HWA Assam Hills in Special Conference an nei

Muolhoi, September 21, 2019, Virthli (ONP): Hmar Women's Association Assam Hills chun zani khan CH Khawthlang Hall, Muolhoi ah Special Conference an nei. Hi hun ah hin Constitution Amendment an thaw chu lungruol takin namnghetna an nei. HWA Constitution Drafting Chairman Pu Joseph V Tuolor Gen.Secretary HSA GHQ rawia ursun taka vel thum ennawnna an lo nei tah chu, zani khan a bat batin palai fekhawm hai lai tiem ngeia ennawn nawk niin, hi ennawnna hun hi Elbee Hmar, Convenor, Constitution Drafting Committee chun a keihruoia, palai fekhawm haiin lungruol taka an pawm hnungin, Rev.Kawlthanglien Infimate chun Preamble insamin palai fekhawm haiin an lo zui peiin Pathien kuomah inhlânna le lawmthu hrilna neiin hi inkhawmpui hi a lo ṭumṭiek tah a nih.

Hi Constitution/Dan siem thara um hi Hmar Women's Association Assam Hills hnuoia umhai popo in hmang tan nghal ning an ta, ahmaa ro rela lo um tah hai popo khawm ban niin hi Constitution dungzui hin ro rel le inthuoi ni tang a tih.