Anti Corruption Rally an huoihawt
CCPUR: Tuailai 1434 Pro Core Committee hmalaknain zani zingkar khan CCPurah Anti Corruption Rally nei a nih. Rallya thang ding hai hi zani zingkar 10:30AM khan New Lamkaa Gospel Centenary Hallah fekhawm a ni a, hi taka inthawk hin Tiddim Road zuiin DC, CCPur Office chenin rally (lampui hrawna) hi an nei a, DC Officea inthawk kir hnungin YPA GHQ Hall, Hiangtam Lamka hmuna rally kharna program hmang a nih. Rally a hin YPA Lamka Block le YPA New Lamka Block hnuoia Unit tin hai bakah SSPP GHQ hnuoia Jt. HQ, Block le Unit tin hai an thang. Ei rama hleprukna, thamna etc. (corruption) hluor em em dodalna le corruption an ditnawzie inentirnaa rally hi an nei a nih.
May 26 chen Police Custodya um phawt dingin
CCPUR: Singngat MLA Ginsuanhau PRO hlui Thangsianbiak @ Biabiak thuoihmang a nina le inzawma Imphal West Police Commando han mi 3 an man hai Lunliansiam Vaiphei (22) s/o Letzathang Vaiphei of Salam Patong village, Sadar Hills, Letkhogin Vaiphei (47) s/o Nekthang Vaiphei of Salam Patong Village, Sadar Hills le Mrs. Tingngainieng (30) w/o (L) Thanglallen of Salam Patong village, Sadar Hills hai chunga FIR No. 107 (5) 2016 IPC U/S 364A R/W 400 IPC & 25 (1C) A.Act registered a ni a. Hieng mi 3 hai hi Bongbal areaa T. Lala JCB driver thuoihmangna caseah FIR No. 24 (5) 2016 CCPPS U/S 400/365/34 IPC & 25(1C) A.Act hnuoiah CCPur Police han man nawk (rearrested) in zani hmasa khan Chief Judicial Magistrate (CJM), CCPur hmaah inlangtir nawk an ni a. CJM chun May 26, 2017 chen ni 7 sung Police Custodya la um phawt dingin an chungthu a rel.
WPF hmalaknain tawngtairuolna
CCPUR: Women Prayer Fellowship (WPF), CCPur hmalaknain May 24, 2016, 10AM2PM inkar sung khin EBCC Hiangtam Lamka Biekin (near public ground) ah tawngtairuolna nei ning a tih. Hi huna hin mitin, nuhmei pasal, a nuom taphawt thang dingin NPF chun fielna le ngenna a siem. 1011AM inkar sung Miss May Rose inrawinain, thuphachawina, insiemtharna le lawmthu hrilna tawngtairuolna nei ning a ta; 11AM12Noon inkar sung Rev. Lalpienglawm inrawinain Kohran, ram le khawtlang thuoitu hai ta dinga tawngtairuolna; 12PM1PM sungin Mrs Ngaihnem inrawinain Manipur ram damna ding le sakhuo zalenna um pei theina ding le 1PM2PM inkar sung Miss Kimkhonei inrawinain ei ram buoina, khawtlang,kohran le insung thila nuhmei hai hmalakna le inzawma an ta dinga tawngtaipekna nei nign a ta, thawlawm inhlanna le hun kharna Pastor D. Kamchinmang, Local pastor, Hiangtam Lamka in nei a tih.
CAT Examah a hlawtling
CCPUR/NEW DELHI: Tv. George Lalneikung s/o (L) Dr MK Mathew @ Dr Baby le Mrs Siempui of Sielmat, CCPur chu Common Admission Test (CAT) Examah hlawtlingna changin IIMKashipur hmuna MBA inchuk thei dingin seat a hmuh. Tv. George Lalneikung hi Delhi University hnuoia B.Com (Hons) zo a nih. A hlawtlingna hi ei chanchinbu chun a lawmpui hle.
Form 1555 sem a ni tah
CCPUR: Manipur Police Department hnuoia Police Constable (Male) Post 2052, Follower post 564 le Manipur Rifle hnuoia Rifleman Post 441 lakna ding le inzawmin Tuibuonga SP, CCPur Officea chun May 16, 2016 a inthawk tuchena hin Forms 1555 semdawk a nita a, May 25, 2016 chenin form hi sem la ning a tih. Form sem dawk tapo lai hin Police Constable a ding 698, MR a ding 433 le Follower a ding 424 a thang.
PWD Engineer/SO hai rawn thei ding
CCPUR: In bawl ding han sum tam tak senga Private Engineer le Architect ruoi ngai lovin PWD, CCPur Division hnuoia Engineer/SO hai pana rawn thei ning an tih tiin Nengkhanpau Guite, Executive Engineer, CCPur Division PWD/Manipur chun a hril. In bawl ding han PWD hnuoia Engineer/SOs hai ruoi chun labour le material cost bakah In design tha le detindo lem nei thei a ni ding thu a hril bawk. Hi thila ding hin PWD/CCPur chu inpeisa zinga um an ni thu Mr Nengkhanpau Guite chun a hril bawk.
NEICC 2nd Biennial Session Mizoramah
AIZAWL: North East India Christian Council (NEICC) 2nd Biennial Session (77th overall session) chu May 1922, 2016 inkar sungin Baptist Church of Mizoram, Serkawn, Lunglei, Mizoramah nei mek a ni a. Kum 20162018 sunga OB dingin a hnuoia hai hi thlang an nih President Rev. W.C. Khongwir, KJP Synod; Vice President Rev. Stephen Chinzathang, Zou Synod & Rev. Dr K. Keyho, NBCC; Secretary Rev. K. Lalnunzira, BCM, Treasurer Elder K. Lyngkhoi, KJP Synod le Executive Committee member dingin mi 7 thlang an ni bawk. Inkhawmpui nawk kum 2018 khin KJP, Nongstoin, Meghalaya hmuna nei ning a tih.
