Shillong, August 26, 2017, Virthli (ONP): Inrinni, 26 August 2017, khan HSA Jt. Hqrs., Shillong chun Centennial Hall, Evangelical Centre, Demthring hmunah mitharhai lawmlutna (Freshers’ Orientation), inchuknaa thawtha zuol hai kuomah Chawimawina Certificate (Meritorious Award) semna le tukum October thlaa Diamond Jubilee hmangna dinga fund-raise na dingin Food Fest an nei.

Programme hi Tv. Lalenkawl Inbuon le Nk. Rohminghlu Thiek in hnesawtakin an keihruoi a, Shillong-a inchukna le sinthawna leia hung mithar iemani zat lawmlutna le introduction nei a ni zovin Meritorious Award inchuklai mi 32 hai kuomah Tv. Ezra L. Darngawn, Gen. Secretary le Tv. Brando H. Keivom, President, HSA Jt. Hqrs., Shillong haiin an nei.


Mithar (freshers) hai le inchuknaa thawtha bik Meritorious Award dawng phak hai ta dinga lawmthu hrilna tawngtaina Pastor Lalringmawi in a nei a, infuina thucha pawimaw tak a hril sa bawk.

Tv. Simon L. Infimate, Vice-President, HSA Gen. Hqrs. in inchuklai hai ta dinga infuina thuhril tawi neiin, Tv. Joyful L. Thiek in Diamond Jubilee hmang dan ding le tuchena hmalakna hai report a pek bawk.

2017 - 19 sunga HSA Jt. Hqrs., Shillong thuoitu ding inthlangna (Election) nei dinga programme induonga um chuh Presiding Officer le Election Officer um remchang nawna lei le hun a terintep ta leiin October thlabul tienga nei dinga sawn (postponed) lem a nih.

Programme hun sung hin hlasakthiem Nk. Deborah Lalnunthieng (EAC Youth Icon 2017), Nk. Lorinda Varte le HSA Shillong Diamond Jubilee Choir haiin mipui fekhawm hai hlain an inawi.
Programme hmang a ni zo hin Diamond Jubilee Celebration Organising Committee (DJCOC) in a buotsai FOOD FEST nei sunzawm nghal a nih a. Shillong khawpuia cheng nu-le-pa hai bakah inchuklai, hnam dang dang hai khawmin Food Fest a hin hung thang ve in, bu an hung fak ve a nih.

Post a Comment

Powered by Blogger.