HSLC Exama Candidate hai inthung dan ding (seat allotment)
CCPUR: BSEM huoihawtna hnuoia Class X (HSLC) Exam, 2016 hung um dinga CCPur District Private Centre pahni hawnga um haia Candidate hai inthungna ding (seat allotment) siemfel a ni tah.
Hi dungzui hin Ebenezer Academy Main Centre (Regular candidates) ah Schools 23 inthung an ta, ABlockah Roll numbers 16812 to 17504 ( candidates 692) le BBlockah Roll No. 17505 to 18028 (candidates 524) an rengin candidates 1216 inthung an tih.
Don Bosco Hr. Sec. School SubCentre (Regular Candidates) ah Schools 44 haia candidates 1462 inthung an tih. ABlockah Roll No. 18029 to 18628 (candidates 600); BBlockah Roll No. 18629 to 19070 (candidates 442) le CBlockah Roll No. 19071 to 19490 (candidates 420) inthung an tih.
Schools tum tum haia inthawka External candidates Roll No. 1039 to 1452+4531 an rengin candidates 415 hai chu Don Bosco Hr. Sec. School SubCentre DBlockah inthung an tih.
Lekhabu thar tlangzar
CCPUR: Rev. Dr Ramengliana in a ziek “Pathian Khawngaihna Mawi leh Duhawm” ti lekhabu chu zani 1:00PM khan TP Session Hall, IB Roadah tlangzar a nih. Lekhabu hi Rev Lallarmawia in a tlangzar a, Upa K. Vanlalauva in hi lekhabu chungthu hrilna a nei.
Rev. Dr Ramengliana hi secular lineah MA Gold Medalist le Theological lineah BD 1st class zo a nih tiin Upa S. Vanlalruala chun a hril.
Free Mega Medical Camp
CCPUR: Feb. 26, 2016, 8:30AM khin S. Molhoi Villageah District Health Society, CCPur hmalaknain “One Day Free Mega Medical Camp” um ata, Lunminthang Haokip, IAS, DC/CCPur khuolliena thangin hawng a tih. Hi huna hinDr Thanchinkhup Guite, CMO/CCPur le S. Thienlaljoy Gangte, MCS, SDO/CCPur hai chu Guest of honour le functional president in thang an ta, doctor han damnaw hai hriselna enin damdawi mamaw hai kuoma a thlawnin damdawi pek ning an tih.
AGM 54th District Conference
CCPUR: Asemblies of God Manipur chun Feb. 2728, 2016 inkar sung khin Ngampabung hmunah 54th District Conference nei an tih. Conference sunga Pathien thucha hriltu dinghai chuDistrict Evangelists Rev. Lalpienglawm; Evan. C. Lalthlunglien; Evan. Lalruotsang le District Superintendent Rev. Dr LH Jacky Simte h ai ning an tih.
Martyrs hai sunna le tawngtairuolna an nei
CCPUR: Tuailai 1434 Team chun zani zantieng 3:00PM khan District Hospital Morgueah tribal martyrs hai sunna le tawngtairuolna hun an hmang. Hi huna hin Pumsuanmung, Youth Coordinator, EBC in keynote address hrilin sunna hunser an rawi a, EBC Central Choir han inpakna hla an sak a, Evan. T. Damkhothang in Pathien thucha a hril.
Pasal pakhatin a sawisak niin a report
CCPUR: Ms. S. Bina (55) of Khuga Tampak chun, Feb. 22, 2016 zingkar 11:00AM vel khan Zouveng Khuga Tampak hmuna L. Ebocha Singh (68) h/o L. Madam Devi of Zoveng ina Bel la dinga a fe hunah L. Ebocha Singh chun kawtkhar kalin sex thilah a sawisak a, sienkhawm vangneia siemin intaldawkin a tlansuok thei niin Police kuomah report a pek. Hi le inzawm hin CCPur Police chun FIR No. 1 (2) 2016 WPSCCPur registered in an suizui mek.
Meritorious Award sem hun ding sawn
CCPUR: Zanita Seilal Upper Primary School, Seilal Villagea Seilal Meritorious Award semna nei dinga ti chu remchangnawna leiin March 5, 2016 a nei lem dinga a hun sawn a nih. Hi Award dawng dinga thlang students18 hai kuomah School authority (Seilal Upper Primary School) chun an lekha inchuknaa an pawimaw dan izirin school uniform etc. a pek ding a nih.
Moirang PSah case an referred
CCPUR: January 20, 2016 zingkar dar 3:30 vela Nahlon khuoa 31st Group YMA Annual Conferencea va thang YMA Lamka Branch member hai chuongna Bus 3 Naantal Travels (MN025372), Veronica (MN011602) le VIP Express (MN011791), Phoubakchao a unlimited Bandh thawtu han an lo suksietna chungthua CCPur Police han FIR No. 9 (2) 2016 CCPPS U/S 427/326/506/34 IPC an registered a, sienkhawm thil tlungna hmun hi Moirang Police station huom sung a ni leiin a case hi Moirang Police station tieng an referred niin Police thusuok chun a hril.
Manipur Asembly in Supplementary Demand for Grants for 2015-16 Rs. 94614.57 lakh a passed
IMPHAL: 10th Manipur Legislative Assembly 13th Session fe mekah zanikhan Supplementary Demand for Grants for 201516 Rs. 94614.57 lakh a passed. Suppmentary Demand for Grants hi Feb. 19, 2016 a inpuia CM le Finance cheltu O.Ibobi Singh in a putlut a nih. Supplementary Demand for Grants for 201516 hriltlangnaa hin Selkaltu pawl MLAs, Dr I.Ibohanbi le Kh. Joykishan hai khawmin an ngaisan le rawtna an siem hai an ahrillang. Demandhai pasinaa hin kan thang nuom nawh tiin BJP MLA Kh. Joykishan le Th. Bishwajit hai chu Inpuia inthawk an suoktau.