Mithiruong pakhat hmu a nih
IMPHAL: Zani zingkar dar 9 vel khan Koirengei Water Supply bula Imphal vadungah mithiruong pakhat tui chunga inlanga hmu a nih. A khawhnungin mithi hi Salam Shyam (40) s/o Salam Ibomcha of Thanga Lawai, tuta Sekmai Koujeng Leima hmuna cheng a nih ti hrietsuok a nih. May 17, 2016, 2PM vela hmeruo inchaw dinga an in suoksan le inlawi ta lo a nih tiin a sung han an hril.
Pasal pakhatin thina a tuok pha
IMPHAL: Zani hmasa khan JCILPS bandh thlawptu han Uripok Tourangbam Leikaiah bandh bawsehai lunga an dengnaah Okram Balendro (43) s/o Okram Chaoyaima of Pishum Oinam Leikai chu an deng hliem a, RIMS Casualty Department panpui a ni a, sienkhawm a hliemna tuorzo lovin May 20, 2016 zan dar 10 vel khan a thi niin ei thu dawngna chun a hril.
Ei thu dawngna thenkhat chun Okram Balendro hi a naunu Birthday Cak laa fe, ILP agitators han lungin an lo deng a, hrat taka motora tlan na lamah accident tuok niin a hril.
Anti Terrorism Day hmang
IMPHAL: Zanikhan Manipur sawrkar hmalaknain 1st MR Banquet Hallah AntiTerrorism Day hmang a nih. Hi huna hin CM O.Ibobi Singh; Dy. CM Gaikhangam; Chief Secretary O. Nabakishore; Civil le Police tienga Officer lien hai an thang. O.Ibobi Singh chun helpawlhai lungril hnena ding le lampui indika thuoikir nawk anni theina dingin Civil Society Organisation, nu le pahai an pawimaw hle a, chu ding chun hma la tlang ei tiu tiin thu a hril huna ngenna a siem. Helpawlhai thil ngen hriltlangna dinga lampui umsun chu inbiekna a nih tia hrilin Gaikhangam chun helpawlhai chu inbiekpui dingin a fiel. MPCC hmalaknain Congress Bhawan, Imphala khawm hi ni hi hmang a ni a, CM O.Ibobi Singh, Dy. CM; Gaikhangam, Ministers, Congress MLAs le Congress workerhai an thang tawl.
CBSE hnuoia Class XII result puong
NEW DELHI: Central Board of Secondary Education (CBSE) hnuoia Class XII result chu zanikhan puong a ni a, a pumpuia pass percentage chu 83.05 a ni a, nikum nekin tlawmin percent a tha lem. Nikuma pass percentage chu 82% a nih. Kum dang ang bawkin tukum khawm pasal nekin nuhmei an pass tha lem. Nuhmei pass percentage 88.58 a ni a, pasal pass percentage chu 78.85 a nih. Region wise a chun South India tieng pass percentage a tha tak a, Thiruvananthapuram regiona pass percentage 97.61 niin a dawttu chu Chennai niin 92.63% an passed. Tukum CBSE hnuoia Class XII exam dinga student in registered zat chu 10,65,179 an ni a, nikum nekin 2.38 % in an tamlem.
Tukhum CBSE Class XII exama topper chu Delhi student Sukriti Gupta of Monfort School, Ashok Vihar a ni a, full marks 500ah marks 497 a hmu a, pahnina chu Palak Goel of Kurukshetra, Haryana niin marks 496 a hmu.
Piengphunga ruolbanlo (differentlyable category) laia topper chu Faridabada inthawk Miss Mudita Jagota a ni a, marks 97% a hmu.
MU thangin CU 6 haiah Yoga Dept
NEW DELHI: Academic Session thara inthawk hin India hmarsak biel thangin India rama Central University 6 haia chun Yoga course (department of yoga) an tan hman beisei a nih. Hieng University 6 haia Yoga department indinna ding le inzawm hin HRD in panel an din chun report an pek tah. Hi dungzuia first phasea Central University 6 haia Yoga department indin/hawngna dinga panel in an recommend hai chu Hemwati Nandan Bahuguna Garhwal University, Uttarakhand; Visva Bharati, Shantiniketan, Central Univerty of Kerala; Indira Gandhi National Tribal University, Amarkantak; Manipur University, Imphal le Central University of Rajasthan, Ajmer annawleh Central University of Gujarat, Gandhinagar hai an nih.
BJP MP Tarun Vijay lunga deng hliem
DEHRADUN: Manipura AntiTribal Bills chungthua Manipur tribal hai thil ngen thlawp zawnga Parliamenta tawngsuok hlak Dalit hotu le BJP MP Tarun Vijay chu zani hmasa khan Uttarakhanda Chakrata hmuna templea a va fenaah mipui lungsen han lungin an lo deng leiin hliemna a tuok. BJP leader Daulat Kunwar le templea inthawk an suok chara mipui 2,000 vel han lungin an lo deng bakah mipui chun a chuongna Car khawm rawlah an namthlak a, hi thil tlunga hin Police motor khawm 2 suksiet a ni bakah mipui le inbeituonaah Police iemanizat an hliem bawk. Mr Vijay hi JaunsarBawar regiona temple haiah Dalit hnam hai an lut phal ve dinga nasa taka campaign thawtu a ni a, Dalit hai temple an lut phalpek an nina thua lungawi lova mipui hin an bei nia hril a nih. Uttarakhand CM Harish Rawat chun Tarun Vijay hi zanikhan Hospitalah a va kan a, a chunga hiengang thil thawtu hai chu hremna pek an ni ngei ding thu a hril.
