14th Assembly and Election of Hmar Inpui Successfully Held

Sakawrdai, Sinlung Hills, April 24, 2025, Virthli (ONP): The 14th Assembly and Executive Council Election of the Hmar Inpui (Hmar Supreme House), alongside the 10th Executive Council meeting, was successfully held at the Community Hall in Sakawrdai, Sinlung Hills, Mizoram on April 23–24, 2025.

The Assembly's election session, held from 10:00 AM to 5:40 PM on April 24, saw 164 delegates casting their votes. Distinguished attendees included Lalmuanpuia Punte (MLA and Adviser to the Mizoram Chief Minister), Benjamin Lalrawnliana (Deputy Chairman, SHC), and other members of the Sinlung Hills Council, such as Melody Lalchhuangzeli, Zokhumthang, Lalrawngbawl Pulamte, and Vanlalsiamsanga. Also present were key figures from Manipur including Dr. Chaltonlien Amo (former MLA/Minister), Lalhrillien Zote (President, HNU and former ADCC EM), and senior advisers of Hmar Inpui-GHQ.

The sessions were presided over by Rev. Rohminglien Pakhuongte, Speaker of Hmar Inpui. Reports were presented by affiliated bodies, and leaders from across regions delivered messages of solidarity, urging coordinated resistance against marginalization and reaffirming inter-ethnic harmony.

A moment of silence was observed in memory of the victims of recent violence in Manipur. Rev. Vanlalhlun Traite (Finance Secretary, HCLF and local pastor, AGEI) offered prayers for the afflicted and displaced.

Hmar Inpui President Rev. Ros Infimate in his presidential address, spoke extensively on the Manipur crisis, urging the Hmar people to remain united. He praised the efforts of HWA, HYA, and HSA, and expressed gratitude to the Assembly delegates for their active involvement.

He called on the community to demonstrate collective strength and resilience and addressed critical demographic concerns by urging families to have more children to ensure the continued survival of the Hmar identity. He also highlighted the alarming rise in unmarried women (spinsters) and encouraged the HWA to launch proactive awareness and engagement campaigns to address the issue.

Rev. Infimate strongly advocated for the responsible use of social media, encouraging members to promote unity and discourage harmful discourse online. He further emphasized the ongoing development of Sinlung Hills and the role of digital platforms in shaping public awareness.

Mentioning the recent Ministry of Home Affairs, Kuki-Zo Council talks in Delhi, he called for a united, pan-community movement, rather than fragmented efforts.

During the session, a special tribute was paid to Jerry Lalhratthang, who secured All India Rank 999 in the UPSC exam. His father, Upa Buonglienkung Buongpui, a leader of the Hmar Inpui Meghalaya Region, was also recognized. The HWA-GHQ honored Jerry with a traditional Hmar Pasalthapuon.

The business session included the review of the 2024 resolutions from the 9th Executive Council and 13th Assembly, and presentation of reports by the General and Joint Secretaries. Key updates and plans from the 10th Executive Council were also discussed, with a major focus on the deteriorating situation in Manipur.

Elections were conducted by Rev. Lalneikhup Hmar and Rev. Lungawiruol Khawbung of the HCLF using secret ballot. Results are as follows:

President: Rev. Ros Infimate (Saikawt, Manipur)

Vice President: J. Lalvarlien Puruolte (Zuangtui, Aizawl)

General Secretary: Immanuel Pulamte (MSVT, Aizawl)

Joint Secretary (Head Office): VK Pakhuongte (Sielmat, Manipur) – Uncontested

Finance Secretary: Rev. Tlanghmingthang (Rengkai, Manipur) – Uncontested

Treasurer: Lalhmingmak Joute (Rengkai, Manipur) – Uncontested

In accordance with the Hmar Inpui Constitution, the elected office bearers will soon appoint Executive Committee members, department secretaries, and regional sub-committees. The oath of office was administered by Rev. Lalneikhup Hmar, and the full Assembly unanimously affirmed the elected team.

