Tuolsung
Sangai Festivalah tukhawm thang lo dingin:
Martyrs hai Nov. 30 a vui ding
CCPUR: November 16, 2015, 1:00PM khan JAC Against AntiTribal Bill inrawinain JPO thuoitu han meeting an nei a, Tribal Martyrs hai ruong November 30, 2015 nia vui dinga remruotna siem a ni le inzawma thil thaw dan ding hai hrilin an rel. Chu dungzui chun Martyrs hai ruong vuina ding programme induongtu dingin Inpuis, JAC, JPO le Christian Goodwill Council hai thangna Committee in din a, chu committee in an darzau thei ang taka fielna an thawndar le prog. siem maw a phur ding; hospitality arrangement ADCC mawphurna pek; JPO le Martyrs Park Development chu physical arrangement,hall arrangement le sound system mawphurna pek; JAC a Women Wing chu hall le a sevel decoration mawphurna pek an nih. Finance SubCommitee chu Martyrs hai ruong vui huna tui dawn ding thua mawphurna pek; Student organisation tum tum HSA, KSO le ZSF hai chun Usher le stewardship mawphurna pek an nih.
Joint meeting chun November 21, 2015 a inthawk Sangai Festival 2015 tan dingah Manipur a Hill districts hai chu AntiTribal Bills protestnaa hi festival a thang lo dingin an ngen a, Churachandpur district a inthawk mimal le Organisation tukhawm va thang lo ding le a va thang lui an um chun Tribal movement fe mekah AntiTribal a ngai ning an tih tiin an rel.
Nov. 15, 2015, 10:00PM a JAC, Inpui hai, Tribe Leaders le JPO han MPC Office, Hmuia Veng, CCPura Closed Door meeting an nei hunah AntiTribal Bills 3 le inzawma nuorna ni 70 chuong fepui mek chungthuah MHA in Manipur sawrkar thanga Valley le Hill mipui bakah party/organisation hai ngaidan lak hmasa phawt a ni hma chu thutlukna siem nilo dinga ziek ngeia assuarance a hung pek ta leia November thla sunga Martyrs hai ruong Nov. 30, 2015 nia vui dingin an rel a nih.
Zani hmasaa closed door meeting chun Manipur sawrkarin JAC nuorna a ngaitha na thua an lungawinaw hle a, KNO le UPF hai le sawrkarin inbiekna nei thei vat hai sien an nuom thu hai an hril. Tribal movement hrat lema a fe pei theina dinga mipuiin unity maintain zing theina dinga a tul anga mipui hrilhriet pei ding. Chun, Manipur Tribal Forum Delhi in Jantar Mantara Relay Strike an fepui mek tluong taka a fe pei theina dingin a tul anga an hmang dingin JPO in Rs. 2 lakh thawn ding tiin an rel.
Hlawfa ruoi man an bituk
CCPUR: Khawpuibung le Valpakawt Joint Village Authority chun November 14, 2015 khan thuthar um nawk hma poa dingin Bu vuok, Bu at le Bu phun hun haia nitha hlaw ding bitukin inhriettirna an siem. Chu dungzui chun Bu at rate Phun ni ah sangngamah Rs. 1600/; Pamphal Sangngamah Rs. 1700/; Bu vuok man Sangngamah Rs. 1600/(Bu vuo a inhlaw haiin hrizawl a ngir an ta, zap bawk an tih. Loneituin thingpui le bei tum an tih); Nitha inhlaw Pasal Rs. 300 le nuhmei Rs. 250/ ning a tih.
Bu lu inchu hun lai chun a thei china khawpuotieng nekin khawsung mi hai ngaipawimaw hram ding ti le Lo neitu han inhmaw thilin rate siem neka tamlema hlawfa an lo ruoi a ni chun Joint Village Authority in an chungchang ngaituong a tih tiin Joint Village Authority chun inhriettirna an siem.
WSHG Training
CCPUR: DDM, NABARD/CCPur,UBI Nodal Bank le Relief and Deveopment Dept./EAC Anchor NGO hai thngruolin zani 10:30AM khan Rengkai Roada EAC Resource Centreah Women Self Help Group hai ta dinga training buotsai a nih. Training hi Rev. Huolthangsei Thiek, Executive Director, EAC in tawngtainain a hawng a, training huna Thangchinkhup Guite, DDM/NABARD, Thangneisang, Manager, UBI/CCPur leh Ms Lamchin, Coordinator, EAC hai resource person in an thang a, WSHG 6 a inthawk mi 30 vel an thang.
DIPR huoihawtnain National Press Day hmang;
Journalists 8 kuomah award inhlan a nih
IMPHAL: Zanikhan Directorate of Information and Public Relations (DIPR), Govt. of Manipur huoihawtnain Manipur Press Club, Imphal hmunah Press Council of India (PCI) indin champha a ni le inzawmin National Press Day a hmang a nih. Hi huna hin Manipur CM O.Ibobi Singh khuollienin a thang a, M. Okendro Singh, Minister (Eduation/CAF&PD) le Shyamjai President, All Manipur Working Journalist Union (AMWJU) hai functional President le Guest of honour in an thang. Hi hina hin Manipur Journalists 8 hai kuomah Award inhlan an nih.
CM O.Ibobi Singh chun, media hai pawimawna hrilin Press Housing Colony le senior journalist hai ta dinga welfare programs hai thangin Chanchinbumi hai ta dinga a tul anga sawrkarin hma a lak ding thu a hril.
