NEIS&MC Coordinator Secy. dingin Pu Romeo Hmar; HYA in a lawmpui
CCPUR: Pu Romeo Hmar, Convenor, Manipur Tribal Forum, Delhi (MTFD) ni lai mek chu Delhi sawrkarin Northeast India Support & Monitoring Cellah Coordinator Secretary dingin a ruot.
Pu Romeo Hmar NE India Support& Monitoring Cell a Coordinator Secretary dinga ruot a nina hi Hmar Youth Association (HYA) GHQ chun a lawmpui thu a puong a. Ama hi pasaltha, entawn tlak le ngaisang um a ni thu hrilin Manipur Tribalhai ta dinga a tlawmngaina chu inpakum an ti tawp theinaw thu an hril bawk.
Thawluina hmangin Activa an lakpek
CCPUR: CCPur Police a inthawk ei thu dawngnain a hril danin zani hmasa zan dar 8:00 vel khan Khawmawi leilak lai Tiddim Roadah tu ti hrietlo mi hawn khatin Mr Lalbabu Gupta (34) s/o (L) Anandi Shah of B. Vengnuom hmang lai Honda Activa (No. MN02B3287) Engine No. JF50E72337780, Chasis No.ME4JF504JF7337680 chu a thu le hla lovin an lakpek a, Kangvai tieng panin an tlanpui niin a hril. Hi thua motor neitu in Policea report a pek leiin Police han FIR No. 34 (6) 2016 CCPPS U/S 397/34 IPC an registered.
One Day Lok Adalat
CCPUR: CCPur District Legal Services Authority chun National Legal Services Authority le Manipur State Legal Services Authority hai enkaina hnuoiah July 9, 2016, 10:30AM khin Chief Judicial Magistrate Court, CCPurah One Day National Lok Adalat buotsai an tih. Hi huna hin Electricity, Water, Telephone, Public Utilities disputes relfel ding nei han Chairman/Secretary, CCPur Legal Services Authority, CJM, CCPur kuomah July 5, 2016, 12:00Noon chen khin hnina peklut thei ning a tih tiin Secy. CCPur Dist. Legal Services Authority chun inhriettirna a siem.
HYA in lawmthu le ngenna
CCPUR: Parvachawma siet tuokhai thangpuina dinga sum dawlhai khaw thenkhat hieng Rengkai HYA Branch in Rs. 25,470/ le Saidan HYA in Rs. 6,800/ an hung peklut ta a, sum hung pelut ta hai chunga HYA GHQ chun lawmthu a hril. Tuhin Branch thenkhat dawla um mek hai khawmin an hmatienga Finance kutah submit dingin Pu Lalsanhim Sanate, Finance Secretary, HYA GHQ chun ngenna a siem.
B.A. LLB hnesaw takin
CCPUR: Dibrugarh University hnuoia B.A. LLB result chu zanikhan puong a ni a, Nk. Grace Parmawi, d/o Chalhlir L. Shunate of Senvawn chun University pumpuiah pathumna niin a kaina NERIM Law College, Guwhatiah first position lain LLB hnesaw takin a zo. A hlawtlingna hi ei Chanchinbu chun a lawmpui hle.
Chief Manager in a kaisang
CCPUR/GUWAHATI: Ms Nancy Zarzohlu d/o H.T. Vela Keivom of Bethel, CCPur tuta Bank of Baroda, Kohima Branch a Senior Manager ni lai mek chu Chief Manager (scale IV) in a kaisang. A kaisangna hi ei chanchinbu chun a lawmpui hle. (virthli)
Essay Competition an buotsai ding
CCPUR: CCPur Legal Services Authority chun National Legal Services Authority le Manipur State Legal Services Authority guidena hnuoiah July 10, 2016, 1:00PM khin Lalpuitluaii Foundation School, Bungmual, CCPurah Essay Wrting Competition huoihawt an tih. Category I le II a the a ni a, category I (ClassVIIIX) inkar le Class XI XII inkar hai thang thei an ta, 500 le 700 words a ziek ding a nih. CategoryI ah first han Rs. 1500, 2nd in Rs. 1000/ le 3rd han Rs. 800 le Consolation prize mi 10 kuomah Rs. 500/ seng pek ning an tih. Category II ah Rs. 2500/, Rs. 2000/ le Rs. 1500/ dawng an ta, mi 10 kuomah Rs. 700/ seng consolation prize pek ni bawk an tih.
A thang nuom han July 7, 2016, 3PM chenin CJM Court, Tuibong, CCPurah peklut thei ning a ta, hi hmuna hin thu chieng lem hriet thei ni bawk a tih.
Agricultural Census, 2016
CCPUR: July 1, 2016 a inthawk Churachandpur District sunga M.I. Agricultural General Census tan a ni ding a ni a, khaw tina Lal (Village Chief) hai chu an khuo hming Agricultural Census, 2016 ah a thang ve naw chun Churachandpur district Farmers Research Association (CDFRA) Head Office, District Agriculture Office compound, Tuibuongah ngaiven dingin CDFRA chun inhriettirna a siem.
