CCPUR |Jan. 24, 2016 (Virthli): Jan. 26, 2016 ni a DC Complex, Tuibuong-a CCPur Dist. Level a 67th Republic Day Lawmna nei a ni hunah Oct. 12, 2015 nia Khuga/Tuiṭhapui Vadunga tla mi 3 hringna sansuoktu Master John Lalditsak Hmar (13) S/o Mr. Edwin Lalrosiem Hmar of Saikot, Vengthlang, CCPur chu Red Blanket (Dist. Level Bravery Award) inhlan ve ning a tih.
Hi huna hin Lal 21, DC Office a Lambu 2 hai kuoma khawm Red Blanket inhlan ning a tih. Sawrkar thawktu sinthaw ṭha bik a thlang mi 82, JPO Leader 5 le NCC Cadre 1 hai kuomah Chawimawina Thuziek (Appreciation Certificate) inhlan ni bawk an tih. Dist. Level Republic Day hi zing dar 9 AM a inthawk ṭan ning a tih. Tukum Manipur a Tribal Movement fe mek le inzawmin JAC Against Anti-Tribal Bills chun Manipur Legislative Assembly in Aug. 31, 2015 a 3 Bills a passed dodalnaa Republic Day hi an Boycott thu an lo puong tah lei le hi Movement fe mek hi mipui thlawp a hlaw bawk leiin Public Ground CCPur a hmang hlak chu DC Complex a hin hmang a ni ta ding a nih.
An reng hin ei Lampui a; ei ngaisang hle. Hmatieng peia khawm mihai tadinga malsawmna le entawn tlak ni zing dingin ei beisei.


Post a Comment

Powered by Blogger.