Hi huna Award inhlan hai Manipur State Journalist Award for Best Editor chu Manipuri Daily Naharolgi Thoudang Editor Khoirom Loya Lakpa kuoma inhlan a nih. Huiyen Lanpao Dailya Naorem Gyanand, District correspondent; Ashem Babycha, Staff Reporter, Mutum Rameshchandra, Staff Reporter le Wangkhem Rishikesh hai chu reporting on Rural reporting, Women and Children, Public Health and Hygiene le Sports category haia State Journalist Award inhlan an ni a; Poknapham Dailya inthawk Angom Ranjit (Reporting on Art and Culture), Laishram Keshonanda (Science & Technology Reporting), Sorensangbam Sonia (Parliamentary Reporting) hai an nih.
Award dawngtu hai kuoma hin Rs 25,000 seng bakah Shawl le Citation an dawng. Manipur State Journalist Award hi kum 1994 a peksuok tan a ni a, tan hlim khan chu DIPR in kum tin Editor pakhat kuoma Award Rs. 5,000 a pek hlak a ni a, sienkhawm kum 2008 a inthawk khan category dang dang haia Award sum hi Rs. 25,000/ a sukpungin a hung pek tan a nih.
AMWJU President chun, Manipur CM chu tuta categories 8 hai bakah “reporting on differently able persons’ category belsa dingin a ngen.
JAC in bandh an hlip tah
IMPHAL: Primary school Headmaster Md. Hashmad Ali @ Oja Babu Bawng inrua intuma that a nina le inzawma JAC indina umin November 16, 2015, 5AM a inthawk November 17, 2015 chen darkar 48 sung bandh an thaw tan chun zanikhan Manipur phairam biel, a bikin Muslim hai chengna Hatta, Lillong, Yairipok, Irilbung le Muslim hai tamna biela chun private le govt office tam tak khar an ni a, hmun thenkhata ruok chun nundan pangngai a sukbuoi nawh. Bandh hi November 17, 2015, 5AM chen ding a ni a, sienkhawm Imphal East district SP in an thil ngen bawzui pek dinga a tiem leiin JAC chun bandh hi zani zantieng 5PM khan an lakdawk tah. JAC chun tuolthattu hai hi mana hremna pe dingin an phut a nih.
Yaiskul areaah dappui thaw
IMPHAL: Zanikhan Imphal West Police chun November 21, 2015 a inthawk Sangai Festival 2015 hung um ding le inzawma thil ditum lo a tlung nawna dinga invengnain Yaiskul areaah dappui an thaw. Police Commandos hai chun hiengang dappui hi hmun dang dang le ringhlaum deuna hmun haia an la thaw sunzawm pei ding a nih.
CM in Bar Assn. Silver Jubilee closing a uop
IMPHAL: High Court Bar Association, Manipur Silver Jubilee kharna High Court of Manipur auditoriuma nei huna Manipur Chief Minister O.Ibobi Singh chu khuollienin a thang. Silver Jubilee hi ni 3 sung hmang a nih.
NSCNK hai terrorist a puong
NEW DELHI: National Socialist Council of NagalandKhaplang (NSCNK) le a hnuoia um organisations hai chu Unlawful Activities (Prevention) Act, 1967 hnuoiah terrorist organisation a puong an ni tah tiin Home Ministry spokesman chun a hril a, hi thua hin tu lai hnai el khan sawrkar chun NSCNK hai danpuoa hnawlna gazette notification a lo insuo ta niin a hril.
NSCNK hai hin June 4, 2015 khan Chandel District, Manipurah army convoy hai an lambun a, army personnel 18 zet an lo kap hlum ta bakah 15 zet an hliem a, hi thu hi NIA chun an suizui mek a, NSCNK Chief SS Khaplang luman Rs. 7 lakh le June thlaa Army hai lambunna inrawitu taka intum NSCNK armed wing selfstyle chief Niki Sumi chu luman Rs. 10 neiin a lo puong ta a nih. Khaplang hi Myanmar mi a ni a, Sumi hi Nagaland mi a nih.
Permanent Rep. to UN dingin Akbaruddin
NEW DELHI: Mr Syed Akbaruddin chu Permanent Representative of India to the United Nations, New York thar dinga ruot a nih. Mr Akbaruddin hin Asoke Kumar Mukerjee a tlakthleng ding a nih. Mr Akbar hi 1985 batch Indian Foreign Service Officer a ni a, tuta Additional Secretary, External Affairs ministry a um lai mek a nih. Mr Akbar hin MEA spokesperson le thla hmasa laia New Delhia India Africa Foreign Summit nei zo hluma Chief Coordinator sin lo thaw a nih.
Himachal Pradeshah In 79 a kang
BANJAR: Himachal Pradesh, Banjar Subdivision sunga Kotla village a chun November 15, 2015 zan khan kangmei nasa tak a suok a, kangmei suok hin hi khuoa In 79 hai chu a kangsiet vawng. Kangmei suok hin temple pahni hai khawm a kangsiet. Kangmei suok nasan hreit a ni nawh. District Commissioner, Rakesh Kanwar chun, kangmei suok leia harsatna tuok sungkuo hai hi immediate relief in Rs. 30,000 seng pek an ni ding thu a puong.
TN a ruosur leia thi 71 an tling tah
CHENNAI: Tamil Nadua chun ruosur leia sietna tum tum tlung leia mihriem thina tuok 71 an tling tah. Ruosur leia tuilien chun nundan pangngai nasa takin a sukbuoi bawk. Tamil Nadu CM Jayalalitha chun tuchena hin thina tuok mi 53 sunghai kuoma zangnadawmna Rs. 4 lakh seng pek dingin a puong tah.
Tamil Nadu Chief Minister chun a state sunga ruosur leia tuilien leia harsatna tuortu hai thangpuina le sawmdawlna dingin Rs. 500 hmang dingin zanikhan a puong. Sansuokna le sawmdawlna sin thaw mek a ni a, Army hai khawmin sansuokna sinthawtu hai hi an thangpui.
