CCPur, June 26, 2018 | Virthli (ONP): June 26, 2018 zantieng dar 2 PM khan May 21, 2018 zan a BP Stroke leia Fam lo chang tah Pu Lalropui Famhoite C-in-C, HPC(D) le Chairman, UPF chu HPC(D), Gen. Hqrs., Hmar Army in ama chengna In Saikot, CCPur ah Bawng 1 le Nga hai thatin ralna hun an hmang. Ama ralna hun a hin toṭawka ama sûnna a minute khat sung hun hmang le Cadre/Army ha'n ama inzana'n Gun Salute an pek a nih.
Hun vawngtuin Dr. Romeo Hmar, Sinlung Medical Officer (SMO), HPC(D) a ṭhang a, hun hawngna'n mipuiin “Kan tlangram mawi” ti hla sakin hun inhlan ṭawngṭaina Rev. Dr. V. Lalnghakthang Secretary, HCLF in a nei a, Ralna Hunser HPC(D), Hmar Army in neiin famtah Pu Lalropui a nuhmei le a piengna nu chu Hmar Thangsuo Puon insil tirna an nei a, ralna sumfai le ralnain ran a i that Bawng mal an inhlan a nih.
Hi hun a bawk hin thlamuongna ṭhucha hrilna le famtah Pu Lalropui a i maksan a sung hai le HPC(D) hai tadinga ṭawngṭai pekna Rev. Lalsiemthar Joute, Evangelist-at-Large RPCNEI in a nei a, inneitu tieng khawmin thuhrilna hun an nei a, hun tawp ṭawngṭaina le ruoi inhlanna Rev. Lalsiemthar Joute, Evangelist-at-Large RPCNEI in a nei zoin famtah Pu Lalropui ralna thlaithleng awttlang a nih.
Hun karlak ah HPC(D), Gen. Hqrs., Hmar Army in an thlang angin Special Invitee Artistes Mr. Jajai Singsit a'nthawk "Nunhlui ṭapna..." ti hla le Miss Gladys Lalparzo Sanate a inthawk "Iengkim ka tuok hai hi ama hrietpui ka nih..." ti hla hai ngaithlak niin sungkhat-laina, Hmar Inpui, Gen. Hqrs, hnam le khawtlang ṭhuoitu haiin an ṭawiawm bawk a nih.
HPC(D), Mizoram Region movement inzo thawk khat leia buoipui a tam leiin a hun takah an C-in-C hi an ral el thei naw thu le HPC(D) chu Mizoram Region lo inpe-in, an ralthuom lo intung tawk nei hai sienlakhawm Assam le Manipur Region chu a la um zing ding thu le ralthuom khawm ṭha le mamaw tawk an la kawl thu hi huna an thuhrilna hun a chun HPC(D) ṭhuoitu hai chun an hril. Famtah Pu Lalropui kha Manipur a UPF founder laia mi niin an indin ṭan tir 2005 a inthawk khan a thawpui hai chun Chairman dingin an dit hle a, sienkhawm a hnawl hlak a, a thi hma khan Chairman dinga thlanga a umna chu hnawl ngam ta loin a thi ni chen khan Chairman, UPF sin a chel a, mihai ngainat le inpak a hlaw hle a, leadership nei tak le hmathlir nei mi tak el niin ama ngainatu le hun hmangtuhai chun an inpam thu leh an inzawt tawl a nih.
Rev. Lalsiemthar Joute, Evangelist-at-Large RPCNEI in a thuhrilna hun a chun Sam 46:10, 108:9 le 33:12 hai besanin infuina thu ṭha tak tak hai a hril a, Silai chawi ah ṭhang naw sienlakhawm thlarau tieng ah HPC(D) a ni thu, in a um nu hai khawm HPC(D) anni vena hai a hril bawk.
Hun vawngtuin Dr. Romeo Hmar, Sinlung Medical Officer (SMO), HPC(D) a ṭhang a, hun hawngna'n mipuiin “Kan tlangram mawi” ti hla sakin hun inhlan ṭawngṭaina Rev. Dr. V. Lalnghakthang Secretary, HCLF in a nei a, Ralna Hunser HPC(D), Hmar Army in neiin famtah Pu Lalropui a nuhmei le a piengna nu chu Hmar Thangsuo Puon insil tirna an nei a, ralna sumfai le ralnain ran a i that Bawng mal an inhlan a nih.
Hi hun a bawk hin thlamuongna ṭhucha hrilna le famtah Pu Lalropui a i maksan a sung hai le HPC(D) hai tadinga ṭawngṭai pekna Rev. Lalsiemthar Joute, Evangelist-at-Large RPCNEI in a nei a, inneitu tieng khawmin thuhrilna hun an nei a, hun tawp ṭawngṭaina le ruoi inhlanna Rev. Lalsiemthar Joute, Evangelist-at-Large RPCNEI in a nei zoin famtah Pu Lalropui ralna thlaithleng awttlang a nih.
Hun karlak ah HPC(D), Gen. Hqrs., Hmar Army in an thlang angin Special Invitee Artistes Mr. Jajai Singsit a'nthawk "Nunhlui ṭapna..." ti hla le Miss Gladys Lalparzo Sanate a inthawk "Iengkim ka tuok hai hi ama hrietpui ka nih..." ti hla hai ngaithlak niin sungkhat-laina, Hmar Inpui, Gen. Hqrs, hnam le khawtlang ṭhuoitu haiin an ṭawiawm bawk a nih.
HPC(D), Mizoram Region movement inzo thawk khat leia buoipui a tam leiin a hun takah an C-in-C hi an ral el thei naw thu le HPC(D) chu Mizoram Region lo inpe-in, an ralthuom lo intung tawk nei hai sienlakhawm Assam le Manipur Region chu a la um zing ding thu le ralthuom khawm ṭha le mamaw tawk an la kawl thu hi huna an thuhrilna hun a chun HPC(D) ṭhuoitu hai chun an hril. Famtah Pu Lalropui kha Manipur a UPF founder laia mi niin an indin ṭan tir 2005 a inthawk khan a thawpui hai chun Chairman dingin an dit hle a, sienkhawm a hnawl hlak a, a thi hma khan Chairman dinga thlanga a umna chu hnawl ngam ta loin a thi ni chen khan Chairman, UPF sin a chel a, mihai ngainat le inpak a hlaw hle a, leadership nei tak le hmathlir nei mi tak el niin ama ngainatu le hun hmangtuhai chun an inpam thu leh an inzawt tawl a nih.
Rev. Lalsiemthar Joute, Evangelist-at-Large RPCNEI in a thuhrilna hun a chun Sam 46:10, 108:9 le 33:12 hai besanin infuina thu ṭha tak tak hai a hril a, Silai chawi ah ṭhang naw sienlakhawm thlarau tieng ah HPC(D) a ni thu, in a um nu hai khawm HPC(D) anni vena hai a hril bawk.