Ni 4 sung Police Custodya um dingin
CCPUR: July 4, 2016, 5:30PM vela Koite roada country made 9mm Pistol 2, magazine 2, a mu 2, mobile phone 5, SIM Card 2, Memory Card 1, Scooty Ray2 (No.MN01C8081), Honda Activa (No.MN02A7928), Rs.3492, SP mum 344, Heroin (No.4) gram 5 le 7Assam Rifles han an man pasal pathum hai chu zanikhan CCPur Police han CJM/CCPur hmaah an inlangtir a, Court chun July 4, 2016 chen Police custodya la um phawt dingin a rel. Mana um hai chu Seitinlal (29)s/o Jangthang of D.Vaison village; Zangkhogin (37) s/o Seikhopau of V. Bethel le Tongmang Guite (28) s/o Doukhothang of Saikul, Senapati Dist hai an nih. Hi le inzawm hin FIR No.32 (6) 2016 CCPPS U/S 21 NDPs Act & 25 (1C) A. Act. an registered.
Noah’s Ark Care & Counselling centre
CCPUR: July 1, 2016, 8AM hin Muolhlum Rengkai, CCPurah Noah’ Ark (A Psychosocial support card & Counselling Centre) hawngna prog. um a tih. Hi huna hin Prof. Dr L. Fimate le Rev. Lalthlenglien bakah mi dang dangin uop an tih. Centre hawng ding a programme Manager chu Daniel Traite a nih.
Bar Assn. lawmpuina
CCPUR: Churachandpur District Bar Association chun July 2, 2016, 11:00AM khin Khuga Dama IBah Justice S. Serto Kom, Justice Manipur High Court dinga ruot a ni lawmpuina nei an tih.
OMTF in an sun thu an puong
CCPUR: Outer Manipur Tribals’ Forum (OMTF), an apex body of Hmar Inpui, Mizo People Convention, Thadou Inpui, United Naga Council le Zomi Council chun tlangmi revolutionary leader Isaac Chishi Swu, Chairman, NSCN(IM) thi an sun thu an puong. Mr Swu chu tlangmi hai ta dinga inpumpek a ni thu le an pekzona thalai hai entawn ding tha tak a maksan pek a nih tiin an hril a, a sung le kuo hai an sunpui thu an puong.
Interview le written exam nei
CCPUR: Nehru Yuva Kendra (NYK)/CCPur hnuoia kum 20162017 sunga National Youth Corps (NYCs) post 10 lakna dinga interview chu zanikhan DC office a TK Simte, MCS, AC to DC office chamberah nei a nih. Applicant 63 um hai lai interviewa hin mi 24 an thang a, 39 an thang nawh. Result puong vat ning a tih.
Chun, zanikhan DC/CCPur inrawinain BRGF Resource Centreah District EGovernance Society, CCPur hnuoia Contract basis a thawk ding Dist. Level Resource (Dist. Manager) post 2 lakna dinga written test le personal interview nei a ni a, result puong nghal a nih. Interviewa mi 5 an thang a hi lai hin Michael Paul Haokip of Sumchinvum le Peter G. Bieklien of Chiengkawnpang hai lak an nih.
Cr.PC 144 puong
IMPHAL: Manipur Public Service Commission (MPSC) huoihawtnain July 3, 2016 khin Imphal kahwpuia exam centres 6 haiah Manipur Combined Civil Services Examination,2016 (Preliminary) nei ning a tih. Hieng exam centre bul metres 100 huom chin sungah hi ni zing dar 8 a inthawk exam zo hmakhata dingin Cr.P.C. 144 puong a nih.
Moijingah pasal pakhat vuok hlum
IMPHAL: Zani hmasa zan sawt hnung khan Thoubal District sunga Moijing hmuna Md. Abdul @ Rahman, s/o Md. Habijudin of Thoubal Moijing Wangmataba Chingya Leikai chu tu ti hriet lo han na takin an vuok zo hnungin an maksan a, zani zing dar 1:45 vel khan thihmun suola hmu a nih. Noor Hospital, Lilong panpui a ni a, sienkhawm a hliemna tuorzo lovin zani zingkar dar 2 vel khan a thi.
Imphal HSA Hostel Admission hawng
IMPHAL: Imphala HSA Hostel Admission hawng a nit ah. HSA Hostel um nuom hai ta dingin Rs. 30/ pekin HSA Information Centre, CCPur le President/Secretary HSA Imphal JHQ kuoma inthawk lak thei ning a tih. Admission Rs. 1000/ le Mess fee Rs. 3000/ per month ning a tih.
R.K. Sanatomba Journalist Award
IMPHAL: R.K. Sanatomba Memorial Journalist Award, 2016 chu Huiyen Lanpao nitin Chanchinbua JOurnalist sin thaw Asem Babycha kuomah R.K. Sanatomba Memorial Trust in zanikhan an hlan. Hi Award a hin pawisafai Rs. 50,000/ le Citation a thang. Human Resource Categorya hi award hi inhlan a nih.
NH37 ah mimkei rapthlak tak
IMPHAL: Zani hmasa zana inthawk ruo nasa taka a sur leiin NH37 (ImphalJiribam Road) a Sehjang area huop sunga CRPF Camp bulah mimkei rapthlak takel a tlung leiin motor chi tum tum fe thelng thei lovin Mimkei tlungna bul velah an intang thup el. Mimkeiin lamlien a dangna pilvuthai chu inthiel mek a nih tiin ei thu dawngna chun a hril.
