Responsive Ad Slot

33 Assam Rifles in Awareness Program hmangpui

Wednesday, June 27, 2018

/ Published by VIRTHLI
PARBUNG, June 27, 2018, Virthli (ONP): International Day Against Drug le inzawmin June 25, 2018 khan 33 AR, B-COY han Parbungah Awareness Program Cum Poster Contest an hmangpui. Hi hunser hmang huna Major Lovely Baite, 33 AR , B-COY in thu a hrilna a chun Drugs addiction leia mihriem hriselna le khawtlanga a nghawng thei thil hai ursun takin a hril a, mitin fimkhur ding le inruithei thil laka hai insiefihlim dingin infuina thucha hrilna neiin mi tuelkhawm inruithei thil hai dodalna kawngah hma la tlang seng dingin mipui fekhawm hai kuomah a fiel a, inruithei dodalna le ralmuongna chungchangah hmatieng peia hai mipuiin harsatna an nei hai iengtiklaikhawm a kuomah intlun thei a ni thu, a thei ang anga a thangpui ding thu hai a hril. Hi hunser hi a khuo mipui, khawtlang le Organisation tum tuma thuoitu han an uop a. Hunser hmang a ni zoin Run for Unity nei a nih

Hi hunser le inzawmin June 26, 2018 khan 33 AR ,B-COY hai huoihawtna hnuoiah Drugs abuse and illicit Trafficking ti thupuia hmangin Drawing Competition Parbung Govt. H/S ah nei a ni a. Senoir category ah First prize- Ms. Angela Ramsiemthar, Second prize- Ms. Dobora Ramsiemmawi,Third prize- Ms. Lalnunhlim, Junior category ah 1st Prize - Mr. Obed, 2nd- Lalditthang, 3rd- Simeon. Hi huna lawmman dawngtuhai hai Major Lovely Baite in inhlanna a nei tawl.
Don't Miss
© all rights reserved
made with by Simon L Infimate