Aizawl, December 06, 2017, Virthli (ONP): December ni 8, 2017 (Zirtawpni) zantieng dar 5.30 a Bawngkawn Field a nei ding Royal Stag Aizawl Rock Fest a inlang dingin khawvela tribute band thatak pawla hril International band Guns N Roses Official Tribute Band, Guns 2 Roses hai chu London anthawkin Aizawl an lo lut tah.

Khawvela rock group hlawtling tak hai laia mi Guns N Roses (GNR) Official Tribute band hai GNR kawidar hun kum 2002 laia indin a ni a, an indin hnung sawtnawte hnunga an hung inlar hrat hle a, Europe hmun hrang hrangah GNR hlahai sakin Festival le concert hai an nei hlak a, GNR band hi Axl chauhin a awp lai khan kum 2002, 2006 le 2012 haia khan GNR hmingin tour an neia, GNR original member po po hai hmun hrang hrangah an lo tour pui vawg tah a nih. Khawvela club hmingthang taka hril hiel, The Cavern Club London ah a zawnin zan 2 ticket an sold out thei a nih. The Cavern Club hi The Beatles hai hung inlar suokna a ni a, khawvela hlasakthiem hmingthang hai hlaskakna hlak a nih.


Guns 2 Roses hai hi member panga niin December ni 8 zan a hin Royal Stag Aizawl Rock Fest 2017 ah an sak ding ana, anni baka hin tulai hnaia Mizo hlasakthiem lo boral tah hai pahni- Michael M.Sailo le C. Sanga hai hrietzingnan Scavenger Project le Tribal Power hain an sak ve ding a nih. Ticket hi Rs.500/- le Rs.1000/- niin hieng hmunhai a hin inchawk thei a nia, a hmuna khawm inchawk thei ni bawk a tih.

Ticket Zawrna hmun hai:
1) Lawma Enfield, Sikulpuikawn
2) Zofood, Near Hnam Run
3) Syska Showroon, Zarkawt
4) Y2 Goal, Chanmari
5) BHHO Gym, Chanmari
6) Immanuel Store, Bawngkawn Brigade peng

Post a Comment

Powered by Blogger.