a hai an thang suok vawng nghal a nih. A tho nawknaw sa thukhel hril ni haisien chu nikhat khawm dai naw ni a, an chung khawm ava hei rik awm ngei de. Rome sipaihai le Juda mipui haiin Lal Isu an sawisak neka nasa lemin an thaw awm si a.

Thlan vengtu sipai haiin kan inlusu kar a thuoihruoi haiin a ruong anlo hung inruk hmang anti ngam el tak ta hih a mak bek bek el chu nih. Chuonga inlusu chuh an dan angin rawla namthlak ding anna, an nam thlak ti ruokchu ei hmu si naw a, hotuhai le inthuruol vawng an nih ti a chieng. A reng rengin a inkar chun an rutu chuh a thuoihruoihai anni ti iengtinam an hriet thei, anlo inruk suok lo ni reng sienla a ruong ansie na chu iengtinam an zawngsuok naw ding.

Isu tuomna puon hi a tak tak hmu theiin Italy ram Turin khawpui biekin pakhat a anla sie tha a, a hming Shroud of Turin ( Isu tuomna puon ) an ti. Europe rama mithiem tamtakin SHROUD OF TURIN RESEARCH PROJECT tiin a tak tak ani am tak tak naw an suina a chun Isu tuomna puona hin mihriem thisen pawimaw tak tak hieng- Hemochromogen, Serum Albumenhai an hmusuok a; hi puon tuomna a hin thildang tamtak an lang a nih. An vuokna be an hmudan chun hnungtieng nekin hmatieng a tam lem a, vuokna be hmun zakhat vel hmu a nih. Hruihruol a vuoka hrem ding chun vawi sawmli bak vuok lo awi lo a nih.

Chuongchun, a thuoihruoihai hlak arte a puiin a thisan ang elin anlo indar vawngta a, a thenkhat Galili dil tieng an nga manna hmuna dam anlo um ta. Amiruokchu, a damlai a hril angin a tho nawk hnunga a thuoihruoihai in hmupui na dinga alo ruot pek Galili ram hmun pakhat a chun thuoihruoi sawm le pakhat hai kuomah an lar a,thahnemngai taka a sinthaw (mission) sunzawm dingin a hril a, ‘Hnuoi le van thuneina popo ka kuomah pek ani tah; Fe unla….. thu kapek po po cheu pawm dingin inchuktir ro. Chun, ngaita u, kei kumkhuo in khawvel tawp chenin in kuomah um pei kati’ tiin. Chun, alo hrillawk ang ngeiin khawvela Ni 40 hmun hrang hranga inlarin a hun tiem a tlung phing leh a thuoihruoi mi tlawmte hai chuh thuoiin Olive tlangah an mit hmu ngeiin vana lak hmangin a um ta a nih.

Lal Isun thlarau thienghlim hung tlung ding lo nghakro ati ang khan, Pentikos ni (Isu thi a inthawk Ni sawmnga) a hungtlung chun Jerusalem pindan chunghnung taka chun thli angin thlarau thienghlim chu a hungtlung ta phut ela; an rengin thlarauvin an sip a, inthinna thlarau an chang a, tawng hrietlo hai hmangin an thilhril inhrepaw thei siin Pathien thlarau thienghlim chuh an chunga a fu ta a nih. Chuh, Juda Jerusalem a um haiin an hriet phingleh ‘Hienghai hi Galili ram mi an ninaw ama ni, iengleia an piengpui tawng ang ela tawng dang dang hmanghai hi inhrepaw thei am ani ta leh’ tiin. Chutaka inthawk a thuoihruoihai chuh Krista chanchintha thilsiem tinreng kuoma puongsuok dinga hmangaina lungril puta, iengkim Krista hminga tuor huomin huoisen takin Krista chanchintha chuh an puongsuok ta pei a. Thlarau thienghlim thilthawtheina neiin zeng, mitdel, kebai le dang danghai sukdam theina le thilmak thawtheina an changin Krista chanchintha chu an puongdar pei ta a.