Application Form lak thei
IMPHAL: Medical Directorate, Manipur hnuoia Office AssistancecumComputer Operator, Driver, Pharmacy (Allopathy), Male Health Worker,Staff Nurse, ANM/FHW le GradeIV sin lakna ding le inzawma Employment Exchange fe thlenga pelut hai chun July 113, 2016 inkar sung khin Medical Directorate, Lamphelpatah Application form la dinga inhriettir an nih. GradeIV chu rs. 300/ general & OBC candidates le SC/ST/PWD hai ta dingin Rs. 200/ a nih. Post dang haia dingin Rs. 500/ general & OBC candidate le SC/ST/PWD hai ta dingin Rs. 300/ a nih. Fill up zo sa application form peklut thei hun chu 14072016 to 23072016 a nih.
PM in a ministerhai meeting a neipui
NEW DELHI: Prime Minister Narendra Modi chun zani zan khan Parliament House, New Delhiah Union Council of Miisterhai an hmupui a, kum 2 liemta sunga NDA sawrkar thil thaw hai ennawnna an nei. Hi huna hin minister hai chun an Department/Ministry senga an hmalak dan hai le an sin thaw dan hai chungthuah report an pek. Zani hmasa zan khan PM Narendra Modi chun BJP National President Amit Shah an hmupui a, Union Cabinet sawridanglam ding chungthu le an party (BJP) thuoituhai thlakdanglam dan ding chungthu hai an thiltlang niin ei thu dawngna chun a hril.
Union Council of Minister sawidanglamna hi Parliament Monsoon Session tan hma ngeia nei ni dinga ring a nih. Thenkhat chun PM Modi hi July 7, 2016 a inthawk New Delhi suoksanin ramdangah an zin ding a ni leiin Union Cabinet sawidanglamna hi ramdanga an zin suok hmaa nei ni el theiin an hril bawk.
DRDO in Missile hlawtling takin a kapsuok
BALASORE: DRDO chun zanikhan Integrated Test Range, Odisha Coasta Defence Research Development Laboratorya inthawk medium Range SurfacetoAir Missile (MRSAM) chu ensinnain hlawtling takin a kapsuok. MRSAM hi DRDO le IAI of Israel han Indian Air Force hmang dinga thangruola an siem a nih. Hi missile siemna ding hin Indian Industries hieng, BEL, L&T, BDL, Tata group companies le private industries dang dang han thawlawm an pek a nih. Defence Minister Manohar Parrikar chun MRSAM hlawtling taka ensin a nina thuah DRDO le Industry partners hai a lawmpui thu a puong.
Medical store kang leiin mi 9 a kang hlum
MUMBAI: Zani zingkar khan Mumbaia Andheri hmuna Medical storea inthawk kangmei nasatak a suok a, naupang thla 3 mi thangin naupang 5 le puitling 4, an rengin mi 9 in thina an tuok. Kangmei suokna hmun hi Andheria Wireless Roada Juhi Galli hmuna ‘Wafa’ medical store a nih. Kangmei suoka thi hi a bul chun mi 8 an ni a, sienkhawm a hnungin hliemna tuok nupui pakhat hospitalah a thi nawk leiin mithi hi 9 an hung tling a nih. Kangmei suoka thi hai hi Medical store building sawng hninaa um an nih. Electric fesuol leia kangmei hi suok ni dinga ring a nih. Kangmei suok theltu Avinash Shirgaokar khawm meiin a kanghliem a Cooper Hospitalah enkawl a nih.
Tripura Governor in AP Gov incharge
AGARTALA: Tripura Governor Tathagata Roy chu Arunachal Pradesh Governor inchargea lo chelsa dinga ruot a nih. Arunachal Pradesh Governor JP Rajkhowa in a hriselna thatnaw leia chawl (leave) a lak leia Arunachal Pradesh Governor sin lo chelsa dinga pek a ni a, iengchen am chawl a lak ti ruok chu hrillang a ni nawh. Mr Rajkhowa hi kum 72a upa a nita a, tuhin Coimbatorea Hospitalah admit le enkawl mek niin ei thu dawngna chun a hril.
Helpawl 2 kap hlum, pahni man
JAMMU: Jammu and Kashmira Pulwama districta chun zanikhan security forces le helpawl hai an inkaptuo a, inkaptuonaa hin helpawl pahni an kap hlum. Kap hluma um helpawl hai hi Lashkar eTayyeba cadre ni dinga ring an ni a, inkaptuonaa hin Police khawm 2 an hliem. Chun, zani hmasa khan Baramulla districta Sopore hmunah Hizbul Mujahideen Over Ground Workers (OGWs) pahni hai chu Rocket Projectile Gun mu, Landmines le IEDs leh security forces han an man bawk.
SBI a inthawk Rs. 11 lakh inrukhmang
SHILLONG: June 28, 2016 zan khan Umiama ICAR Branch State Bank of India (SBI) chu rukru han an rawk a, Rs. 11,86,966 vel an inrukhmang. Bank rawktu hai hin collabsible gate le safe vault hai gascutter hmanga suksie a Bank hi an rawk a nih. Gascuttera safe vault an suksiet naa hin Rs. 87,667 vel ding a kangsiet niin Bank thuneituhai chun an hril. Police chun mi thenkhat ringhla an nei a, mansuok tumin hma an lak mek.
Nuhmei suolluitua intum Officer suspended
AGARTALA: Tripura Civil Service (TCS) Officer Panna Ahmed chu nuhmei suolluinaah inrawlna a nei nia intumna le inzawmin a sina inthawk suspended a nih. Sonamura Panna Ahmed hi SDM hlui a ni a, June 27, 2016 khan Western Club bul laia a chengna inah nau pasal pahni nei tah nupui pakhat a suollui nia intum a nih. Hi thua hin West Agartala Women’s Police station chun case an registered a, Chief Secretary Yaspal Singh chun Mr Ahmed hi man dingin an hriettir.