Army Chief Japan ramah an zin
NEW DELHI: Army Chief General Dalbir Singh Suhaq chu ni 4 sung cham dingin zanikhan Japan ramah an zin. Gen. Suhaq hin Japan ram a cham sungin Japanese defence minister General Nakatani, Chief of staff Admiral Katsutoshi Kawano le Japan army chief General Kiyofumi Iwata hai thangin official dang dang hai inbiekpui a tih.
Centre in AMRUT hnuoia Rs. 5748 crore a sanction
NEW DELHI: Sawrkar thlungpui chun Atal Mission for Rejuvenation and Urban Transformation (AMRUT) hnuoia Tamil Nadu, Madhya Pradesh, Jharkhand, Odisha le Mizoram haia water supply le sewarage connection hai thanga basic infrastrutures siemthatnaa kum 201516 sunga hmang dingin Rs. 5,748 crore a sanctioned. Hieng state 5 haia State Annual Action Plans (SAAP) hi Madhusudhan Prasad, Secretary, Ministry of Urban Development inrawi Apex Committee in approved an thaw a nih. Atal Mission for Rejuvenation and Urban Transformation (AMRUT) hi tukum July thlaa hawng a ni a, Mizoram in Aizawl khawpui sunga sin thawna dinga a hmu ding hi Rs. 73 crores a ni a, Tamil Nadu in Rs. 3,249 crores; Madhya Pradesh in Rs. 1,656 crores, Odisha in Rs. 456 crores le Jharkhand in Rs. 313 crores an hmu ding a nih.
Political party tum tum hai inbiekpui a tum
NEW DELHI: Parliament Winter Session November 26, 2015 a inthawk tan dinga Bill pawimaw pendinga um hai passed a ni theina dingin tuta kar sung hin political party tum tuma thuoitu hai Parliamentary Affairs Minister M. Venkaiah Naidu chun inhmupui a tum bakah Parliament session inthung hmain all party meeting ko a tum bawk. Sawrkar thlungpui chun GST bill, labour reforms bill le real estate regulation bill hai tuta winter session sung hin passed hman ngei a tu m a nih.
Interview suktawp dingin
NEW DELHI: Union Minister Jitendra Dingh chun, India rama state tin hai chu ministries dang danga sawrkar sin Group ‘B’ le ‘C’ post hai lakna haia sawrkarin deadline a siem anga interview suktawp dingin a ngen. Department of Personnel and Training (DoPT) chun Group ‘B’ le ‘C’post hai laknaa dinga interview thaw hlak chu December 31, 2015 chena suktawp vawng dingin an hriettir a nih. Hi thil hi ngirhmun inhnuoi lem le pasie hai ta dinga harsatna an tlun hlak sulbona ding le sin lakna kawnga inditsakna um hlak subona dinga sawrkarin thaw a tum a nih.
JNU in MA course thar pathum
NEW DELHI: Jawaharlal Nehru University (JNU) chun session thara inthawk MAah course thar pathum hawng belsa a tum. Course thar hawng ding hai chu MA in Art History and Visual Studies; MA in Film, Television and New Media Studies le MA in Theatre and Performance Studies hai an nih tiin JNU Vice Chancellor S.K. Sopory chun a hril. Academic Council meeting chun, Hindi, Urdu, Kannada, Tamil, Marathi, Assamese, Bengali le Odia languages haia Master programme (research courses) inchuk theina ding School of Indian Languages hawng dingin rwtna a siem a, Universitya department tum tum hai kuoma thawn an ni ta a, Council kuoma an ngaidan pelut ding inhriettir an nih.
Veteran actor Saeed Jaffrey a thi
MUMBAI: Bollywood actor Saeed Jaffrey chu zani hamsa khan kum 86 mi niin a thi. Saeed Jaffrey hi Gandhi, Shatranj Ke Khiladi, Henna and Ram Teri Ganga Maili hai thanga Hindi film 100 chuonga lo inchang ta a ni a, India mi hai laia drama tiengpang a thawhlawk leiia Order of the British Empire (OBE) chawimawina dawngtu hmasa tak a nih. Jaffrey hi All India Radioa iemanichen a thawk hnungin US a fea The Catholic University of America –ah drama lo zun chuk a nih.
International films “The Man Who Would Be King”, “Death on the Nile”, “Sphinx”, “The Jewel in the Crown”, “A Passage to India”, “My Beautiful Laundrette”, “The Deceivers”,“After Midnight”, “On Wings of Fire” le “Chicken Tikka Masala” bakah Rev. Dr Rochunga Pudaite Chanchin ‘Beyond the Next Mountain’ film a khawm lo thang a nih.
Home Secy. levela inbiekna an nei
DHAKA: India le Bangladesh hai chun zanikhan ni 2 sung aw ding Dhaka hmuna Home Secretary levela inbiekna an nei tan. India tiem chu Home Secretary Rajiv Mehrishi in an rawi a, Bangladesh team chu Bangladesh Home Secretary Dr Mohammad Mozammel Haquw Khan in an vawi ve thung. Km. 4096 a sei ramri enkai dan ding, border trade infrastructure siemthat dan ding, ramri kana ralthuom le inruitheia sumdawngna do dan ding le thu pawimaw tum tum inbiekna nei sung hin hriltlang an tih. Chun, an ram pahni haia misuol le dan loa lut man le hrentang hai inpektuo dan ding chungthu khawm an hriltlang ring a nih.
C.Sangma enkawlnain Rs. 90,000 seng tah
SHILLONG: Meghalayaa Jail Department chun GNLA hotu tak man le Jaila khum mek Champion Sangma enkawlnain kum 2012 a inthawk khan Rs. 90,713/ a seng tah. Hi laia Rs. 67,893 chu a fak le dawn mana hmang a nih. Toiletries ah Rs. 5,600; miscellaneous artiles Rs. 6,700 ,cable network fee Rs. 10,500 le a bufak manin Rs. 67,893/ an seng niin Jail Department thusuok chun a hril.
