Shillong, April 21, 2016 (VIRTHLI): Evangelical Free Church of India (EFCI) President thar Rev. Lallienvel Pakhuongte chu vawisun Shillong EFCI Church, Evangelical Centre, Demthring, Madanrting, Shillong hmunah Installation (namnghetna) hun hmang a nih.


Hi Installation programme hi Rev. Dr. J Huoplien Neitham, Moderator, EFCI keihruoina hnuoia hmang a nih a, hun hmasa tieng Rev. John L Thilsong, Secretary, General Assembly, EFCI in mipui lawmlutna thucha a hril a. Outgoing President Rev. Lalbiektluong in lawmthu, infuina thucha le charge inhlasawngna (Speech of Thanksgiving, Encouragement & Handing over of Charge) a nei zovin President thar Rev. Lallienvel Pakhuongte in acceptance address a pek.

President thar mipui hmaa pholangna (introduction) Rev. Dr. J Huoplien Neitham in a nei bakah felicitation pawl le mimal iemanizat anthawk nei a ni bawk.

EFCI Central Choir in hlapawl thiem tak le mawi takin an inhlan bawk a. Hun kharna tawngtaina Rev. Dr. Jacob Pudaite, Vice Moderator, EFCI in a nei zovin ruoi kiltlang a nih.

Post a Comment

Powered by Blogger.