~Je El Darngawn

Tulaia thangthar hla le thuzieka an zep le hmang rawn pawl tak; ka ngaimaw èm êm chu "Hmangaina Der" ti thumal hi a nih. Ka lo ngaidàn le hriet dàn chun, hmangaina hin der a nei ngai naw a; chuong ang bok chun, a der (a tehlêm) a um ngai nawh.

Asan chu hmangaina hi thil (things) ani naw leiin a der (a tehlêm) a um thei naw a nih.

A tehlêm um theina chu thil (things) a chau hin a nih. Thil (things) ti hin hmu thei, them thei, inhnam thei chau a houm a nih. A umzie chu, ei hrietna (sense) panga in a hriet thei chin tina ani chuh.

Hmangaina hi ei hrietna (sense) panga in a feel thei pêl tienga mi a nih. Chu leiin a der (a tehlêm) ei siem thei naw a nih. Hmangaina hi, bible-in 'a tir' a ti laia inthoka um ta le chatuona um ding a Bible-in a hril le danglam ngai lo Pathien ang boka danglam lo ding a nih. Asan chu, a Siemtu Pathien ani tlat leiin.

Pathien hi ei hriet thei na (sense) panga in a feel theilo ani leiin, Pathien der (a tehlêm) ei ti ngai naw a nih. Pathien chu kumkhuo Pathien, danglam lo ding a ni ang bokin, mihriem siem thei le in umtir thei nilo Hmangaina ni kumkhuo dai ding le danglam lo ding a nih.

Hmangaina hi hmangaina ani tawp lai zing le a der (a tehlêm) a um thei naw lai zingin, thil siem, mihriem hai lai hin hmangaitu der (a tihlêm) hi ei um hlak a, chu hai chun hmangaina hi an sukhmelhemin, mi tam tak lungril na in an siem hlak a nih.

Hmangaina der a um ngai naw a
Hmangaitu der an um lem a nih.

Post a Comment

Powered by Blogger.