Champion Sangma hi Meghalaya Policea Deputy Superintendent of Police (DSP) lo ni hlak, kum 2009 a ANVC commander hlui Sohan D. Shira le thangruola GNLA hung indintu a nih.
-------------------------------------------------------------------------------------------
VAWISUN THUPUI
Mihriem tawnghai le vântirko tawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih. - I Korinth 13:1
Editorial
Domestic LPG harsatna hi
India rama chun Liquefied Petroleum Gas (LPG) hi kum 1955 khan Mumbai hmuna hmang tan a ni a, kum 1978 hma chen khan chu LPG hi laksuokna mumal tak a la umnaw leiin nuom nuoma hmu el thei a ninaw a, sienkhawm kum 1980 a inthawk khan chu India ram sung hmun tum tuma LPG refineries le extraction Units hai a hung inzau pei a ni bakah LPG hmanga thlai suong hi remchangin a awlsam el khelah a khu naw a, a thlienghlim bawk leiin mitin dit a hung nitaa, a bul chun khawpui sung haia chau zawr thei dinga khuorkhir a ni a, damte tea a market inzau peiin tuhin chu India ram khawpui le khawte haia khawm hmang pei a hung nita a nih.
Khawvel hung changkang peiin tuta hma thlaisuongna le mei semna haia Thing le ruo, meihawl/lungmeihawl le a dang dang ei hmang hai kha a bal em em leiin ei hung hnawl pei a, tuhin chu tlangram kilkhawr haia chen khawm hmu thei le hmang thei dingin a hung um ta a, India chu khawvela LPG hmang rawn tak pangngana a hung ni phak ta hiel a ni a, domestic sector a ruok chu khawvela thlaisuongnaa Gas hmangtu tam na tak rambung pathumna a hung nita a nih. Khawvela thlaisuongnaa LPG hmangtu tamna tak chu USA niin a dawttu chu China a nih.
Meikhu a siemsuoknaw leia khawvel nasa taka a hung chawilar pei bawk leiin tulai khawvel mihriem hai chu LPG thang lova khawsa thei lo ei hung nita a, thlaisuongna chau ni lovin motor haia khawm hmang a hung nita pei leiin LPG mamawna hi nasa takin a hung pung pei a nih. India sawrkar khawma ei ram boruok sukthienghlimna ding le rama thing le ruo hai humhalna dinga thil tha le tangkai ding a nih ti hriein LPG hmang ding hin mipui lai nasa taka awareness thawin tlangram kilkhawr hai chena khawm hmu thei dingin a hung um ta a, thil lawmum tak a nih.
Hieng laizing hin thenum state dang haia thlaisuongna LPG hnienghnar taka an um lai Manipur mipui han harsatna namenlo ei tuok zing el ruok hi chu hrietthiem an tak a, consumers a bikin khawpui sunga cheng, thlai suongna dinga a khu thei thing le a dang dang hmang remchang talona hmuna cheng hai ta ding chun a beidawngum takzet. Churachanpdur district bika chun tuhin November, 2015 thla chanve ei chuongkai nawk ta laiin LPG Agencies hai chun August, 2015 chena booking hai an sem phak chau a, mi hausa a man pangngai lethni/thuma inchaw zo hai ta ding chun black marketa inchawk ding ruok chu a um zing tho nawk si leiin LPG semsuok dana hin thil indiklo iemani tak chu um niin an lang leiin thuneitu han enfel hai sienla nuom a um takzet.
Kum 2013 a inthawk khan LPG double connection sukbona ding le indiklo taka LPG zawrrukna sukbona dingin India sawrkar chun Direct Transfer Benifit Scheme a hung tan a, tuhin India ram pumpuia hmang mek a nitah. Hi Scheme hmang a hung ni lei hin mi Consumer tam tak hnawl an nita bawk a, Churachandpur district a ngei khawm hienganga hnawl hmang thei ta lo Gas Consumer book tam tak an um a, LPG thuah indai deu awm tak chu ei ni laiin ei harsatna an kieng chuong nawh. Bandh le Blockade leia duthusama a hungtlung thei ngainaw leia harsatna tuok hlak khawm chu ni ngei ei tih, sienkhawmManipura LPG distribution chungchanga hin thil indiknaw iemani tak chu a um niin an lang. Agency umzat le mipui tamna an mil tawk tanaw leia LPG tlasam zing zing ei ni thei a; chu laizing chun LPG ei phurlut hai mi thenkhatin black marketa zawr dinga indiklo taka an lo keihek hlak lei annawleh Manipur in mipui umzat le inmil tawka LPG a laklut naw lei hrim hrim lei khawm a ni thei bawk. Chun, Agency an tlawm taluo leia ei mamaw tawk an phurlut theinaw lei khawm a ni thei bawk.
Hi lei hin Manipur sawrkarin LPG thua mipui harsatna sutkieng a hung ni theina dinga lampui a dap a tul takzet. Churachandpur district/khawpui sunga hin a tlawm taka Distributors/Agency 2 bek um belsa sien chu LPG thua ei harsatna hi nasa takin a zieum lem mipui chun an ring a, hi thua hin state sawrkar khawmin Agency/distributor hawng/sie belsa a ni theina dingin hma hung la sien ti chu mipui ditdan a nih. Chun, Black marketa LPG zawrna khawm hi enfel sienla, indiklo taka thawtu hai chunga a nat thei ang takin hremna pe ngei hlak sien chu blacka zawrtu hai hi an sim deu ring a um.