Demands pasia um hai chu, No. 1 State Legislature Rs 3,04,70,000; Demand No. 2 Council of Ministers Rs 11,77,000; Demand No. 5 Finance Department Rs 45,13,93,000; Demand No. 6 Transport Rs 3,04,73,000; Demand No. 7 Police Rs 65,79,27,000; Demand No. 8 Public Works Department Rs 148,20,41,000; Demand No. 10 Education Rs 115,86,31,000; Demand No. 11 Medical, Health & Family Welfare Services Rs 41,51,38,000; Demand No. 12 Municipal Administration, Housing and Urban Development Rs 19,76,42,000; Demand No. 13 Labour and Employment Rs 1,83,59,000; Demand No. 14 Department of Tribal Affairs and Hills and Scheduled Castes Development Rs 9,65,78,000; Demand No. 17 Agriculture Rs 30,66,18,000; Demand No. 20 Community and Rural Development Rs 44,90,31,000; Demand No. 23 Power Rs 182,86,93,000; Demand No. 24 Vigilance Department Rs 59,000; Demand No. 25 Youth Affairs and Sports Department Rs 2,87,03,000; Demand No. 26 Administration of Justice Rs 10,00,00,000; Demand No. 27 Election Rs 2,09,78,000; Demand No. 28 State Excise Rs 79,59,000; Demand No. 29 Sales Tax, Other taxes/duties on commodities and services Rs 62,47,000; Demand No. 32 Jails Rs 50,28,000; Demand No. 33 Home Guards Rs 8,12,25,000; Demand No. 34 Rehabilitation Rs 6,11,85,000; Demand No. 36 Minor Irrigation Rs 2,67,63,000; Demand No. 37 Fisheries Rs 2,33,00,000; Demand No. 39 Sericulture Rs 4,10,16,000; Demand No. 40 Irrigation and Flood Control Department Rs 22,52,98,000; Demand No. 41 Art and Culture Rs 7,66,27,000; Demand No. 42 State Academy of Training Rs 68,37,000; Demand No. 44 Social Welfare Department Rs 82,02,08,000; Demand No. 45 Tourism Rs 33,14,25,000; Demand No. 46 Science and Technology Rs 75,99,000;Demand No. 47 Minorities & Other Backward Classes Department Rs 37,07,33,000; Demand No. 48 Relief and Disaster Management Rs 4,52,16,000 le Demand No. 50 Information Technology Rs 2,65,98,000 hai an nih. Demands pasia um hi a rengin 35 a nih.
Budget Estimate, 201617 chungthua khawm general discussion nei a ni a, hi hriltlangna huna hin Dr I. Ibohalbi le Th. Shyamkumar hai khawm an thang. CM, O.Ibobi Singh chun, budget pasina dingah memberhai chu thlawp le thangpui dingin a fiel tawl. Centreah BJP thuoina hnuoia NDA in sawrkarna an chela inthawk sum hung pek dan her danglam a ni leiin state sawrakrin sum le paiah harsatna nasa tak a tuok pha a nih. Amiruokchu, sum le pai h arsatna sutkieng a hung ni theina dingin Revenue le resource dang dang hmuna dingin theitawp suoin state sawrkarin hma a lak a nih tiin CM O.Ibobi Singh chun a hril.
R.K. Imo in case siem khum dingin
IMPHAL: Naga Studnts Federation (NSF) in Feb. 24, 2016 zingkar dar 6 a inthawka hun tiemchin um lova Naga areas sunga Meitei/Manipuri motor hirm hrim inlawn th ei lo dinga khap (ban) an tumna thu zanikhan inpuiah a hrillang. Hi thil h in hnam le hnam kara inhrietthiemnawna an tlun thei ding a ni leiin NSF thuoituhai case siem khum ni raw seh tiin R.K. Imo chun state sawrkar a ngen. NSF chun Manipur sawrkar kuoma an thil ngen an nei a, an thil ngen sukpuitling pek an ninaw leia hi thil hi thaw an tum niin an hril. Feb 14, 2016 a Mantripukhri a NSF hotuhai sawisatu Police Commandohai chunga action la dingin Manipur sawrkar an ngen a nih.
Kangmei suokin Rs. 2 lakh manhu a kangsiet
IMPHAL: Zani zingkar dar 9:30 vel khan Paona Keithel hmuna building pakhata inthawk kangmei nasa tak a suok a, kangmei suok hin thil Rs. 2 lakh manhu vel ding a kangsiet niin Police thusuok chun a hril. Kangmei suokna hi SSSI building second floor (sawng hnina) a inthawka intan a ni a, hi sunga um thil hai chu a kangsiet vawng. Kangmei theltu han inrang taka an thelmit leiin indang a kang kai nawh.
Parliament Budget Session: President in joint session-ah thu a hril
NEW DELHI: Parliament Budget Session chu zanikhan tan a ni a, Parliament Central Halla joint sessionah President Pranab Mukerjee chun thaw dan pangngai angin zanikhan thu a hril. President Mukherjee chun, Parliament chu inselbuoi le rorelna sukbuoi zawnga chetna hmun ni lovin debate le hriltlangna hmun a nih tiin a hril a. Parliament inthung tluong taka nei a ni theina dingin sawrkarin hma a lak pei ding thu a hril.
Parliament member hai chu inthuruol tak le zai indaw tawna an mawphurna hlensuok dingin a ngen a; tharum hmanga chetna, khawvel sik le sa inthlak danglam le sum le pai tienga ramin harsatna a tuok nawna ding; khawvel rambung dang hai hmasawn ruola kal a pen ve thei dinga inbuotsai a tul thu. India chu khawvela bawngnene tharsuok rawn tak a la ni pei thu le khawvela Artui tharsuok rawn pawl rambung a ni mek ta thu; sak le thlang le thingtlang khuo suk hmasawn chu sawrkar thlungpui thil ngaipawimaw tak a nih tiin Pu Muherjee chun a hril.
Parliament Session hi thawkhnia nei ding a ni a. thawk khatna hi March 16, 2016 chen aw ding a ni a, a thawkhnina chu April 25 May 13, 2016 inkar sung nei ning a tih. Feb. 25, 2016 in Railway budget Lok Sabhaah phar ning a ta, Union Budget chu Feb. 29, 2016 in Lok Sabhaah phar ning a tih.
NHRC Chairman thar dingin
NEW DELHI: Supreme Court Chief Justice hlui Justice H.L. Dattu chu National Human Rights Commission (NHRC) Chairman thar dinga ruot a nih. May 11, 2015 a Mr K.G. Balakrishnan an ban a inthawka NHRC Chairman sin hi ruok a ni a, an ban hnung hin Justice Cyriac Joseph in acting Chaiperson chela a lo enkawl a nih.
