March 20,2016 (Virthli):

1. Pu JL Sinate, s/o Pu Lalhimlien Sinate, Rengkai.
Pu JL Sinate hi RPAO (Intelligence Bureau), Shillong a Accountant sin thaw lai mek a ni a; CGLE 2014 a hlawtlingna changin, Inspector (Excise & Customs) zawm thar dingin document le sukfel tul hai a sukfel zo tah.

Pu JL Sinate hi Competitive Exams Coaching, RES le HSA in a huoihawt hlak haia inchuktirtu kum tamtak lo ni hlak a nih a. Tuhin Shillong-ah inhluo in a khawsa mek a, EFCI KTP in Coaching a buotsaiah Inchuktirtu a ni el khelah HSA General Headquarters le inthukawpin, 21 March 2016 hin Shillong Hmar khawtlang pumpui huopin CGLE Coaching an huoihawt ding mek bawk a nih.

2. Tv. Joshua Z Khawbung, s/o Pu TK Khawbung, Imphal.
Tv. Joshua Khawbung khawm hi CGLE 2014 a lo inziektling tah, Inspector (Excise & Customs) sin zawm dingin sukfel tul hai sukfel dingin tuta kar liemta khan Shillong tieng a pan.

Tv. Joshua Khawbung hi HSA Imphal Jt. Hqrs. a General Secretary ni lai zing a ni a, Imphal khawpuia sin zawng mek hai ta dinga Competitive Exams Coaching HSA in a huoihawt changa inchuktirtu ni hlak a nih.

3. Pu David L Zote, s/o Pu Zosuolal, Shillong.
Pu David Zote hin Ministry of Skill Development & Entrepreneurship hnuoia National Skills Development Corporation (NSDC) ah Jowai Center Manager sin a hmuh. A sin thar hi 17 March 2016 khan Jowai, Jaintia Hills, Meghalaya ah a lo zawm tah.

Pu David Zote hi ICI Madanrting, Shillong KTP a Vice-Chairman ni lai zing a nih a, ei hlasakthiem Pi Monica Lalhlimpui a pasal a nih.

4. Tv. Jacob Ramhluosang, s/o Pu Ramhlun Darngawn, Shillong.
Tv. Jacob hi SSC CPO Sub-Inspector exam lo inziektlingin, physical, medical exams le interview hai a zo vawng hnungin tuta kar liemta khan Border Security Force ah SI sin pek fel a ni tah. A posting hmun ding ruok chu hriet a la ni nawh.

Tv. Jacob Ramhluosang hi Hmar Students' Education Board, Shillong a member ni lai zing a nih a, UPSC hnuoiah Asst. Commandant exam hai khawm lo inziektling ta hlak a nih.

Hlawtlingna changhai ei lawmpui tak zet.


Post a Comment

Powered by Blogger.