HSA Delhi: Congratulatory Note on Clearing the UPSC CSE 2024

The Hmar Students' Association, Joint Headquarters Delhi, extends our warmest congratulations to Mr. Jerry Lalhratthang Buongpui (AIR 999 CSE 2024) on his incredible achievement of clearing the UPSC Civil Services Examination 2024. We are deeply thankful to God Almighty for answering the prayers of His people and for lifting one of our own to such a significant milestone.

At a time when the Kuki-Zomi-Hmar community continues to face the pain and uncertainty brought on by the ongoing ethnic violence in Manipur, Jerry’s success brings a sense of hope and encouragement to us all. His journey reminds us that even in times of suffering and displacement, determination, faith, and hard work can lead to meaningful change.

His achievement is more than personal—it is a shared moment of pride for the entire Hmar/Zohnathlak community. For countless young students across the region, especially those from conflict-affected areas, his success has become a powerful beacon of hope that dreams can survive and thrive, even against the odds.

The HSA JHQ Delhi celebrates this moment with deep joy and admiration. We pray that God continues to guide Jerry L Buongpui as he enters public service, and we hope he will become a compassionate and courageous leader for our people and a voice for those who are often unheard. We wish him continued sucess, wisdom and courage as he takes on the responsibilities of public service.

Issued by:  

Hmar Students’ Association, Joint Headquarters Delhi

HMARTOB NC Hills Assam: INHRIETTIRNA LE FIELNA

The 36th Hmar Martyr’s Trophy Football Tournament – 2025, HMARTOB NC Hills Assam chu, Mahur Zone a an nghat ding a nih. A hun dingin, Ni 29th April – 16th May 2025 ning a ta. A hmun dingin Mahur Playground (Mahur Bazaar) ning a tih. Hi Football Tuornament a hin Hmar nau taphawt hung ṭhang seng dingin eiin fiel a nih. 

Hriet ding pawimawhai:

* Entry fee : Rs. 2000.00 (Sânghni)

* Last date of entry fee submission : 25th April 2025 (Zirtâwpni) zân dar 8:00 chen.

* Last date of team entry : 25th April 2025 (Zirtâwpni), zân dar 8:00 chen.

* Fixture draw date : 26th April 2025 (Inringni)

* Opening Ceremony : 29th April 2025

Lâwmman

Team

1. Champion : Rs. 30,000.00 ( Singthum)

2. Runners Up : Rs. 20,000.00 ( Singhni)

3. Fair Play : Cash

Individual

1. Best Goalkeeper

2. Top Scorer

3. Man of the Match (For final match only)

4. Man of the tuornament

N.B

1. Team/Clubs hming hung pe a, entry fee a hunbi tarlanga um anga pe naw tuhai chu, fixture a, in team/club hming in chuong ni naw nih.

2. Thildang hrietding pawimaw le ṭula umhai chu, inhriettirna insuo ni pei a tih. 

For more details, Contact: 8453748270 /7002577094 /8753870323

Sd/

Hrangtawnlien Hmar

Chairman

HMARTOB Sports Committee, Mahur Zone

Sd/

Lalchungthang Tuolor

Secretary

HMARTOB Sports Committee, Mahur Zone

Pic: Martyrs Day 2019 @Saron Mahur

Hmar Inpui The 10th Executive Council & 14th General Assembly 2025 Programme

THE 10th EXECUTIVE COUNCIL – 2025 PROGRAMME

A hmun: Sakawrdai, Sinlung Hills, Mizoram.  

A hun: April 23, 2025 (Wednesday at 10:00 A.M)

Moderator: Rev. Rohminglien Pakhuongte, Speaker, Hmar Inpui.  

Devotion: Rev. Joseph L. Khawbung, PS, ICI.  

Inhmelhriettirna & Hminglamna: Assembly Secretary.

Business Session

1. HI Constitution Revised and enlarged entlângna.  

2. Agenda: A hunah agenda copy sem ning a tih.

Closing Prayer: Pastor Solomon Inbuon, RPC NEI circle Pastor.

(Signatures)  

(Up R. Tawna Khawbung)  

Assembly Secretary  

(Rev. Rohminglien Pakhuongte)  

Assembly Speaker

Notes:

1. Registration Fee mi pakahthak Rs. 100/- pei pêka, Badge lâk ding a nih.  

2. Palai Registration thaw lo le Badge neilo hai chu programme-a an ṭhang phal ni naw nih.  

3. Palai, thlunga ding neilo hai ta dingin Sakawrdai khuo in tlung-in an butosai ding a nih.

__________________________________

THE 14th GENERAL ASSEMBLY – 2025 PROGRAMME

A hmun: Sakawrdai, Sinlung Hills, Mizoram.  

A hun: April 24, 2025 (Thursday at 10:00 A.M)

Moderator: Rev. Rohminglien Pakhuongte, Speaker, Hmar Inpui.  

1. Devotion: Rev. Langminthang, PS, EFCI Sakawrdai Presbytery.  

2. Condolence: Manipur buoina leia Zo hnatlak hringna chânhai.  

3. Inhmelhriettirna & Hminglamna: Assembly Secretary.  

4. Presidential Address: Rev. Ros Infiemate, President HI GHQ.  

5. Report from: Finance and Audit Statement.  

   (a) Finance Secretary, Hmar Inpui GHQ.  

   (b) Finance Secretary, ERFC.

Business Session

1. The 9th Executive Council le the 13th Assembly-2024 Resolution thlirletna le hmalakna:  

   General Secretary HI GHQ.  

2. Assembly karlaka Executive Committee hmalakna report le hriltlângna:  

   General Secretary HI GHQ.  