VAWISUN THUPUI
Suksangna chu saktienga inthawk a ni nawh, thlangtienga inthawk a ni bawk nawh. Simtienga inthawk hlak a ni bawk nawh. Pathien chu roreltu a ni lem: Ama chun pakhat a suktlawm a, pakhat a suksang hlak. Sam 75:67
Editorial: Hlaw pung le thil man kaisang
Sawrkar thlungpui (Central Government) chun a hnuoia thawktuhai hlaw chu January 1, 2016 a inthawka tiem tana sukpung dingin remtina a nei ta a. Hi thil hi sawrkar thlungpui hnuoia thawktuhai le an sunghai ta ding chun thu tha le thu lawmum a ni bik zuol. Sawrkar thawktuhai hlaw a pung chun tuta hma nekin khawlaia sum inleng vel khawm a hma nekin hung tam lem a ta, sawrkar thawktu ni ve lo hai ta ding khawmin sawr tangkaina muol muol chu a hung um ngei beisei a um. Ei rama lem hin chu sawrkar thawktuhai hi ei innghatna bulpui anni leiin an hlaw pung hi mi naran hai khawmin ei lawmpui seng ring a um. Amiruokchu, hlaw nei le a neinaw hai inkar chu nasa takin hung inthlau a ta, kakhawk khawm chi tum tum a hung nei ngei ding a nih.
Hlaw pung le thil man kaisang chu unau pieng hmunkhat ang hiela inzawmna nei an nih. Sawrkar thawktuhai hlaw a pung chun thil man a hung kaisang ngei ngei hlak. Hlaw sukpung hma le hlaw sukpung hnunga thil man chu tukhawm hin a hung danglam nghal ding a nih. Sungkhat mamaw chi tum tum inchawtu hai chun hi thu hi thudik le inkhel ngai der lo a nizie an hriet ngei ring a um. Sumdawngtu, dawrkai le thil zawr ding neihai chun hlaw sukpung hi nasa takin an sawr tangkai hlak. Churachandpur town sunga dawr chi tum tum haia khawm thil man hi a hma nekin a kaisang tan nghal ta a nih.
7th Pay Commission a hung inri tana inthawk khan huon, lo, ram, hmun, inlirtheile thil dang dang zawr ding neihai chun 7th Pay Commission recommendation hmang huna zawr dingin an lo khek tha tan a, tuta thla thar hung um dinga inthawk hin 7th Pay recommendation dungzuiin sawrkar thlungpui hnuoia thawktuhai chun an hlaw an lak tan ta ding a ni a, hi taka inthawk hin chu Bazar sunga thil man hai hung kaisang tan a ta, zawr ding neihai khawmin an thil zawr nuomhai hung hrillang tan an ta, a man ruok chu a hmaa an lo sakneka a let tam lem an hung sak tawl ta ding a nih. Hi hi sawrkar thawktuhai hlaw pung an lo sawr tangkai vena a ni ding a nih.
Central Pay ang hi States le Union Territory tum tum hnuoia thawktu hai khawmin hung ngen ve nawk an ta, state lien, state intodel le thawsuok hau hai chun an state sawrkar hnuoia thawktuhai chu Central Pay ang (7th Pay Commission recommendation) hung pe thei an ta, state chin, thawsuok nei lo le a pasie hai chun an thawktuhai kuomah Central pay ang hung pe thei nawng an ta. State sawrkar le a ram mipui han ienganga nasa am harsatna ei tuok rek ding ti hi ngaituo tham a tling. State chin, state pasie, thawsuok nei tlawm le sawrkar thlungpuil unginsietna le zangaina leia khawsa thei tawk tawk, Manipur state khawmin iengang harsatna am ei hung tuok pha ding ti hi ngaituo um takel a nih. State intodel lo, state rethei le thawsuok meu nei lo Manipur state mipuihai khawma harsatna chi tum tum hungtlung dinghai hi pumpel bik naw tawp ei tih. India rama state 29 um hai laia chun a tuor nasa pawl tak ei ni ring a um.
Manipur state sawrkar hnuoia thawktuhai khawmin state sawrkar kuomah 7th Pay ang dungzuia hlaw pek ve hung phut an ta, state sawrkar hlaka an thil ngen hi zuk pe thei el naw ni a, All Manipur Trade Union Council (AMTUC) le All Manipur Government Employees Organisation (AMGEO) hnuoia JAC chetna ri chu inzing utin ei la hung hriet nawk ding niin anlang. Ei state sawrkar sum ngrihmun hlak a tha si naw leiin ei hmabak ding hi ngaituo um tak a nih. Thla 7 liemta sung ringawt khawm khan ei state sawrkar chun Rs. 3,900 crore neka tam ding Utilization Certificate sawrkar thlungpui kuomah a peklut theinaw nia hril a nih.
Iengpo khawm nisienla mipui harsatna ding tak chu thil man hung kaisang ding hi a ni a. Hi lei hin sawrkar thlungpui hnuoia thawktuhai hlaw sukpung a ni leia thil man hung kaisang ding hi a taluoa a hung kaisang nawna dingin a enkaitu ding le a thununtu ding high power committee hung indin vat sienla nuom a um. Hlaw pung le thil man kaisang hi inzawl tlat anni leiin lo dang le control a tul a, chu controltu ding chu ei state sawrkarin makmawa an din a tul a nih.
