Saiphai, March 23.2017,Virthli (ONP): Vawisun khan Pu H.Lalengmawia, Deputy Commissioner (DC), Kolasib chu N. Hlimen a anzin a hung kir tieng HSA Saiphai Unit chun Saiphai, Sinlung Hills ah bufak an lo siem pek a, hi hun a hin HSA Saiphai Unit chun thil pawimaw chihrang hrang hai hril puina neiin, hun hlimum takin an hmang. Ei chanchin lakna in a hrilan in HSA Saiphai Unit chun Education Awareness nei thei dan ding ngaituo pui dingin DC chu theitawp in an hrilpui a, DC khawma thei tawp a hung suo ve ding thu Unit hai kuomah a hril bawk.


Hi hun a hin HSA Sinlung Joint Headquarter General Secretary Pu Lalthlirlien Hmar (Thlira Thiek) le HSA Serlui Block Vice President Tv. C.Thangngur haiin DC hi an uop bawk a nih. Kolasib DC hin Saiphai Unit haiin a tulna a an hmang ding tiin Silpaoulin pahni (2) le Football pakhat (1) a pek bawk a, Saiphai Unit hai an lawm hle thu dawng a nih. DC hi ei ni Hmar Hrangchal niin ei hmar hnam le HSA ngaisangtu le inhnikmi tak a nih. Sinlung Hills Area an zin ding hrim hrim in HSA thuoitu hai an zinna ah a thuoi zie hlak bawk a nih. (input: Thlira thiek)

Post a Comment

Powered by Blogger.