Vice President T. Romeo Hmar delivered a vote of thanks, expressing deep appreciation to all participants. Special recognition was extended to the Hmar Inpui Mizoram Region, the host community of Sakawrdai, and the HSA Sakawrdai Unit for their hospitality and support.

The Assembly concluded with a closing prayer offered by Rev. Lalthakung (Regional Superintendent, WMCEI, and Treasurer, HCLF).

Hmar Inpui (Hmar Supreme House) 14th Assembly le Election tluong taka nei

Sakawrdai, Sinlung Hills, April 24, 2025, Virthli(ONP): Hmar Inpui (Hmar Supreme House) 10th Executive Council le 14th Assembly -cum- Election chu Community Hall, Sakawrdai, Sinlung Hills, Mizoram ah April 23-24, 2025 khan tluong taka nei zo a lo ni tah.

April 24, 2025 a 14th Assembly -cum- Election hi 10 AM-5:40 PM sung khan nei a nih. Palai 164 an ṭhang a. Palai hai lai hin Hmar Inpui Constitution dungzuiin people's representative Lalmuanpuia Punte, MLA le Adviser to CM, Mizoram; Sinlung Hills Council (SHC), Mizoram a inthawk Benjamin Lalrawnliana-Deputy Chairman, Melody Lalchhuangzeli-Executive Member, Zokhumthang-Executive Member, Lalrawngbawl Pulamte-Member le Vanlalsiamsanga-Member hai khawm ro relna ah ṭhangin an voting rights nei hmangin vote khawm an thlak ve a nih. Anni hai bak a hin mi challang tak tak Manipur tienga Ex-MLA/Minister Dr. Chaltonlien Amo, President, HNU le Ex-EM, ADCC Lalhrillien Zote, Adviser, HI-GHQ hai khawm an ṭhang bawk.

Rev. Rohminglien Pakhuongte, Speaker, Hmar Inpui, Moderator a ṭhangin a keiṭhuoi a, Rev. Langminthang, PS, Evangelical Free Church of India (EFCI), Sakawrdai Presbytery'n hnam ṭhuoitu hai hi devotion hmangpuiin Pathien mi pek Hmar hnam iengti'n am ei enkawl, khaw tieng am ei panpui, vawisun a ei enkawl dan hi a mi hrietpui am? Chanchinṭha leh inmil sien ti hai hrilin infuina ṭha tak a nei a nih.

Manipur buoina leia Zo hnathlak hringna chânhai sûnna (Condolence) minute 1 sung toṭawka nei a ni a, Rev. Vanlalhlun Traite, Fin. Secy., HCLF le Local Pastor, AGEI in hringna chan hai le tulai hnaia hnam le hnam kara buoina suok leia harsatna tuok, khuo raw peka um hai ta ding khawmin ṭawngṭai pekna a nei bawk.

Upa R. Rawna Khawbung, Assembly Secretary-in inhmelhriettirna le hminglamna a nei a, Presidential Address Rev. Ros Infimate, President, HI-GHQ in a nei zoin Finance and Audit Statement report Upa Joel Songate, Treasurer, HI-GHQ le Rev. Tlanghmingthang, Finance Secretary, Emergency Relief Finance Committee (ERFC) a inthawk ngaithlak a nih.

President HI-GHQ in Presidential Address a neina ah Manipur a hnam buoina a hringna chan hai a tuorpui thu puongin, inzana a pek a, ram buoina leia ka sawl ka kham ti loa venghimna sin thawtu hai an huoisenna leiin an chungah hnam hmingin lawmthu a hril a, an hringna khawm thlakhla loa ral hmatawnga an inpekna lawmthu a hril.

Lalmuanpuia Punte, MLA & Adviser to CM, Mizoram

Nuhmei hai (HWA), HYA, HSA le a dang dang hai hmalakna suong um a ti thu le Region dang dang hai hmalakna lawmum a ti thu hai uor takin a hril a. Hmar Inpui 14th Assembly nei thei dinga um lawmthu hrilin palai fekhawm hai a changtieng ban pharin chibai a buk a. Hmar hnam chu hnam dang hai inhnar a nina hai hrilin vawng hring zing dingin fielna a siem.

