Responsive Ad Slot

HYA-Dr. HT Sangliana Rolling Trophy Updates

Monday, October 30, 2017

/ Published by VIRTHLI
CCPUR, Oct. 30, 2017, Virthli (ONP): HYA-12th Gen. Conference, Dr. HT Sangliana Rolling Trophy Volleyball chu Oct. 30, 2017 sun khan Saikot Playground, CCPur ah Knockout system in Semi Final chen huoihawt a nih. Opening Ceremony hun hmang a ni a, hun hawng tawngtaina Pastor Lalrohlu Puruolte le hun khar tawngtaina Upa Laldawnlien Varte, President, HYA GHQ in a nei a. Hi huna hin Chief Guest Pu Lalropui Famhoite, Social Worker aiaw/ama hung tir Mr. LK Hmar, Social Worker, Guest of Honour Pu Rohminglien, Chief of Saidan le Functional President Pu James Cole, Chief of Saikot haiin thuhrilna an neina a chun HYA hmalakna chu inpakum, suongum, lawmum an ti thu, thuoituhai chu a changin mi thenkhatin dem de hlak hai sienkhawm an inrimna chu inpakum an ti thu, hieng ang hun huoihawt theia a um chu lawmum le inunauna dinga pawimaw a ni thu hai hrilin HYA chu ditsakna an in hlan. Thuhrilna an nei zoin thilpek Organising Committee, HYA-12th Gen. Conf., 2017 Dr HT Sangliana Rolling Trophy/HYA GHQ kut ah an inhlan. Organising Committe/HYA GHQ khawmin lawmthu hrilna'n Memento an inhlan ve. Hi huna hin hun kar lakah Nk. Valentina Tusing in hla mawi tak takin mipui hla'n an awi bawk. Volleyball match hi Pu LK Hmar, Social Worker in a Kick-Off zoin inkhelna hlimtlang taka nei a nih.


HYA-12th Gen. Conf., 2017 Dr. HT Sangliana Rolling Trophy Football & Volleyball Final chu Oct. 31, 2017 in Sielmat Playground ah um a ta. Football ah HYA, Saikot Branch v/s HYA, Saidan Branch in Final khel an ta. Volleyball ah HYA, Senvon Branch v/s HYA, Saikot Branch a hrat lem lem leh HYA, Rengkai Branch (A) in Final inkhel an tih.

Oct. 30, umni khama Volleyball inkhel huna hin HYA Branch 7 a'nthawk team 9 an suok a. Chuong hai chu Muolvaiphei (A) & (B), Khawmawi, Saikot, Saidan, Rengkai (A) & (B), Senvon le Leisen an nih. Anni hai hin ruosur hnuoiah HYA motto "Thiltha Thaw, Nundan Mawi, Tlawmngaina" ti chu an suklang leiin HYA GHQ chun lawmthu a hrilin tulai weather inthlak thleng thut thut le ruosur leiin programme induong tasa suk danglam thenkhat um sienkhawm Oct. 30 le 31 programme chu suk danglam thar a um naw a. A pangngaiin a fe ding thu hrilin HYA-12th Gen. Conf., 2017 Dr. HT Sangliana Rolling Trophy Football & Volleyball Final Match hi Oct. 31 dar 1:00 PM in Sielmat Playground, CCPur ah nei thleng a ni ding thu, Chief Guest in Pu Shyam Lal Poonia IAS, DC CCPur, Guests of Honour in Pu Rakesh Balwal, SP CCPur & Pu Michael Ginzasuan, DSO CCPur, Functional President in Pu Lalramsang Infimate MCS, Addl. DC CCPur le Chief Host in Pu HK Joute ning an ta. Blessed Choir, HYA Cultural Troupe, Artiste inlar tak takin hun an hmang ding thu, Football Final Match inkheltu ding chu HYA, Saikot Branch v/s HYA, Saidan Branch anni ding le Players reporting time chu 12:30pm ning a ta, 1:00pm in hun hmang tan a ni ding thu le hi huna thang ding hai chun hun vawng dik seng dingin Organising Committe/HYA GHQ chun ngenna le inhriettirna a siem nawn nawk.
Don't Miss
© all rights reserved
made with by Simon L Infimate