Sangai Festivalah tukhawm thang lo dingin:
Martyrs hai Nov. 30 a vui ding
CCPUR: November 16, 2015, 1:00PM khan JAC Against AntiTribal Bill inrawinain JPO thuoitu han meeting an nei a, Tribal Martyrs hai ruong November 30, 2015 nia vui dinga remruotna siem a ni le inzawma thil thaw dan ding hai hrilin an rel. Chu dungzui chun Martyrs hai ruong vuina ding programme induongtu dingin Inpuis, JAC, JPO le Christian Goodwill Council hai thangna Committee in din a, chu committee in an darzau thei ang taka fielna an thawndar le prog. siem maw a phur ding; hospitality arrangement ADCC mawphurna pek; JPO le Martyrs Park Development chu physical arrangement,hall arrangement le sound system mawphurna pek; JAC a Women Wing chu hall le a sevel decoration mawphurna pek an nih. Finance SubCommitee chu Martyrs hai ruong vui huna tui dawn ding thua mawphurna pek; Student organisation tum tum HSA, KSO le ZSF hai chun Usher le stewardship mawphurna pek an nih.
Joint meeting chun November 21, 2015 a inthawk Sangai Festival 2015 tan dingah Manipur a Hill districts hai chu AntiTribal Bills protestnaa hi festival a thang lo dingin an ngen a, Churachandpur district a inthawk mimal le Organisation tukhawm va thang lo ding le a va thang lui an um chun Tribal movement fe mekah AntiTribal a ngai ning an tih tiin an rel.
Nov. 15, 2015, 10:00PM a JAC, Inpui hai, Tribe Leaders le JPO han MPC Office, Hmuia Veng, CCPura Closed Door meeting an nei hunah AntiTribal Bills 3 le inzawma nuorna ni 70 chuong fepui mek chungthuah MHA in Manipur sawrkar thanga Valley le Hill mipui bakah party/organisation hai ngaidan lak hmasa phawt a ni hma chu thutlukna siem nilo dinga ziek ngeia assuarance a hung pek ta leia November thla sunga Martyrs hai ruong Nov. 30, 2015 nia vui dingin an rel a nih.
Zani hmasaa closed door meeting chun Manipur sawrkarin JAC nuorna a ngaitha na thua an lungawinaw hle a, KNO le UPF hai le sawrkarin inbiekna nei thei vat hai sien an nuom thu hai an hril. Tribal movement hrat lema a fe pei theina dinga mipuiin unity maintain zing theina dinga a tul anga mipui hrilhriet pei ding. Chun, Manipur Tribal Forum Delhi in Jantar Mantara Relay Strike an fepui mek tluong taka a fe pei theina dingin a tul anga an hmang dingin JPO in Rs. 2 lakh thawn ding tiin an rel.
Hlawfa ruoi man an bituk
CCPUR: Khawpuibung le Valpakawt Joint Village Authority chun November 14, 2015 khan thuthar um nawk hma poa dingin Bu vuok, Bu at le Bu phun hun haia nitha hlaw ding bitukin inhriettirna an siem. Chu dungzui chun Bu at rate Phun ni ah sangngamah Rs. 1600/; Pamphal Sangngamah Rs. 1700/; Bu vuok man Sangngamah Rs. 1600/(Bu vuo a inhlaw haiin hrizawl a ngir an ta, zap bawk an tih. Loneituin thingpui le bei tum an tih); Nitha inhlaw Pasal Rs. 300 le nuhmei Rs. 250/ ning a tih.
Bu lu inchu hun lai chun a thei china khawpuotieng nekin khawsung mi hai ngaipawimaw hram ding ti le Lo neitu han inhmaw thilin rate siem neka tamlema hlawfa an lo ruoi a ni chun Joint Village Authority in an chungchang ngaituong a tih tiin Joint Village Authority chun inhriettirna an siem.
WSHG Training
CCPUR: DDM, NABARD/CCPur,UBI Nodal Bank le Relief and Deveopment Dept./EAC Anchor NGO hai thngruolin zani 10:30AM khan Rengkai Roada EAC Resource Centreah Women Self Help Group hai ta dinga training buotsai a nih. Training hi Rev. Huolthangsei Thiek, Executive Director, EAC in tawngtainain a hawng a, training huna Thangchinkhup Guite, DDM/NABARD, Thangneisang, Manager, UBI/CCPur leh Ms Lamchin, Coordinator, EAC hai resource person in an thang a, WSHG 6 a inthawk mi 30 vel an thang.
DIPR huoihawtnain National Press Day hmang;
Journalists 8 kuomah award inhlan a nih
IMPHAL: Zanikhan Directorate of Information and Public Relations (DIPR), Govt. of Manipur huoihawtnain Manipur Press Club, Imphal hmunah Press Council of India (PCI) indin champha a ni le inzawmin National Press Day a hmang a nih. Hi huna hin Manipur CM O.Ibobi Singh khuollienin a thang a, M. Okendro Singh, Minister (Eduation/CAF&PD) le Shyamjai President, All Manipur Working Journalist Union (AMWJU) hai functional President le Guest of honour in an thang. Hi hina hin Manipur Journalists 8 hai kuomah Award inhlan an nih.
CM O.Ibobi Singh chun, media hai pawimawna hrilin Press Housing Colony le senior journalist hai ta dinga welfare programs hai thangin Chanchinbumi hai ta dinga a tul anga sawrkarin hma a lak ding thu a hril.
