Aizawl/CCPur, June 27, 2018 | Virthli (ONP): June 27, 2018 a Mizoram Legislative Assembly Session a bill pawimaw ṭhenkhat phar le Bill lut ngaituo hai lai The Sinlung Hills Council Bill, 2018 pass (pawm) a um le hi bill-a Sinlung Hills Council inrelbawl dan ding; a thuneihna; Chairman, Deputy Chairman, Chief Executive Member le Executive Member ruot chungchanghai; an term hun sung ding le a kaihnawi thil pawimaw dang hai tarlang theia a hung um ta chu Hmar Inpui, Gen. Hqrs. (Hmar Supreme House) chun a lawmthu a puong. Hi ruol hin Sinlung Hills Council in a huom sunga cheng mipui ha'n hamṭhaṭna le hmasawnna lawmum tak an la hung dawng ngei a beisei thu a puonglangsa bawk.
