Muolhoi, May 16, 2015 (Virthli News):  Muolhoi Hmar Martyr's Day Organising Committee  le HPC (D) Assam Region hai huoihawtna hnuoiah Hmar Martyr's Day a vawi 25 na chu CH Khawthlang Memorial Hall , Muolhoi ah zing dar 7 khan ursan takin hnam ta dinga  hringna lo inhlantu hai hrietzingna le sunna hunser hmang a nih. Hmar Martyr's Day Orgnising Committee a  President chu Pu Ngamrothang Hmar Chairman, NCHAC niin,  Chief Guest in Pu Hlima Keivom, MAC, NCHAC hmang a ni a, Hnam thuoitu le khawtlang thuoitu thahnem tawk takin an uop bawk. Chief Guest bakah thuoitu hai a'nthawk thu tha tak tak hrilna an nei bawk. Nk. Angela Khawlremzo Sungte a'nthawk hla mawi tak ngaithlakna nei a nih. Orgnising Committee hai in refreshment hnienginhnar taka a buotsai chu mipui fe khaawmtu haiin an kil thlang.


Zantieng dar 2 in Muolhoi Youth Club (MYC) in Martyr's Trophy Tournament a buotsai chu zantieng Muolhoi field ah final inkhelna nei a nih. Mipui a sangtel fekhawm in, hi hun a hin Chief Guest Pu Laltlansang Hmar, EM, NCHAC ni in, HSA Muolhoi khawm in hnam lam mawitak el in entirna annei bawk. Inkhel tan hma in hunser hmang a ni a, Pu Paua Intoate a'nthawk Hmar hnam ta dinga fam lo chang ta hai chanchin tawi report na a nei a, Hmar Organisation tin a thuoitu hai khawma thucha tha tak tak mipui hung khawmtu hai lai hrilna an nei bawk.

Hmar Martyr's Trophy Football tournament final a hin THE RAIN  team le Football Family team hai chu inhnel in, Football Family team hai in hnena changin  Muolhoi  Hmar Martyr's Trophy 2015 chu an lo lak tah a nih.

Post a Comment

Powered by Blogger.