Parbung, February 10, 2016: “Thangruol a inchawimawi intuo in hmatieng pen ei tiu “ ti thupui hmanga “Bungkhawpui Awitu” 14th December 2015 a tan kha  25th January 2016 khan Grand Finale hmang alo ni tah. Grand Finale zan hin mi an thahnem hlea, Parbung Community Hall in mipui a kengnaw leiin Live in Program hmang sung popo tuola/Hall in a kengnaw hai en dingin pekpawk/kap suok a nih.

Awitu: Nk. Naomi Lalnunhlim
Awitu title hi Nk. Naomi Lalnunhlim in alo lak tah a nih. Top 2 le 3 hai chu Nk. Jeneth Lalsiemthar le Pu Lalrofel han an chang a nih. Awitu Title neitu kuomah ahin Steel Almirah (3 doorways) nal tawk tak, Memento, Life Sizes Photo le mipui ama tantu haia inthawkin thilpek (Gift) chi hrang hrang le Cash/Sum fai thahnem tawk tak a dawng bawk. Top 2 kuomah Steel Almirah (2 doorways), Memento, Life Size Photo le a fan hai a inthawkin Gift iemanizat le sumfai singtling vang a hmu bawk. Top 3 Tv. Lalrofel in Perkhuong/Guiter , Memento, Life size photo le ama tantu haia inthawkin Gift chidang dang le sumfai iemani tawk a dawng bawk.

Awitu top 3 hai Nk. Naomi, Pi Jeneth & Pu Lalrofel
Top 4 le 5 hai chu Nk. Rebecca Darsiempui le Nk. Hrangzahnieng hai in an lak, an ni hi sumfaiin Rs.1000/- memento le life size photo pek an ni bawk.
 
Jugde hai le Awitu  top 3 hai
Nk. Naomi Lalnunhlim hi NEHU Shillong hmunah graduate in, Competitive Exam chidang dang pe in le Witten exam a hai tum iemanizat fethleng lai zing a nih. in Awitu title inhlan a ni hun a hin sum –le-pai nasataka sengpuitu a fan hai chunga lawmthu hrilna a nei el khelah Organizer PSA (Parbung Sieli Association) hai chungah lawmthu a hril khelah, hmatieng peia hlawtlingna a chang hun a PSA hai hi a thei tawp a thangpui dingin thucha a pek bawk. Awitu Jugde hai hin an hla sak chauh en lo in kawng iengkim ah, en vawng an nih, Hi hun sung hin Rev. Hrangchunghnung (President HPO), Pu Lalthlamuong (Manager: Sunshine Gas Agency), Pu L Tlanthang (Chairman -TADA) Pu Danielthang (V/A Chairman/Parbung) hai chu Chief Guest a hmangin, thu thatak tak hril le infuina an nei tawl.

  Nk. Naomi Fans hai
Organising Chairperson Nk. Thangneichawng le Secretary Nk. Rosiemkim hai chun hiengang thaw thei a ei hang um el hi Pathien zar chau le hmundang dang anthawk a thlawmngaitak a thangpuina sum/tha/hmangruo/etc hung tum/thawtuhai, a bik takin Tv. Lalsanglur, (Awitu 1st Prize a mimal a tumtu -Parbung mi Imphal a um mek)  hai kuomah le thawtu hai zarzo a, hlawk tak le tangkai taka hmanga um hi lawmthu an hril tak zet el khel ah kumthar a hai khawm,hla tienga hmasawnna a hung tlung pei na dingin le Bungkhawpui Awitu nei nawk ngei ding ti thucha nei in 2015-2016 Bungkhawpui Awitu chu in pam tak pumin khar a lo ni tah. Bungkhawpui Awitu le inzawm a, Parbung Chawimawina hla phuoktu a pathumna chen latu Upa Fimrochung, Tv. Khawpuithang le Pi Lalnunnem hai kuomah, lawman thatak tak inhlan an nih. Lawmthu hrilngai lo ang a ei ngai le infuina tha, thilthaw dan kalhmang, a bul tan, a lailung, a tawp chen le ieng tik lai khawm a Hmarbiel hmasawnna ding a thangla tuhai ICDP-RPCNEI Staff hai chunga malovin lawmthu el hril bawk.   

Reporting by Lalnunthang Songate
Note: 
1. Pictures quality a thatnaw leiin pawi ei ti hle.
2. Grand Finale zan hin khaw dang2 anthawk entu an tam hle, 34-Assam Rifle E-Coy hai khawmin an hung uopmawi hle.
3. Inruolsiekna hi mark hieng ang hin a fe 30% -Mipui vote,  30% -Vocal, 30%- Performance,5%-Viva Voice, 5% a dang dang.
4. Judge hai, Pu Lalnunthang Songate, Pu Michael L Infimate, Pu Hrangkaithang, Upa Lalruotthieng
5. Host : Nk. Lallawmkim@Lawmi & Tv. Lalvarmawi@Varte
6. Inelna a thang zat 23
7. Top ten hai po in Rs. 500/- lawman pek vawng an nih. Chun Parbung chawimawina hla pakhat sengin an phuok in an sak, a phuok theimnaw haiin an nuom nuom in phuok tir na chu an mawphurna. Hi Um zie hi… Hla thar Bungkhawpui Chawimawina hla a piengthar tin a a nih.
8. A Thupui : Thangruola inchawimawi intuoin hmatieng pen ei tiu……………… hne saw takin thuhriltuhain in an hril tawl a, thei ang2 hmang nghal bawk a nih.

Post a Comment

Powered by Blogger.