PM in Union Cabinet sawidanglam a tum;
Minister thenkhat ban an ni ding
NEW DELHI: PM Narendra Modi chun Union Cabinet sawidanglam (major reshuffle) a tum a, senior Cabinet ministerhai an rawnpui mek a, Union Cabinet sawidanglam hun ding ruok chu sukfel a la ni nawh tiin ei thu dawngna chun a hril. Union Cabinet sawidanglam huna hin minister thenkhat, an mawphurna thaw hne lova hriet hai chu ban ni dinga hril a nih. Minister ban dinga hril rika um hai lai Union Health Minister J.P. Nadda, Union Environment & Forest Minister Prakash Javadekar le Union Minister of state for Micro, Small and Medium Enterprises, Giriraj Singh hai hi an thang niin ei thu dawngna chun a hril.
Assam Assembly election result chun Modi a suklawmin a sukphur thar hle a. Uttar Pradesh Assembly election hung um dinga khawm hratna chang ngei dinga nasa lema hmalak dinginBJP thuoituhai an rawnpui. BJP National President Amit Shah leh khawm hi thua hin an hohlim ta a, party sukhrat zuolna dingin BJP Vice President thar le General Secretary thar lak belsa anni el theia hril a nih. Union Cabinet sawidanglam huna khawm Uttar Pradesh state a inthawka BJP MP thenkhat chu Union Ministera laklut anni ring a nih.
Hungtlung ding May 26, 2016 khin Narendra Modi PM nina le BJP thuoina hnuoia NDA sawrkar chu kum 2 a tlingna ding a ni ta a; hi ni hin PM chun a ministerhai meeting neipui a ta, kum 2 liemta sunga an hmalakna le an sinthaw that hai ennawnin hmatieng peia hmalak dan dinghai hriltlang an tih.
Tuta hma deu khawm khan Modi chun a ministerhai chu election huna an thutiem le sawrkarin thaw dinga a lo puonglang tasahai chu sukpuitling ngei dingin a lo hril tawl ta a nih. An sawrkarin kum hni a tling ta ding le inzawmin hla phuok a ni a, hi hla hi Transorming India Anthem tia inbuk a nih. Hi hla thu thenkhat chu, “Mera desh badal raha hai.. aage badal raha hai” (My country is changing.. it is progressing) ti a nih. PM Narendra Modi chun hi hla hi May 20, 2016 khan a lo tlangzar ta a nih.
Kut nei lo, a ke a ziekin Class X examah marks 71.8% a hmu
AGRA: Uttar Pradesha chun kut neilo Ajay Kumar (16) of Bhogaon Village, Mainpuri district a cheng chun tukum Uttar Pradesh Board hnuoia Class X exama khan a kea ziekin Marks 71.8% zet hmuin hlawtlingna a chang.
Ajay Kumar hi kut nei lova pieng hrim a ni a, lekha inchuk a nuomna le a tumruna leiin ziekna ding kut a nei sinaw leiin a kepara pen chepbeta ziek nasa taka an chuk hnungin mi pangngai han kuta lekha an ziek thei ang bawkin tha takin a kepara pencil chep in lekha a hung ziek thei a, Class X board examah 71.8% chuong zet a hung hmu phak a nih. Kut nei lo le ruolbanlo a nina hin a thil tum Engineer ni a tumna chu a thul chuong nawh.
SR Inter Collegea inthawk Class X exam hi a pek a, marks 600ah marks 431 zet a hmu a nih. A hlawtlingnaa hin a lawm hle a, sienkhawm la hang thaw nasa deu sien chu 80% chuong hmu phak an ring thu a hril a, hmatieng nasa lema lekha inchuk a tum thu a hril.
A kepar lekha a ziek thei el chau ni lovin a ke hin mobile phone khawm chelin mi an biekpui thei a nih. Ajay pa Dayaram le a nu Meera Devi hai khawm an naupa hlawtlingnaa hin an lawm hle.
PM hlui Rajiv Gandhi thlanah par an inhlan
NEW DELHI: Prime Minister hlui (L) Rajiv Gandhi thi champha vawi 25na le inzawmin zanikhan President Pranab Mukherjee, Vice President Hamid Ansari; Congress President Sonia Gandhi, Congress Vice President Rahul Gandhi, Priyanka Gandhi Vadra le a pasal Robert Vadra han Veer Bhumi hmuna Rajiv thlanah par an van hlan tawl. Anni bakah hin senior party leaders Prime Minister hlui Dr Manmohan Singh, Ghulam Nabi Azad, Ahmed Patel, Sushil Kumar Shinde,PC Chacko, Sheila Dikshit le DPCC President Ajay Maken le midang dang hai khawmin par an inhlan tawl.Rajiv Gandhi kha India Prime Minister 6na niin May 21, 1991 nia Sriperumbudur, Tamil Nadu hmuna election vote campaign naa LTTE han bomb hmanga an bomb hlum a nih.
Assam Assemblyah crorepati MLA 72
GUWAHATI:Assam Assembly seats 126 uma Election neizo hlima MLA dinga thlangtling thar hai laia a zatve neka tam hai chu crorepaties an nih. Association for Democratic Reforms (ADR) le Assam Election Watch (AEW) in report an lakkhawm dungzuiin Assama MLA dinga thlangtling thar 126 hai laia 72 zet hai chu crore paties an nih. Tuta tuma thlangtling thar hai laia hausa tak chu Chief Minister hung ni ding Sarbananda Sonowal niin rothil Rs 33,94,60,623 a nei a, ama dawttu chu BJP MLA tho Narayan Deka niin Rs. 17 crore manhu rothil a nei a, pathumna chu AIUDF MLA Abdur Rahim Ajmal niin Rs. 13 crore manhu rothil a nei. BJP MLA 60 hai laia 34; Congress MLA 26 laia 16; AGP MLA 14 hai laia 10; BPF MLA 12 hai laia 7 le AIUDF MLA 13 um hai laia 5 hai chu Crorepaties an nih.