Chawl hadam hman lovin an invak dara khawvel hmun hrang hrangah an hringna Krista tadingin hienganghin Andria chuh Russia ram a, Bartholomai le Simon chu Iran ram a, Philip chu Turkey ram a, Jakop Spain ram a, Hmangai Johan chu Asia Minor ram a, Marka chu Aigupta ram a, Mathai chu Ethiopia ram a, Peter chu Italy ram a ( Ka Lalpa hemde anga hemde chu ka phunaw, a letling zawng mi hemde ro tiin a hring an hlan a nih), Thoma Didum chu India ram a, an lo inhlan tah a nih. Hi nih missionary lungril chu.

Chuleiin 60 AD vela khan chuh khawvel hmun hrang hranga hi chanchintha hi andar suok nghal reng a, khawvel sakhuo laia pawimaw tak Kristien sakhuo ( Sakhuona a Krista hnungzuitu) chu a hung ni nghal reng a nih. Krista hi tho naw nisien la hieng popo hi a tlung thei naw ding a nih. Chuleiin:

Thlana inthawk a tho nawk ta, Sandamtu Laltak chuh;
Thlan thima inthawk hungsuokin, Khawvel suol le thina a hne zo ta.
A tho nawk ta, Inpak ro, sandamtu a tho nawk ta.

tiin hla’n ei sak dep dep thei tah a nih. Pathienni (Sunday) eiti kuhi Krista tho nawkni ani leia khawvel pumin eiin ser, Hindu kulmutna hmun India ram tak ngiel a khawm hril buoi um der lovin sawrkar sin le thil dang danghai chawl sanin ei inser bawk ani hi.

Indian nuhmei hai mi laia ngir puma awlsam deua an inzun-na ding siem

India rama nuhmei haiin inzun-na kawnga harsatna tamtak an tuok hlak leiin Delhi based Start-Up chun mipui pungkhawmna hmun, khawlai dunga le inzin changa nuhmei hai ngir puma an inzun-na ding device 'PeeBuddy' ti chu a siem. A siemtu hai chun India rama public toilet a vang el bakah a um sun hai a bal el chau khawm ni lovin nuhmei hai hang hmangthlak a vang leiin hi harstana sawkzangkhaitu dinga an siem ani thu an hril.

Hi device hi waterproof coated paper a ni a, hmang zova dehawn el thei a nih. Online shopping website thenkhat hieng Snapdeal, Healthkart and First Cry haia inchawk thei a ni ta a, chithuma pack a ni a, aman chu pa 5 (pieces) umna hi Rs. 120/- a ni a,10 umna Rs. 200/- le 20 umna chu Rs. 350/- a nih.

A hmangdan chu ahnuoia a lim a khun en thei a nih.

APSC Combined Competitive Examination, 2014: Notification

Name of the Post:

1. Assam Civil Service (Jr.Grade) : 115 posts
2. Assam Police Service (Jr.Grade) : 59 posts
3. Labour Officer : 3 posts
4. Superintendent of Taxes : 9 posts
5. Superintendent of Excise : 4 posts
6. District Transport Officer : 9 posts
7. Inspector of Labour : 2 post
8. Inspector of Taxes : 26 posts
9. Inspector of Excise : 1 post

Age limit:
Candidate’s age should be between 21-38 years as on 1 January 2014.
Age Relaxation is applicable as per the rules.

Educational Qualification:
Graduate from any of the Universities incorporated by an Act of Central or State Legislature in India or other Educational institutions established by an Act of parliament or declared to be deemed as a University under section 3 of the University Grants Commission Act, 1956 or possess such qualification as may be declared equivalent by the Government.

Important Dates
Opening Date of online Application Forms: 10 April 2014
Closing Date of online Application Forms: 10 May 2014

Online Application@ www.apsconline.gov.in
More details @ http://www.apsc.nic.in/Advt_CCP_2014-Eng.pdf

Pu D.P Goala MLA Lakhipur ei lo chan tah

~ Lalțhangpui Hmar

16/04/2014; Pu Dinesh Prasad Goala, MLA nilai zing Pailapool Cachar Assam chu vawituk 2.30 AM lai vel khan AIIMS N. DELHI ah a mi lo the tah. A natna hi STROKE ni anga an hril anih. MP inthlang (12/4/14) tawm lai vela inthawka kha lo buoi tan tah ania. A nat sung po khawm khan mi tu le khawm inbiek ding kha Daktawr haiin an lo phak ta naw hrim anih. Silchara inenkawlin Guwahati tieng an thawn nawka, Guwahati a inthawkin Kolkata, chun Delhi an pan nawk pei ani awm.
A ma hi Hmar nau hai ta dinga tangkai em em el lo ni ta hlak le ni lai zing kha ania. Hmar hnam ta dinga a hnam pum huopa a thil thaw hlawk then hai...