Brahmaputra vadung chungah leilak 4
GUWAHATI: Sawrkar thlungpui chun Assam state sunga Brahmaputra vadung chungah Leilak 4 a daw ding niin Union Sports Minister Sarbanand Sonowal in zanita Guwahati hmuna chanchinbumihai an hmupui huna a hril. Project tum tum thawna ding foundation lungphumna nei dingin Feb. 27, 2016 khin Union Transport Minister Nitin Gadkari chu Assamah a hung inzin ding thu Mr Sonowal chun a hril bawk. Leilak daw ding hai lai hin Jorhat le Majuli (river island) infepawna ding a thang a, DhakuakhanaLakhimpur road le Lakhimpur Majuli road chu National highway hlangkai ning a ta, Dibrugarh districta lampui le Brahmaputra vadung chunga daw rail Bogibeel bridge daw mek chu kum 2017 in zo ning a tih tiin Mr Sonowal chun a hril bawk.
Meghalaya CJ thar in Feb. 24 in oath taking
SHILLONG: Meghalaya High Court Chief Justice thar dinga ruot Justice Dinesh Maheshwari chun Feb. 24, 2016, 10AM hin Raj Bhavan ah Meghalaya Governor V. Shanmuganathan hmaah Meghalaya High Court Chief Justice dingin intiemkamna nei a tih. Justice Dinesh Maheshwari hi Allahabad High Court hnuoia Lucknow Bencha senior Judge sin thaw lai mek, Meghalaya HC Chief Justice dinga hung sawn a nih. Meghalaya HC Chief Justice January 14, 2016a a pension hnungin Justice SR Sen in Acting Chief Justice a lo chel a nih.
Kum 2019 General Electionah papertrail EVMs
NEW DELHI: Chief Election Commissioner (CEC) Nasim Zaidi chun, tuel hin chu internet fethlenga vote thlakna hmang tumna a la neinaw thu a hril a, sienkhawm langtlang lema election nei a ni theina dingin kum 2019 General Election a chun India ram pumpuiah papertrail based Electronic Voting Machines (EVMs) hmang ning a tih tiinzanita international seminara thu a hrilna huna a hrillang.
Paper audit trail machine or Voter Verified Paper Audit Trail (VVPAT) hi CEC chun kum 2013 khan a lo hmang sin ta a nih. VVPAT le thlungzawm EVM hmanga vote thlak hin, vote thlak huna hung print dawk a ta, chu chu siethatin final result puong huna buoina le sawiselna a lo um chun awlsam taka ennawn theiin a um ding a nih.
Modi suit inchawtu in Rs. 200 crore
AGRA: PM Narendra Modi coat suit Rs. 4.31 crorea inchawtu Lavjibhai Badshah chun India ram pumpuia thlangsuok nuhmei 10,000 hai kuoma Rs. 2 lakh seng pek dingin Rs. 200 crore a thawlawm ding thu zanikhan Surat hmuna Vatsalya Gram, Vrindavan nei huna a puong. Patel aka Badshah hi Surat dimond baron, builder, private airline neitu le philanthropist a ni a,‘Narendra Damodardas Modi’ ti monogrammed pinstripes umna Modi Court inchawtu ngei kha a nih.
Mr Badshah chun, Rs. 200 crores a thawlawmna ding program hawngna March 13, 2016 khin Surat hmuna a nei ding thu hrilin, a sum thawlawm dawngtu dinga thlang nuhmei 10,000 nu le pa hai kuomah an nau nuhmei hai enkawlna le pasal neinaa an hmang dingin Rs. 2 lakh pei a pek ding thu a hril a nih.
DelhiHissar Rel lampui kharna hlip
HISSAR: Jat hnam han OBC categorya zieklut ve dinga an ngennaa Mayyar hmuna DelhiHissar inkar Rel lampui an dangna chu an hlip tah. Hi lai Rel lampui hi Feb. 11, 2016 a inthawka Dharna neia Rel lampuia inthunga an lo dang ta a nih. Rel lampui an inkiengsan ta leiin hi lampuia Rel intlantir vat a ni ta beisei a nih. All India Jat Aarakshan Sanghursh Samiti spokespman Ram Bhagat Malik chun, sawrkar thlungpuiin an thil ngen ngaituo pek dinga hma a lak leia Rel lampuia dharna an nei hi an tawpsan niin a hril.
Rohtak, Chandigarh le Bhiwani haia chun lampui haia thingtum le thil dang dang lampuia sie hai inthielfai mek a ni leiin Delhi pan ding bus hai an la tlan nawh. Zani hmasaa Jat hnam le Jat ni lo hai kara inbeituona tlung leia boruok sosang ding vengnain Hissar districta hmun 5 Sisai, Pano Bolan, Kali Rava, Sainipura le Dhanipal haia chun Curfew zam zing a la ni a, police le army hai patrolling in an fe zing bawk.
Ui thi leiin Police 5 suspended
PATNA: Bihar State sawrkar hnuoia Police Department Ui pakhat, Gulabo tia ko chu tulai hnai el khan Rohtas distictah lamlien a kan laiin Truck in a rawt hlum. Hi Ui thi lei hin Bihar Police Department hnuoia Police 5 hai chu an sina inthawk suspended an nih tiin official thusuok chun a hril. Polie 5 hai hi Gulabo (Ui) enkawltu dinga ruot an ni a, an mawphurna an zo nawh ti leia suspended an nih. Gulabo hi Bihar Police Department hnuoia Dog Squad a SubInspector rank a nih. Police Department hnuoia Dog Squad chun Uisathiem 62 an nei a, hienghai laia 45 hai chu Special training zo sa an ni a, hienghai lai hin Gulabo khawm a thangsa niin Police Dept. thusuok chun a hril.
India in Fiji kuomah USd 1 million
NEW DELHI: Fiji ram cyclone Winston in a nuoi leia harsatna tuortu hai thangpuina ding le thil a suksiet hai siemthatna dingin India sawrkar chun Fiji ram kuomah US dollar million 1 immidiate relief in a pek ding thu External Affairs ministry spokesperson Vikas Swarup chun a hril. Cycloen Winston leia mihriem thina tuok hi 29 an tling ta a, mi tam tak relief camp a enkawl an nih.
Pak. Police han helpawl 12 an kap hlum
KARACHI: Pakistan a chun zanikhan Karachi khawpuiah Police han h elpawl 12 an kap hlum bakah ralthuom tam tak an man. Helpawl 8 hai chu Pipre hmuna kap hlum an ni a, helpawl dang 4 hai chu Gadap hmuna an kap hlum niin Supt. of Police, Malir district Rao Anwar chun reporter hai kuoma a hril. Police han dappui an thaw huna silaiin an lo kap leia Police han an kaplet ve naa kap hlum an nih. Ralthuom an man hai lai suicide vest, thilpuokthei le Hand Grenade h ai a thang. Inkaptuonaa hin Police 2 in hliemna an tuok bawk.