VAWISUN THUPUI
“Kei a mi kalzawnga in um a, ka thu in pawm naw chun, in suolhai zirin a let sariin in chungah hremna intlungtir ka tih. Leviticus 26:21
Editorial: Bandh hi
General Strike, Total Shutdown, total bandh le economic Blockade tihai hi Manipur mihai tawng a ninaw a, nisienlakhawm ei state ah a um ngun leiin mimawl tak chen khawmin hrilfie kher ngailovin a umzie chu ei hriet seng ta a nih. India ram chau ni lovin Manipur hi khawvel pumpui huopa bandh thaw tamna tak a ni ngei ring a um. Bandh chungchanga chun khawvel record ei kai ngei ring a um. Khawvel record ei kai el bakah World record ei khumkhel var var ring a um. Khawvel record ei kaina le ei khumkhelna hi suong a um naw hle a, thil inzakum a ni lem. Bandh thaw naw hlak chun thaw dan ding lampui tha ei la hriet si naw leiin bandh chu ei hmangruo tha takah ei la hmang pei ding niin an lang.
Bandh ti el khawm ei dittawk naw a, total bandh ti le total shutdown tihai chu ei la hmang uor deu deu a, tawp lovin hi tawnghai hi a hma nekin eila hamng uor zuol pei ding niin ei thil thaw nuom dana inthawk hin anlang. Bandh huoihawtna san chu a ieng ieng khawm nisienla, bandh huoihawt leia thil fel duok hi hriet ding a la um nawk mang si naw a, mani le mani harsatna ei insiem a nina lai a um. Bandh hin sawrkar, minister, MLA, sawrkar officer lien le mi hausa hai a tawkbuoi naw bakah harsatna chite hlek khawm a pek ngai naw a, bandh huna khawm fe nuomna an nei phawt chun security guard thuoiin an fe a, mi naran hai paltlang thei lo bandh kha an paltlang el hlak. Bandh tuortu tak chu mi rethei le mi naran hai ei nih.
Total bandh hi lungawinawna inlangtirna vawrtawpa ngai a ni lei hin total bandh intlungtirtu sawrkar ta ding khawmin a muolphothlak a, mipui tam tak harsatna intlungtirtu a ni leiin total bandh huoihawt nuomna khawp lungawinawna thil a hung um hlak hi ngaitha el thei ding chi khawm a ni chuong nawh. Bandh hung umna san hi a tlangpuiin sawrkarin a hun taka a ram mipui hai thil ngen a ngaisaknaw a, a chingfel vat vat ngainaw lei a ni tlangpui.
Inner Line Permit System (ILPS) chungthua Manipur Assembly in August 31, 2015 a Bill 3 a pasina hi thla 8 a pel ta a, thla 9 zet a tling ding a ni tah. Hi hun sunga state sawrkar le sawrkar thlungpuiin Bills 3 hai chingfel lova a sie hi Manipur mipuihai ta ding chun ngaithiem a harsa a, mipui lungawinawna le lungsenna hi inthiemnaw thei bik ding an ninaw na chin a um thei. Hieng a ni lei hin state sawrkar chun hi bills 3 hai chungchanga hin hma a lak nasa zuol a tul a nih. Sawrkar thlungpui khawma a ngaipawimaw hle a tul. Sawrkar thlungpuiin hi thil a chingfel vat naw chun a tawkpawi ding hi thil ditum lo tak el a hung ni ngei ding a nih. Thil nasa taka a kang siet hma a chingfel hi a damdawi tha tak ning a tih.
ILPS le hieng bills 3 hai leia bandh inzing uta a hung um hin tawkpawi a hung nei tan mek a, ienganga nasa am tawkpawi a la hung nei ding ti hi hawphur um takel a nih. Nitin nundan, education, sumdawngna, sin zawngna, fak le dawn zawngna hai a hung tawkpawi tan mek a. Hi movement hi chingfel a ninaw chun ni kum ang bawk khan Manipur mipuihai chun sepui ruo tuor an hril angin an tuor tlawk tlawk ding niin an lang. Education bek hi chu free zone in sie thei inla nuom a um ngei el. HSLC le HSSLC result kum tina a hung tlakhnuoi deu deu khawm hi ei state a bandh tam taluo khawm hi a san pakhat a ni ngei ring a um. Inchuklai han school an kai regular theinaw tlat chun result chu lo thei lovin a hung tla hnuoi hrim ding a nih.
Tulaia Manipura bandh hung tamna san hi ILPS le Bills 3 hai lei a ni a. Hi thil hi Manipur pumpui huop thil a ni leiin bandh danghai nekin mipui han an thlawp tha leiin a hrat zuol a, phairam le tlangram biel hai chau ni lovin motor hmanga state danghai le ei infepawna khawm a hung tawp hmak leiin harsatna chi tumtum ei tuor tanmek a, iengang khawpa harsatna, buoina le sietna am ei la tuok pha ding ti hi hriet a ni naw a, ei hmakhuo hi an thim mup el a nih. Sawrkar le company sin hmu ding thahnem tawk takin sin an chan pha bawk ding a nih.
Pawl hriet ngailo, pawl thar hlak a pieng zung zung a, a la hung pieng nawk pei ding niin anlang. JCILPS bandh May 21, 2016, 6PM in tawp sienkhawm bandh thaw tum an la um pei. Manipur Meitei Defence Committee chun May 22, 2016 zing dar 5 a inthawk zan dar 6 chen bandh an thaw ding thu an puong a. Hi zova khawm hin bandh thaw tum an la um. April 11, 2016 a Nungnei Meira Paibi Shang silaia kap a ni le inzawma JAC indina um khawmin May 23, 2016 ah bandh thaw an tum.
Suolin taluo a nei nawh ti ang deuin Manipur a chun bandh in taluo a nei ta naw a ni hi! Hiengang khawpa bandh ei uor a, a nuom taphawtin ei thaw pei el ding a ni chun Chanchinbuhai thangsain ei rengin thla khat sung bek bandh thaw seng inla, mani in sengah umin ei neisa hai fa inla, thla khat zova chun iem ei anga ti hung inlang chieng a tih. Bandh tangkai nawzie le a that nawzie a tak takin ei hriet suok pha ngei ring a um. Bandh hi tiin hun ei hmang pei el ding chu a ni hi!