3. The 10th Executive Council thurel hrilṭlangna le pawmpuina.  

4. Agenda:  

   1. Manipur buoina le inzawm hriltlângna.  

   2. Agenda detail a hunah sem ning a tih.  

6. Election of HI OB for the term 2025-2028 (March): Election Commission.  

7. Vote of Thanks: Romeo Hmar, Vice President, HI GHQ.  

8. Closing Prayer: Hmar Christian Leader’s Forum.

(Signatures)  

(Up R. Tawna Khawbung)  

Assembly Secretary  

(Rev. Rohminglien Pakhuongte)  

Assembly Speaker

HYA-GHQ Press Release: April 20, 2025

Secy. Information, HYA-GHQ in Press Release 20th April, 2025 ah a suksuok a chun hi ang hin a tlangzar:

Press Release

20th April, 2025

1. April 19, 2025 chawhnung dar 2 PM khan Hmar Youth Association-General Headquarters (HYA-GHQ) in Office Meeting Hall, Rengkai, Tuiṭhaphai ah Executive Committee meeting pawimaw tak neiin Agenda 2na ah HYA-GHQ term chungchang ngunthluk taka ngaituo a ni a, Manipur buoina namen lo fe mek leiin ti anga thil zuk thaw harsatna a um leiin inthlahrungtakin lotheiloa HYA-GHQ Constition "Article 11: Miscellaneous (3) Hnam sûng buoina lei, harsatna dang dang leia General Headquarters/Joint Headquarters Conference ko remchâng dinga an lang naw chun, General Headquarters-in hotuhai term chu kum khat chen suksei thei a tih." ti besanin Resolution 2na ah December 25, 2025 hma ngeia 14th Triennial General Conference -cum- Election (2025-2028) nei ngei ding le thil ṭul ding hai lo sukfel hman vawng dinga thutlukna siem a nih.

2. Hriet angin HYA hi Manipur buoina fe mek le inzawmin a ṭul ang peiin theitawpa tlawmngaia sawmdawlna sin thawin, mawphurna rik le pawimaw tak pek a ni angin buoipui ding neu neu khawm a tam hle a, Hmar Inpui Executive Council, General Assembly -cum- Election 2025-2028, April 23-24, 2025, Sakawrdai, Sinlung Hills, Mizoram a um ding a khawm General President le General Secretary bakah IDP-hai fak le dawn, mamaw chi tum tum buoipuitu hai lem chu an ṭhang thei naw ding a nih.

HYA Joint Headquarter le Branch, Hmar hnam mipui haiin ei lo hrietthiem seng nuom a um.

Siet ni le ṭhaṭ ni ah kan bel lai kan suong lungpui HYA vul zing raw seh!

Hnam ta dinga in ṭhahnemngaipui;

Sd/-

(LRS Puruolte)

Secretary Information,

HYA-GHQ

HYA Dimapur Inhriettirna

OFFICE OF THE

HMAR YOUTH ASSOCIATION (HYA)

Half Nagarjan, House No. 965

Dimapur – 797112 : Nagaland

Ref No. ..............................................................

Dated: 11-04-2025

INHRIETTIRNA

Ei khawvel khawsakna inthanglien pei le ei hnam bika hmelma nei anga um ei ni bawk leh, HYA Dimapur Branch in Hmar mi tukhawm Dimapur Nagaland a khawsa le um dinghai kuoma inhriettirna ei siem hi ngaipawimaw dingin ei inngen tak meu a nih.

Mi tuel khawm (Hmar Nau) Dimapur, Nagaland laia khawsak inbengbel ding/sumdawng/school/college kai dâm, annaw leh Government service neia posting hai hrim hrim in, ei Hmar society in ei i nei HYA a hin inziek lût ngei ngei dinga inhriettir ei nih.

Siet/that tuokna thua mani hnam society khawm bél nachang hre lo hai leiin HYA Dimapur Branch inin harsatna tamtak a lo tuok ta leiin, tukum 2025 anthawk chu mani hnam society bél nuom lo hai chu ngaisak ta naw nih. Chun, mi hnam kara um ei ni leiin inthuroal taka hna ei lâk theina dingin ei hnam society hi bél dingin ei hung inhriettir a nih.

HYA Dimapur a inziek lût nuom le chanchin indawn chieng nuom hai chun a hnuoi a ei ziek contact number a hi indawn chieng thei ni’ng a tih.

Solomon,
Secretary,
HYA Dimapur
Contact No.: 8837014096

sd/-
Secretary,
HYA Dimapur

Hmar Inpui 14th General Assembly Election Commission: Inhriettirna

HMAR INPUI 14ᵗʰ GENERAL ASSEMBLY ELECTION COMMISSION

Ref. no 1/HI-14GA-EC2025/02

11/04/2025

INHRIETTIRNA

Hmar Inpui Assembly Secretariat-in March 11 le March 31, 2025 a inhriettirna a siem dungzui a April 10, 2025, zantieng dâr 6 chena nomination pelûtûhai chu a hnuoia ang hi an nih. March 11, 2025, zing dâr 7:30 hin enfelna sin (scrutiny) thaw a ni a. A hnuoia hming târlanga umhai hin Hmar Inpui Inawpdan (Constitution) Article 12 le 26 in a phûthai an sukpuilting seng a. Hmar Inpui inthlangna hmasuon dinga tlâka pawm an nih.

Nomination pelûtûhai inhnûk dawk thei hun sûng chu April 15, 2025, zantieng dâr 6 chen ning a tîh.

