Responsive Ad Slot

HSA JHQ, CCPur Conference hlawtling taka zo; 2016-2018 sunga thuoitu ding thlangna nei

Sunday, March 20, 2016

/ Published by VIRTHLI
CCPUR | Virthli News: March 19, 2016 khan HYA Hall, Sielmat, CCPur hmun ah HSA JHQ, CCPur Conference hlawtling taka zo a nih. Hi hun hi Upa Laldawnlien Varte Prez, HYA GHQ chun uop in Rs. 3000/- thangpuina tiin JHQ thuoituhai kut ah an hlan.


Hi huna hin rorelna hun nei a ni a. Mr. Timothy Z. Zote Adviser chu Moderator in a thanga. Recording Secy. in Mr. Gospel Hrangchal a thang bawk. Resolution 8 lai passed a ni a. Chuonghai chu- Inchuklai thangpui ngaihai thangpui dan lampui dap, Freshers' Meet nei hlak ding, Conference kum khat ah vawi 1 bek nei hlak ding, HSA JHQ le Unit inkantuo, JHQ in Unit kanna nei hlak ding, Class X & XII Free Coaching (HSA JHQ CCPur in huoihawt ding, HSA JHQ Level ah Joint Sports kum khat ah vawi khat bek huoihawt ding, Unit tina Class X & XII Topper hai JHQ Level a lawmpuina siem ding, JHQ CCPur huomsunga Unit tin hai Palai nei zat chungthu ah Proportional taka nei ni ts sien, Term nawk a inthawk dan ang taka hmang ni ta sien ti hai an nih.


Hi huna hin  2016-2018 sunga thuoitu ding thlangna nei a ni a. President Mr. Lalthanzau, Vice President Mr. Gospel Hrangchal, Gen. Secy. Mr. Jeffrey Saihmang , Asst. Gen. Secy. Mr. Chawngneilien, Fin. Secy. Miss Varthienghlim (Uncontest), Treasurer Miss Estherkim Thiek (Uncontest) hai thlangtling an nih.

Presidential Candidate le Floor Candidate mi pakhat neka tam in Contest le Candidate um hai chu Secret Ballot Paper hmanga thlang an nih a. Hi huna hin Election Commission in Mr. Nathan Sanate CEC, HSA GHQ chu Election Officer, Mr. Rochunghnung Former Vice Prez, HSA GHQ chu Presiding Officer le Mr. LRS Puruolte Jt. Secy. (Info. & Media), Hmar Inpui, GHQ chu Recording Secy. in an thang a; Observer in Mr. Richard Laltanpuia AGS, HSA GHQ le Ms. Margareth Tryte Treasurer, HSA GHQ hai an thang bawk. Thlang thar a um hai hi Rev. Jonathan Pudaite Principal, Trinity College & Seminary (TCS), Sielmat in Pathien kuoma tawngtai pekna a nei.

Hi huna hin Unit 17 le JHQ a Palai hai fekhawmin vote an thlak a nih. Hi election hi a thienghlim tawk hle a, Election Commission in an huoihawt dan chu mi tam takin an inpak hle. Hiengang khawp a Election fimkhur hi hmu ding a la vang hle thu an hril tawl.

Thlang thar a um hai hin hungtlung ding March 22, 2016 (Thawleni) zantieng dar 1:00 pm hin HSA JHQ, CCPur Information Centre, HSA Marketing Complex, Rengkai Road, CCPur hmun ah Election Commission inrawinain Charge inhlanna le Oath Taking nei an tih.

HSA JHQ CCPur thuoituhai chun hi hun a hlawtlingna dinga chanvo peka um sukpuitlingtu le an tul le mamaw hai lo sawmdawltu hai chungah le Shri Lunminthang Haokip DC, CCPur in Chair le Sumfai a a thangpuina thu ah lawmthu an hril.






Don't Miss
© all rights reserved
made with by Simon L Infimate