Manipur buoina hi hnam bing buoina a ni naw a, ṭhangruol thiem a ngai zie hai hrilin narrative inlar tak Meitei vs Kuki ti a ni a, British le sawrkar mi hrietna Kuki ni sienkhawm Hmar chu Hmar, hnam pakhat sawrkar mi hriet hai ei ni ve dan hai a hril a. Indian Constitution Article 371 C chungchang le SoO group hai thil ngen chungchang, Kuki-Zo chungchang thu bakah ITLF, COTU, ITAC, HTC-CORSAM, JIC, ZU, KZC umzie le hung pieng dan hai a hrilfie bawk. KZC ah Gen. Secy. khawm Hmar a ni thu, Manipur chau a dinga indin le hmun danga Hmar hai ta dinga pawi thei ding ieng khawm a um naw thu le a ni dan tak a hril fie.

Home Ministry ah Hmar hminga inlang a vawi khatna dingin HI hmingin Home Ministry ah intatlut a ni tah dan, sawrkar thlungpui le inbiek theina dinga KZC hi lo hmang vak a ni dan, Hmar political hmathlir hrilna a nei bawk. Hmar hai inthla pung uor dinga rawtna siemin, birth control dodal, nau hau hai lawmman siem, lengṭul hai khawm nei vat dingin a fiel a. Mizoram a Sinlung Hills hlimthla hai khawm hrilin le social media tieng fimkhur a, hmang thiem dingin a ngen a, HPC-D Manipur Region sung buoina khawm chingfel a ni tah thu le MHA in KZC fethlengin Delhi ah inbiekna nei a ni dan hrilna a nei. Collective movement fepui mek laiin island movement nei lo dingin hnam mipui hai a ngen a. Hmar nina anga inpumkhatna lungril putin hmatieng pan pei dingin hnam mipui hai a fiel a nih.

Assembly Speaker-in Hmar nau UPSC AIR 999 Jerry Lalhratthang lawmpuinain a piengna pa Upa Buonglienkung Buongpui, Hmar Inpui Meghalaya Region ṭhuoitu le palai khawm inngirtirin Assembly palai fekhawm haiin an lawmpui a. Manipur buoina le inzawma media tienga thawhlawk em em el Mangtinchung kuomah a thil thaw ṭhaṭ hrietpuina le chawimawinain Hmar Women Association (HWA)-GHQ in Hmar Pasalṭhapuon inbattirna an nei.

Business session nei a ni hun ah 9th Executive Council le 13th Assembly (2024) resolutions thlirlêtna le hmalakna, Assembly karlaka Executive Committee hmalakna report le hriltlangna General Secretary, HI-GHQ le Joint Secretary inrawinaa nei le anni a inthawk ngaithlak a ni a, 10th Executive Council thurêl hriltlangna le pawmpuina nei a ni a, Agenda pawimaw tak el Manipur buoina le inzawm hriltlangna nei niin, Hmar Inpui General Headquarters 2025-2028 Office Bearers' Election chu Hmar Christian Leaders' Forum (HCLF) hai Election Commission dinga ruot anni angin Rev. Lalneikhup Hmar, Vice-Chairman, HCLF le Rev. Lungawiruol Khawbung, Secretary, HCLF hai inrawinain thienghlim le felfai taka election hi nei a nih. Election hi secret ballot paper hmanga nei a ni a, results chu: President: Rev. Ros Infimate S/o (L) Rev. HL Ngura of Saikawt, Manipur (Elected); Vice-President: J. Lalvarlien Puruolte S/o Darsavung of Zuangtui, Aizawl, Mizoram (Elected); General Secretary: Immanuel Pulamte S/o Dr. Lalkhawlien of MSVT, Aizawl, Mizoram (Elected); Joint Secretary (Head Office): VK Pakhuongte S/o (L) Liensangluoi of Sielmat, Manipur (Uncontested); Finance Secretary: Rev. Tlanghmingthang S/o Upa N. Tuolien of Rengkai, Manipur (Uncontested) le Treasurer: Lalhmingmak Joute  S/o (L) Sailienlung Joute of Rengkai, Manipur (Uncontested).