I. PRESIDENT

1. Lalrothang Infimate
   S/o (L) Ruia of Shanveng, Rengkai, Manipur

2. Joseph Ramhmingthang Hmar
   S/o (L) Lalthangmawi Hmar of Imphal, Manipur

3. Rev. Ros Infimate
   S/o (Rev) HL Ngura of Saikawt, Manipur

II. VICE-PRESIDENT

1. J. Lalvarlien Puraite
   S/o Darsavung of Zuangtui, Aizawl, Mizoram

2. T. Romeo Hmar
   S/o Kapniang of Muolvaiphei, Manipur

3. Rev. Dr. V. Lalnghakthang
   S/o Rev. Lalthlunglien, Rengkai, Manipur

III. GENERAL SECRETARY

1. Immanuel Pulamte
   S/o Dr. Lalkhawlien of MSVT, Aizawl, Mizoram

2. Rev. V. Lalṭhalien Zote
   S/o (L) Pastor S Hlunthang of Sielmat, Manipur

IV. JOINT SECRETARY

1. V K Pakhuongte
   S/o (L) Liensangluoi of Sielmat, Manipur

V. FINANCE SECRETARY

1. Rev. Tlanghmingthang
   S/o Upa N Tuolien of Rengkai, Manipur

VI. TREASURER

1. Lalhmingsangmak Joute
   S/o (L) Sailienlung Joute of Rengkai, Manipur

Rev. Lungawiruol Khawbung
Secretary, HI General Assembly Election Commission

Formation of Joint Monitoring Group for Harmony by Hmar Inpui & Zomi Council

In elaborate pursuance of the Joint appeal for peace dated March 17, 2025. issued jointly by the Hmar Inpui and Zorn Council And in consonance with the commitment for peaceful co-existence, mutual respect of rights, traditions and aspirations of the two Imps. 

And to ensure that violence, hatred or division, and misunderstanding among the two communities are settled at the appropriate level without disrupting the community at large.

The following community leaders are appointed as members of Joint Monitoring Group for Harmony.

DHWA in thusuok pawimaw a siem

DELHI HMAR WELFARE ASSOCIATION

THUSUOK
Dated New Delhi:  February 24, 2025

Khawvel khawsak insang lem beiseina leiin eini Hmar nauhai khawm kum tinin India hmar sak state: Manipur, Mizoram, Assam, Meghalaya le Tripura haia inthawkin vai ram khawpui zuon thar ei pung pei a. India hmar tieng khawpui hieng Delhi le a sevêl, Gurugram, Noida, Greater Noida bakah Rajasthan, Himachal Pradesh, Chandigarh sûnga ngei khawm fakzawng le inhlawna awlsam lem zawng ei hung pung pei bawk. Hieng ani lei hin ei harsatna tuok hai le inbuoipui ei ṭul dan hai khawm a danglam pei a. Hmarnau ei nina anga siet le ṭhat ei tuok hunah fel lema ei insawmdawl theina ding, thil ṭha naw chi hran hran laka inthawka ei fihlim theina ding le fel lema ei invawng theina dingin vairam khawpuia khawsa hai le la hung zuon mek ding hai ta ding chau ni lovin ei ram tienga um nu le pa haiin ei hriet le zawm dingin a hnuoia thurawn hai hi siem a nih:

1. Vai ram khawpui lien a hai khawtlang le hnam thilah Hmar nauhai inkhâi khawmna Khawtlang le Sakhuo thilah ei nei deu vawng a. Mani umna peiah hieng Hmar hnam hminga inkhawikhawmna hai hi bêl tlat ding a nih. Mani umna khawpuiah hieng hai hi a lo um naw ani chun mani umna hmuna inthawka hnai tak ngaiven ding a nih. 

2. Tangka sum hi a hlu a, mitin mamaw khawm ani a. Amiruokchu, awlsam taka sum lam suok nazawng hi a ṭha in a him vawng nawh ti hriet tlat a ṭha. Khawpui a hai hin inhlêmna chi hrang hrang, a bikin nuhmei tadingin mani taksa inzaumna chen suksie thei khawpa sum lamna ṭha lo a hluor hle. Hieng hai laka hin fimkhur hle ding a nih. Mi nazawng le hriet chieng lo haiin, ‘chu lai, kha lai chun hlaw a ṭha, sin a ṭha’ an ti lei ringawtin mani nau nuhmei hai khawpuia inhlaw dingin tir nghal lo dingin ei infui a. Thil hrie lem hai indawn fie zet a, a him le him naw hai dam la bêl chieng hmasa zet hlak dingin nu le pahai ei in ditsak a nih. Hriet chieng naw leiin vai ram khawpuiah mani nau hai sinthaw dinga hung tir a, a hmunah beisei ang hmu ta lo, mani khuo tieng kir nawk el dinga laklaw a buoi, mihriem sie le ṭha hrietna khawm dawn zo ta lova khawsa zawm pei ei um hlak ti ei hriet nuom a um a, hieng hi ei tuok nawna dingin nu le pa hai ei fimkhur a ṭûl takzet a nih.

3. Vai ramah mimala (sungkuo ni lo)  khawsa hai tadingin Local Guardian nei ngei ngei ding a nih. Mi tu el khawm siet le ṭhat, vangduoi leia damnaw/accident hai tuok thei vawng ei ni a. Hieng huna hin a khawtlanga buoipui ṭul po po zo el thei naw châng a um hlak. Hieng ang huna ding hin local guardian nei a pawimaw zuol. Local guardian ding remchang hmu hlawl naw ani chun mani umna hnai taka ei Hmar chanpui hai dam inpawpui a, chanchin inhrietpaw pui zing hlak ding a nih. Khawpuia hospital ṭha lem pan dinga hung hai ta dingin, mani sung le kuo hnai, ruol le pai annawleh hmel hriet, khawpuia lo um ta sa hai zawng suok a inbiekpaw pui hmasa hlak hi thil bengvar tlak tak a nih. Vai ram khawpuiah harsatna lien lem ei lo tuok pal ani chun awlsam lema ei inbuoipui theina dingin sung le kuo hnai, ruol le pai le hmel hriet ei lo nei naw khawma a khawpuia Hmar welfare ṭhuoitu hai bêk inbiekpaw pui ding a nih. 