Afghanistana thichil bomb puokah mi 13 an thi
KABUL: Afghanistan rama northern Parwan province a chun zani hmasa khan clinic pakhat bul lai thichil bomb sukpuok a ni a, civil mi 9 thangin mi 13 in thina an tuok bakah midang 19 han hliemna an tuok. Hi bomb sukpuoktu in that a tum tak chu Police Commander a ni a, a vang neia siemin a thi naw a, sienkhawm hliemna a tuok. Taliban helpawl hai chun bomb hi anni pawl sukpuok a ni thu media hai kuoma email fethlengin an hril.
VAWISUN THUPUI
Isu Krista ngei chu a kia lung pawimawtak niin, tirkohai le zawlneihai lungphum chunga bawl in nih. ~ Ephesi 2:20
Editorial
Ei hrisel le dam theina dingin fak le dawnah fimkhur ei tiu
Hriselna hlutzie chu ei hriet seng awm ie. Mi sukhlimtu, mi sukhuoitu niin hausakna, hmelthatna, inlungruolna le varna chenin hriselna hin an tlun thei a nih. Mi hrisel naw ta ding chun hmatieng beisei ding a tlawm em em hlak. Hiengang khawpa hriselna a pawimaw lai hin ei hriselna dingin tu am a pawimaw tak ti ruok chu ei ngaituo th iem naw rawp hlak. Ei hriselna ding hin Doctor specialisthai nein mani seng hi ei pawimaw hle a nih ti hi ei h riet a tul em em a nih. Ei hriselna ding le ei dam that zing theina dingin thaw ding le hriet ding ei nei bakah mawphurna lien takel ei nei seng a nih. Ei hriselna dinga thaw ding, hriet ding, zui ding, zawm ding le mawphurna ei neihai hi indik taka ei thaw a, ei sukpuitling chun hriselna hi nei thei ngai a nih.
Hun a hung inher liem peia, sik le sa a hung inthlakthleng mek a. Tulai hi khuo inthal hun, thlivir tam ai a ni leiin fak le dawn fimkhur zuol a tul hun lai a ni a, ei tui dawn ding le ei thil fak haiah ei fimkhur naw chun natna chi tum tum han an mi tlakbuok thei a nih ti hrie a, ei fimkhur hle a tul. Ei tui dawn chungchang hang en inla, ei tui hmang le dawn mek hai hi tuidawt a ni mani, tuikhur le well amani khawm lo ni sienla ei uluk zuol bik a tul hun lai a nih. Thal lai a ni leiin hang en ringawt chun tui thienghlim tak a ang vawng el a nih. Amiruokchu, boruok pawrche hun lai a ni bawk leiin suongso bawr bawr hnung chau dawn inla a tha tak. Tui hi natna hri umna pakhat a ni leiin ei uluk le ei fimkhur hle nuom a um.
Chuongang peiin bu, hme, thlai, thei le fak thei chi tum tum ei fak haia khawm ei fimkhur hle a tul. Ei thil fak ding hai hrim hrim uluk taka sawpfai le zenfai hlak ding a nih. A sin tha lo bu le hme thing hai khawm fak mei mei lo ding a nih. Fak ding a ni chun suong tlawk bawr bawr hnung chaua fak ding a nih. a thei china chun a sin um lo, a hawng a dara um ta hnung bu thing le hme thing hai fak ta lo hi a tha tak a nih. Sa le Nga thing hai lem hi chu fak insum ding a nih. Bu thing, hme thing annawleh sa hme thing fak leia phingna le sungkhaw hai hi a um nuom hlak. Hi lei hin vawikhat hme ding bak hi chu suong lo ding a nih. Ei fimkhur zo ngainaw lei le ei ngaisam taluo leiin thil fak le dawn mei mei ei ching leiin damdawi man le doctor pan manah tul lovin sum ei seng tawk hlak. Hi lei hin ei fak le dawn haiah fimkhur ding ei nih.
Ei hril ta angin khuo inthal leia boruok pawrche lei bakah fak le dawna ei fimkhur zo naw leiin tulai hin sungkhaw, inluok le khawsik a hluor hle. A bikin puitling lai nekin hiengang natna hi naupang lai a tam zuol bik. Naupang thenkhat lem chu Hospital panpui ngai hiel khawm an um. Hiengang natna hai hi dang thei le pumpel thei an nih. Fak le dawnah ei fimkhur a, ei uluk hle chun tulaia natna laka inthawk hin ei fihlim thei. Pumpel thei natna hri hai hi pumpel tum hram hram ding a nih. Tulai tlang hri inleng ei pumpel theina ding hin sum tam tak seng a ngai naw a, pumpel theina lampui umsun chun fak le dawna fimkhur le uluk a nih.
Ei hriselna ding le tulai hrileng laka ei fihlim theina ding pakhat chu invawngfai a nih. Natna hri dangna ding chun insukfai tha a pawimaw hle.Taksa invawngfai bakah sil le fen, puonthuo, ei insung le ei chengna bul hnai hai sukfai zing ding a nih. Bal le pawrchena hai hi hrisel nawna, natna hrik le inzawm tlat an ni leiin insukfai chu ei thaw ding makmaw a nih. Insukfai peihai chu an vawng thienghlim peinaw hai nek chun an hrisel lem hrim hrim hlak. Hi lei hin invawngfai hi ngaisak le ngaipawimaw hle ding a nih. Hriselna ding chau ni lovin mawi le nalna ding khawmin faina hi a pawimaw. Tawp le bal deuva um hai hi mi hrisel vek vawk an um ngai nawh.
Hrisel le dam that veng vawng ding chun fak le dawn fimkhur a, insuk thienghlim el chau ni lovin, hawp le huom, zu le inruithei chi tum tum hai lakah khawm ei inthier fihlim a tul takzet a nih. Heingang thil hai hi taksain a mamaw khawm an ninaw a, a chuong a liem a mihriem han ei insum zo ngainaw leia ei fak, ei hmuom le ei dawn hlak a nih. Dam sawt le hrisel ei nuom takzet a ni chun hiengang thil po po h i ei inthepui a, ei bye bye liem thei a tul a nih. Fak tawk le dawn tawk policy hai khawm hi bansan ding a nih. Fak tawk le dawn tawk hin mihriem hriselna suk that nekin a suksiet lem a nih tia Doctor han an mi h ril rawp hi ei zui le zawm thei pha pha leh tuta nek hin dam theiin ei hriselna a hung tha lem ngei ding a nih. Fak tawk le dawn tawk polity hi mawlna chikhat a nih. Hi lei hin bansan a tha tak.