Office Bearers dinga thlang thar hai hin an inthlawppui ding Executive Committee member, departmental secretaries, Sub-Committee, nominated post chi tum tum hai Hmar Inpui Constitution dungzuiin an la hung ruot ding a nih. Palai hai hmaah Hmar Inpui General Headquarters ṭhuoitu dinga thlang thar hai hi Hmar Inpui Constitution dungzuia Oath Taking Rev. Lalneikhup Hmar-in innei tirin ṭawngṭai pekna a nei.

PRESIDENT post hi (1). Lalrothang Infimate S/o (L) Ruia of Shanveng, Rengkai, Manipur; (2). Joseph Rohmingthang Hmar @Joseph R. Hmar S/o (L) Lalthangmawi Hmar of Imphal, Manipur le (3). Rev. Ros Infimate

S/o (L) Rev. HL Ngura of Saikawt, Manipur haiin nomination an file a, scrutiny ah an fethleng seng a, Rev. Ros Infimate thlangtlingin a um a nih. Ama hin kum inzawnin President, HI-GHQ a hung chel ding a nih.

VICE-PRESIDENT post ah (1). J. Lalvarlien Puruolte S/o Darsavung of Zuangtui, Aizawl, Mizoram; (2). T. Romeo Hmar S/o Kapniang of Muolvaiphei, Manipur le (3). Rev. Dr. V. Lalnghakthang S/o Rev. Lalthlunglien, Rengkai, Manipur haiin nomination an file a, scrutiny ah an fethleng seng a, sien khawm Rev. Dr. V. Lalnghakthang hin Nomination peluttuhai inhnukdawk thei hun sung April 15, 2025, zantieng dar 6 chen a ni lai khan a lo inhnukdawk leiin election hun a hin ama ni lo pahni hai laia J. Lalvarlien Puruolte thlangtling a nih.

GENERAL SECRETARY post ah (1). Immanuel Pulamte S/o Dr. Lalkhawlien of MSVT, Aizawl, Mizoram le (2). Rev. V. Lalṭhalien Zote S/o (L) Pastor S. Hlunthang of Sielmat, Manipur haiin nomination an file a, scrutiny ah a  fethleng ve ve a, Immanuel Pulamte thlangtling a nih.

Nomination file hun sung, mi dang nomination file ve an um naw leiin hieng post hai hi chu khingtu um loa tlinga puong an nih: JOINT SECRETARY (HEAD OFFICE): VK Pakhuongte S/o (L) Liensangluoi of Sielmat, Manipur. FINANCE SECRETARY: Rev. Tlanghmingthang S/o Upa N. Tuolien of Rengkai, Manipur. TREASURER: Lalhmingmak Joute S/o (L) Sailienlung Joute of Rengkai, Manipur.

Ro rela um hai le thutlukna siema um hai palai fekhawmhaiin ban pharin an namdet a. Dan ang ngeiin ni 15 sungin ṭhuoitu dinga thlang thar haiin Charge inhlanna um a tih.

HI-GHQ a Vice-President, T. Romeo Hmar in lawmthu hrilna a nei a. Hmar Inpui 10th Executive Council le 14th Assembly hnesaw taka mikhuoltu Hmar Inpui, Mizoram Region (Zantieng ruoi vawikhat buoisaitu) le Sakawrdai khawtlang ṭhuoitu le a pawimaw po po thawtu HSA Sakawrdai Unit kuomah Palai haiin lawmthu an hril.

Closing prayer Rev. Lalṭhakung, Regional Superintendent, WMCEI/Treasurer, HCLF in a nei zoin hun suktawp le HI-GHQ in a buotsai zantieng bu/ruoi tuihnai tak kiltlang a nih.