CCPUR: Pu Romeo Hmar, Convenor, Manipur Tribal Forum, Delhi (MTFD) ni lai mek chu Delhi sawrkarin Northeast India Support & Monitoring Cellah Coordinator Secretary dingin a ruot.
Pu Romeo Hmar NE India Support& Monitoring Cell a Coordinator Secretary dinga ruot a nina hi Hmar Youth Association (HYA) GHQ chun a lawmpui thu a puong a. Ama hi pasaltha, entawn tlak le ngaisang um a ni thu hrilin Manipur Tribalhai ta dinga a tlawmngaina chu inpakum an ti tawp theinaw thu an hril bawk.
Thawluina hmangin Activa an lakpek
CCPUR: CCPur Police a inthawk ei thu dawngnain a hril danin zani hmasa zan dar 8:00 vel khan Khawmawi leilak lai Tiddim Roadah tu ti hrietlo mi hawn khatin Mr Lalbabu Gupta (34) s/o (L) Anandi Shah of B. Vengnuom hmang lai Honda Activa (No. MN02B3287) Engine No. JF50E72337780, Chasis No.ME4JF504JF7337680 chu a thu le hla lovin an lakpek a, Kangvai tieng panin an tlanpui niin a hril. Hi thua motor neitu in Policea report a pek leiin Police han FIR No. 34 (6) 2016 CCPPS U/S 397/34 IPC an registered.
One Day Lok Adalat
CCPUR: CCPur District Legal Services Authority chun National Legal Services Authority le Manipur State Legal Services Authority hai enkaina hnuoiah July 9, 2016, 10:30AM khin Chief Judicial Magistrate Court, CCPurah One Day National Lok Adalat buotsai an tih. Hi huna hin Electricity, Water, Telephone, Public Utilities disputes relfel ding nei han Chairman/Secretary, CCPur Legal Services Authority, CJM, CCPur kuomah July 5, 2016, 12:00Noon chen khin hnina peklut thei ning a tih tiin Secy. CCPur Dist. Legal Services Authority chun inhriettirna a siem.
HYA in lawmthu le ngenna
CCPUR: Parvachawma siet tuokhai thangpuina dinga sum dawlhai khaw thenkhat hieng Rengkai HYA Branch in Rs. 25,470/ le Saidan HYA in Rs. 6,800/ an hung peklut ta a, sum hung pelut ta hai chunga HYA GHQ chun lawmthu a hril. Tuhin Branch thenkhat dawla um mek hai khawmin an hmatienga Finance kutah submit dingin Pu Lalsanhim Sanate, Finance Secretary, HYA GHQ chun ngenna a siem.
B.A. LLB hnesaw takin
CCPUR: Dibrugarh University hnuoia B.A. LLB result chu zanikhan puong a ni a, Nk. Grace Parmawi, d/o Chalhlir L. Shunate of Senvawn chun University pumpuiah pathumna niin a kaina NERIM Law College, Guwhatiah first position lain LLB hnesaw takin a zo. A hlawtlingna hi ei Chanchinbu chun a lawmpui hle.
Chief Manager in a kaisang
CCPUR/GUWAHATI: Ms Nancy Zarzohlu d/o H.T. Vela Keivom of Bethel, CCPur tuta Bank of Baroda, Kohima Branch a Senior Manager ni lai mek chu Chief Manager (scale IV) in a kaisang. A kaisangna hi ei chanchinbu chun a lawmpui hle. (virthli)
Essay Competition an buotsai ding
CCPUR: CCPur Legal Services Authority chun National Legal Services Authority le Manipur State Legal Services Authority guidena hnuoiah July 10, 2016, 1:00PM khin Lalpuitluaii Foundation School, Bungmual, CCPurah Essay Wrting Competition huoihawt an tih. Category I le II a the a ni a, category I (ClassVIIIX) inkar le Class XI XII inkar hai thang thei an ta, 500 le 700 words a ziek ding a nih. CategoryI ah first han Rs. 1500, 2nd in Rs. 1000/ le 3rd han Rs. 800 le Consolation prize mi 10 kuomah Rs. 500/ seng pek ning an tih. Category II ah Rs. 2500/, Rs. 2000/ le Rs. 1500/ dawng an ta, mi 10 kuomah Rs. 700/ seng consolation prize pek ni bawk an tih.
A thang nuom han July 7, 2016, 3PM chenin CJM Court, Tuibong, CCPurah peklut thei ning a ta, hi hmuna hin thu chieng lem hriet thei ni bawk a tih.
Agricultural Census, 2016
CCPUR: July 1, 2016 a inthawk Churachandpur District sunga M.I. Agricultural General Census tan a ni ding a ni a, khaw tina Lal (Village Chief) hai chu an khuo hming Agricultural Census, 2016 ah a thang ve naw chun Churachandpur district Farmers Research Association (CDFRA) Head Office, District Agriculture Office compound, Tuibuongah ngaiven dingin CDFRA chun inhriettirna a siem.