CCPUR: BSEM huoihawtna hnuoia Class X (HSLC) Exam, 2016 hung um dinga CCPur District Private Centre pahni hawnga um haia Candidate hai inthungna ding (seat allotment) siemfel a ni tah.
Hi dungzui hin Ebenezer Academy Main Centre (Regular candidates) ah Schools 23 inthung an ta, ABlockah Roll numbers 16812 to 17504 ( candidates 692) le BBlockah Roll No. 17505 to 18028 (candidates 524) an rengin candidates 1216 inthung an tih.
Don Bosco Hr. Sec. School SubCentre (Regular Candidates) ah Schools 44 haia candidates 1462 inthung an tih. ABlockah Roll No. 18029 to 18628 (candidates 600); BBlockah Roll No. 18629 to 19070 (candidates 442) le CBlockah Roll No. 19071 to 19490 (candidates 420) inthung an tih.
Schools tum tum haia inthawka External candidates Roll No. 1039 to 1452+4531 an rengin candidates 415 hai chu Don Bosco Hr. Sec. School SubCentre DBlockah inthung an tih.
Lekhabu thar tlangzar
CCPUR: Rev. Dr Ramengliana in a ziek “Pathian Khawngaihna Mawi leh Duhawm” ti lekhabu chu zani 1:00PM khan TP Session Hall, IB Roadah tlangzar a nih. Lekhabu hi Rev Lallarmawia in a tlangzar a, Upa K. Vanlalauva in hi lekhabu chungthu hrilna a nei.
Rev. Dr Ramengliana hi secular lineah MA Gold Medalist le Theological lineah BD 1st class zo a nih tiin Upa S. Vanlalruala chun a hril.
Free Mega Medical Camp
CCPUR: Feb. 26, 2016, 8:30AM khin S. Molhoi Villageah District Health Society, CCPur hmalaknain “One Day Free Mega Medical Camp” um ata, Lunminthang Haokip, IAS, DC/CCPur khuolliena thangin hawng a tih. Hi huna hinDr Thanchinkhup Guite, CMO/CCPur le S. Thienlaljoy Gangte, MCS, SDO/CCPur hai chu Guest of honour le functional president in thang an ta, doctor han damnaw hai hriselna enin damdawi mamaw hai kuoma a thlawnin damdawi pek ning an tih.
AGM 54th District Conference
CCPUR: Asemblies of God Manipur chun Feb. 2728, 2016 inkar sung khin Ngampabung hmunah 54th District Conference nei an tih. Conference sunga Pathien thucha hriltu dinghai chuDistrict Evangelists Rev. Lalpienglawm; Evan. C. Lalthlunglien; Evan. Lalruotsang le District Superintendent Rev. Dr LH Jacky Simte h ai ning an tih.
Martyrs hai sunna le tawngtairuolna an nei
CCPUR: Tuailai 1434 Team chun zani zantieng 3:00PM khan District Hospital Morgueah tribal martyrs hai sunna le tawngtairuolna hun an hmang. Hi huna hin Pumsuanmung, Youth Coordinator, EBC in keynote address hrilin sunna hunser an rawi a, EBC Central Choir han inpakna hla an sak a, Evan. T. Damkhothang in Pathien thucha a hril.
Pasal pakhatin a sawisak niin a report
CCPUR: Ms. S. Bina (55) of Khuga Tampak chun, Feb. 22, 2016 zingkar 11:00AM vel khan Zouveng Khuga Tampak hmuna L. Ebocha Singh (68) h/o L. Madam Devi of Zoveng ina Bel la dinga a fe hunah L. Ebocha Singh chun kawtkhar kalin sex thilah a sawisak a, sienkhawm vangneia siemin intaldawkin a tlansuok thei niin Police kuomah report a pek. Hi le inzawm hin CCPur Police chun FIR No. 1 (2) 2016 WPSCCPur registered in an suizui mek.
Meritorious Award sem hun ding sawn
CCPUR: Zanita Seilal Upper Primary School, Seilal Villagea Seilal Meritorious Award semna nei dinga ti chu remchangnawna leiin March 5, 2016 a nei lem dinga a hun sawn a nih. Hi Award dawng dinga thlang students18 hai kuomah School authority (Seilal Upper Primary School) chun an lekha inchuknaa an pawimaw dan izirin school uniform etc. a pek ding a nih.
Moirang PSah case an referred
CCPUR: January 20, 2016 zingkar dar 3:30 vela Nahlon khuoa 31st Group YMA Annual Conferencea va thang YMA Lamka Branch member hai chuongna Bus 3 Naantal Travels (MN025372), Veronica (MN011602) le VIP Express (MN011791), Phoubakchao a unlimited Bandh thawtu han an lo suksietna chungthua CCPur Police han FIR No. 9 (2) 2016 CCPPS U/S 427/326/506/34 IPC an registered a, sienkhawm thil tlungna hmun hi Moirang Police station huom sung a ni leiin a case hi Moirang Police station tieng an referred niin Police thusuok chun a hril.
Manipur Asembly in Supplementary Demand for Grants for 2015-16 Rs. 94614.57 lakh a passed
IMPHAL: 10th Manipur Legislative Assembly 13th Session fe mekah zanikhan Supplementary Demand for Grants for 201516 Rs. 94614.57 lakh a passed. Suppmentary Demand for Grants hi Feb. 19, 2016 a inpuia CM le Finance cheltu O.Ibobi Singh in a putlut a nih. Supplementary Demand for Grants for 201516 hriltlangnaa hin Selkaltu pawl MLAs, Dr I.Ibohanbi le Kh. Joykishan hai khawmin an ngaisan le rawtna an siem hai an ahrillang. Demandhai pasinaa hin kan thang nuom nawh tiin BJP MLA Kh. Joykishan le Th. Bishwajit hai chu Inpuia inthawk an suoktau.