4. Delhi khawpui le a sevêl bîka dingin, hieng Delhi Hmar Welfare Association (DHWA), Hmar Christian Fellowship Delhi (HCFD) le Hmar Students Association (HSA) Joint Headquarters Delhi hai ei nei a. Hieng pawl pathum hai hi Hmar nau taphawt chun in sukchawngpu a bêl tlat hlak dingin le a sukvultu ni pei dingin ei infiel thar a nih. Khawtlang puipung ni khuo chi hrang hrang: Sikpuiruoi, Sikpui Sport, Mithi Ral le a dang dang haiah a tam thei anga ṭhang hi Hmar hnam zie mawi chawisangna ani bakah hnam khat ei nina anga insawmdawltuona ani leiin ngai pawimaw hle ding a nih. Chun, Delhi khawpuiah Hmar hnam besana kohran ngir lai, Hmar Christian Fellowship Delhi in Pathienni chawibiek inkhawm, Nilaizan ṭawngṭai inkhawm le chawlkâr tawp vengbuk inkhawm a huoihawt hlak a. Pathien thutak inchûktirna kawngah hun pawimaw ani el bâkah Hmarnauhai inhrietpawna dawkan pawimaw ani leiin a tam thei ang ṭhang hlak ding a nih. 

5. Delhi khawpui le a sêvêla khawsa hai le la zuon thar pei hai ta ding bîkin, kum tin Annual Registration nei hlak a ni a. Puitling pakhatah cheng 250 le naupang pakhatah cheng 100 pei Registration Fee lâk sa ani bawk. Annual Registration hi fel lema Hmarnau hai ei invawngna dinga thil pawimaw tak a ni a, Registration Fee ei lak khawm hi siet le ṭhat ei tuok hun le Hmar hnam rawng ei bawlna kawngah sum le paia mi phuhruktu ani leiin Annual Registration hi ngai pawimaw dingin ei inngên a nih.
             
(Lalhmingthang Songate)                                                  (C Hrangthangvung)
Secretary                                                                                  Chairman

Zo United le ITLF a Pu Lalthomlien Hmar lekhathawn

 To 

1. The Convener/Secretary 

Zo United 

2. The Chairman/Secretary

ITLF 

Sub: Pu Biren Singh, Chief Minister of Manipur ka hmu ding thu kha.

Pu hai,

Ahmasatak in Lalpa Isu hmingin inrengin chibai.

Tulai khawvel ngaituona hai atha tanaw lei hin ei ram Manipur sung ngei khawm buoina a la chawk zing lei hin mipui le hotu hai chawlna hun nei thaklo in sun le zan in thawk zing ani ti ka hmu leiin tawngtaina hai le lungrila ngainatna hin thil dang hmun an ken theinaw ani ti ka hung hril hmasa anih. 

Manipur sunga hnam le hnam kara buoina lei hin Kuki,Zomi le Hmar chengna hmun hai le mipui hai ta dingin harsatna tuorzo lo chun tapna le beidawngna inkhi ruollo an tlunna ka en hin kan sumzo ta naw leiin Hmar mipui ta dinga Manipur Chief Minister inhmupui a fe ding ti ngaituona chu tuhin KUKI-ZO-HMAR ngaituona lei bawkin ka cancel thu ka hung inhriettir cheu anih.

Hmar ta dinga hmangaina ka nei ang bawkin Mizo, Kuki, Zomi ta dingin ka nei dan an chen char ani leiin ei umna hmun sengah tangkaina le lungril sengna inthuktak chu Krista chanchintha ang el in dettakin an phun zing anih. Chuleiin inthuruolna le ringumna hi ei mamaw tak ani leiin huntawk neilo a chel tlat ni raw seh.

Hmar hnam hi Manipur ah hmunkhat bik deua cheng kan ninaw leiin Assam le Mizoram le state dang a hai khawm kan um ve nasa leiin KUKI-ZO body hmalakna atul anga lo thlawp dingin kan um zing ti mi lo hriepui dingin ka hung ngen cheu anih. Pathien in lungril adit ang bawkin lungrila cheng chu nangni in nih.

Manipur CM chu hmu dinga ka fe ding ti thu kha ka fe ta naw ding anih. Chun ITLF hotu le Zo-United hotu hai inhriettir lovin ka fe naw ding ti hi lo ring tlat dingin ka hung inhriettir bawk anih.

Zo hnathlak damzing raw seh.

Sd/-

Lalthomlien Hmar

Chairman,

Barak Valley Hill Tribes Development Council, Assam

ITAC: Mipui kuoma lawmthu hrilna

 MIPUI KUOMA LÂWMTHU HRILNA 

(Pherzâwl & Jiribam districts) 

Famtah, David Ṭhiek lê Unâu Kuki-Hmar-Zomi-Mizo hai ta dinga indik taka rorêl a nî theina dinga ITAC in inhriettirna a lo insuo ngâipawimaw a, Ram le Hnam ta dinga mâni insin pawimâw tak tak mâksana

lamhraw a pênsuok, mi tlâwmngâihai po po chungah ITAC chun lâwmthû a hril a, Ram le Hnam ta dinga pênsuok thei mipui hiengzât ei um hi ei Ram chu a thlamuong um hlê a nih.

Lamhrâwna nei thei ITAC in a lâkkhâwm thei khuo hai chu hienghâi hi an nih.

1). Talan

2). Rawvakawt

3). Tuolbung

4). Parvachawm

5). Ngampabung

6). Tipaimukh 

7). Kangrengdawr

8). Thingpuikuol

9). Parbung

10). Patpuihmun

11). Upper kharkhuplien

12). Sipuikawn

13). Pherzâwl(Dist. HQ.)