Ni 4 sung Police Custodya um dingin
CCPUR: July 4, 2016, 5:30PM vela Koite roada country made 9mm Pistol 2, magazine 2, a mu 2, mobile phone 5, SIM Card 2, Memory Card 1, Scooty Ray2 (No.MN01C8081), Honda Activa (No.MN02A7928), Rs.3492, SP mum 344, Heroin (No.4) gram 5 le 7Assam Rifles han an man pasal pathum hai chu zanikhan CCPur Police han CJM/CCPur hmaah an inlangtir a, Court chun July 4, 2016 chen Police custodya la um phawt dingin a rel. Mana um hai chu Seitinlal (29)s/o Jangthang of D.Vaison village; Zangkhogin (37) s/o Seikhopau of V. Bethel le Tongmang Guite (28) s/o Doukhothang of Saikul, Senapati Dist hai an nih. Hi le inzawm hin FIR No.32 (6) 2016 CCPPS U/S 21 NDPs Act & 25 (1C) A. Act. an registered.
Noah’s Ark Care & Counselling centre
CCPUR: July 1, 2016, 8AM hin Muolhlum Rengkai, CCPurah Noah’ Ark (A Psychosocial support card & Counselling Centre) hawngna prog. um a tih. Hi huna hin Prof. Dr L. Fimate le Rev. Lalthlenglien bakah mi dang dangin uop an tih. Centre hawng ding a programme Manager chu Daniel Traite a nih.
Bar Assn. lawmpuina
CCPUR: Churachandpur District Bar Association chun July 2, 2016, 11:00AM khin Khuga Dama IBah Justice S. Serto Kom, Justice Manipur High Court dinga ruot a ni lawmpuina nei an tih.
OMTF in an sun thu an puong
CCPUR: Outer Manipur Tribals’ Forum (OMTF), an apex body of Hmar Inpui, Mizo People Convention, Thadou Inpui, United Naga Council le Zomi Council chun tlangmi revolutionary leader Isaac Chishi Swu, Chairman, NSCN(IM) thi an sun thu an puong. Mr Swu chu tlangmi hai ta dinga inpumpek a ni thu le an pekzona thalai hai entawn ding tha tak a maksan pek a nih tiin an hril a, a sung le kuo hai an sunpui thu an puong.
Interview le written exam nei
CCPUR: Nehru Yuva Kendra (NYK)/CCPur hnuoia kum 20162017 sunga National Youth Corps (NYCs) post 10 lakna dinga interview chu zanikhan DC office a TK Simte, MCS, AC to DC office chamberah nei a nih. Applicant 63 um hai lai interviewa hin mi 24 an thang a, 39 an thang nawh. Result puong vat ning a tih.
Chun, zanikhan DC/CCPur inrawinain BRGF Resource Centreah District EGovernance Society, CCPur hnuoia Contract basis a thawk ding Dist. Level Resource (Dist. Manager) post 2 lakna dinga written test le personal interview nei a ni a, result puong nghal a nih. Interviewa mi 5 an thang a hi lai hin Michael Paul Haokip of Sumchinvum le Peter G. Bieklien of Chiengkawnpang hai lak an nih.
Cr.PC 144 puong
IMPHAL: Manipur Public Service Commission (MPSC) huoihawtnain July 3, 2016 khin Imphal kahwpuia exam centres 6 haiah Manipur Combined Civil Services Examination,2016 (Preliminary) nei ning a tih. Hieng exam centre bul metres 100 huom chin sungah hi ni zing dar 8 a inthawk exam zo hmakhata dingin Cr.P.C. 144 puong a nih.
Moijingah pasal pakhat vuok hlum
IMPHAL: Zani hmasa zan sawt hnung khan Thoubal District sunga Moijing hmuna Md. Abdul @ Rahman, s/o Md. Habijudin of Thoubal Moijing Wangmataba Chingya Leikai chu tu ti hriet lo han na takin an vuok zo hnungin an maksan a, zani zing dar 1:45 vel khan thihmun suola hmu a nih. Noor Hospital, Lilong panpui a ni a, sienkhawm a hliemna tuorzo lovin zani zingkar dar 2 vel khan a thi.
Imphal HSA Hostel Admission hawng
IMPHAL: Imphala HSA Hostel Admission hawng a nit ah. HSA Hostel um nuom hai ta dingin Rs. 30/ pekin HSA Information Centre, CCPur le President/Secretary HSA Imphal JHQ kuoma inthawk lak thei ning a tih. Admission Rs. 1000/ le Mess fee Rs. 3000/ per month ning a tih.
R.K. Sanatomba Journalist Award
IMPHAL: R.K. Sanatomba Memorial Journalist Award, 2016 chu Huiyen Lanpao nitin Chanchinbua JOurnalist sin thaw Asem Babycha kuomah R.K. Sanatomba Memorial Trust in zanikhan an hlan. Hi Award a hin pawisafai Rs. 50,000/ le Citation a thang. Human Resource Categorya hi award hi inhlan a nih.
NH37 ah mimkei rapthlak tak
IMPHAL: Zani hmasa zana inthawk ruo nasa taka a sur leiin NH37 (ImphalJiribam Road) a Sehjang area huop sunga CRPF Camp bulah mimkei rapthlak takel a tlung leiin motor chi tum tum fe thelng thei lovin Mimkei tlungna bul velah an intang thup el. Mimkeiin lamlien a dangna pilvuthai chu inthiel mek a nih tiin ei thu dawngna chun a hril.
Application Form lak thei
IMPHAL: Medical Directorate, Manipur hnuoia Office AssistancecumComputer Operator, Driver, Pharmacy (Allopathy), Male Health Worker,Staff Nurse, ANM/FHW le GradeIV sin lakna ding le inzawma Employment Exchange fe thlenga pelut hai chun July 113, 2016 inkar sung khin Medical Directorate, Lamphelpatah Application form la dinga inhriettir an nih. GradeIV chu rs. 300/ general & OBC candidates le SC/ST/PWD hai ta dingin Rs. 200/ a nih. Post dang haia dingin Rs. 500/ general & OBC candidate le SC/ST/PWD hai ta dingin Rs. 300/ a nih. Fill up zo sa application form peklut thei hun chu 14072016 to 23072016 a nih.