Hi huna Award inhlan hai Manipur State Journalist Award for Best Editor chu Manipuri Daily Naharolgi Thoudang Editor Khoirom Loya Lakpa kuoma inhlan a nih. Huiyen Lanpao Dailya Naorem Gyanand, District correspondent; Ashem Babycha, Staff Reporter, Mutum Rameshchandra, Staff Reporter le Wangkhem Rishikesh hai chu reporting on Rural reporting, Women and Children, Public Health and Hygiene le Sports category haia State Journalist Award inhlan an ni a; Poknapham Dailya inthawk Angom Ranjit (Reporting on Art and Culture), Laishram Keshonanda (Science & Technology Reporting), Sorensangbam Sonia (Parliamentary Reporting) hai an nih.
Award dawngtu hai kuoma hin Rs 25,000 seng bakah Shawl le Citation an dawng. Manipur State Journalist Award hi kum 1994 a peksuok tan a ni a, tan hlim khan chu DIPR in kum tin Editor pakhat kuoma Award Rs. 5,000 a pek hlak a ni a, sienkhawm kum 2008 a inthawk khan category dang dang haia Award sum hi Rs. 25,000/ a sukpungin a hung pek tan a nih.
AMWJU President chun, Manipur CM chu tuta categories 8 hai bakah “reporting on differently able persons’ category belsa dingin a ngen.
JAC in bandh an hlip tah
IMPHAL: Primary school Headmaster Md. Hashmad Ali @ Oja Babu Bawng inrua intuma that a nina le inzawma JAC indina umin November 16, 2015, 5AM a inthawk November 17, 2015 chen darkar 48 sung bandh an thaw tan chun zanikhan Manipur phairam biel, a bikin Muslim hai chengna Hatta, Lillong, Yairipok, Irilbung le Muslim hai tamna biela chun private le govt office tam tak khar an ni a, hmun thenkhata ruok chun nundan pangngai a sukbuoi nawh. Bandh hi November 17, 2015, 5AM chen ding a ni a, sienkhawm Imphal East district SP in an thil ngen bawzui pek dinga a tiem leiin JAC chun bandh hi zani zantieng 5PM khan an lakdawk tah. JAC chun tuolthattu hai hi mana hremna pe dingin an phut a nih.
Yaiskul areaah dappui thaw
IMPHAL: Zanikhan Imphal West Police chun November 21, 2015 a inthawk Sangai Festival 2015 hung um ding le inzawma thil ditum lo a tlung nawna dinga invengnain Yaiskul areaah dappui an thaw. Police Commandos hai chun hiengang dappui hi hmun dang dang le ringhlaum deuna hmun haia an la thaw sunzawm pei ding a nih.
CM in Bar Assn. Silver Jubilee closing a uop
IMPHAL: High Court Bar Association, Manipur Silver Jubilee kharna High Court of Manipur auditoriuma nei huna Manipur Chief Minister O.Ibobi Singh chu khuollienin a thang. Silver Jubilee hi ni 3 sung hmang a nih.
NSCNK hai terrorist a puong
NEW DELHI: National Socialist Council of NagalandKhaplang (NSCNK) le a hnuoia um organisations hai chu Unlawful Activities (Prevention) Act, 1967 hnuoiah terrorist organisation a puong an ni tah tiin Home Ministry spokesman chun a hril a, hi thua hin tu lai hnai el khan sawrkar chun NSCNK hai danpuoa hnawlna gazette notification a lo insuo ta niin a hril.
NSCNK hai hin June 4, 2015 khan Chandel District, Manipurah army convoy hai an lambun a, army personnel 18 zet an lo kap hlum ta bakah 15 zet an hliem a, hi thu hi NIA chun an suizui mek a, NSCNK Chief SS Khaplang luman Rs. 7 lakh le June thlaa Army hai lambunna inrawitu taka intum NSCNK armed wing selfstyle chief Niki Sumi chu luman Rs. 10 neiin a lo puong ta a nih. Khaplang hi Myanmar mi a ni a, Sumi hi Nagaland mi a nih.
Permanent Rep. to UN dingin Akbaruddin
NEW DELHI: Mr Syed Akbaruddin chu Permanent Representative of India to the United Nations, New York thar dinga ruot a nih. Mr Akbaruddin hin Asoke Kumar Mukerjee a tlakthleng ding a nih. Mr Akbar hi 1985 batch Indian Foreign Service Officer a ni a, tuta Additional Secretary, External Affairs ministry a um lai mek a nih. Mr Akbar hin MEA spokesperson le thla hmasa laia New Delhia India Africa Foreign Summit nei zo hluma Chief Coordinator sin lo thaw a nih.
Himachal Pradeshah In 79 a kang
BANJAR: Himachal Pradesh, Banjar Subdivision sunga Kotla village a chun November 15, 2015 zan khan kangmei nasa tak a suok a, kangmei suok hin hi khuoa In 79 hai chu a kangsiet vawng. Kangmei suok hin temple pahni hai khawm a kangsiet. Kangmei suok nasan hreit a ni nawh. District Commissioner, Rakesh Kanwar chun, kangmei suok leia harsatna tuok sungkuo hai hi immediate relief in Rs. 30,000 seng pek an ni ding thu a puong.
TN a ruosur leia thi 71 an tling tah
CHENNAI: Tamil Nadua chun ruosur leia sietna tum tum tlung leia mihriem thina tuok 71 an tling tah. Ruosur leia tuilien chun nundan pangngai nasa takin a sukbuoi bawk. Tamil Nadu CM Jayalalitha chun tuchena hin thina tuok mi 53 sunghai kuoma zangnadawmna Rs. 4 lakh seng pek dingin a puong tah.
Tamil Nadu Chief Minister chun a state sunga ruosur leia tuilien leia harsatna tuortu hai thangpuina le sawmdawlna dingin Rs. 500 hmang dingin zanikhan a puong. Sansuokna le sawmdawlna sin thaw mek a ni a, Army hai khawmin sansuokna sinthawtu hai hi an thangpui.