14). Ankhasuo

15). Chungakhal

16). Senvon

17). Taithu

18). Kangreng

19). Phulpui

20). Lungthulien

21). Ṭieulien,

22). Tinsuong, hai an nih.

Jiribam district sûnga chêng Zohnathlâk hai ruok chu, Deputy Commissioner thusuok siem inzâna leiin hi hun hi an hmang thei nawa, nisienlakhawm khuo ṭhen hai a inthawk an thâwthei ang thilthlâwnpêk(donation) hung peiin hi hun hi an hung ngâihlut ve a, ITAC chun an inphalna lê tlâwmngâina leiin lâwmthû a hrilsa bawk a nih.

Indigenous Tribal Villages Volunteers(ITVV) hai ta dinga thawlâwm chawikhâwma umhai, ITAC in hung khawnkhâwm a tih.

 " Ei inthuruolna leiin Pherzâwl & Jiribam districts vênghim-in um zing a tih " 

 - Department of Info. & Publicity 

 ITAC, Pherzâwl & Jiribam districts.

HSA Joint Headquarters Aizawl in DC, Aizawl ah lekha thelût

Aizawl, 03-04-2023

Tulai hnaia SWAMITVA Survey na hnuoiah Sinlung Hills area le Mizoram hmun hran hran ah In hmun le ram en felin LSC le VC Pass siem mêk a nih a. Hi taka ding hin Revenue Department chun Tribe Certificate a demand leiin Online a hni sup sup a nih a. Hi taka hin a hnitu haiin an ni dit dân takin *Hmar* ti a an hni khawm Certificate ah *Lusei* tiin a hung suok pei leiin, hi chungchang hi HSA JHQ Aizawl chun a ngaipawimaw hle a. Vawisun khan Tv Jerry H Pulamte, President inrawina hnuoiah DC, Aizawl ah lekha the lût a nih. 

HSA chun minority hai inzânawna le inchimral tumna ah a ngai tlat a, a en liem mei mei naw ding a nih. Tuta issue a chau ni lovin, Tribe Certificate an lo pêk suok ta po po khawm an dik naw hai siemṭhat hi HSA chun thuneitu hai a phût tlat a nih. An hma tieng DC a lekha thelût a um hi HSA chun a bawzui nâwk vat ding a nih. A ṭul a ni chun District Council & Minority Affairs, Govt. of Mizoram le National Commission for Scheduled Tribes, New Delhi a chen khawm bawzui ning a tih.

HSA chun minority hai inchimral tumna el khelah mimal zalenna insirdena ah a ngai a, a tâwp chenin en zui pei a tih.

             Sd/-

(LALRAMLIANA RALSUN)

Secretary, Information & Publicity

HSA, Joint Headquarters Aizawl

TUOKSIET TUOK SAWMDAWLNA THUA NGENNA LE INHRIETTIRNA

Hriet lawk le inring lawk um der loin thawk le khatin ruopui vanawn a sur leiin chengna in tamtak le inpawna lampui hai a suksiet a, mani in luma um thei ta lo tamtak an um ta bawk a nih. Fak le dawn ding el khawm thlasam tah mi iemani zat an um bawk. Chuong lai zing chun hmun tin ramtin a um ei chipui haiin thangpuina rawl hai hung insuoin, mimal le pawl inphal tak tak ei hnang um mek hi Hmar Inpui Assam Hills Region chun lawmum le ropui ei ti takzet a nih.

Hieng siet tuok hai thangpuina hung thaw nuom hai ta dingin kawt lientak ei hang hawng a, a hnuoia tarlanga um a hin ienglaikhawm phal taka hung pek thei ani ti chu mitin hriet dingin ei hung suklang a nih.

Hmar Inpui Bank Account a remchang naw leiin Finance Secretary Account a hnuoia ang hin thangpuina chu thawn thei ning a tih.

Account Details:

Hming - Zokhawsiem Joute

Account No.: 11315214427 (State Bank of India, Haflong Branch)

IFSC : SBIN0000247

GooglePay No.: 7896420165

Hnam ta dinga in aihnaphapui,

 (LALBANKHUM HMAR)

 Joint Secretary,

 Hmar Inpui,

 Assam Hills Region

DAWNTLÂNG 2022 FIELNA

FIELNA

Tulai khawvel thiemna ansang ta hle a, chu chu hrietzing pumin HSA JHQ Delhi chun hmalakna a hung siem. Eini Hmarnauhai lai ei ngirhmun le ei boruok le inzawmin ‘awareness’ ei nei ve theina dingin hung tlung ding Thlaṭau (March) thla a'nthawk hin HSA JHQ Delhi chun alo rel angin Seminar Series, "Dawntlâng" nei dinga riruong a nih. 

Hi 'series' a hmasatakna ding hi Thlaṭau (March), tarik ni khat, 2022 (01-03-22), 7:00 PM hin nei ni’ng atih a. Hi taka ei thu hriltlang ding chu “Globalization and its impact on Hmar Culture and Society” ti ni’ng atih. 

Khawvel khawsakna a changkang in hma a hung sawn hin ei hnam khawma nasa takin ei lo sawr ṭangkai ve a, hma khawm ei sawn zuol hle bawk anih. Chuonglaizing chun, hnam ta dinga hnung tawlna le sietna rapthlak intlun theitu khawm ani ve thei zing bawk a. Hieng thu pawimaw deu deu hai hi ei dawntlang ding ani leiin mitin ṭhang seng dingin ei infiel mawl mawl anih.