CCPUR: Tuailai 1434 Pro Core Committee hmalaknain zani zingkar khan CCPurah Anti Corruption Rally nei a nih. Rallya thang ding hai hi zani zingkar 10:30AM khan New Lamkaa Gospel Centenary Hallah fekhawm a ni a, hi taka inthawk hin Tiddim Road zuiin DC, CCPur Office chenin rally (lampui hrawna) hi an nei a, DC Officea inthawk kir hnungin YPA GHQ Hall, Hiangtam Lamka hmuna rally kharna program hmang a nih. Rally a hin YPA Lamka Block le YPA New Lamka Block hnuoia Unit tin hai bakah SSPP GHQ hnuoia Jt. HQ, Block le Unit tin hai an thang. Ei rama hleprukna, thamna etc. (corruption) hluor em em dodalna le corruption an ditnawzie inentirnaa rally hi an nei a nih.
May 26 chen Police Custodya um phawt dingin
CCPUR: Singngat MLA Ginsuanhau PRO hlui Thangsianbiak @ Biabiak thuoihmang a nina le inzawma Imphal West Police Commando han mi 3 an man hai Lunliansiam Vaiphei (22) s/o Letzathang Vaiphei of Salam Patong village, Sadar Hills, Letkhogin Vaiphei (47) s/o Nekthang Vaiphei of Salam Patong Village, Sadar Hills le Mrs. Tingngainieng (30) w/o (L) Thanglallen of Salam Patong village, Sadar Hills hai chunga FIR No. 107 (5) 2016 IPC U/S 364A R/W 400 IPC & 25 (1C) A.Act registered a ni a. Hieng mi 3 hai hi Bongbal areaa T. Lala JCB driver thuoihmangna caseah FIR No. 24 (5) 2016 CCPPS U/S 400/365/34 IPC & 25(1C) A.Act hnuoiah CCPur Police han man nawk (rearrested) in zani hmasa khan Chief Judicial Magistrate (CJM), CCPur hmaah inlangtir nawk an ni a. CJM chun May 26, 2017 chen ni 7 sung Police Custodya la um phawt dingin an chungthu a rel.
WPF hmalaknain tawngtairuolna
CCPUR: Women Prayer Fellowship (WPF), CCPur hmalaknain May 24, 2016, 10AM2PM inkar sung khin EBCC Hiangtam Lamka Biekin (near public ground) ah tawngtairuolna nei ning a tih. Hi huna hin mitin, nuhmei pasal, a nuom taphawt thang dingin NPF chun fielna le ngenna a siem. 1011AM inkar sung Miss May Rose inrawinain, thuphachawina, insiemtharna le lawmthu hrilna tawngtairuolna nei ning a ta; 11AM12Noon inkar sung Rev. Lalpienglawm inrawinain Kohran, ram le khawtlang thuoitu hai ta dinga tawngtairuolna; 12PM1PM sungin Mrs Ngaihnem inrawinain Manipur ram damna ding le sakhuo zalenna um pei theina ding le 1PM2PM inkar sung Miss Kimkhonei inrawinain ei ram buoina, khawtlang,kohran le insung thila nuhmei hai hmalakna le inzawma an ta dinga tawngtaipekna nei nign a ta, thawlawm inhlanna le hun kharna Pastor D. Kamchinmang, Local pastor, Hiangtam Lamka in nei a tih.
CAT Examah a hlawtling
CCPUR/NEW DELHI: Tv. George Lalneikung s/o (L) Dr MK Mathew @ Dr Baby le Mrs Siempui of Sielmat, CCPur chu Common Admission Test (CAT) Examah hlawtlingna changin IIMKashipur hmuna MBA inchuk thei dingin seat a hmuh. Tv. George Lalneikung hi Delhi University hnuoia B.Com (Hons) zo a nih. A hlawtlingna hi ei chanchinbu chun a lawmpui hle.
Form 1555 sem a ni tah
CCPUR: Manipur Police Department hnuoia Police Constable (Male) Post 2052, Follower post 564 le Manipur Rifle hnuoia Rifleman Post 441 lakna ding le inzawmin Tuibuonga SP, CCPur Officea chun May 16, 2016 a inthawk tuchena hin Forms 1555 semdawk a nita a, May 25, 2016 chenin form hi sem la ning a tih. Form sem dawk tapo lai hin Police Constable a ding 698, MR a ding 433 le Follower a ding 424 a thang.
PWD Engineer/SO hai rawn thei ding
CCPUR: In bawl ding han sum tam tak senga Private Engineer le Architect ruoi ngai lovin PWD, CCPur Division hnuoia Engineer/SO hai pana rawn thei ning an tih tiin Nengkhanpau Guite, Executive Engineer, CCPur Division PWD/Manipur chun a hril. In bawl ding han PWD hnuoia Engineer/SOs hai ruoi chun labour le material cost bakah In design tha le detindo lem nei thei a ni ding thu a hril bawk. Hi thila ding hin PWD/CCPur chu inpeisa zinga um an ni thu Mr Nengkhanpau Guite chun a hril bawk.
NEICC 2nd Biennial Session Mizoramah
AIZAWL: North East India Christian Council (NEICC) 2nd Biennial Session (77th overall session) chu May 1922, 2016 inkar sungin Baptist Church of Mizoram, Serkawn, Lunglei, Mizoramah nei mek a ni a. Kum 20162018 sunga OB dingin a hnuoia hai hi thlang an nih President Rev. W.C. Khongwir, KJP Synod; Vice President Rev. Stephen Chinzathang, Zou Synod & Rev. Dr K. Keyho, NBCC; Secretary Rev. K. Lalnunzira, BCM, Treasurer Elder K. Lyngkhoi, KJP Synod le Executive Committee member dingin mi 7 thlang an ni bawk. Inkhawmpui nawk kum 2018 khin KJP, Nongstoin, Meghalaya hmuna nei ning a tih.
