Bilkhawthlir, April 29, 2025: HSA 31st Executive Council 26.04.2025 Muolhoi a nei huna a lo rel angin Vawizan ni 29 April 2025 zan khan Pu Lalhmangai Thiek (Tuolor) chu a chengna in Bilkhawthlir Kharzawl veng ah Pu Hrangneithuom Lungtau, President HSA Kolasib JHQ in HSA po po aiin nau hau lawmpuina sumfai ₹ 12,000/- (sing le sang hni) HSA GHQ in a tum chu inhlanna a nei.
Hi huna hin HSA Kolasib JHQ, HSA Bilkhawthlir Unit thuoitu haiin an zu uop a, HSA Membership Fee khawm a pe ding awm haiin an pek nghal a nih.
Pu Lalhmangai Thiek hai sungkuo hi Saipum khuo suok an ni a, tuhin Bilkhawthlir a hin an sungkuo hin an khawsa mek a, huon hai neiin a tul ang anga inhlaw le sin thawin an khawsa mek a nih.
A nau upa tak Tv. Given Lawmnakima Thiek hi lekha thiem thei tak ani a, class-x (pawl sawm) exam huna khan Maths, Science, Social Science le Mizo subject a hai Letter marks lo hmuin hming lo inlang phak ani a, chawimawina khawm alo dawng ve nuol a, tuhin BA 5th Semister Aizawl Hrangbana college-ah anchuk mek a nih. An ureng hin inchuklai 9 an um a, class-xii inchuklai le tukum a class-x zo thar, High school le a hnuotieng inchuk mek an um bawk a nih. A naupang tieng hai hi chu sikul an la kai mumal thei raknaw a nih.
Pu David TVL Hmangai le Pi Lalzarmawi hai hin nau 12 an nei hai chu hieng a hnuoia hai hi an pieng kum le ei hung tarlang a nih.
1. Given Lawmnakima Thiek - 2004
2. JJ Malsawmtluanga Thiek - 2005
3. VL Chhanchhua Thiek - 2007
4. VL Rinchhana Thiek - 2009
5. Isak Lalruathlua Thiek - 2011
6. Esther Lalruatnghaki - 2014
7. H Rosangzuali - 2016
8. H Lalpekhlui - 2016
9. Isbela Lalnunchhani - 2017
10. Joshua Lalhruaizela Thiek - 2019
11. Samuel Lalhruaitluanga Thiek - 2021
12. Immanuel Laldampuia Thiek - 2023