Resource persons: 

• L. Ruoivel Pangamte

Associate Prof. (Retd.) Churachandpur College (English Department) 

Chairman, Hmar Literature Society, Manipur 

• Dr. Paul B Chonzik

Professor, Assam University, Diphu Campus (History Department)

Dawntlang hi online Zoom fe thlenga nei ding a nih a "HSA, Joint Headquarters, New Delhi" YouTube channel ah live a insuo ni bawk atih. Inhnikna nei le a thei taphawt hung ṭhang ngei dingin HSA Joint Headquarters Delhi chun kan fiel cheu. 

For more information, please contact: 

Luke L. Hranngul Vivienne Hrilrokim 

Info. Secy./HSA JHQ Delhi Assistant Info. Secy./HSA JHQ Delhi

Contact number: 9599060885 Contact number: 8376043182 

(SAMUEL LALROCHAN KHOBUNG) 

President

(GEORGE LALNEIKUNG)

General Secretary

 

Hmar Pulpit Bible le inzawma Dr.Chaltonlien Amo a'nthawka inhriettirna

Krista zara unau, Hmar Kohranhai po po kuomah inhriettirna ka hung siem a nih.

HMAR HOLY BIBLE nei theia ei hang um ta hi ropui le lawm um ka ti takzet a. Pathien hratna le ṭhangpuina zar lieu lieu a nih. Pathien chu inpâkin um raw se.

“Kei ni kohran kan chang ve thei ding am” ? ti indawnna hi mi tam tak, Mizoram, Cachar, NC Hills, Shillong le hmun dang danga inthawk ka dawnga. Hmun hran hrana umhaiin inlo hriet thei dingin Media fethlengin ka hung dawn el cheu a nih.

Hmar tawng hmang kohran, Denomination hran hran 19 (sawmpakuo)hai Administrative Head tin ah lekha siemin an kohran biekin tin ah remchang nawna a um naw chun “HMAR PULPIT BIBLE” buotsaia um hi pakhat seng pek ka nuom thu le mani Kohran Biekin hming le address mi hung inhriettir dingin ngenna ka siem a. A release ni September ni 6, 2021 chena Biekin list kan hmu po laia mi Churachandpur phairuom sunga pek phak po Denomination tin Bu khat inhlan phawt an nih a, a dang chu inkhawm ṭin hnungah an Biekin hmun sengah va pek an nih. List a la ṭhanglohai khawm lekha zieka hnina an siem leiin chuonghai chu pêk an ni bawk.

Hmar ṭawng hmanga Biekin inkhawmna po po ieng Denomination khawm nisien bu khat chang seng dinga indai dinga insuttir a nih a, chang seng dingin lo inngai phawt ei tih. A hun le ni ding ruok chu ram dang danga um ei ni leiin inruol kher naw nia, thawn amani, inpêkna hmun ding amani chu inhrietirna la hung siem ning a tih.

Hmar Welfare Society, Guwahati kuoma lawmthu hrilna

HMAR WELFARE SOCIETY, GUWAHATI KUOMAH LAWMTHU:

Dated May 4, 2021

New Delhi

Hripui ṭibai-um tak, Covid-19 fawn hnina in Delhi khawpui a nuoi zing a, Delhi khawpui a khawsa Delhi Hmar Welfare Association (DHWA) member tamtak hi hripui hin a man a, thina tuok hiel khawm an um ta a. Hripui tuor hai tadinga pawimaw em em, ‘oxygen’ tlasam leia beidawngin a khawpui phêkin inrûm ri a so veng vung lai zingin thei ang angin DHWA chun ‘oxygen’ le a bawm ding a dap kuol a. Beidawng tawpkhawkah, Guwahati a unauhai, Hmar Welfare Society, Guwahati (HWSG) ṭhuoitu hai kuomah Delhi Hmarnauhai harsatna chu intlun a ni a. HWSG tienga inthawkin, inhawng em emin hma an hung lak nghal a. Delhi a Hmarnau hai damna dinga pawimaw em em, oxygen cylinder, HWSG a inthawkin dawng a ni tah.

An unauhai beidawng inrûm ri ngaitla a, an theitawpa santu, Hmar Welfare Society, Guwahati kuomah Delhi Hmar Welfare Association chun lawmthu a hril takzet a nih.

(Hrangthangvung)

Chairman, 

Delhi Hmar Welfare Association

Open Letter to HPC(D) (Hmingte Pawl)

 OPEN LETTER

07th October, 2020

To

The HPC(D) (Hmingte Pawl)

Mizoram Base

Hmar hnam hmingin HPC(D)-Cachar chun chibai kan buk cheu.

HPC(D)-Cachar chun Press Release khawm a lo insuo ta a tukhawm Hmar hminga thahnem ngai hai hrim hrim chawkbuoi le suksiet a tum naw thu chieng takin a lo tlangzar ta kha.

Amiruokchu, HPC(D)-Cachar command a um hai chu Cachar sunga Hmar khuo hai a inthawk suok dinga HPC(D) (Hmingte Pawl) Commander kani inti (Rawi Bo) hmingin thupek Headman hai kuoma an hung inhriettir hi HPC(D)-Cachar “ARMED WING” chun a hrietthiem nawh. Silai puma mani district (Area) a inthawk suok dawk dan ding a um naw bawka a nih.

Chuleiin, tuta hnung chu hiengang inthina le inchawkbuoi nuomna tawngbau le khawsak hai suklang nawk ta lo dingin HPC(D)-Cachar chun HPC(D) (Hmingte Pawl) hai kuoma kan ngen cheu a nih. Insukbuoina le inthina hai hin Hmar hnam ami chawisang naw ding ani leiin lunginsiet taka mani umhmun senga ei inthuruol hi kan phutna ve cheu a nih.

HPC(D) (Hmingte Pawl) hi Mizoram a thil beisei nei inni leiin in Area a chun lungril inlen lem inla Cachar District hi in Area niloin inhumhimna dinga a tira inthawk in lo hmang ani ti theinghil loin Cachar hi kan Area ti ta ngailo dingin kan hrilfie nawn cheu a nih.