Demands pasia um hai chu, No. 1 State Legislature Rs 3,04,70,000; Demand No. 2 Council of Ministers Rs 11,77,000; Demand No. 5 Finance Department Rs 45,13,93,000; Demand No. 6 Transport Rs 3,04,73,000; Demand No. 7 Police Rs 65,79,27,000; Demand No. 8 Public Works Department Rs 148,20,41,000; Demand No. 10 Education Rs 115,86,31,000; Demand No. 11 Medical, Health & Family Welfare Services Rs 41,51,38,000; Demand No. 12 Municipal Administration, Housing and Urban Development Rs 19,76,42,000; Demand No. 13 Labour and Employment Rs 1,83,59,000; Demand No. 14 Department of Tribal Affairs and Hills and Scheduled Castes Development Rs 9,65,78,000; Demand No. 17 Agriculture Rs 30,66,18,000; Demand No. 20 Community and Rural Development Rs 44,90,31,000; Demand No. 23 Power Rs 182,86,93,000; Demand No. 24 Vigilance Department Rs 59,000; Demand No. 25 Youth Affairs and Sports Department Rs 2,87,03,000; Demand No. 26 Administration of Justice Rs 10,00,00,000; Demand No. 27 Election Rs 2,09,78,000; Demand No. 28 State Excise Rs 79,59,000; Demand No. 29 Sales Tax, Other taxes/duties on commodities and services Rs 62,47,000; Demand No. 32 Jails Rs 50,28,000; Demand No. 33 Home Guards Rs 8,12,25,000; Demand No. 34 Rehabilitation Rs 6,11,85,000; Demand No. 36 Minor Irrigation Rs 2,67,63,000; Demand No. 37 Fisheries Rs 2,33,00,000; Demand No. 39 Sericulture Rs 4,10,16,000; Demand No. 40 Irrigation and Flood Control Department Rs 22,52,98,000; Demand No. 41 Art and Culture Rs 7,66,27,000; Demand No. 42 State Academy of Training Rs 68,37,000; Demand No. 44 Social Welfare Department Rs 82,02,08,000; Demand No. 45 Tourism Rs 33,14,25,000; Demand No. 46 Science and Technology Rs 75,99,000;Demand No. 47 Minorities & Other Backward Classes Department Rs 37,07,33,000; Demand No. 48 Relief and Disaster Management Rs 4,52,16,000 le Demand No. 50 Information Technology Rs 2,65,98,000 hai an nih. Demands pasia um hi a rengin 35 a nih.
Budget Estimate, 201617 chungthua khawm general discussion nei a ni a, hi hriltlangna huna hin Dr I. Ibohalbi le Th. Shyamkumar hai khawm an thang. CM, O.Ibobi Singh chun, budget pasina dingah memberhai chu thlawp le thangpui dingin a fiel tawl. Centreah BJP thuoina hnuoia NDA in sawrkarna an chela inthawk sum hung pek dan her danglam a ni leiin state sawrakrin sum le paiah harsatna nasa tak a tuok pha a nih. Amiruokchu, sum le pai h arsatna sutkieng a hung ni theina dingin Revenue le resource dang dang hmuna dingin theitawp suoin state sawrkarin hma a lak a nih tiin CM O.Ibobi Singh chun a hril.
R.K. Imo in case siem khum dingin
IMPHAL: Naga Studnts Federation (NSF) in Feb. 24, 2016 zingkar dar 6 a inthawka hun tiemchin um lova Naga areas sunga Meitei/Manipuri motor hirm hrim inlawn th ei lo dinga khap (ban) an tumna thu zanikhan inpuiah a hrillang. Hi thil h in hnam le hnam kara inhrietthiemnawna an tlun thei ding a ni leiin NSF thuoituhai case siem khum ni raw seh tiin R.K. Imo chun state sawrkar a ngen. NSF chun Manipur sawrkar kuoma an thil ngen an nei a, an thil ngen sukpuitling pek an ninaw leia hi thil hi thaw an tum niin an hril. Feb 14, 2016 a Mantripukhri a NSF hotuhai sawisatu Police Commandohai chunga action la dingin Manipur sawrkar an ngen a nih.
Kangmei suokin Rs. 2 lakh manhu a kangsiet
IMPHAL: Zani zingkar dar 9:30 vel khan Paona Keithel hmuna building pakhata inthawk kangmei nasa tak a suok a, kangmei suok hin thil Rs. 2 lakh manhu vel ding a kangsiet niin Police thusuok chun a hril. Kangmei suokna hi SSSI building second floor (sawng hnina) a inthawka intan a ni a, hi sunga um thil hai chu a kangsiet vawng. Kangmei theltu han inrang taka an thelmit leiin indang a kang kai nawh.
Parliament Budget Session: President in joint session-ah thu a hril
NEW DELHI: Parliament Budget Session chu zanikhan tan a ni a, Parliament Central Halla joint sessionah President Pranab Mukerjee chun thaw dan pangngai angin zanikhan thu a hril. President Mukherjee chun, Parliament chu inselbuoi le rorelna sukbuoi zawnga chetna hmun ni lovin debate le hriltlangna hmun a nih tiin a hril a. Parliament inthung tluong taka nei a ni theina dingin sawrkarin hma a lak pei ding thu a hril.
Parliament member hai chu inthuruol tak le zai indaw tawna an mawphurna hlensuok dingin a ngen a; tharum hmanga chetna, khawvel sik le sa inthlak danglam le sum le pai tienga ramin harsatna a tuok nawna ding; khawvel rambung dang hai hmasawn ruola kal a pen ve thei dinga inbuotsai a tul thu. India chu khawvela bawngnene tharsuok rawn tak a la ni pei thu le khawvela Artui tharsuok rawn pawl rambung a ni mek ta thu; sak le thlang le thingtlang khuo suk hmasawn chu sawrkar thlungpui thil ngaipawimaw tak a nih tiin Pu Muherjee chun a hril.
Parliament Session hi thawkhnia nei ding a ni a. thawk khatna hi March 16, 2016 chen aw ding a ni a, a thawkhnina chu April 25 May 13, 2016 inkar sung nei ning a tih. Feb. 25, 2016 in Railway budget Lok Sabhaah phar ning a ta, Union Budget chu Feb. 29, 2016 in Lok Sabhaah phar ning a tih.
NHRC Chairman thar dingin
NEW DELHI: Supreme Court Chief Justice hlui Justice H.L. Dattu chu National Human Rights Commission (NHRC) Chairman thar dinga ruot a nih. May 11, 2015 a Mr K.G. Balakrishnan an ban a inthawka NHRC Chairman sin hi ruok a ni a, an ban hnung hin Justice Cyriac Joseph in acting Chaiperson chela a lo enkawl a nih.