BVHTD Council piengna ding le enkawl pei naa ei innghaisan pawimaw tak ania. Kum 2006 lai vela PHE minister ani laia BVHTDC Chairman seat mi thenkhatin chairman nilai mek a hrietloin BVHTDC umna minister kuom ah hekna siemin chair seat an lo hluo vang hman tak lai khawm khan a ma Pu Goala hin TV a hai chen open deua Hmar hai mi tana "Hienga thil a hung um chun Hmar hai hmakhuo ding a harsa ding anih, chun ka biela um ani leiin ka hrietloa hienga thil thawa um hi ka lawm naw anih'' a ti tawp el ani khah.

Dimasa le buoi lai khawm khan nasa taka mi lo tantu anih. Minister ani lei khan pawnglang taka san bik nei kha a rem pek naw deu ti thu cho anih.

MIL(Modern Indian Language) Assama ei hung nei theina dinga khawm ei innghaisan pawi maw tak anih. Minister lekha chawia office hlawk vel chu inhawi ve tak ding ani hrim anih.

Mimal ta ding lem chun thil tam tak Hmar hai ta dingin a lo thaw hlaka, hril seng ni naw nih. Hmar nilo Hmar hai mi tan em em el hlak ani lei khan kawng tam taka chu remchang ve tak el anih, Minister/MLA seng seng a khawm. Lakhipur constituency a hin kum 20 neka tam inthlangnaa lo tling zar zar ani bawk. By-election chu um ngei ding ania iengtin am tu party am, Hmar hai ta dinga tangkai nawk zuol lem a hung tling ding am ti vel chu ngaituo um tak el anih. Chun Pu Goala anga Hmar hai delna ram hnaia mi a tling nawk ding am ti khawm ngaituo um tak ani bawk.

Good Friday

~Ramthienghlim Varte

Kum 2014 hin zirtawpni vawi 52 (Sawmnga pahni) a um a, Zirtawpni vawi 16na April 18 hi Nazaret Khaw suok Juda thlangval Isu thini ani leiin Good Friday (Zirtawpni Tha) tiin khawvel pumpuiin ei inser chu a nih. Ama (Isu) chu Pathien nau, khawvel dan ah eini anga siem, a pa Joseph a nu chu Mary nisienkhawm thlarau thienghlimin an rai tir ani leiin lal ( Pathien) nau khawvel mihriemhai sandam dinga Pa Pathienin a hung tir a nih.

A chanchin hi M. Gandhi hai angin lekhabu tam taka ziekna a umnaw a; Bible a chanchintha palihai a hin ei hmu. Juda haiin Lal Messiah Pathien hring naupa hung dinga an lo tung pa kha ana; anlo beisei le ringdan angin a hung naw tlat leiin thlirna tinrenga thlirin Lal Messiah ni theiin an ngai naw a, an ngaituona le suongtuona ah lalin an ruot thei ngang naw a nih. Chuleiin, vawisun chen hin khawvel rambung hrang hranga Juda mi Krista Messia a pawmtuhai chuh Israel khuo le tui nina an pek nuomnaw a harsatna namenlo an tuok reng a nih.

