CCPur/Parbung , May 03, 2016: Tipaimukh Area Development Agency (TADA) in Parbung khuo Block Hqr. a tui vang em em leia Block Staff, Damdawiin le mipui fak ding tia TADA in buoipuina sin a thaw chu Pathien zarin tluongtakin hma lak pei a ni a, hi thil le inzawm a tarik 21st April, 2016 PHED Dept. CCPur in a tul zuolna a hmang ding ti thutiem pathum a neihai laia pakhat tuidawt (water pipe) 100 Pcs pek dinga a ti chu hung sanction nghalin, tuhin TADA Sub-Committee Chairman Upa L Hmunsang (Rengkai, Zarum Road) Compuond a sie a ni tah.


Committee chun Pu Th. Baite, EE le a rawihai chunga thutiem pakhat a hung sukpuitling nghal na chungah Local Newspaper fethlengin lawmthu a hril. Pahni danghai khawm thahnemngai takin an hung sukpuitling vak nghakhla in members hai chun an thlir zing bawk a nih. Chun Sawrkar kher lo khawmin thahnemngaia donation thaw nuomhai ta dingin kawt hawng zing a nih, tuchena khawm hin mimal/Organization tlawmngaihai a inthawkin sum thei ang angin an hung thaw ve zinga, chulaia a thaw rawn bik deuhai chu Pu Darzakhum Songate, Pu Darsuothang le a ruolhai , Upa Dr. L Fimate, Parbung Welfare-Aizawl, ICDP/RPCNEI le mi dang dang hai an nih. Zo fel hlawkna ding chun sum tam tak a la tul ding ani leiin donation thaw nuomhai ta dingin kawt lientak hawng zing a nih.(Lalnunthang Songate, Inf.& Media TADA)

Post a Comment

Powered by Blogger.