HSA Signboard tar nawk dinga ngenna pawm

Muolhoi, September 9, 2017, Virthli (ONP): HSA NCH & KA JHQ. chun NF Railway Manager Haflong hung inzin chu remchânga la in, New Haflong Railway Station a NCHISF ṭhuoituhai le inbiekna an nei huna chun HSA aiawtu Tv. Hmingchunghnung Khawzawl chun HSA Signboard Old Station a tar a lo um ta hlak chu New Haflong Station a tar nawk dinga ngênna lekha HSA in a siem chu inhlânna a nei. General Manager chun HSA Signboard thiltum indawnna a nei a, Tv. David Keivom NCHISF President in HSA in a Hnam chanpui hai thisen mamaw hai a ṭhangpui hlak thu le HSA hin public ta dingin Cleanliness Drive, Plantation hai thaw in mimal le Hnam harsatna tamtak alo ṭhangpui ta hlak a, hi Signboard hi khuolzin mi le tlangram mi khawpui pan hai ta dingin a ṭangkai hle thu a hril. GM chun tar phalna chu a puong nghal a New Haflong Station awptu Superintendent kuoma inhriettir nghal ani a Signboard hlui chu ziek ṭha in hun remchang hmasataka tar dingin an remtitlang a, HSA NCH&KA JHQ chun NF Railway Manager chunga hin a lawm hle thu a puong bawk.