Brahmaputra vadung chungah leilak 4
GUWAHATI: Sawrkar thlungpui chun Assam state sunga Brahmaputra vadung chungah Leilak 4 a daw ding niin Union Sports Minister Sarbanand Sonowal in zanita Guwahati hmuna chanchinbumihai an hmupui huna a hril. Project tum tum thawna ding foundation lungphumna nei dingin Feb. 27, 2016 khin Union Transport Minister Nitin Gadkari chu Assamah a hung inzin ding thu Mr Sonowal chun a hril bawk. Leilak daw ding hai lai hin Jorhat le Majuli (river island) infepawna ding a thang a, DhakuakhanaLakhimpur road le Lakhimpur Majuli road chu National highway hlangkai ning a ta, Dibrugarh districta lampui le Brahmaputra vadung chunga daw rail Bogibeel bridge daw mek chu kum 2017 in zo ning a tih tiin Mr Sonowal chun a hril bawk.
Meghalaya CJ thar in Feb. 24 in oath taking
SHILLONG: Meghalaya High Court Chief Justice thar dinga ruot Justice Dinesh Maheshwari chun Feb. 24, 2016, 10AM hin Raj Bhavan ah Meghalaya Governor V. Shanmuganathan hmaah Meghalaya High Court Chief Justice dingin intiemkamna nei a tih. Justice Dinesh Maheshwari hi Allahabad High Court hnuoia Lucknow Bencha senior Judge sin thaw lai mek, Meghalaya HC Chief Justice dinga hung sawn a nih. Meghalaya HC Chief Justice January 14, 2016a a pension hnungin Justice SR Sen in Acting Chief Justice a lo chel a nih.
Kum 2019 General Electionah papertrail EVMs
NEW DELHI: Chief Election Commissioner (CEC) Nasim Zaidi chun, tuel hin chu internet fethlenga vote thlakna hmang tumna a la neinaw thu a hril a, sienkhawm langtlang lema election nei a ni theina dingin kum 2019 General Election a chun India ram pumpuiah papertrail based Electronic Voting Machines (EVMs) hmang ning a tih tiinzanita international seminara thu a hrilna huna a hrillang.
Paper audit trail machine or Voter Verified Paper Audit Trail (VVPAT) hi CEC chun kum 2013 khan a lo hmang sin ta a nih. VVPAT le thlungzawm EVM hmanga vote thlak hin, vote thlak huna hung print dawk a ta, chu chu siethatin final result puong huna buoina le sawiselna a lo um chun awlsam taka ennawn theiin a um ding a nih.
Modi suit inchawtu in Rs. 200 crore
AGRA: PM Narendra Modi coat suit Rs. 4.31 crorea inchawtu Lavjibhai Badshah chun India ram pumpuia thlangsuok nuhmei 10,000 hai kuoma Rs. 2 lakh seng pek dingin Rs. 200 crore a thawlawm ding thu zanikhan Surat hmuna Vatsalya Gram, Vrindavan nei huna a puong. Patel aka Badshah hi Surat dimond baron, builder, private airline neitu le philanthropist a ni a,‘Narendra Damodardas Modi’ ti monogrammed pinstripes umna Modi Court inchawtu ngei kha a nih.
Mr Badshah chun, Rs. 200 crores a thawlawmna ding program hawngna March 13, 2016 khin Surat hmuna a nei ding thu hrilin, a sum thawlawm dawngtu dinga thlang nuhmei 10,000 nu le pa hai kuomah an nau nuhmei hai enkawlna le pasal neinaa an hmang dingin Rs. 2 lakh pei a pek ding thu a hril a nih.
DelhiHissar Rel lampui kharna hlip
HISSAR: Jat hnam han OBC categorya zieklut ve dinga an ngennaa Mayyar hmuna DelhiHissar inkar Rel lampui an dangna chu an hlip tah. Hi lai Rel lampui hi Feb. 11, 2016 a inthawka Dharna neia Rel lampuia inthunga an lo dang ta a nih. Rel lampui an inkiengsan ta leiin hi lampuia Rel intlantir vat a ni ta beisei a nih. All India Jat Aarakshan Sanghursh Samiti spokespman Ram Bhagat Malik chun, sawrkar thlungpuiin an thil ngen ngaituo pek dinga hma a lak leia Rel lampuia dharna an nei hi an tawpsan niin a hril.
Rohtak, Chandigarh le Bhiwani haia chun lampui haia thingtum le thil dang dang lampuia sie hai inthielfai mek a ni leiin Delhi pan ding bus hai an la tlan nawh. Zani hmasaa Jat hnam le Jat ni lo hai kara inbeituona tlung leia boruok sosang ding vengnain Hissar districta hmun 5 Sisai, Pano Bolan, Kali Rava, Sainipura le Dhanipal haia chun Curfew zam zing a la ni a, police le army hai patrolling in an fe zing bawk.
Ui thi leiin Police 5 suspended
PATNA: Bihar State sawrkar hnuoia Police Department Ui pakhat, Gulabo tia ko chu tulai hnai el khan Rohtas distictah lamlien a kan laiin Truck in a rawt hlum. Hi Ui thi lei hin Bihar Police Department hnuoia Police 5 hai chu an sina inthawk suspended an nih tiin official thusuok chun a hril. Polie 5 hai hi Gulabo (Ui) enkawltu dinga ruot an ni a, an mawphurna an zo nawh ti leia suspended an nih. Gulabo hi Bihar Police Department hnuoia Dog Squad a SubInspector rank a nih. Police Department hnuoia Dog Squad chun Uisathiem 62 an nei a, hienghai laia 45 hai chu Special training zo sa an ni a, hienghai lai hin Gulabo khawm a thangsa niin Police Dept. thusuok chun a hril.
India in Fiji kuomah USd 1 million
NEW DELHI: Fiji ram cyclone Winston in a nuoi leia harsatna tuortu hai thangpuina ding le thil a suksiet hai siemthatna dingin India sawrkar chun Fiji ram kuomah US dollar million 1 immidiate relief in a pek ding thu External Affairs ministry spokesperson Vikas Swarup chun a hril. Cycloen Winston leia mihriem thina tuok hi 29 an tling ta a, mi tam tak relief camp a enkawl an nih.
Pak. Police han helpawl 12 an kap hlum
KARACHI: Pakistan a chun zanikhan Karachi khawpuiah Police han h elpawl 12 an kap hlum bakah ralthuom tam tak an man. Helpawl 8 hai chu Pipre hmuna kap hlum an ni a, helpawl dang 4 hai chu Gadap hmuna an kap hlum niin Supt. of Police, Malir district Rao Anwar chun reporter hai kuoma a hril. Police han dappui an thaw huna silaiin an lo kap leia Police han an kaplet ve naa kap hlum an nih. Ralthuom an man hai lai suicide vest, thilpuokthei le Hand Grenade h ai a thang. Inkaptuonaa hin Police 2 in hliemna an tuok bawk.