Mithiruong pakhat hmu a nih
IMPHAL: Zani zingkar dar 9 vel khan Koirengei Water Supply bula Imphal vadungah mithiruong pakhat tui chunga inlanga hmu a nih. A khawhnungin mithi hi Salam Shyam (40) s/o Salam Ibomcha of Thanga Lawai, tuta Sekmai Koujeng Leima hmuna cheng a nih ti hrietsuok a nih. May 17, 2016, 2PM vela hmeruo inchaw dinga an in suoksan le inlawi ta lo a nih tiin a sung han an hril.
Pasal pakhatin thina a tuok pha
IMPHAL: Zani hmasa khan JCILPS bandh thlawptu han Uripok Tourangbam Leikaiah bandh bawsehai lunga an dengnaah Okram Balendro (43) s/o Okram Chaoyaima of Pishum Oinam Leikai chu an deng hliem a, RIMS Casualty Department panpui a ni a, sienkhawm a hliemna tuorzo lovin May 20, 2016 zan dar 10 vel khan a thi niin ei thu dawngna chun a hril.
Ei thu dawngna thenkhat chun Okram Balendro hi a naunu Birthday Cak laa fe, ILP agitators han lungin an lo deng a, hrat taka motora tlan na lamah accident tuok niin a hril.
Anti Terrorism Day hmang
IMPHAL: Zanikhan Manipur sawrkar hmalaknain 1st MR Banquet Hallah AntiTerrorism Day hmang a nih. Hi huna hin CM O.Ibobi Singh; Dy. CM Gaikhangam; Chief Secretary O. Nabakishore; Civil le Police tienga Officer lien hai an thang. O.Ibobi Singh chun helpawlhai lungril hnena ding le lampui indika thuoikir nawk anni theina dingin Civil Society Organisation, nu le pahai an pawimaw hle a, chu ding chun hma la tlang ei tiu tiin thu a hril huna ngenna a siem. Helpawlhai thil ngen hriltlangna dinga lampui umsun chu inbiekna a nih tia hrilin Gaikhangam chun helpawlhai chu inbiekpui dingin a fiel. MPCC hmalaknain Congress Bhawan, Imphala khawm hi ni hi hmang a ni a, CM O.Ibobi Singh, Dy. CM; Gaikhangam, Ministers, Congress MLAs le Congress workerhai an thang tawl.
CBSE hnuoia Class XII result puong
NEW DELHI: Central Board of Secondary Education (CBSE) hnuoia Class XII result chu zanikhan puong a ni a, a pumpuia pass percentage chu 83.05 a ni a, nikum nekin tlawmin percent a tha lem. Nikuma pass percentage chu 82% a nih. Kum dang ang bawkin tukum khawm pasal nekin nuhmei an pass tha lem. Nuhmei pass percentage 88.58 a ni a, pasal pass percentage chu 78.85 a nih. Region wise a chun South India tieng pass percentage a tha tak a, Thiruvananthapuram regiona pass percentage 97.61 niin a dawttu chu Chennai niin 92.63% an passed. Tukum CBSE hnuoia Class XII exam dinga student in registered zat chu 10,65,179 an ni a, nikum nekin 2.38 % in an tamlem.
Tukhum CBSE Class XII exama topper chu Delhi student Sukriti Gupta of Monfort School, Ashok Vihar a ni a, full marks 500ah marks 497 a hmu a, pahnina chu Palak Goel of Kurukshetra, Haryana niin marks 496 a hmu.
Piengphunga ruolbanlo (differentlyable category) laia topper chu Faridabada inthawk Miss Mudita Jagota a ni a, marks 97% a hmu.
MU thangin CU 6 haiah Yoga Dept
NEW DELHI: Academic Session thara inthawk hin India hmarsak biel thangin India rama Central University 6 haia chun Yoga course (department of yoga) an tan hman beisei a nih. Hieng University 6 haia Yoga department indinna ding le inzawm hin HRD in panel an din chun report an pek tah. Hi dungzuia first phasea Central University 6 haia Yoga department indin/hawngna dinga panel in an recommend hai chu Hemwati Nandan Bahuguna Garhwal University, Uttarakhand; Visva Bharati, Shantiniketan, Central Univerty of Kerala; Indira Gandhi National Tribal University, Amarkantak; Manipur University, Imphal le Central University of Rajasthan, Ajmer annawleh Central University of Gujarat, Gandhinagar hai an nih.
BJP MP Tarun Vijay lunga deng hliem
DEHRADUN: Manipura AntiTribal Bills chungthua Manipur tribal hai thil ngen thlawp zawnga Parliamenta tawngsuok hlak Dalit hotu le BJP MP Tarun Vijay chu zani hmasa khan Uttarakhanda Chakrata hmuna templea a va fenaah mipui lungsen han lungin an lo deng leiin hliemna a tuok. BJP leader Daulat Kunwar le templea inthawk an suok chara mipui 2,000 vel han lungin an lo deng bakah mipui chun a chuongna Car khawm rawlah an namthlak a, hi thil tlunga hin Police motor khawm 2 suksiet a ni bakah mipui le inbeituonaah Police iemanizat an hliem bawk. Mr Vijay hi JaunsarBawar regiona temple haiah Dalit hnam hai an lut phal ve dinga nasa taka campaign thawtu a ni a, Dalit hai temple an lut phalpek an nina thua lungawi lova mipui hin an bei nia hril a nih. Uttarakhand CM Harish Rawat chun Tarun Vijay hi zanikhan Hospitalah a va kan a, a chunga hiengang thil thawtu hai chu hremna pek an ni ngei ding thu a hril.