Lal Isu khawvela a rawngbawl laia Juda ram ro inrel dan hi hriet a tul hle- Rome sawrkar hnuoia um Juda ram awptu dingin Governor (Bawrsap) pakhat Rome Sawrkar chun a sie a, zalenna insangtak ( Independent state ) neiin an hnam le sakhuo dana rorel chen phalpek an nih. Chuleiin an rorelna khawlpui insangtak chuh Great Sanhedrin an tia chu ‘Inthungkhawm’ tina a nih. Sanhedrin member chu 69 anna, Presiding Officer pahni leh an rengin 71 an nih. Hi roreltu dinghin mi an dittui em em. Hebrai thla a mi ngei,mi uong thuonglo, nungchang tha, piengsuolna neilo dawlkai tha, hmeltha le inza um, sakhaw mi le mi huoisen, khawvel hrietna tieng khawm insangtak nei anni ding a nih.

Rorel hi an fimkhur em em a, misuol insuo ding relna a chun vote khat chauva an suo nuom tieng a tamlem ani chun a huntawk a; misuol hremding ruok chun vote hni bek hrem nuomtu tieng vote a tamlem naw chun hrem dingin thuthlukna an siem ngai nawh. Chun, misuol hrem dinga an vote seng lem chun hrem lovin an insuo lem hlauh hlak. Chun thina khawp danbawsetu hremna dinga thuthlukna siem ani chun a tul am a tulnaw a zingah anrel zawm kher kher hlak. Asanchu, a, thi ding/hrem dinga anrel pa thiemchang thei danding dapna leia insel ani hlak leiin rel fello le inhmai palh um an inlau lei a nih.Chun a zinga anrel tha nawk a, chutaka vote an hei thlak nawka hrem lo dinga member thenkhat lungril thlaka vote khata alo tam ani vai chun hrem lovin an insuo lem hlau hlak. Sabath tawm Zirtawpni lem hin chuh thina khop suolna nei hai chungchang an ngaituoin an rel ngai naw, a zing Sabath (Inrinni) Ni a sunzawm thei ani ngai naw leiin.Chun, misuol man ding hrim hrim ani chun zan ah an man ngai naw a, an chungchang zan ah an rel ngai bawk nawh.Chubakah, Sanhedrin members le thiempulal haiin mihek phal ani bawk nawh.An fimkhurin misuol hrem hi an inlau em em niin an lang tak.

Chun inhremna annei danhai chuh – Hruihruola vuok, hmun insanga thlak, Ring tan, tuipui a dehawn le Kross a hemde a nih. Chun, hieng hun laia Rome sawrkarin Juda ram enkawltu Governor (Bawrsap) dinga a ruot chuh Pilat ani a; ama hi Spain mi Juda haiin lal tak Kaisar kuomah an ditnaw thu an intlun chun a Bawrsap nina tla el thei a um a nih.Thuneina insangtak pek ani leiin a nuom leh Rome dan hmangin ro a rel a, a nuom leh Juda hai dan hmangin a rel thei bawk.

Lal Isu hi Juda haiin an Lal Messiah dingin pawm theinaw hai sienkhawm khawvel sandamtu dinga Pa Pathienin a hung tir ani si leiin a mawphurna sukpuitling ding chun a mihriem mihriemna a harsatna a tuok ding le thi ding chen hrelawk zingin a nina a puong ta pei el a, thilmakhai a thaw a, Sadukai le Pharisai (sakhuo a mi firfiekhai) hai chetdan indiknawna le Juda sakhuo dan le dun haiin pathien ram a hawl phaknawzie a hei phawrsuok pek pei chun an lung a kheiin anrang thei anga hre hmanga sukbo vat kha an nuom bek bek el chu a nih.

A thuoihruoihai leh Biekbuk a hai lutin Pathien thu an hril a, mi an inchuktir a, a tul leh mithi a kei thova, keibai hai ke’n an inlawn tir a, tawng theinawhai an tawng tir a, a puonhmawr tawk ringawt khawmin mi an dam a, a fena tieng tieng mipuiin an zui a, a kar leh thlaler ram tawl a mipui a sang a sang tel fakding a sukpung pek. Hienghun lai a lalna inchu pawlhai le sakhuo tieng a firfiek sum le pai ringawt ngaituoa Pathien hming sala rawngbawltuhai tading chun theida a um ding reng chu nih. Vawikhat lem chu Pharisai le lekhaziektu haiin thawtha inti em emin Nuhmei uire an hung thuoi a ‘Pasal le a um lai tak kan mana Mosie danin lung deng hlum ding a ni’ tiin. Isu ruok chun Mosie dan sawisel chuong lovin ‘nangni laia suol neinaw takin deng hmasa rawse’a ti el a, a deng hmasa ngam an um nawh; misuol anni an inhrietchieng leiin a rukin an inrel hmang vawng el.Ei sakhuo puithiem thenkhat puon senduk hak thei chin hai leh in ang vel mei an tih. Jerusalem a chawimawina a hei chang chie lem khan chu an lung a sen zuol sau a nih.

