Aizawl, July 11, 2017, Virthli (ONP): Tarik 7 July, 2017 ni a thiltlung, Pu Lalringum Sanate, HSA Assam State Coordinator, Mizoram anzin naah Vairengte Police Check Post ah ILP anlo hnina le inzawmin Hnampual Zirlai Inzawmkhawm Pawl chun a hnuoia ang hin thusuok an siem.
--------------


PRESS RELEASE

Hmar Students’ Association General Headquarters a hruaitu ni lai Pakhat Pu Lalringuma Sanate,CEC Members & Assam State Co-Ordinator, Hmarkhawlien khua Assam; Mizoram, Mizo te Jerusalem ti a kan sawi thin ah,a laina hnai te in neih, kan mizo dana chhim tura a lokal chu Vairengte Police check Gate ah Inner Line Permit (ILP) an dil ta mauh mai a, hei hi keini Hnam Pual Zirlai Pawl Inzawmkhawm hrang hrang te hian a lungchhiat thlak kan ti in tha lo kan ti a, a pawi kan ti takzet a ni. Date 7 July 2017 khan Pu Lalringuma Sanate chu Kolasib Rengtekawn, Mizoram ah an thiante inneihna chhim turin a rawn chho a. Vairengte a rawn thlenin Police Check- Gateah a kal tumna leh Mizoram a rawn kal chhan tha taka a hrilhin a in report-a, 'Mizoram pawna awm i nih avangin ILP i neih loh chuan i lut tlang thei lovang’ an lo ti ta mai hi, Hnampual Zirlai Pawl Inzawmkhawm chuan kan hrethiam lovin pawi a ti hle a. Zofate zawng zawngin kan Jerusalem anga kan ngaih, Zofate hmun hrang hranga awmte kan en leh kan ngaih thin Mizoramah ngei hetiang a thleng hi a na kan ti hle a ni.

Zoram chhungah ngei kan sorkar Police Duty thenkhatin Hnampuala kan thawhpui hruaitu pakhat, ILP an dil/phut ta mai pawh duh tawk lova hmusit leh diriam taka Duty ten tawngkam an chhuah zelte kha Hnampual Inzawmkhawm Pawl chuan pawi a tiin tun hnuah thleng tawh lo se kan duh tak zet a ni. Zoram chhung leh pawnah tlawmngai pawl hrang hrangin Zofate in unauna siamthat tuma beihpui an/kan thlak mek lai a, Police Duty thenkhatin in unauna ti chhe thei ang zawnga hma an lo la ta mai hi kan dem tak zet a ni. Tlang hrang hrangah awmin kan awmna state leh ramri in min then mahse, Unau chhulkhat chhuak kan nihna hi chuan min then lul suh se. Zohnahtlak tawng hrang hrang kan hman avangin in en hrang tur kan ni lova. Zohnahtlak hnam peng hrang hrang ten kan Culture nunphung, tawng hrang hrang kan hman a kan chawisan, kan vawn nun zel hian Mizo hnam hi a ropuiin kan thanglian zel a ni tih hi zoram chhung leh pawn a awmte pawh in lo hre thar zel se kan duh a ni.

Sd/  -

(HERBERT RAMENGMAWIA)
 President
Pang Zirlai Pawl.

 (SANGHMINGTHANGA)
  President
 Siamsinpawlpi

(VANLALTIRHKOHA)
President
Mizoram Bawm Students' Association

(M BEIHRUAISIA)
President
 Mara Students’ Organisation.

( C KAPKIMA)
  President
Lai Students' Association

Post a Comment

Powered by Blogger.