Zan hun ah HSA Sakawrdai Unit in an Unit building bawlna ding ṭhangpuinain GSA Playground ah Social Function -cum- Concert buotsaiin hun hlimum tak an huoihawt a. Hnam ṭhuoitu haiin ṭawiawmin Lalkhumsang, President, HI-Mizoram Region le George F. Tuollai, President, HSA-GHQ ha'n thuhrilna hun khawm an hmang bawk.

-LRS Puruolte

Hmar Inpui GHQ Election Results

Sakawrdai, April 24, 2025, Virthli(ONP): Hmar Inpui 14th General Assembly -cum- Election 2025-2028 chu Sakawrdai, Sinlung Hills, Mizoram a nei mêk a ni a, hi huna hin Hmar Inpui General Headquarters term 2025-2028 sûnga ṭhuoitu ding thlangna nei a nih. Thlangtlinga um hai chu;

President: Rev. Ros Infimate, Manipur

Vice - President: J. Lalvarlien Puraite, Mizoram

General Secretary: Immanuel Pulamte, Mizoram

Joint Secretary: V K Pakhuongte, Manipur (Uncontest)

Finance Secretary: Rev. Tlanghmingthang, Manipur (Uncontest) 

Treasurer: Lalhmingmak Joute, Manipur (Uncontest)

Report kimchang chu nakie hung pêk nîng a tih.

Hmar Inpui Holds 10th Executive Council Meeting in Sakawrdai

Sakawrdai, Sinlung Hills, April 23, 2025, Virthli(ONP): The Hmar Inpui (Hmar Supreme House) today held its 10th Executive Council meeting at the Sakawrdai Community Hall in Sinlung Hills, Mizoram. The session, which ran from 10:00 AM to 5:30 PM, brought together 58 delegates from across its organizational and regional structures.

Delegates included members of the Assembly Secretariat, General Headquarters Office Bearers, Executive Committee members, and sub-committees such as the Political Affairs and Finance Committees. Also in attendance were advisers and delegates from various affiliated bodies.

Among the participating organizations were the Hmar Youth Association (HYA), Hmar Christian Leaders’ Forum (HCLF), Hmar Art & Culture Society (HACS), Hmar Artists’ Association (HAA), Hmar National Union (HNU), Hmar Women Association (HWA), and Hmar Students’ Association (HSA). Delegates were also present from multiple regional branches, including Mizoram, Vangai, Hmarbiel, Jiribam, Meghalaya, Assam Hills, Tuithaphai, Imphal, Barak Valley, and Guwahati.

The council reviewed and deliberated on 21 agenda items, resulting in the adoption of 10 key resolutions in accordance with the Hmar Inpui Constitution. These resolutions will be presented for endorsement at the upcoming 14th General Assembly on April 24, 2025.

Assembly Speaker Rev. Rohminglien Pakhuongte presided over the session. The meeting began with a devotional led by Rev. Joseph L. Khawbung, Presbytery Secretary of the Independent Church of India (ICI), who highlighted the role of faith and divine guidance in leadership and public service.

Following the devotional, Assembly Secretary Upa R. Tawna Khawbung conducted the roll call and formal proceedings, affirming the meeting’s constitutional validity. During the business session, the body discussed the revised and expanded Hmar Inpui Constitution. Special acknowledgments were extended to delegates from the Mizoram Region for their contributions to the process.

The session concluded with words of appreciation from the Secretariat, delivered by Speaker Rev. Pakhuongte, and a closing prayer offered by Pastor Solomon Inbuon of RPC NEI Circle.

Preparations are now underway for the 14th General Assembly-cum-Election (2025–2028 term), which is expected to draw significant participation. The event will mark the election of new leadership and address key issues concerning the Hmar community. Final preparations are being overseen by the General Headquarters.