Chuongchun roreltu le sakhuo tienga a firfiek le thiempu haiin Juda dan khermei po po sie hrein misuol tawpkhawk hremna insangtak Kross a hemde tumin an pungkhawm a, hekna ding point an zawng ta ngat ngat a –‘ Pathien biekin hi thiek unla nithum sung bawlzo kati’ati leiin pathien a hril siet ani ti dam, Kan mipui hai a suk khaw hlova, Kaisar kuom a siechawi(Tax) a khap ti dam le ‘Juda hai Lal kani a tih’ ti le dang dang phuok belsa peiin hekna an siem ta a. Hienganga hmelma tamtak a nei leiin man ani ding le a thi ding a hrietlawk leiin a thuoihruoihai ko khawmin Jerusalem a Tarik 6,Ningani 30 AD zan a LALPA ZANBU fak puiin Jerusalem suoksan derlo dingin thu an cha ta a; chuzo chun Olive tlanga Gesmani huon tieng chu panin an suok ta a nih.Hi tum hin a ni Lal Isu zan khawvar a tawngtai a ‘ A thei hram chun ka hma no hi mi dawmsawn pek hram rawh, amiruokchu i thu ni raw seh’ tia apa kuoma a hnina hmun le beidawng taka tlantui thisen ang far zawi zawia a tawngtaina ngei chuh. Mipui an sosang nasa a, heka a um angin Rome sipai hai chun Isu zingkar Dar 3 vel chun an man ta a nih.

THLINGLOVIN AN NGAI HRAM HRAM
Chuonga an man phing chun rorelna in pangai a rel lovin Thiempu Lal Kaiapha in ah a chungchang an rel a, chuzova Bawrsap Pilat hma ah an thuoi phei nghal a nih. An dan a khirin a tha lawm lawm veileh Lal Isu bawsiet chungchang thu relna ding ruok chun an danbu le en mil thei a um ta reng reng naw chu tie. Mi suol man ding chun zan a man awilo Lal Isu ruok chu zanril a man a nih. An danin Sanhedrin members annawleh thiempu Lal hektu a thang theilohai kha a hmathuoitu’n an thang, Bawrsap Pilat hlak a sin a thlak an lauva mipui pungkhawmhai Kross a hemde dinga anlo khek zing bawk leiin a thiemthu khawm a hril an phal nawh.Hi lei ringawt khawm hin dan anva hei bawsiet nasa ngei de. An hekna popo thina khawp a um nawh ti hrezingin Bawrsap Pilat chun‘An diknaw/a suolna ka hmu nawh, hi mifel thisen chunga hin kan thieng a nih’ ti hielin Kross a hemde ding a peksuok ta a nih. Ava mak lawm lawm ngei de.
Kross hemde khawpa misuol chungchang relna ah danhremihai suidan chun hiengneka indiklo,tirdakum le lepchie hi ala um naw a, um nawk thei ding chi khawm an nawh ti hiel a nih. Herod Antipas chun nang Juda Lal maw ini ti elin puon senduk an siltir a, hlinglukhum inkhumtirin, a thenin a hmai an ben a,an vuok a, thenkhatin hmusit em emin an chilsak khum bawk a, an hemdena ding thing input tir a Kalvari tlang Luruhmun tieng chu an panpui ta a nih.

April 7, 30 AD chun Kross a hemdein zantieng dar 3-4 velin a thlarau an thla ta a. ‘A kin ta’ tia a thlarau a hei inthla meu chu khawvelin a en ngam naw, an thim thuop el a, simkhawlei an hning a, Jerusalem puozar ropui an thlersuok a mipui le an hotu thenkhat lem chun mak an ti em em a, hienghi ani chun thonawk tak tak a ti tiin a thlan a ruong siena hmun khawm sipai thuo tamin an veng kha ani reng a nih. (Source : Thina Rapthlak By Prof. L.Fimate).

