HSA Delhi: Congratulatory Note on Clearing the UPSC CSE 2024

The Hmar Students' Association, Joint Headquarters Delhi, extends our warmest congratulations to Mr. Jerry Lalhratthang Buongpui (AIR 999 CSE 2024) on his incredible achievement of clearing the UPSC Civil Services Examination 2024. We are deeply thankful to God Almighty for answering the prayers of His people and for lifting one of our own to such a significant milestone.

At a time when the Kuki-Zomi-Hmar community continues to face the pain and uncertainty brought on by the ongoing ethnic violence in Manipur, Jerry’s success brings a sense of hope and encouragement to us all. His journey reminds us that even in times of suffering and displacement, determination, faith, and hard work can lead to meaningful change.

His achievement is more than personal—it is a shared moment of pride for the entire Hmar/Zohnathlak community. For countless young students across the region, especially those from conflict-affected areas, his success has become a powerful beacon of hope that dreams can survive and thrive, even against the odds.

The HSA JHQ Delhi celebrates this moment with deep joy and admiration. We pray that God continues to guide Jerry L Buongpui as he enters public service, and we hope he will become a compassionate and courageous leader for our people and a voice for those who are often unheard. We wish him continued sucess, wisdom and courage as he takes on the responsibilities of public service.

Issued by:  

Hmar Students’ Association, Joint Headquarters Delhi

HSA Thuoitu haiin Hmarkhawlien Refugee camp kanna nei

Hmawkhawlien, June13, 2015: Tarik 13 June 2015 dar 05:10PM khan, Hmar Students’ Association General Headquarters a General Secretary, Assembly Deputy Secretary, Barak Valley Joint Headquarters a President, Information & Publicity, Cultural Secretary, Sinlung Hills Joint Headquarters a President le Aizawl Joint Headquarters member haiin, CHOTO KUMPI (Rema Punjee) Refugee Camp, Hmarkhawlien Union High School ah Refugee hai inhmupui na an nei a, thlamuongna thucha tha taktak hai an hril el khel ah, Refugee hai hme man dingin tiin HSA GHQ a General Secretary Tv Rothanglien Khawbung in Rema Punjee Village Authority Chairman kuma sumfai H.S.A. hmingin inhlanna a nei. Rema Punjee buoina le inzawm in, H.S.A. thuoituhai in a tul ang ang in theitawp suoin hma hung la pei an tih, tiin H.S.A. General Secretary chun a hril. 

Source;

Joseph Darngawn

Information & Publicity

H.S.A. Barak Valley Joint Headquarters

THIEMFIM - Literary & Art Meet 2015 (Pics)

THIEMFIM - Literary & Art Meet 2015

Theme: THANGDAN LEIDAW (Bridging the Gap)

Venue: Srimanta Sankaradeva Bhawan

Satsang Vihar Marg, New Delhi

Date: 21st March, 2015

j

Photo Credit: James Pusing Sanate

HSA Emergency Meeting nei, Declaration an puong

Hmarkhawlien, 28th March, 2015: Vawisun khan HSA General Headquarters kona le inrawina hnuoia HSA Emergency Meeting chu RPC Training Hall Hmarkhawlien-ah nei a ni a, hi huna hin State dang danga HSA General Headquarters, Joint Headquarters le Branch thuoitu hai fekhawmin tarik 22nd March, 2015 zana Pu Lalthuthlung Hmar, President HSA Barak Valley Joint Headquarters’ in ramhnuoimi kut a tuorna thu an ngaituo.

Hi huna hin, Pu Lalthuthlung a chunga thiltlung chu thupui taka hmangin kut tuortu in thiltlung dân hai Palai fekhawm hai hrilna a nei.

Palai fekhawmhai chun hienga ramhnuoimi haiin mimal chunga kut an thlâk vet hi an ditnaw hle thu an puonga, thingher culture hi bânsan ta ding le tlung ta ngailo dingin ngénna an siem.

Hi thiltlung le inzawm hin thupuong (Declaration) siem bawk a nih.

Hi thupuong (Declaration) siema um ruok hi chu nakie HSA General Headquarters’ in anla hung insuo dinga ti a nih.

Photo Credit: Joseph Darngawn.