Hmar Inpui The 10th Executive Council nei zo

Sakawrdai, Sinlung Hills, April 23, 2025: Hmar Inpui The 10th Executive Council chu Sakawrdai, Sinlung Hills, Mizoram ah April 23, 2025 10 AM-3:30 PM khan Sakawrdai Community Hall ah nei a nih. Hi hun a hin palai 58 an ṭhang. Chu hai chu Assembly Secretariat Officers', General Headquarters Office Bearers'/Executive Committee, General Headquarters Sub-Committee: Political Affairs Committee, Finance Committee le Advisers, Hmar Inpui General Headquarters Affiliated body- Hmar Youth Association (HYA), Hmar Christian Leaders' Forum (HCLF), Hmar Art & Culture Society (HACS), Hmar Artists' Association (HAA), Hmar National Union (HNU), Hmar Women Association (HWA), Hmar Students' Association (HSA), Hmar Inpui- Mizoram Region, Vangai Region, Hmarbiel Region, Jiribam Region, Meghalaya Region, Assam Hills Region, Tuiṭhaphai Region, Imphal Region, Barak Valley Region le Guwahati Region haia inthawk an nih.

Hi hun a hin Agenda 21 lai chipchier taka ngaituo le hriltlang a ni hnungin  thutlukna (resolutions) 10 felfai taka siem zui a nih. Hmar Inpui Constitution dungzuiin The 10th Executive Council thutlukna (resolutions) hai hi The 14th General Assembly April 24, 2025 ah pawmpuina a la ngai ding a nih. 

Hmar Inpui 10th Executive Council a hin Moderator in Assembly Speaker Rev. Rohminglien Pakhuongte a ṭhang a, hun hmasa tieng ah Rev. Joseph L. Khawbung, Presbytery Secretary, Independent Church of India (ICI) in devotion hun hmangin Bible tiemna le ṭawngṭaina a nei a, sakhuona tieng ah ṭhuoitu haiin an suksuol pha pha Pathien-in a maksan hlak thu, kohran, hnam le khawtlangin Pathien rawl hriet le ngaiven a pawimaw thu, Pathien rawl hriet naw chun hnam ṭhuoitu khawm ni sien mi thaw dan dana thaw a ni hlak thu hai a hril. Assembly Secretary Upa R. Tawna Khawbung in inhmelhriettirna le hminglamna neiin Constitution dungzuia ro rel thei a ni thu a puong zoin Business Session hi nei a nih. 

Business Session hun a hin Hmar Inpui Constitution Revised and Enlarged entlangna khawm nei niin Mizoram Region-in palai hai hi lawmna ruoi siem peka zantieng bu an fakpuina chungthu ah Assembly Secretariat aiaw'n Assembly Speaker le Moderator Rev. Rohminglien Pakhuongte-in lawmthu a hril a, closing prayer Pastor Solomon Inbuon, RPC NEI Circle Pastor in a nei bawk.

April 24, 2025 a Hmar Inpui 14th General Assembly -cum- Election 2025-2028 nei zoah mipui ngaiven tak Assembly thurel le ṭhuoitu thar ding hai chu tlangzar le hriet thei a hung ni ding a nih. Assembly palai hai hi Hmar Inpui General Headquarters khawmin zantieng ruoi siemin bu faktlangpuina an nei ding nih.

-LRS Puruolte

Hmar Inpui The 10th Executive Council & 14th General Assembly 2025 Programme

THE 10th EXECUTIVE COUNCIL – 2025 PROGRAMME

A hmun: Sakawrdai, Sinlung Hills, Mizoram.  

A hun: April 23, 2025 (Wednesday at 10:00 A.M)

Moderator: Rev. Rohminglien Pakhuongte, Speaker, Hmar Inpui.  

Devotion: Rev. Joseph L. Khawbung, PS, ICI.  

Inhmelhriettirna & Hminglamna: Assembly Secretary.

Business Session

1. HI Constitution Revised and enlarged entlângna.  

2. Agenda: A hunah agenda copy sem ning a tih.

Closing Prayer: Pastor Solomon Inbuon, RPC NEI circle Pastor.