Afghanistana thichil bomb puokah mi 13 an thi
KABUL: Afghanistan rama northern Parwan province a chun zani hmasa khan clinic pakhat bul lai thichil bomb sukpuok a ni a, civil mi 9 thangin mi 13 in thina an tuok bakah midang 19 han hliemna an tuok. Hi bomb sukpuoktu in that a tum tak chu Police Commander a ni a, a vang neia siemin a thi naw a, sienkhawm hliemna a tuok. Taliban helpawl hai chun bomb hi anni pawl sukpuok a ni thu media hai kuoma email fethlengin an hril.
VAWISUN THUPUI
Isu Krista ngei chu a kia lung pawimawtak niin, tirkohai le zawlneihai lungphum chunga bawl in nih. ~ Ephesi 2:20
Editorial
Ei hrisel le dam theina dingin fak le dawnah fimkhur ei tiu
Hriselna hlutzie chu ei hriet seng awm ie. Mi sukhlimtu, mi sukhuoitu niin hausakna, hmelthatna, inlungruolna le varna chenin hriselna hin an tlun thei a nih. Mi hrisel naw ta ding chun hmatieng beisei ding a tlawm em em hlak. Hiengang khawpa hriselna a pawimaw lai hin ei hriselna dingin tu am a pawimaw tak ti ruok chu ei ngaituo th iem naw rawp hlak. Ei hriselna ding hin Doctor specialisthai nein mani seng hi ei pawimaw hle a nih ti hi ei h riet a tul em em a nih. Ei hriselna ding le ei dam that zing theina dingin thaw ding le hriet ding ei nei bakah mawphurna lien takel ei nei seng a nih. Ei hriselna dinga thaw ding, hriet ding, zui ding, zawm ding le mawphurna ei neihai hi indik taka ei thaw a, ei sukpuitling chun hriselna hi nei thei ngai a nih.
Hun a hung inher liem peia, sik le sa a hung inthlakthleng mek a. Tulai hi khuo inthal hun, thlivir tam ai a ni leiin fak le dawn fimkhur zuol a tul hun lai a ni a, ei tui dawn ding le ei thil fak haiah ei fimkhur naw chun natna chi tum tum han an mi tlakbuok thei a nih ti hrie a, ei fimkhur hle a tul. Ei tui dawn chungchang hang en inla, ei tui hmang le dawn mek hai hi tuidawt a ni mani, tuikhur le well amani khawm lo ni sienla ei uluk zuol bik a tul hun lai a nih. Thal lai a ni leiin hang en ringawt chun tui thienghlim tak a ang vawng el a nih. Amiruokchu, boruok pawrche hun lai a ni bawk leiin suongso bawr bawr hnung chau dawn inla a tha tak. Tui hi natna hri umna pakhat a ni leiin ei uluk le ei fimkhur hle nuom a um.
Chuongang peiin bu, hme, thlai, thei le fak thei chi tum tum ei fak haia khawm ei fimkhur hle a tul. Ei thil fak ding hai hrim hrim uluk taka sawpfai le zenfai hlak ding a nih. A sin tha lo bu le hme thing hai khawm fak mei mei lo ding a nih. Fak ding a ni chun suong tlawk bawr bawr hnung chaua fak ding a nih. a thei china chun a sin um lo, a hawng a dara um ta hnung bu thing le hme thing hai fak ta lo hi a tha tak a nih. Sa le Nga thing hai lem hi chu fak insum ding a nih. Bu thing, hme thing annawleh sa hme thing fak leia phingna le sungkhaw hai hi a um nuom hlak. Hi lei hin vawikhat hme ding bak hi chu suong lo ding a nih. Ei fimkhur zo ngainaw lei le ei ngaisam taluo leiin thil fak le dawn mei mei ei ching leiin damdawi man le doctor pan manah tul lovin sum ei seng tawk hlak. Hi lei hin ei fak le dawn haiah fimkhur ding ei nih.
Ei hril ta angin khuo inthal leia boruok pawrche lei bakah fak le dawna ei fimkhur zo naw leiin tulai hin sungkhaw, inluok le khawsik a hluor hle. A bikin puitling lai nekin hiengang natna hi naupang lai a tam zuol bik. Naupang thenkhat lem chu Hospital panpui ngai hiel khawm an um. Hiengang natna hai hi dang thei le pumpel thei an nih. Fak le dawnah ei fimkhur a, ei uluk hle chun tulaia natna laka inthawk hin ei fihlim thei. Pumpel thei natna hri hai hi pumpel tum hram hram ding a nih. Tulai tlang hri inleng ei pumpel theina ding hin sum tam tak seng a ngai naw a, pumpel theina lampui umsun chun fak le dawna fimkhur le uluk a nih.
Ei hriselna ding le tulai hrileng laka ei fihlim theina ding pakhat chu invawngfai a nih. Natna hri dangna ding chun insukfai tha a pawimaw hle.Taksa invawngfai bakah sil le fen, puonthuo, ei insung le ei chengna bul hnai hai sukfai zing ding a nih. Bal le pawrchena hai hi hrisel nawna, natna hrik le inzawm tlat an ni leiin insukfai chu ei thaw ding makmaw a nih. Insukfai peihai chu an vawng thienghlim peinaw hai nek chun an hrisel lem hrim hrim hlak. Hi lei hin invawngfai hi ngaisak le ngaipawimaw hle ding a nih. Hriselna ding chau ni lovin mawi le nalna ding khawmin faina hi a pawimaw. Tawp le bal deuva um hai hi mi hrisel vek vawk an um ngai nawh.
Hrisel le dam that veng vawng ding chun fak le dawn fimkhur a, insuk thienghlim el chau ni lovin, hawp le huom, zu le inruithei chi tum tum hai lakah khawm ei inthier fihlim a tul takzet a nih. Heingang thil hai hi taksain a mamaw khawm an ninaw a, a chuong a liem a mihriem han ei insum zo ngainaw leia ei fak, ei hmuom le ei dawn hlak a nih. Dam sawt le hrisel ei nuom takzet a ni chun hiengang thil po po h i ei inthepui a, ei bye bye liem thei a tul a nih. Fak tawk le dawn tawk policy hai khawm hi bansan ding a nih. Fak tawk le dawn tawk hin mihriem hriselna suk that nekin a suksiet lem a nih tia Doctor han an mi h ril rawp hi ei zui le zawm thei pha pha leh tuta nek hin dam theiin ei hriselna a hung tha lem ngei ding a nih. Fak tawk le dawn tawk polity hi mawlna chikhat a nih. Hi lei hin bansan a tha tak.