Signboard suksiet a um a hmun pangngai a bawk phun nawk ning a tih –Secy., HSA, Serlui Block

SINLUNG HILLS: Bhaga Bazar, Assam – Saiphai, Sinlung Hills, Mizoram lampui, Assam le Mizoram inrina, Saiphai khuo lut tanna laia HSA Saiphai Unit in Signboard an siem, “Wel Come to Sinlung Hills, Mizoram; Ei hnam mawina chu nang le keia innghat a nih” ti inziekna, Mar. 8, 2015 ni a suksiet a um chu a thawtu tak tuchen a man a la ni naw a, hienglaizing hin Mar. 17, 2015 Vawituk khan Saiphai Unit Thuoituhai chun hi signboard suksiet a um hi khawsung ah an lak lut tah. Hi hun a hin HSA Serlui Block Thuoitu Tv. Thangngur, President le Tv. Lalthlirlien Hmar, Secretary hai khawm an thang ve. A siemthatnaa sengso hai chu Village Council (VC), Saiphai haiin tum vawng an ta, signboard thar ding siemzo a ni hun ah Mizoram Police le IR (Mizoram) le VC hai thangin a hmun pangngaia bawk phun nawk ning a tih tiin Secy., HSA, Serlui Block chun ei inbiekpui hun ah a hril.

-LRS Puruolte

Saiphai HSA hai Signboard "Welcome to Sinlung Hills" inzeikna suksiet a nih

Saiphai, March 9, 2015: Saiphai khuo luttawma HSA Saiphai Unit in an phun Signboard "Welcome to Sinlung Hills" ti inziekna chu zanizan dar 8 vel khan hmelhriet lo haiin rawng hmangin hmusit le deusaw takin an nal sen a, thul hmangin a signboard ban khom kar dawkin an namthluk nghe nghe a nih. Tuhin HSA Saiphai Unit thuoitu hai chun Saiphai Police ah inhriettir in FIR an the lut nghal a nih.

Platinum Star Hunt Top-10 Plus Round Result

Platinum Star Hunt Top-10 Plus Round Result (Thlangsuok hai po):

1. Christina Shakum
2. Joshua Lalhuolhim
3. Lorinda Hrangdokim Varte
4. Obadia Ralsun
5. Joslyn Infimate
6. Teresa Sellate
7. Lalrindik
8. Vanlaljona Tuolor.

Hieng hai po hi soundtrack le hla lo inring lawk dingin ei inngen a, velnawka inruolsiekna ding chungchang chanchin kimchang lem hung tarlang vak ning a tih. Top-7 Plus Round hi H.L.Daka Memorial Hall, Rengkai ah Dar 2:00PM a nei ni tang a ta. Sinlung Hills, HSA Joint Headquarters hai khawm hi huna hin hung thang ve tang an tih. Tickets, snacks le T-Shirt khawm a hmuna zawr nawk ning a ta, Contestants hai mimal a lo sponsor(s) nuom dam ei um chun iengtiklai khawm lawmlut zing anih tiin Immanuel Lalhrietzing Pulamte, Event Coordinator chun a hril.

~ Media & Publicity i/c

Platinum Jubilee Award le inzawma Inhriettirna

INHRIETTIRNA PAWIMAW

November 6, 2014

Mimtukthla (December) 11-14, 2014 sunga Hmar Students’ Association Platinum Jubilee Celebration GRAND FINALE huna hin HSA General Headquarters (GHQ) President le General Secretary hlui a dam hai po po le prokram mi hung hmangpui theihai kuoma bek ‘lawmthu hrilna’ nei tum a nih. Chuleiin, HSA GHQ-a President le General Secretary sin lo chelhai taphawtin hi hun hi lo ngaiven seng dingin kan hung inhriettir lawk cheu.

Tuta kum 75 sunga Hmar nau laia achievement nei tha chungchuong bikhai kuomah ‘Life Time Achievement Award’ pek ni bawk an tih. Chu khelah, kum 2011-14 inkar sunga HSA member, inchukna tienga thawtha chungchuong bikhai le, nu-le-pa, mani nauhai lekha inchukna le enkawlna kawnga chawimawi thlakhai kuomah chawimawina inhlan tum a ni bawk. Chuleiin, HSA Joint Headquarters le Branch, mani biel sunga um, hieng lawmman hmu thlaka an ngaihai chu November 20, 2014 bo hma ngeiin a hnuoia hmingziek annaw khawma HSA PJCC Secretary kuomah an hming le contact details bakah Chawimawina/Lawmman inhlan thlak an nina san felfai taka zieka hung pelut dinga inhriettir ei nih.

Joint Headquarters taphawtin hi lawmman dawngtu dingin mi 2 (pahni) pei le Branch tinin mi 1 (pakhat) pei hming hung pelut thei an ta; PJCC khawmin mi 2 (pahni) tho lo thlangsuok thei bawk a tih. Amiruokchu, hieng hming peklut a um hai hi HSA GHQ le PJCC inkawpin ‘scrutiny’ thaw la ning a ta, hming pekluthai po poin lawmman hi an hmu vawng kher naw ding thu inhriettirna ei hung siem bawk a nih.