Army Chief Japan ramah an zin
NEW DELHI: Army Chief General Dalbir Singh Suhaq chu ni 4 sung cham dingin zanikhan Japan ramah an zin. Gen. Suhaq hin Japan ram a cham sungin Japanese defence minister General Nakatani, Chief of staff Admiral Katsutoshi Kawano le Japan army chief General Kiyofumi Iwata hai thangin official dang dang hai inbiekpui a tih.
Centre in AMRUT hnuoia Rs. 5748 crore a sanction
NEW DELHI: Sawrkar thlungpui chun Atal Mission for Rejuvenation and Urban Transformation (AMRUT) hnuoia Tamil Nadu, Madhya Pradesh, Jharkhand, Odisha le Mizoram haia water supply le sewarage connection hai thanga basic infrastrutures siemthatnaa kum 201516 sunga hmang dingin Rs. 5,748 crore a sanctioned. Hieng state 5 haia State Annual Action Plans (SAAP) hi Madhusudhan Prasad, Secretary, Ministry of Urban Development inrawi Apex Committee in approved an thaw a nih. Atal Mission for Rejuvenation and Urban Transformation (AMRUT) hi tukum July thlaa hawng a ni a, Mizoram in Aizawl khawpui sunga sin thawna dinga a hmu ding hi Rs. 73 crores a ni a, Tamil Nadu in Rs. 3,249 crores; Madhya Pradesh in Rs. 1,656 crores, Odisha in Rs. 456 crores le Jharkhand in Rs. 313 crores an hmu ding a nih.
Political party tum tum hai inbiekpui a tum
NEW DELHI: Parliament Winter Session November 26, 2015 a inthawk tan dinga Bill pawimaw pendinga um hai passed a ni theina dingin tuta kar sung hin political party tum tuma thuoitu hai Parliamentary Affairs Minister M. Venkaiah Naidu chun inhmupui a tum bakah Parliament session inthung hmain all party meeting ko a tum bawk. Sawrkar thlungpui chun GST bill, labour reforms bill le real estate regulation bill hai tuta winter session sung hin passed hman ngei a tu m a nih.
Interview suktawp dingin
NEW DELHI: Union Minister Jitendra Dingh chun, India rama state tin hai chu ministries dang danga sawrkar sin Group ‘B’ le ‘C’ post hai lakna haia sawrkarin deadline a siem anga interview suktawp dingin a ngen. Department of Personnel and Training (DoPT) chun Group ‘B’ le ‘C’post hai laknaa dinga interview thaw hlak chu December 31, 2015 chena suktawp vawng dingin an hriettir a nih. Hi thil hi ngirhmun inhnuoi lem le pasie hai ta dinga harsatna an tlun hlak sulbona ding le sin lakna kawnga inditsakna um hlak subona dinga sawrkarin thaw a tum a nih.
JNU in MA course thar pathum
NEW DELHI: Jawaharlal Nehru University (JNU) chun session thara inthawk MAah course thar pathum hawng belsa a tum. Course thar hawng ding hai chu MA in Art History and Visual Studies; MA in Film, Television and New Media Studies le MA in Theatre and Performance Studies hai an nih tiin JNU Vice Chancellor S.K. Sopory chun a hril. Academic Council meeting chun, Hindi, Urdu, Kannada, Tamil, Marathi, Assamese, Bengali le Odia languages haia Master programme (research courses) inchuk theina ding School of Indian Languages hawng dingin rwtna a siem a, Universitya department tum tum hai kuoma thawn an ni ta a, Council kuoma an ngaidan pelut ding inhriettir an nih.
Veteran actor Saeed Jaffrey a thi
MUMBAI: Bollywood actor Saeed Jaffrey chu zani hamsa khan kum 86 mi niin a thi. Saeed Jaffrey hi Gandhi, Shatranj Ke Khiladi, Henna and Ram Teri Ganga Maili hai thanga Hindi film 100 chuonga lo inchang ta a ni a, India mi hai laia drama tiengpang a thawhlawk leiia Order of the British Empire (OBE) chawimawina dawngtu hmasa tak a nih. Jaffrey hi All India Radioa iemanichen a thawk hnungin US a fea The Catholic University of America –ah drama lo zun chuk a nih.
International films “The Man Who Would Be King”, “Death on the Nile”, “Sphinx”, “The Jewel in the Crown”, “A Passage to India”, “My Beautiful Laundrette”, “The Deceivers”,“After Midnight”, “On Wings of Fire” le “Chicken Tikka Masala” bakah Rev. Dr Rochunga Pudaite Chanchin ‘Beyond the Next Mountain’ film a khawm lo thang a nih.
Home Secy. levela inbiekna an nei
DHAKA: India le Bangladesh hai chun zanikhan ni 2 sung aw ding Dhaka hmuna Home Secretary levela inbiekna an nei tan. India tiem chu Home Secretary Rajiv Mehrishi in an rawi a, Bangladesh team chu Bangladesh Home Secretary Dr Mohammad Mozammel Haquw Khan in an vawi ve thung. Km. 4096 a sei ramri enkai dan ding, border trade infrastructure siemthat dan ding, ramri kana ralthuom le inruitheia sumdawngna do dan ding le thu pawimaw tum tum inbiekna nei sung hin hriltlang an tih. Chun, an ram pahni haia misuol le dan loa lut man le hrentang hai inpektuo dan ding chungthu khawm an hriltlang ring a nih.
C.Sangma enkawlnain Rs. 90,000 seng tah
SHILLONG: Meghalayaa Jail Department chun GNLA hotu tak man le Jaila khum mek Champion Sangma enkawlnain kum 2012 a inthawk khan Rs. 90,713/ a seng tah. Hi laia Rs. 67,893 chu a fak le dawn mana hmang a nih. Toiletries ah Rs. 5,600; miscellaneous artiles Rs. 6,700 ,cable network fee Rs. 10,500 le a bufak manin Rs. 67,893/ an seng niin Jail Department thusuok chun a hril.