Cachar hi Hmar Sipai pawl po po a ding chun HPC(D)-Cachar Area ani lem tak, Chuleiin inhumhimna dinga in hmangna kawnga hin harsatna kan nei naw ti chu kan hung puong nawn nawk a, Lungril thalo puta in khawsak dan hi in sunzawm pei ani ruok chun Cachar puotieng  kan tir suok cheu ngai ati.

Khawsak dan kawnga hin kan tlangval hai khawm intawk buoilo dinga kan infui anni angin nangni khawm infui thei ve inla chu lawm um ati, chuong ani naw chun kut thlak dinga hung inthawktu hai chu an har theina dinga inchuktirna chu lo letkir ning an ti. Thiltum nei kanni a kan thiltum char buoipui a khawsa kan ni angin nangni khawm thiltum nei inni chun in thiltum le besan Mizoram chu thlir lem ro.

Kan sipai hai Command ah le Civil in an umna Cachar District sunga ani sung chu Warning hung pe nawk ngai ta lo dingin kan inhriettir cheu, HPC(D)-Cachar khawma hi bak hi ngenna hung siem ta nawni. 

Hieng thu hai hi a um ta leiin Civil mi khawm fimkhur seng dinga inhriettir in nih.

Hmar tadinga in thawpui dittak, 

Unau Ei Nina Hi Suksie Laklaw Naw Hram Ei Tiu.

Sd/-

(CAPTAIN ARON K. HMAR)

Secretary, Inf. & Pub. Armed Wing, 

HPC(D)–Cachar, HQ: Hmarram

Indian Youth Congress, Parbung Unit in Dr. Amo chunga lawmthu an hril

Parbung, August 16, 2020, Virthli(ONP): Indian Youth Congress, Parbung Unit chun bieltu MLA Pu Dr. Chaltonlien Amo in Covid-19 le inzawma a hmalakna hai le Parbung khawtlang tui harsatna sawk zangkhaina dinga khawtlang tui siekhawlna (public water tank) ding a bawl pekna thua a hnuoia ang hin lawmthu an hril.

--------------------------------

OFFICE OF THE INDIAN YOUTH CONGRESS 

Parbung, Pherzawl District, Manipur - 795143 

Phone – 7628962830/ 8413028499 

Ref No. - Date - 16-August-2020

LAWMTHU HRILNA

Pu Dr. Chaltonlien Amo in July thla a Hmarbiel Quarantine Centre hai kanna hung nei trum a, QC a um hai inpawlpuina le thurawn thratak tak hai pe a, ruoi hai a hung thre pui el dit tawk lo a QC a’n thawka lo suok ta hai khawm an khuo a hai fe in tlaitleng a la va buotsai pek nawk peina le khuotin fanga a biel mipui hai inpawlpui in hun a hung hmangpui na hai hih, a biel mipui hai tading chun tlamuong a um in, an tading in` Pa’ atling takzet a. Hieng anga mipui hmangaina nei, thruoitu thra Hmar hnam hmangaitu ei nei hih Youth Congress chun an pak in a suong takzet.

Pu Dr. Amo in Hmarbiel a hung fang lai hin, Indian Youth Congress, Parbung Unit chun inhmupuina nei in, Parbung khawtlang tui harsatna hai a kuomah alo intlun a. Ngaituo ding le buoipui ding tamtak nei sienkhawm, Dr. Amo chun Parbung khawtlang tui harsatna hi ngaipawimaw in, Youth Congress beiseina khel tieng ah, ama Pu Dr. Amo in meeting la hung nei pui in, Youth Congress thil ngen chu ngun taka  ami la hung ngaituo pui hih, Khawtlang hmasawnna ding a ngaipawimaw zie a suklang cheing hle a. Chu khelah Youth Congress, Parbung Unit chu khawtlang tui harsatna sawk zangkhaina dingin, a bul tranna dingin khawtlang tui siekhawlna (public water tank) pakhat bawlna sin lo tran nghal dinga a hung inhriettir hih Youth Congress tha a suk fan in a suk phur hle. Public water tank bawlna dinga a trul le mamaw hai po po ama Pu Dr. Amo in phaltaka hung tum vawng in, thratak a bawl zo a ni theina dinga iengkima hma a hung lak na zarin mipui hmangthei dinga bawlzoa a hei um tah hih, Youth Congress chun Pu Dr. Amo chungah lawmthu a hril takzet.

Hmarbiel mipui in hieng ang a khawtlang le mipui rawng bawl inhawk le nuom zing thruoitu Dr. Amo ei nei hih, Youth Congress chu vangnei an ti hle. Hmatieng peiah khawm mipui le khawtlang rawng la bawl tlang nawk pei dingin Youth Congress chu anuom takzet. Hmar mipui tadinga malsawmna intluntu hmangruo ah Pathienin hmang sunzawm pei sienla, a hmatieng peiah Ram le Hnam rawng anek a nasalem a bawl sunzawm pei thei dingin Pathienin hriselna thra a inthuomin, a hma thruoi-in umpui zing raw seh, ti chu Youth Congress trawngtraina ni zing a tih.

Hrilhmingthang 

(Secretary) 

Lalremruot 

(President)

HSA CCPur JHQ in Class X pass hai a lawmpui

LAWMPUINA

(Tuiṭhaphai, 15 June 2020)

No. hsa-ccpur-jhq/15-june-2020: Board of Secondary Education Manipur hnuoia High School Leaving Certificate (HSLC) Examination result puong ani le inzawmin Manipur Tuiṭhaphai sunga HSA functional area a inchuklai naupangin result lawm um tak tak an nei hai HSA CCpur JHQ chun a hrietin lawmpui um a tiin hmatieng peia dingin ditsakna an hlan nghal bawk che/cheu. Chukhela,  inchukna in neitu le zirtirtu hai inrimna leia result lawmum tak suok le Pass percentage thatak tak an nei ani ti a hrietin Zirtirtu hai po po inzana a pekin a lawmpui takzet anih.


