Shillong, February 24, 2016: Virthli (Online News Portal) chu 6th E-North East Award 2016 a lawmman dawngthei ding (Finalists) thlangdawk hai laiah a thang ve.

Hi Award semna hun hi hung tlung ding February 26, 2016 khin North Eastern Council Campus, Shillong, Meghalaya hmuna nei ning a tih.

Virthli hi News Network chauh nilo, Android App, Facebook Group le Page, Football Club le Open discussion forum pawimawtak Hmar hnam sunga ding chun a hung ni tah a nih. Virthli hi kum 2006 a tan niin, tuhin mi tlawmngai tak tak el mi 19 haiin hlaw um der lovin an enkawl mek a nih.


e-North East Award hi platform pakhat niin, North East sunga electronic hmanga kawng dang dang hieng e-Governance & Citizen Services Delivery, e-Infrastructure, e-Learning & Education, Health, e-Livelihood & Enterprise, e-Commerce & Business, e-Culture & Heritage, e-Environment & Tourism, e-News& Media etc . hai society i hlawkpui le tangkaipui hai thlangdawkin, chawimawina hai inhlanna a nei hlaka, information communication technology hai society in a hlawkpui ngei theina dinga suklar le chawisang chu a thiltum pakhat ve nih.

Virthli khawm Hmar hnam sunga chauh nilovin Chin-Kuki-Mizo hnam sunga e-News& Media platform lien pawl le mipui i tangkaipui pakhat a ngaiin e-News& Media category ah Final Nominee ngirhmun chen alo chuongkai tah a nih. Virthli enkawltu hai hin Virthli chanchin le hmalakdan hai a tlangpui penalists le mipui fekhawm hai hmaa an hril ala ngaia, lawmman khawm dawng ngei ei inbeisei a nih.

Post a Comment

Powered by Blogger.