HSA General Headquarters aiin,

Sd/-
(Simon L. Infimate)
Asst. General Secretary

HSA Platinum Jubilee Cultural Dance & Choir Competition Inhriettirna

HSA Platinum celebration le inzawm in Choir Competition (Hlapawl Inruolsiekna) le Cultural Dance (Hnam Lam) hai chu December thlabul a nei ning a ta. Choir le Cultural Dance inzawma hriet ding pawimaw hai chu HSA website le Facebook a hai upload a ni a; a mamaw le hrechieng nuomhai chun a site a en thei ran a nih.

Hi inruolsiekna a thang nuom hai chun a hnuoia hming inziek hai kuoma thuchieng lem in dawn thei ning a tih.

1st Prize = INR 50000/-
2nd Prize = INR 30000/-
3rd Prize = INR 20000/-
Entry Fee = INR 75/-

Last date of Registration: 15th November, 2014
NB: Choir le Cultural dance a prize hai hi an ang char ding anih.
Event Co-ordinator (Choir)
Robert Joute +918413028732

Asst. Event Co-ordinator (Choir & Cultural Dance)
S. Lalramhlun- +919774035692

Event Co-ordinator (Cultural Dance)
Lalhlimum Joute - +919862752996 / +918794028239

HSA Platinum Star Hunt 2014 3rd Soundtrack Round

- Alan Famhoite | Photo: Muona Infimate.

Tuithaphai: 01.11.14(Inrinni) khan HSA Platinum Star Hunt 3rd Soundtrack round chu Happy Heart School Auditorium, Bethel-ah nei nawk ani a. Hi huna hin Pu Laltanpui Khawbung, Social Worker in ribbon chepbawng-na le hun hawngna a nei a.  Thuhril tawi a nei naa chun hla pawimaw zie thu hai hrilin, thu a pawimaw ang bawkin hla hi a pawimaw a, hlobet le thinghna hai khawma hla hi an hlimpui a, sungkuo inrem talo hai khawm hla in a suk remthei a. Lungril nguoi hai tading khawma harna a pek thei anih. Top-10 ei kai phak naw ani khawma lunghnuol el lo ding ani ti hai a hril.

Hun hawngna nei ani zoin Pu Ramhluolien Khawbung, CRPF Pension in  ‘Zotlang Dingdi’ ti hla’n mipui an awi a, Pu Lalthankung F.Tusing (Kanghling Father) khawma a album thar buoipui meka a hla hieng ‘Ka maikung zut’ ti le ‘Bawngtar khawma lungder an du’ ti hla haiin mipui an awia ngaithlatu mipui fekhawm hai a sukhlim hle.  Emmanuel Fimate, SDPO CCPur, Michael Esh, Director, For One Life – International Ministries, Ralkapthuom, Social Worker haiin programme hi an uop. Hi huna hin contestants mi 16 hai chun an rawl mawi tak tak insuoin Top-10 round kai ngei tuma inruolsiekna an nei chu an thiemin entu mipui an sukhlim hle.

Hun kar laka  Pu Robert L. Hmar H.S.A. GHQ hnuoia um Hmar Students’ Education Board (HSEB) Member (i/c Manipur) chun Platinum Star en dinga hung khawm mipui hai ticket chu lottery a inchangtirin, chu lottery chu Pu Rochunghnung, Vice President, HSA GHQ an pawttir a, a number pawt fuk tak mi vangnei (ticket no: 071) chun HSA T-Shirt a tlawnin a dawng a nih. Top-16 round fethlenga Top-10 kai hai chu hieng hai hi an nih. 1. Christina Shakum (Sl.21) 2. Joshua Lalhuolhim (Sl.33), 3.May Joy (Sl.34), 4. Lorinda H.Varte (Sl.26), 5. Obadia Ralsun (Sl.16), 6. Fimchunghnung (Sl.03), 7. Joslyn Infimate (Sl.08), 8. Teresa Sellate (Sl.31), 9. Lalrindik (Sl.23), 10. Emanuel Infimate (Sl.05).

Top-10 round hi a hmun pangai Happy Heart School Auditorium, Bethel-a bawk 8th November hin soundtrack le inruolsiekna nei nawk ning a ta. Vision Recording Studio (VRS), Rengkai Road ah track discount rate-a siem thei zing ani tiin Emmanuel Pulamte, Event Coordinator chun inhriettirna a siem nghal bawk anih.