PM in Union Cabinet sawidanglam a tum;
Minister thenkhat ban an ni ding
NEW DELHI: PM Narendra Modi chun Union Cabinet sawidanglam (major reshuffle) a tum a, senior Cabinet ministerhai an rawnpui mek a, Union Cabinet sawidanglam hun ding ruok chu sukfel a la ni nawh tiin ei thu dawngna chun a hril. Union Cabinet sawidanglam huna hin minister thenkhat, an mawphurna thaw hne lova hriet hai chu ban ni dinga hril a nih. Minister ban dinga hril rika um hai lai Union Health Minister J.P. Nadda, Union Environment & Forest Minister Prakash Javadekar le Union Minister of state for Micro, Small and Medium Enterprises, Giriraj Singh hai hi an thang niin ei thu dawngna chun a hril.
Assam Assembly election result chun Modi a suklawmin a sukphur thar hle a. Uttar Pradesh Assembly election hung um dinga khawm hratna chang ngei dinga nasa lema hmalak dinginBJP thuoituhai an rawnpui. BJP National President Amit Shah leh khawm hi thua hin an hohlim ta a, party sukhrat zuolna dingin BJP Vice President thar le General Secretary thar lak belsa anni el theia hril a nih. Union Cabinet sawidanglam huna khawm Uttar Pradesh state a inthawka BJP MP thenkhat chu Union Ministera laklut anni ring a nih.
Hungtlung ding May 26, 2016 khin Narendra Modi PM nina le BJP thuoina hnuoia NDA sawrkar chu kum 2 a tlingna ding a ni ta a; hi ni hin PM chun a ministerhai meeting neipui a ta, kum 2 liemta sunga an hmalakna le an sinthaw that hai ennawnin hmatieng peia hmalak dan dinghai hriltlang an tih.
Tuta hma deu khawm khan Modi chun a ministerhai chu election huna an thutiem le sawrkarin thaw dinga a lo puonglang tasahai chu sukpuitling ngei dingin a lo hril tawl ta a nih. An sawrkarin kum hni a tling ta ding le inzawmin hla phuok a ni a, hi hla hi Transorming India Anthem tia inbuk a nih. Hi hla thu thenkhat chu, “Mera desh badal raha hai.. aage badal raha hai” (My country is changing.. it is progressing) ti a nih. PM Narendra Modi chun hi hla hi May 20, 2016 khan a lo tlangzar ta a nih.
Kut nei lo, a ke a ziekin Class X examah marks 71.8% a hmu
AGRA: Uttar Pradesha chun kut neilo Ajay Kumar (16) of Bhogaon Village, Mainpuri district a cheng chun tukum Uttar Pradesh Board hnuoia Class X exama khan a kea ziekin Marks 71.8% zet hmuin hlawtlingna a chang.
Ajay Kumar hi kut nei lova pieng hrim a ni a, lekha inchuk a nuomna le a tumruna leiin ziekna ding kut a nei sinaw leiin a kepara pen chepbeta ziek nasa taka an chuk hnungin mi pangngai han kuta lekha an ziek thei ang bawkin tha takin a kepara pencil chep in lekha a hung ziek thei a, Class X board examah 71.8% chuong zet a hung hmu phak a nih. Kut nei lo le ruolbanlo a nina hin a thil tum Engineer ni a tumna chu a thul chuong nawh.
SR Inter Collegea inthawk Class X exam hi a pek a, marks 600ah marks 431 zet a hmu a nih. A hlawtlingnaa hin a lawm hle a, sienkhawm la hang thaw nasa deu sien chu 80% chuong hmu phak an ring thu a hril a, hmatieng nasa lema lekha inchuk a tum thu a hril.
A kepar lekha a ziek thei el chau ni lovin a ke hin mobile phone khawm chelin mi an biekpui thei a nih. Ajay pa Dayaram le a nu Meera Devi hai khawm an naupa hlawtlingnaa hin an lawm hle.
PM hlui Rajiv Gandhi thlanah par an inhlan
NEW DELHI: Prime Minister hlui (L) Rajiv Gandhi thi champha vawi 25na le inzawmin zanikhan President Pranab Mukherjee, Vice President Hamid Ansari; Congress President Sonia Gandhi, Congress Vice President Rahul Gandhi, Priyanka Gandhi Vadra le a pasal Robert Vadra han Veer Bhumi hmuna Rajiv thlanah par an van hlan tawl. Anni bakah hin senior party leaders Prime Minister hlui Dr Manmohan Singh, Ghulam Nabi Azad, Ahmed Patel, Sushil Kumar Shinde,PC Chacko, Sheila Dikshit le DPCC President Ajay Maken le midang dang hai khawmin par an inhlan tawl.Rajiv Gandhi kha India Prime Minister 6na niin May 21, 1991 nia Sriperumbudur, Tamil Nadu hmuna election vote campaign naa LTTE han bomb hmanga an bomb hlum a nih.
Assam Assemblyah crorepati MLA 72
GUWAHATI:Assam Assembly seats 126 uma Election neizo hlima MLA dinga thlangtling thar hai laia a zatve neka tam hai chu crorepaties an nih. Association for Democratic Reforms (ADR) le Assam Election Watch (AEW) in report an lakkhawm dungzuiin Assama MLA dinga thlangtling thar 126 hai laia 72 zet hai chu crore paties an nih. Tuta tuma thlangtling thar hai laia hausa tak chu Chief Minister hung ni ding Sarbananda Sonowal niin rothil Rs 33,94,60,623 a nei a, ama dawttu chu BJP MLA tho Narayan Deka niin Rs. 17 crore manhu rothil a nei a, pathumna chu AIUDF MLA Abdur Rahim Ajmal niin Rs. 13 crore manhu rothil a nei. BJP MLA 60 hai laia 34; Congress MLA 26 laia 16; AGP MLA 14 hai laia 10; BPF MLA 12 hai laia 7 le AIUDF MLA 13 um hai laia 5 hai chu Crorepaties an nih.