A naka thisen hung luongsuokin ei suolhai an tleng fai a, Zawlnei Isaiin kum 600 hma a alo hril lawk ang khan an vuok invuolna hai leiin sukdamin ei um a, ei suol maw chu Lal Isu chun ami lo phur pek ta a nih.

Aw thisen, thisen hlu; Vanram mi hawng pek tu.Vanram ka thlungpha chun,
Ka hla tawplo ding chuh,Thisen,Thisen,Thisen,Thisen;Tiin malovin sak ka ti.

tiin hla anlo siem a, a thina hmun Kalvari, mi tisim tlang, tlang thlavai um, Juda nupui haiin an nauhai tap rena ding a, inthina taka an hmang hlak kha, Lal Krista’n ei suolhai intlanna dinga a thina tlang, vawisun chen a mi po po hmu nuom le hril nghawk theilo tlang mawi Kalvari ani talem leiin, a thini champha a Kalvari tlang ngei a hmang nuomin kum tin mi tiemsenglo an fe a, khawvel pumpuiin ei insera, a hming khawm GOOD FRIDAY (ZIRTAWNI THA) ti a nih.

CHINA RAMA BIEKIN THIEK DINGIN THUPEK A NIH, KRISTIEN HAIIN SUKSIE LO DINGIN SAWRKAR AN NGEN

China rama Khristien tamna hmun taka hril eastern province of Zhejiang a chun Biekin le Cross lim phun a umhai chu sawrkar thuneitu haiin thiek ding le suksie dingin thu an insuo. Hienga Biekin thiek dinga thu an pek nasan tak hi hrietchieng an naw a, thuneitu thenkhat hai chun building bawldan dan a kal leia thaw a nih tiin an hril. Sawrkawr tieng panga thuneitu hai hi ringnawtu anni leia Kristien sakhuona an dona le beina in an hril bawk. Hi le inzawm hin karhmasak a'nthawk khan Wenzhou khawpuia Sanjiang Church (ahnuoia thlalak) biekin ah mipui sangtel pungkhawm in Biekin suksiet a um ding chu an venga sawrkar thuneitu hai kuoma suksie lo dingin ngenna an siem.

Biekin thiek dinga thupek hi pa 10 lai zet a ni a, chuonghai laia lientak chu Presbyterian hai Biekin Sanjiang Church hi a nih. Hmun thenkhat a hai chu cross lim phun a um hai khawm thiek mek a nih.

Kum 6 sung zet, million 4.6 lai zet senga Sanjiang Church (Protestant Church) bawlthara um hi sawrkar in April 3 khan ni 15 bo hma ngeia thiek dingin thupek ansuo a, amiruokchu Kristien hai pungkhawm in Biekin thiek a um nawna dingin a hmaah chun an ngir tlat a 'human wall' siem in, venghim an tum a nih.

Hi mipui pungkhawm hai laia upa pawltak Li Jingliu (56) chun hienga misuol hai hi a lungsiet hle thu le Kohran mi le sa hai chu u le nau, sungkhat vawg kan ni a, hienghin kan biekin venghim dingin kan inthawkdawk a nih, tharum a thaw kan tum naw a, tawngtaina leh thang kan lak a nih tiin a hril. Vawisunni chen hin an la pungkhawma, iengtinam hma an lak pei ding hriet ala ni nawh.

Watchdog group Open Doors hai chun China ram hi Kristien dodalna nasatna tak rambung 37 na ah an sie a nih.

Meghalaya in Miss North East 2014 a lak

Zanizan (12 April, 2014) khan ITA Machkhowam, Guwahati hmuna Sunsilk Mega Miss North East 2014 finale nei a ni a, Natasha Wahlang of Meghalaya (Middle) chu Mi

ss North East 2014 a dingin thlang a nih, 1st runner-up chu Archana Barman of Assam a nia 2nd runner- up chu Leni Ralte of Mizoram (Left) a nih. Hi taka ding hin northeast nunghak hmeltha mi 36 (Top 36) hai thlangdawk an nia, ei Hmar Nunghak hmeltha Juliet Ralsun khawm thang ve in vangduoithlak takin Miss North East nina chu a chang phak ve ta naw a nih.