Champion Sangma hi Meghalaya Policea Deputy Superintendent of Police (DSP) lo ni hlak, kum 2009 a ANVC commander hlui Sohan D. Shira le thangruola GNLA hung indintu a nih.
-------------------------------------------------------------------------------------------
VAWISUN THUPUI
Mihriem tawnghai le vântirko tawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih. - I Korinth 13:1
Editorial
Domestic LPG harsatna hi
India rama chun Liquefied Petroleum Gas (LPG) hi kum 1955 khan Mumbai hmuna hmang tan a ni a, kum 1978 hma chen khan chu LPG hi laksuokna mumal tak a la umnaw leiin nuom nuoma hmu el thei a ninaw a, sienkhawm kum 1980 a inthawk khan chu India ram sung hmun tum tuma LPG refineries le extraction Units hai a hung inzau pei a ni bakah LPG hmanga thlai suong hi remchangin a awlsam el khelah a khu naw a, a thlienghlim bawk leiin mitin dit a hung nitaa, a bul chun khawpui sung haia chau zawr thei dinga khuorkhir a ni a, damte tea a market inzau peiin tuhin chu India ram khawpui le khawte haia khawm hmang pei a hung nita a nih.
Khawvel hung changkang peiin tuta hma thlaisuongna le mei semna haia Thing le ruo, meihawl/lungmeihawl le a dang dang ei hmang hai kha a bal em em leiin ei hung hnawl pei a, tuhin chu tlangram kilkhawr haia chen khawm hmu thei le hmang thei dingin a hung um ta a, India chu khawvela LPG hmang rawn tak pangngana a hung ni phak ta hiel a ni a, domestic sector a ruok chu khawvela thlaisuongnaa Gas hmangtu tam na tak rambung pathumna a hung nita a nih. Khawvela thlaisuongnaa LPG hmangtu tamna tak chu USA niin a dawttu chu China a nih.
Meikhu a siemsuoknaw leia khawvel nasa taka a hung chawilar pei bawk leiin tulai khawvel mihriem hai chu LPG thang lova khawsa thei lo ei hung nita a, thlaisuongna chau ni lovin motor haia khawm hmang a hung nita pei leiin LPG mamawna hi nasa takin a hung pung pei a nih. India sawrkar khawma ei ram boruok sukthienghlimna ding le rama thing le ruo hai humhalna dinga thil tha le tangkai ding a nih ti hriein LPG hmang ding hin mipui lai nasa taka awareness thawin tlangram kilkhawr hai chena khawm hmu thei dingin a hung um ta a, thil lawmum tak a nih.
Hieng laizing hin thenum state dang haia thlaisuongna LPG hnienghnar taka an um lai Manipur mipui han harsatna namenlo ei tuok zing el ruok hi chu hrietthiem an tak a, consumers a bikin khawpui sunga cheng, thlai suongna dinga a khu thei thing le a dang dang hmang remchang talona hmuna cheng hai ta ding chun a beidawngum takzet. Churachanpdur district bika chun tuhin November, 2015 thla chanve ei chuongkai nawk ta laiin LPG Agencies hai chun August, 2015 chena booking hai an sem phak chau a, mi hausa a man pangngai lethni/thuma inchaw zo hai ta ding chun black marketa inchawk ding ruok chu a um zing tho nawk si leiin LPG semsuok dana hin thil indiklo iemani tak chu um niin an lang leiin thuneitu han enfel hai sienla nuom a um takzet.
Kum 2013 a inthawk khan LPG double connection sukbona ding le indiklo taka LPG zawrrukna sukbona dingin India sawrkar chun Direct Transfer Benifit Scheme a hung tan a, tuhin India ram pumpuia hmang mek a nitah. Hi Scheme hmang a hung ni lei hin mi Consumer tam tak hnawl an nita bawk a, Churachandpur district a ngei khawm hienganga hnawl hmang thei ta lo Gas Consumer book tam tak an um a, LPG thuah indai deu awm tak chu ei ni laiin ei harsatna an kieng chuong nawh. Bandh le Blockade leia duthusama a hungtlung thei ngainaw leia harsatna tuok hlak khawm chu ni ngei ei tih, sienkhawmManipura LPG distribution chungchanga hin thil indiknaw iemani tak chu a um niin an lang. Agency umzat le mipui tamna an mil tawk tanaw leia LPG tlasam zing zing ei ni thei a; chu laizing chun LPG ei phurlut hai mi thenkhatin black marketa zawr dinga indiklo taka an lo keihek hlak lei annawleh Manipur in mipui umzat le inmil tawka LPG a laklut naw lei hrim hrim lei khawm a ni thei bawk. Chun, Agency an tlawm taluo leia ei mamaw tawk an phurlut theinaw lei khawm a ni thei bawk.
Hi lei hin Manipur sawrkarin LPG thua mipui harsatna sutkieng a hung ni theina dinga lampui a dap a tul takzet. Churachandpur district/khawpui sunga hin a tlawm taka Distributors/Agency 2 bek um belsa sien chu LPG thua ei harsatna hi nasa takin a zieum lem mipui chun an ring a, hi thua hin state sawrkar khawmin Agency/distributor hawng/sie belsa a ni theina dingin hma hung la sien ti chu mipui ditdan a nih. Chun, Black marketa LPG zawrna khawm hi enfel sienla, indiklo taka thawtu hai chunga a nat thei ang takin hremna pe ngei hlak sien chu blacka zawrtu hai hi an sim deu ring a um.
