CCPUR, October 29, 2017, Virthli(ONP): HYA-12th Gen. Conference, Dr. HT Sangliana Rolling Trophy Football & Volleyball Final Match chu Oct. 31, 2017 dar 1:00 PM hin Sielmat Playground, CCPur ah um a ta, Chief Guest Pu Shyam Lal Poonia IAS, DC CCPur, Guests of Honour Pu Rakesh Balwal, SP CCPur & Pu Michael Ginzasuan, DSO CCPur, Functional President Pu Lalramsang Infimate MCS, Addl. DC CCPur le Chief Host Pu HK Joute ning an ta. Blessed Choir, HYA Cultural Troupe, Artiste inlar tak takin hun hmang bawk an tih. Football Final Match inkheltu ding chu HYA, Saikot Branch v/s HYA, Saidan Branch ning an tih.

Chun, Oct. 30, 2017 dar 11:00 AM a'nthawk umni khamin Saikot Playground, CCPur hmun ah HYA-12th Gen. Conference, Dr. HT Sangliana Rolling Trophy Volleyball Match, Knockout system-in Semi Final chen HYA Branch tum tum a inthawk team 14 ha'n nei an ta, Opening Programme hun tawite hmang ning a ta. Chief Guest Pu Lalropui Famhoite, Guest of Honour Pu Rohminglien, Chief of Saidan le Functional President Pu James Cole, Chief of Saikot hai ning an ta, Miss Gloria Lalmalsawm Khawlhring le Miss Valentina Tusing ha'n mipui hla'n in awi bawk an tih.

Hieng hun haia hin Players Reporting Time chu Oct. 30, 2017 in 10:30 AM le Oct. 31, 2017 in 12:30 AM ning a ta, a hunbi indik taka tan a ni ding thu Organising Committee, HYA 12GC-Dr. HT Sangliana Rolling Trophy chun inhriettirna an siem. Chun, remchang lema hriet a ni leiin Volleyball Nov. 1 a dinga ti chu Oct. 30 hin sawn hnai le 31 hin Final Football leh a ruola nei kawp dinga sawn a ni thu Information & Publicity Dept., HYA GHQ chun an hril nawn nawk.

Volleyball hi Group A, B, C, D, E, F, G a thein Knockout system a inkhel ning a ta, hieng ang hin ning a tih- Muolvaiphei (A) v/s Khawmawi (A), Muolvaiphei (B) v/s Saikot, Khawmawi (B) v/s Saidan, Hmarveng v/s Rengkai (A), Thingchom v/s Sielmat, Senvon v/s M. Ramthar, Leisen v/s Rengkai (B).

Hieng hun haia thang ding hin mitin HYA GHQ chun ngaina takin an fiel.

Post a Comment

Powered by Blogger.