PM in a ministerhai meeting a neipui
NEW DELHI: Prime Minister Narendra Modi chun zani zan khan Parliament House, New Delhiah Union Council of Miisterhai an hmupui a, kum 2 liemta sunga NDA sawrkar thil thaw hai ennawnna an nei. Hi huna hin minister hai chun an Department/Ministry senga an hmalak dan hai le an sin thaw dan hai chungthuah report an pek. Zani hmasa zan khan PM Narendra Modi chun BJP National President Amit Shah an hmupui a, Union Cabinet sawridanglam ding chungthu le an party (BJP) thuoituhai thlakdanglam dan ding chungthu hai an thiltlang niin ei thu dawngna chun a hril.
Union Council of Minister sawidanglamna hi Parliament Monsoon Session tan hma ngeia nei ni dinga ring a nih. Thenkhat chun PM Modi hi July 7, 2016 a inthawk New Delhi suoksanin ramdangah an zin ding a ni leiin Union Cabinet sawidanglamna hi ramdanga an zin suok hmaa nei ni el theiin an hril bawk.
DRDO in Missile hlawtling takin a kapsuok
BALASORE: DRDO chun zanikhan Integrated Test Range, Odisha Coasta Defence Research Development Laboratorya inthawk medium Range SurfacetoAir Missile (MRSAM) chu ensinnain hlawtling takin a kapsuok. MRSAM hi DRDO le IAI of Israel han Indian Air Force hmang dinga thangruola an siem a nih. Hi missile siemna ding hin Indian Industries hieng, BEL, L&T, BDL, Tata group companies le private industries dang dang han thawlawm an pek a nih. Defence Minister Manohar Parrikar chun MRSAM hlawtling taka ensin a nina thuah DRDO le Industry partners hai a lawmpui thu a puong.
Medical store kang leiin mi 9 a kang hlum
MUMBAI: Zani zingkar khan Mumbaia Andheri hmuna Medical storea inthawk kangmei nasatak a suok a, naupang thla 3 mi thangin naupang 5 le puitling 4, an rengin mi 9 in thina an tuok. Kangmei suokna hmun hi Andheria Wireless Roada Juhi Galli hmuna ‘Wafa’ medical store a nih. Kangmei suoka thi hi a bul chun mi 8 an ni a, sienkhawm a hnungin hliemna tuok nupui pakhat hospitalah a thi nawk leiin mithi hi 9 an hung tling a nih. Kangmei suoka thi hai hi Medical store building sawng hninaa um an nih. Electric fesuol leia kangmei hi suok ni dinga ring a nih. Kangmei suok theltu Avinash Shirgaokar khawm meiin a kanghliem a Cooper Hospitalah enkawl a nih.
Tripura Governor in AP Gov incharge
AGARTALA: Tripura Governor Tathagata Roy chu Arunachal Pradesh Governor inchargea lo chelsa dinga ruot a nih. Arunachal Pradesh Governor JP Rajkhowa in a hriselna thatnaw leia chawl (leave) a lak leia Arunachal Pradesh Governor sin lo chelsa dinga pek a ni a, iengchen am chawl a lak ti ruok chu hrillang a ni nawh. Mr Rajkhowa hi kum 72a upa a nita a, tuhin Coimbatorea Hospitalah admit le enkawl mek niin ei thu dawngna chun a hril.
Helpawl 2 kap hlum, pahni man
JAMMU: Jammu and Kashmira Pulwama districta chun zanikhan security forces le helpawl hai an inkaptuo a, inkaptuonaa hin helpawl pahni an kap hlum. Kap hluma um helpawl hai hi Lashkar eTayyeba cadre ni dinga ring an ni a, inkaptuonaa hin Police khawm 2 an hliem. Chun, zani hmasa khan Baramulla districta Sopore hmunah Hizbul Mujahideen Over Ground Workers (OGWs) pahni hai chu Rocket Projectile Gun mu, Landmines le IEDs leh security forces han an man bawk.
SBI a inthawk Rs. 11 lakh inrukhmang
SHILLONG: June 28, 2016 zan khan Umiama ICAR Branch State Bank of India (SBI) chu rukru han an rawk a, Rs. 11,86,966 vel an inrukhmang. Bank rawktu hai hin collabsible gate le safe vault hai gascutter hmanga suksie a Bank hi an rawk a nih. Gascuttera safe vault an suksiet naa hin Rs. 87,667 vel ding a kangsiet niin Bank thuneituhai chun an hril. Police chun mi thenkhat ringhla an nei a, mansuok tumin hma an lak mek.
Nuhmei suolluitua intum Officer suspended
AGARTALA: Tripura Civil Service (TCS) Officer Panna Ahmed chu nuhmei suolluinaah inrawlna a nei nia intumna le inzawmin a sina inthawk suspended a nih. Sonamura Panna Ahmed hi SDM hlui a ni a, June 27, 2016 khan Western Club bul laia a chengna inah nau pasal pahni nei tah nupui pakhat a suollui nia intum a nih. Hi thua hin West Agartala Women’s Police station chun case an registered a, Chief Secretary Yaspal Singh chun Mr Ahmed hi man dingin an hriettir.
