Aizawl, July 02, 2017, Vrthli (ONP): Hmar Students' Association (HSA), Jt. Hqrs, Aizawl, Executive committee ințhung a vawi 10-na chun inchuklaihai abik takin Hmar țawnga inkhawmna bik kohran hieng EFCI Ramhlun, EFCI Zemabawk, ICI Ramhlun Sports Complex le ICI Zemabawk kohran a hai career awareness programme nei nisien tia a lo rel angin, vawisun tarik 2 July, 2017 khan a bul țanna di'n EFCI, Ramhlun kohran ah nei a nia, inchuklaihai bakah nu le pa țhemhnemtak fe khawmin programme phusuitak le hlawtling taka hmang a nih.

HSA, Aizawl Jt. Hqrs General Secretary Henry L Khojol i keihruoi career awareness programme a hin Pu L. Rothanglien Khawbung, Audit Officer, AG le HSA GHQ president ni bawk le Pu Malsawmthang Infimate, Passport Officer, Ministry of External Affairs (MEA) hai chu resuorce person a hmang an nia, an nia inthawkin inchukna tieng le sin zawng dan ding thu țha tak tak le bengvarthlak tak hai ngai thlak a nih.


Hi huna țhang inchuklaihai le nu le pa hai chun hlawktlak an ti thu le thaw rawp thei nisien an nuom thu an hril bawk a nih.

EFCI Ramhlun kohranin HSA țhuoituhai ngenna ngaipawimawa kohran member a bik takin inchuklaihai le sin zawng mek hai lai career awareness programme nei theia hun hlutak a pek leiin HSA, Jt. Hqrs, Aizawl țhuoituhaivchun lungril le titakzetin lawmthu an hrila, khang khawpa kohran țhuoitu, nu le pa le țhalai han an phur pui chu ropui an tiin, lawmthu an hril bawk a nih.

Career awareness campaign hi Aizawla Hmar țawnga inkhawmna bik kohran hieng EFCI Zemabawk, ICI Ramhlun Sports Complex le ICI zemabawk kohran a hai la nei tum pei a ni thu, HSA, Aizawl Jt. Hqrs țhuoituhai anthawkin ei dawng. . 

Post a Comment

Powered by Blogger.