Khaddum, Jaintia Hills, Meghalaya

Meghalaya State sunga Hmarhai Hnam pakhata zieklut an nina thochuon chu Jaintia Hills-a Hmar khuo pakhat KHADDUM hih a nih.

Hi khuo hi a khawhming Hmarhai laia ko hmasak ani dan a chun PAWNGARAM ti a nih. A khawsattu, Pu Pawnga hmingchawi a ko alo ni hlak. A khawhnungah, THATDUNG tiin an thlenga. Thatdung thumal a hung piengdan an taptebultiti na a chun hieng hin an hril hlak, Thatdung khawhlui thlanga chun saktieng hnot zawnga vadung pakhat a luonga, chu vadung a chun ramsa an thathai sa an channa hmun ani leia “sathatna vadung” ti hmingchawia an inbuk el niin an hril hlaka. An hril pei dan chun. a rammi Khasi le Jaintiahai chun THATDUNG tia ko chu an thiemnaw leiin, a khawhnungah THATDUNG aiin KHADDUM tiin an hung ko taa; chu kona chuh sawrkar hriet hung hlaw ta lemin, a rammihai ko sawngin a um ta niin an hril. Hriet hmailo ding chu hi khuo (Khaddum) a hin Pu Pawnga Hmar le a thlahai mi tlawmte umhai lei chauva Hmarhai hih Meghalaya State sunga hin hnam pakhata hriet an ni chau a nih.

Khaddum Leilak

Pahuoisen, parorum, sahrang le khawhrihai chen khawma an ingamlo; ngam neka a hnawt zam lemtu, Pu Pawnga, chu hming chuh a naupanglaia an khuo Buolmuol (N. C. Hills) khawmi haiin an kona, a hming indiktak, Tiengzapsu, nau a nei hnungah a naupa hmingchawia Thathleipa tia an ko, Hmar pahnam sunga Khawbung Pangamte, piengzie a pa vantlang, pa sanei, pa hmai intawl tieng, pa phawk tak el; ama chu a nih, Khaddum khawsattu ‘Pawnga’ an ti chuh.

Hi khuo hi Kum 1948 January 13 khan Pu Pawnga kuomah, U Khlu Sutnga biela Doloiin a ram a pekna lekha ziek ngeiin a peka, sienkhawm, sungkuoa an hluo tak tak hun ruok chu April (Thlatun) ni 29 khan ani chau a nih.

Khaddum khuo hi tuhin in 40 vel um'n kohran pakhata (ICI) inlawi vawng an nih. An khuo hi motor lam a la tlung naw a, iemanichen ke a lawm la ngai a nih. A hnuoia thlalaka leilak pangzat um tak khu thal lai naw chu hraw ngei ngei ngai a nih. An ram hi ram hausatak kumkhata vawikhat chau hlol thlo ngai chi ang kha ala nih. An ram ahin ramsa le nga anla tam em em an fak zawngna tak khawp ani bawk a nih. An khuo bula vadung a ringawt khawm zankhat sungin nga phurkhawp zet an la man thei hiel a nih. Chu naw baka a ram ahin chineilung (limestone) tha chi hi a tam a, nakie chu a bul hnai um cement company hieng Star Cement, Topcem, Adhunik le dangdang hai khawm'n anla hung beisei vat ring a um. Inchukna tieng ruokchu sawrkar sikul Upper Primary chen a um.

 # Ei Columnist Pu Louis L Keivom article "Meghalaya-a Hmarhai- A Document" ti a ziekna ami ramtina mi lakkhawm a ni bakah belsa met a nih.

