CCPur, 10th Nov., 2014: Bharatya Janata Party (BJP), CCPur District hotuhai chun an hmalakna hrat taka fepui pei an tumna le inzawmin District President Mr. J. Haokip inrawina hnuoia CCPur District sunga Mandals (A/C’s) tum tum a thuoituhai inpawlpuina le kanna (Visiting programme) an nei tan a. A hmasatakna dingin 58-Churachandpur Mandal Office, Rengkai Road hmun ah hi Mandal hnuoia hotuhai le Unit tum tum a memberhai chu Nov. 10, 2014 zing dar 7am khan an in hmupui. Hi hun a hin District sunga mipui harsatna ngaithlakna le hmalak tlang pei dan ding hrilpuinain hun an hmang. An harsatna hai chu ziek ngeia, a fiena (Prove) tha tawk leh 58-Churachandpur Mandal Office hmuna Wednesday – Thursday dar 9am – 2pm haia pelut dingin BJP chun inhriettirna a siem. Chun, CCPur Mandal huop sunga mihai chun thuchieng Mandal President, Mr. Thangneikhum (09856362258) kuoma hriet thei a nih. Chun, hieng Churachandpur District hmasawnna dinga thil tul le mipuiin an mamaw an hril hai hi PM Shri Narendra Modi kuoma an intlun ding a nih tiin Mr. LRS Puruolte Gen. Secy., (Publicity) BJP/BJYM, CCPur District chun a hril. A hril peina a chun BJP a Primary Enrolment thaw nuomhai tadingin IT technology hmangin an thaw thei ta a, 18002662020 Missed Call in SMS a inthawk Reply hung kha dawn el ding a nih. Hi thil hi awlsam lem le mipui hmakhuo ngaituonaa thaw a ni thu, Gen. Secy., Central BJP, Delhi thusuok dungzuiin 2015 – 2020 a chun Active le Primary Member lo ni ta hai khawm Enrolment hi thaw thar nawk pei ding a ni thu, India ram hi ei renga ta a ni a, BJP hin mipui angkhatin a en a, hnam inthlierhrangna a dit naw a, hmasawnna ang khat rawnga hnam tum tum le khuo le veng tum tum haiin an nei thei sengna dingin a thei tawp suong a tih tiin a hrilsa bawk.

BJP hin an District Office, Tuibuong  hmun ah Inrinni zat (Every Saturday)  8am in District sung suk hmasawnna ding le Party hmalak pei dan ding ngaituonain meeting an nei zie ta hlak a nih. Nov. 8, 2014 khawm khan CCPur District ah Central University, Sports Academy pakhat bek a um thei dan ding, zan hun haia mipui le Students ha’n an mawmaw tawk Electric meivar an hmu thei dan ding, Lampui (Roads/NH) siemthat le Central Fund hai Sanction a ni dan ang taka a fe thei dan ding, Khuga Dam Project induong a ni ang tak le mipuiin tui an mamaw tawk an hmu dan ding, Voter List le Polling Station chungchanga thil indiklo umhai, Law & Order thuhai an hriltlanga, Hun remchang hmasataka India PM kuoma khawm Ziek ngei a peklut an tum thu an lo hril ta bawk. Hmatieng peia khawm mipuiin an harsatna chu BJP ah intlun dingin an lo inhriettir ta a nih.





Post a Comment

Powered by Blogger.