(Signatures)  

(Up R. Tawna Khawbung)  

Assembly Secretary  

(Rev. Rohminglien Pakhuongte)  

Assembly Speaker

Notes:

1. Registration Fee mi pakahthak Rs. 100/- pei pêka, Badge lâk ding a nih.  

2. Palai Registration thaw lo le Badge neilo hai chu programme-a an ṭhang phal ni naw nih.  

3. Palai, thlunga ding neilo hai ta dingin Sakawrdai khuo in tlung-in an butosai ding a nih.

__________________________________

THE 14th GENERAL ASSEMBLY – 2025 PROGRAMME

A hmun: Sakawrdai, Sinlung Hills, Mizoram.  

A hun: April 24, 2025 (Thursday at 10:00 A.M)

Moderator: Rev. Rohminglien Pakhuongte, Speaker, Hmar Inpui.  

1. Devotion: Rev. Langminthang, PS, EFCI Sakawrdai Presbytery.  

2. Condolence: Manipur buoina leia Zo hnatlak hringna chânhai.  

3. Inhmelhriettirna & Hminglamna: Assembly Secretary.  

4. Presidential Address: Rev. Ros Infiemate, President HI GHQ.  

5. Report from: Finance and Audit Statement.  

   (a) Finance Secretary, Hmar Inpui GHQ.  

   (b) Finance Secretary, ERFC.

Business Session

1. The 9th Executive Council le the 13th Assembly-2024 Resolution thlirletna le hmalakna:  

   General Secretary HI GHQ.  

2. Assembly karlaka Executive Committee hmalakna report le hriltlângna:  

   General Secretary HI GHQ.  

3. The 10th Executive Council thurel hrilṭlangna le pawmpuina.  

4. Agenda:  

   1. Manipur buoina le inzawm hriltlângna.  

   2. Agenda detail a hunah sem ning a tih.  

6. Election of HI OB for the term 2025-2028 (March): Election Commission.  

7. Vote of Thanks: Romeo Hmar, Vice President, HI GHQ.  

8. Closing Prayer: Hmar Christian Leader’s Forum.

(Signatures)  

(Up R. Tawna Khawbung)  

Assembly Secretary  

(Rev. Rohminglien Pakhuongte)  

Assembly Speaker

HI le HLS March 28 Programme-in inkawkalna a nei nawh - Hmar Inpui

March 28, 2015 nia Hmar Inpui huoihawt na hnuoia Hmar Leaders’ Retreat 2015 le HLS huoihawtna hnuoia YLS hmuna  Hmar MIL Orientation Course neia um ding chungchanga hiengang hi thil umdan a nih. HLS huoihawtna hnuoia mi hin MIL Teacher hai chau a huopa, Hmar Inpui huoihawt  na hnuoia mi hin Kohran le khawtlanga hnam sunga pawl tum tum hai tadinga huoihawt ani leiin iengkhawm in kawkawlna le hnam sunga inthuruolnawna thil aum nawh tiin Hmar Inpui thusuok chun a hril. 

Hmar Inpui hotuha'n Aizawl pan an tih

CCPur, March 16, 2015: Zinga March 17, 2015 khin Hmar Inpui (HI) thuoitu Dr. John H. Pulamte, President le Pu David Buhril, Gen.Secretary hai chun Aizawl pan an tih. General President hin March 18, 2015 hin Mizoram Hmar Welfare Association (MHWA) a Finance Secretary chellai zing le Zolife Editor Remruata Varte nuhmei nei uop ata,  Aizawl an cham sung hin Mizoram Hmar Welfare Association (MHWA), Hmar Students Association (HSA) le HPC hai joint meeting neipui an ta, tha ti tlang ani chun Mizoram Governor khawm inhmupui ning a tih.

Hmar Inpui Barak Valley Region Election April ni 9 le Shillong April ni 11 a khin neipui dingin Hmar Inpui General headquarters thusuok chun a hril.