Imphal, April 21, 2107, Virthli (ONP): Manipur a Autonomous District Council hnuoia school hai siemthat le sukhmasawn tumna leiin zanikhan Tribal Affairs & Hills Department, Govt.of Manipur chun thusuok a siemna, thawktu/zirtirtu hai zawm ngei ngei ding guidelines ahnuoia hai hi a tarlang a nih.

# Proxy teacher/mani aia midang sie hai chu mandawk anni chun an chunga dan ang taka action lak ding. Teaching le Non-teaching staff hai chu mani postingna hmun senga um ding.

# Headmister/Headmistress haiin Monthly Attendance Report Certification chu Village Chief/Village Authority Chairman hai hreitpuina/suoi an kei ngeina an submit hnunga chau Thawktu/Zirtirtu han hlaw la thei an tih.

# Headmister/Headmistress haiin thawktu/Zirtirtu hai Hming, thlalak, an nina/sin chel, Home Address le an Phone number hai chu School Office tuola tar ding ti a nih.

# District tina mawphurna nei CEO hai chun nominal rools, bio-metric attendance report le inspection report hai chu administrative department ah thlatin an submit ding a nih.

# Zirtirtu hai hrim hrim non-teaching post a hmang thei ni naw ni haia, hmang ding anni chun sawrkar phalna lak hmasa ding.

# District tina Deputy Commissioner (Ex-Offico Chairman of the Distrcit Board of Education) le Chief Executive Officer, ADC hai inkawpin khi a chunga guidelines zawm dinga siema um hai hi thaka hmang ani theina dingin enkawltu bik (monitor) dinga ruot an nih.


Post a Comment

Powered by Blogger.