VAWISUN THUPUI
Suksangna chu saktienga inthawk a ni nawh, thlangtienga inthawk a ni bawk nawh. Simtienga inthawk hlak a ni bawk nawh. Pathien chu roreltu a ni lem: Ama chun pakhat a suktlawm a, pakhat a suksang hlak. Sam 75:67
Editorial: Hlaw pung le thil man kaisang
Sawrkar thlungpui (Central Government) chun a hnuoia thawktuhai hlaw chu January 1, 2016 a inthawka tiem tana sukpung dingin remtina a nei ta a. Hi thil hi sawrkar thlungpui hnuoia thawktuhai le an sunghai ta ding chun thu tha le thu lawmum a ni bik zuol. Sawrkar thawktuhai hlaw a pung chun tuta hma nekin khawlaia sum inleng vel khawm a hma nekin hung tam lem a ta, sawrkar thawktu ni ve lo hai ta ding khawmin sawr tangkaina muol muol chu a hung um ngei beisei a um. Ei rama lem hin chu sawrkar thawktuhai hi ei innghatna bulpui anni leiin an hlaw pung hi mi naran hai khawmin ei lawmpui seng ring a um. Amiruokchu, hlaw nei le a neinaw hai inkar chu nasa takin hung inthlau a ta, kakhawk khawm chi tum tum a hung nei ngei ding a nih.
Hlaw pung le thil man kaisang chu unau pieng hmunkhat ang hiela inzawmna nei an nih. Sawrkar thawktuhai hlaw a pung chun thil man a hung kaisang ngei ngei hlak. Hlaw sukpung hma le hlaw sukpung hnunga thil man chu tukhawm hin a hung danglam nghal ding a nih. Sungkhat mamaw chi tum tum inchawtu hai chun hi thu hi thudik le inkhel ngai der lo a nizie an hriet ngei ring a um. Sumdawngtu, dawrkai le thil zawr ding neihai chun hlaw sukpung hi nasa takin an sawr tangkai hlak. Churachandpur town sunga dawr chi tum tum haia khawm thil man hi a hma nekin a kaisang tan nghal ta a nih.
7th Pay Commission a hung inri tana inthawk khan huon, lo, ram, hmun, inlirtheile thil dang dang zawr ding neihai chun 7th Pay Commission recommendation hmang huna zawr dingin an lo khek tha tan a, tuta thla thar hung um dinga inthawk hin 7th Pay recommendation dungzuiin sawrkar thlungpui hnuoia thawktuhai chun an hlaw an lak tan ta ding a ni a, hi taka inthawk hin chu Bazar sunga thil man hai hung kaisang tan a ta, zawr ding neihai khawmin an thil zawr nuomhai hung hrillang tan an ta, a man ruok chu a hmaa an lo sakneka a let tam lem an hung sak tawl ta ding a nih. Hi hi sawrkar thawktuhai hlaw pung an lo sawr tangkai vena a ni ding a nih.
Central Pay ang hi States le Union Territory tum tum hnuoia thawktu hai khawmin hung ngen ve nawk an ta, state lien, state intodel le thawsuok hau hai chun an state sawrkar hnuoia thawktuhai chu Central Pay ang (7th Pay Commission recommendation) hung pe thei an ta, state chin, thawsuok nei lo le a pasie hai chun an thawktuhai kuomah Central pay ang hung pe thei nawng an ta. State sawrkar le a ram mipui han ienganga nasa am harsatna ei tuok rek ding ti hi ngaituo tham a tling. State chin, state pasie, thawsuok nei tlawm le sawrkar thlungpuil unginsietna le zangaina leia khawsa thei tawk tawk, Manipur state khawmin iengang harsatna am ei hung tuok pha ding ti hi ngaituo um takel a nih. State intodel lo, state rethei le thawsuok meu nei lo Manipur state mipuihai khawma harsatna chi tum tum hungtlung dinghai hi pumpel bik naw tawp ei tih. India rama state 29 um hai laia chun a tuor nasa pawl tak ei ni ring a um.
Manipur state sawrkar hnuoia thawktuhai khawmin state sawrkar kuomah 7th Pay ang dungzuia hlaw pek ve hung phut an ta, state sawrkar hlaka an thil ngen hi zuk pe thei el naw ni a, All Manipur Trade Union Council (AMTUC) le All Manipur Government Employees Organisation (AMGEO) hnuoia JAC chetna ri chu inzing utin ei la hung hriet nawk ding niin anlang. Ei state sawrkar sum ngrihmun hlak a tha si naw leiin ei hmabak ding hi ngaituo um tak a nih. Thla 7 liemta sung ringawt khawm khan ei state sawrkar chun Rs. 3,900 crore neka tam ding Utilization Certificate sawrkar thlungpui kuomah a peklut theinaw nia hril a nih.
Iengpo khawm nisienla mipui harsatna ding tak chu thil man hung kaisang ding hi a ni a. Hi lei hin sawrkar thlungpui hnuoia thawktuhai hlaw sukpung a ni leia thil man hung kaisang ding hi a taluoa a hung kaisang nawna dingin a enkaitu ding le a thununtu ding high power committee hung indin vat sienla nuom a um. Hlaw pung le thil man kaisang hi inzawl tlat anni leiin lo dang le control a tul a, chu controltu ding chu ei state sawrkarin makmawa an din a tul a nih.