 Pic Credit: Ezra Lalramsan Darngawn

Hmar Music Videos

MIZORAM PUM HUOP TOTAL BANDH KHAUH TAKA NEI A NIH; ELECTION BOYCOTT NAW EL THEI

Aizawl, April 7,2014: Darkar 72 aw ding Mizoram pum huop Total Banh chu vawituk dar 5 khan khauh taka nei a ni a. Bandh duty NGOs member khawm Aizawl kawtthler hmuntin le lamlien a hai an tha hnem hle. Biekpaw thei chinah total bandh hi district headquarter dang dang a hai le thingtlang khaw thenkhat a khawm khau taka nei a nih. Hi lai zing hin Mizoram simtieng Lawngtlai le Saiha a hai chun Bandh hi nei a ni nawa, sawrkar office, college, school, dawr le bazar le office hrang hrang hai chu khailak um loin hawng a nih. Lawngtlai le Saiha ah Bandh hawihawt a ninawna san hi tlawmngai pawl CYLA le MTP hai thataka fiel le inhriettir an ninaw lei a nih. Chanchin dawng danin zing (Thawlenni) hin Lawngtlai le Saiha a khawm khau taka hawihawt ding ti a nih.

Mizoram-a tlawmngai pawl le student organizations (NGOs) -5 (YMA, MUP, MHIP, MZP le MSU) hai i hawihawt total bandh hin mipui tawiawmna(support) a dawng tha hle a. Security forces, chanchinbumi, Hospital staff le civil thenkhat damnaw in entir ti naw chu mihriem inlawn le suok an um naw bakah, motor inlawn hmu ding a um nawh. Election official hai khawm dang chat an ni a, motor tamtak election duty a fe dinghai chu dang niin, High field, Zarkawt-ah sienkhawm an nih.

Hi lai zing hin Election Commission of India (ECI) chun emergency meeting vawisun dar 10 khan ko in Mizoram NGO Co-Ordination committee chu tawngbau in bandh suk tawpa MP election chu Mizoram sawrkar rawtna angin April ni 15-a nei dingin a ngena. Tuikuk (rieng) chuchang hrilin ECI chun “dan ang taka iengkhawm buoina um lo a vote tlak a ni leiin vote hi tiem lo thei lo a nih” ti NGO Co-Ordination committee an hriettir a, sienkhawm hma tieng peiah Tuikuk hai Mizoram puotienga vote an tlak phal ni ta naw nih tiin tawng bauin a hril. NGO Co-Ordination committee in ECI chu tawngbau veka inhriettir in a ngenna chu a pawmnaw thu a hrila. “Kan thiltum chu Mizorama election boycott a ninaw a, Tuikuk vote I naw raw se ti a ni lem” tiin ECI a dawn.

ECI rawtna (proposal) chungchang ngaituo dingin zantieng dar 3 khan MUP Gen. Hqrs Office-ah NGO Co-Ordination committee, MP candidates le party awiawhai emergency meeting nei a ni a. Hi meeting a hin MP candidate 3 hai chu thlangtling an lo ni khawma Mizoram pumpuiah 50% neka tam vote a tla naw chun in ban (withdraw) nghal dinga intiemkamna (undertaking) in nei tir tum an ni a. Sienkhawm party candidate hai hin an ni thua thutlukna siem thei an ninaw leiin party leader-hai leh la hriltlanga chu zo ah chanchin lan hrepaw pei dingin NGO Co-Ordination committee an ngen. Political party hai hin total bandh hi Mizoram pumpuiah khauh taka nei thei a ninaw ding leiin, hmun thenkhat a hai vote tlak a ni chun ECI in a thawdan pangai angin vote tla ang ang chu a pawm tho ding ni a an hriet leiin NGO Co-Ordination committee chu election chawkbuoi lo hram dingin an ngen a. Hi le inzawm hin party tin chu vawi zan la la khan emergency meeting neiin, zan dar 9 hin NGO Co-Ordination committee hai leh meeting nei nawk ding ti a nih. Hi thu ziek a ni lai hin NGO Co-Ordination committee le political party meeting thusuok hi hriet a la ni nawh.

NGO Co-Ordination committee chun hmun tina NGO branch member hai chu duty dinga inthawsuok dingin an hriettir a, vawizan hin khawvar zakin duty an tum a nih.

~Henry L Khojol Hmar