Shillong, May 12, 2016 (VITRHLI): Kumtina lo inser hlak angin hung tlung ding May 16, 2016 hin Shillonga Hmarnauhai chun Hmar Martyrs' Day inser an tih. May 16 sun hun hi Martyrs Football Trophy Final inkhelna TA Ground, Happy Valley, Shillong hmuna nei ning ata, zan dar 7:00PM ah EFCI Centennial Hall, EFCI Centre, Demthring hmuna Hmar Maryrs' Day programme tak chu hmang ani ding a nih.

8th Hmar Inpui Assembly 2016 in Hmar Martyrs' Day 2016 hi hmuntina ursuntaka hmang dan ding ngaituo nisien tia alo rel tah angin Hmar Inpui Meghalaya Region chun Hmar Youth Association, Joint Headquarters Shillong kutah mawphurna pedawkin hi Martyrs' Day inserna hi an huoihawtna hnuoia hmang ding a nih.

Hi hun hi Pu Francis Songate, General Secretary, Hmar Inpui, General Headquarters in a hmangpui ding bakah Meghalaya sunga hnam le Kohran thuoitu pawimaw tak tak hai khawmin uop veng an tih.

Martyrs hai sunna hun, lawmman semna le Meghalaya sunga Hmar nau hlasakthiem tak tak haia inthawkin rimawi ngaithlak ni bawk a tih.

Post a Comment

Powered by Blogger.