VAWISUN THUPUI
“Kei a mi kalzawnga in um a, ka thu in pawm naw chun, in suolhai zirin a let sariin in chungah hremna intlungtir ka tih. Leviticus 26:21
Editorial: Bandh hi
General Strike, Total Shutdown, total bandh le economic Blockade tihai hi Manipur mihai tawng a ninaw a, nisienlakhawm ei state ah a um ngun leiin mimawl tak chen khawmin hrilfie kher ngailovin a umzie chu ei hriet seng ta a nih. India ram chau ni lovin Manipur hi khawvel pumpui huopa bandh thaw tamna tak a ni ngei ring a um. Bandh chungchanga chun khawvel record ei kai ngei ring a um. Khawvel record ei kai el bakah World record ei khumkhel var var ring a um. Khawvel record ei kaina le ei khumkhelna hi suong a um naw hle a, thil inzakum a ni lem. Bandh thaw naw hlak chun thaw dan ding lampui tha ei la hriet si naw leiin bandh chu ei hmangruo tha takah ei la hmang pei ding niin an lang.
Bandh ti el khawm ei dittawk naw a, total bandh ti le total shutdown tihai chu ei la hmang uor deu deu a, tawp lovin hi tawnghai hi a hma nekin eila hamng uor zuol pei ding niin ei thil thaw nuom dana inthawk hin anlang. Bandh huoihawtna san chu a ieng ieng khawm nisienla, bandh huoihawt leia thil fel duok hi hriet ding a la um nawk mang si naw a, mani le mani harsatna ei insiem a nina lai a um. Bandh hin sawrkar, minister, MLA, sawrkar officer lien le mi hausa hai a tawkbuoi naw bakah harsatna chite hlek khawm a pek ngai naw a, bandh huna khawm fe nuomna an nei phawt chun security guard thuoiin an fe a, mi naran hai paltlang thei lo bandh kha an paltlang el hlak. Bandh tuortu tak chu mi rethei le mi naran hai ei nih.
Total bandh hi lungawinawna inlangtirna vawrtawpa ngai a ni lei hin total bandh intlungtirtu sawrkar ta ding khawmin a muolphothlak a, mipui tam tak harsatna intlungtirtu a ni leiin total bandh huoihawt nuomna khawp lungawinawna thil a hung um hlak hi ngaitha el thei ding chi khawm a ni chuong nawh. Bandh hung umna san hi a tlangpuiin sawrkarin a hun taka a ram mipui hai thil ngen a ngaisaknaw a, a chingfel vat vat ngainaw lei a ni tlangpui.
Inner Line Permit System (ILPS) chungthua Manipur Assembly in August 31, 2015 a Bill 3 a pasina hi thla 8 a pel ta a, thla 9 zet a tling ding a ni tah. Hi hun sunga state sawrkar le sawrkar thlungpuiin Bills 3 hai chingfel lova a sie hi Manipur mipuihai ta ding chun ngaithiem a harsa a, mipui lungawinawna le lungsenna hi inthiemnaw thei bik ding an ninaw na chin a um thei. Hieng a ni lei hin state sawrkar chun hi bills 3 hai chungchanga hin hma a lak nasa zuol a tul a nih. Sawrkar thlungpui khawma a ngaipawimaw hle a tul. Sawrkar thlungpuiin hi thil a chingfel vat naw chun a tawkpawi ding hi thil ditum lo tak el a hung ni ngei ding a nih. Thil nasa taka a kang siet hma a chingfel hi a damdawi tha tak ning a tih.
ILPS le hieng bills 3 hai leia bandh inzing uta a hung um hin tawkpawi a hung nei tan mek a, ienganga nasa am tawkpawi a la hung nei ding ti hi hawphur um takel a nih. Nitin nundan, education, sumdawngna, sin zawngna, fak le dawn zawngna hai a hung tawkpawi tan mek a. Hi movement hi chingfel a ninaw chun ni kum ang bawk khan Manipur mipuihai chun sepui ruo tuor an hril angin an tuor tlawk tlawk ding niin an lang. Education bek hi chu free zone in sie thei inla nuom a um ngei el. HSLC le HSSLC result kum tina a hung tlakhnuoi deu deu khawm hi ei state a bandh tam taluo khawm hi a san pakhat a ni ngei ring a um. Inchuklai han school an kai regular theinaw tlat chun result chu lo thei lovin a hung tla hnuoi hrim ding a nih.
Tulaia Manipura bandh hung tamna san hi ILPS le Bills 3 hai lei a ni a. Hi thil hi Manipur pumpui huop thil a ni leiin bandh danghai nekin mipui han an thlawp tha leiin a hrat zuol a, phairam le tlangram biel hai chau ni lovin motor hmanga state danghai le ei infepawna khawm a hung tawp hmak leiin harsatna chi tumtum ei tuor tanmek a, iengang khawpa harsatna, buoina le sietna am ei la tuok pha ding ti hi hriet a ni naw a, ei hmakhuo hi an thim mup el a nih. Sawrkar le company sin hmu ding thahnem tawk takin sin an chan pha bawk ding a nih.
Pawl hriet ngailo, pawl thar hlak a pieng zung zung a, a la hung pieng nawk pei ding niin anlang. JCILPS bandh May 21, 2016, 6PM in tawp sienkhawm bandh thaw tum an la um pei. Manipur Meitei Defence Committee chun May 22, 2016 zing dar 5 a inthawk zan dar 6 chen bandh an thaw ding thu an puong a. Hi zova khawm hin bandh thaw tum an la um. April 11, 2016 a Nungnei Meira Paibi Shang silaia kap a ni le inzawma JAC indina um khawmin May 23, 2016 ah bandh thaw an tum.
Suolin taluo a nei nawh ti ang deuin Manipur a chun bandh in taluo a nei ta naw a ni hi! Hiengang khawpa bandh ei uor a, a nuom taphawtin ei thaw pei el ding a ni chun Chanchinbuhai thangsain ei rengin thla khat sung bek bandh thaw seng inla, mani in sengah umin ei neisa hai fa inla, thla khat zova chun iem ei anga ti hung inlang chieng a tih. Bandh tangkai nawzie le a that nawzie a tak takin ei hriet suok pha ngei ring a um. Bandh hi tiin hun ei hmang pei el ding chu a ni hi!