Hieng ang hripui inleng le inzawma exam nei hlei theiloa an um zing laia result lawmum hmu ani lai zinga beisei ang phak lo inchuklai hai a tuorpuiin pawi ati pui ruol ruolin, Hlawtlingna ditumtak an chang theina dinga huoisenna nei nghet zuol sau dingin an fui in an cha bawk anih.


Hieng result suoka result lawmum tak changtu haiin mani Marksheet copy le Contact Number hi a hnuoia hming ziek kuoma submit dingin ei in ngen nghal bawk anih.

Ramngaium Songate,
Secretary, Education

Encl:-

List of School Pass percentage

------------

TUIṬHAPHAI A HMAR SCHOOL HAI BOSEM RESULT A NGIRHMUN

1. YLS

Total candidates= 116

Pass = 115

Pass % = 99.15%

2) NECA

Total candidates = 22

Pass = 22

Pass % = 100%

3)MT.Carmel Muolvaiphei

Total candidates = 40

Pass = 40

Pass % = 100%

4) SHS Saikot

Total candidates = 16

Pass = 14

Pass % = 87.5

5) Douglas Memorial School

Total candidates = 43

Pass = 41

Pass %= 95.35

6) Rengkai Government

Total Candidates = 105

Pass = 23

Pass % = 21.9

7) SCHSS Sielmat

Total candidates = 113

Pass = 113

Pass % = 100%

8)Saikot Govt .High School

Total candidates = 16

Pass = 5

Pass % = 37

9)AG High School

Total candidates = 56

Pass = 55

Pass % = 98.21%

10) Happy Heart Bethel

Total Candidates = 85

Pass =73

Pass % = 85.88%

HSA Imphal Jt. Hqtrs. lâwmpuina thucha

HMAR STUDENTS ASSOCIATION, IMPHAL JT QTRS

LAWMPUINA THUCHA

15 June, 2020

A hmasatakin tiemtuhai po po ei LALPA ISU Krista hmingin HSA, Imphal Jt. Qtrs hmingin chibai kan hung buk cheu.

High School Leaving Certificate (HSLC) 2020 Examination naa HSA members  hlawtlingna changtuhai po po kan lawm pui tak zet cheu. Hlawtlingna chang chau niloa hlawtlingna chungchuong changbik eini mi ngei,  All Manipur Top 19-a tling phak, HMAR M.I.L Topper ni bawk Nk. Mary Lalchawimawi D/O Dr. John H Pulamte le Dr. Rothangpui, chungah khawm lawmpuina a nawn nawnin ei hung hril nawk a nih.

Hotu, mimal le kohran thuoituhai tawngtaipuina le naupanghai sinnirimna a ra sik ding hmu theiin a uma, lawm a um tak zet. Chu lai zingin, tuta tuma hlawtlingna chang phak lo hai khawm lung hnuol loa a thara thang lak theina hmangruo ani theina dingin thaw fan fan dingin ei fiela, a tharin nu le pa hai khawmin tawngtainaa lo hrie sap dingin ei hung ngen a nih.

Hlawtlingna changtuhai hmatieng peia khawm hlawtlingna insangtak chang ding le malsawmna dawng pei dingin ei ditsak a nih.


Ram le hnama in thawpui


Jacob L Pulamte
(Education Secretary)

Malsawmthang Ralsun
(President)

Michael Songate
(Secretary)

Imphal Jt. Hqtrs

Lockdown leia intang hai thuoisuokna le inzawma HSA CCPur JHQ Lawmthu Hrilna

LAWMTHU HRILNA

Khawvel pum huop hripui inlêng leia Lockdown in a nang chil Churachandpur, Manipur khuo-le-tui hai Mizorama intang a harsatna tamtak tuok mek mi 51 lai thuoisuok an nina kawnga hmalatu hai chunga HSA CCPur JHQ chun lawm um ati in a lawm tak meu meu a nih.

Hieng intanghai thuoisuokna dinga Sawrkar Protocol kheltienga Manipur Cabinet meetingin Sinzawl /Guite Road hraw phalna ami pekna chungthu a lawm um a tiin mipui hriet dingin a puong suok a nih. Hripui tibaium tak leia Total Lockdown puonga um le inzawma, Motor hire le thuoi velna chungthua nidang letkhat deu thawa a pung leiin tangka sum harsatna kawnga bieltu MLA Pu V. Hangkhanlian, Minister, Agriculture, Veterinary and Animal Husbandry, Churachandpur Assembly Constituency in phaltaka tangka suma thangpuina ami pek le inzawmin HSA CCPur JHQ chun lawm um a tiin a lawm takzeta, Home Department tienga eini tlangmi officer han theitawp an mi suo pekna chungthua a lawm hle bawk a nih. Hieng ang harsatna tamtak tuok hai thangpui zawm pei thei dingin Pathien malsawmna dawng dingin ditsak malsawmna an hlan takzet anih.

Hieng thuoisuoka um hai hi HSA Gen. Headquarters, HSA CCPur Joint Headquarters le Mizoram tienga HSA Aizawl Joint Headquarters hai hmalakna hnuoia thuoisuokna sin thaw a nia, thuoisuoka um hai hi an Quarantine centre a ding seng sie le thak fel an ni tah leiin hi kawnga thlawpna lo petu hai po po Pathien in malsawm pei dingin a ditsak takzet a nih.

Ramneisang Faiheng

Secretary,

Information and Publicity

(8837479738)