ST Topper , Manipur State MBBS ENTRANCE EXAM 2009

By: Lrs Puruolte (Virthli Online News Portal)

1. BIODATA
Name: D.J. Lalneiruol Infimate
Nu le Pa hming: Mr. Pensonlien Infimate & Mrs. Chalngaizo
Unau zat: 2(u pasal pakhat ka nei)
Chengna Khuo: Bridge Street, Rengkai CCPur. (Present Address)
Inchûkna tienga tuchena phak chen:Class12 (Science), MBBS
Piengna hmun: Parbung a Pieng le Seilien, a hun tamlem a hmangna a nih.
Student Union a sin chel le citation/memento dawng tah hai:
a) All Manipur Tribal Medical Students’ Union 10-11 Magazine Secretary
b) Memento of Appreciation from Hmar Inpui, Gen.Hqtrs
c) Memento of Appreciation from HSA, Imphal, Jt.Hq
d) Memento of Appreciation from HSA, Muolbem Unit
DoB: 5th Sept. (A Kum chu ama indawn thei)

2. Tutaka thil thaw?
DJ: Internship at RIMS, Imphal (Manipur), a zona ding kar 3 a la bak (July 10, 2015 a inthawka tiemin)

3. I hlawtlingna thuruk?
DJ: Ka hlawtlingna san chu, Taimakna, tumruna le a teirei peina niin ka hriet. Nu le Pa inchûkna ngaisang mi le inhnik tak, kawng iengkima mi backup tu ka nei ṭhat baka ka puhai (a bik takin KEIVOM hai) hmangaina le kawng iengkima an mi ditsakna lei le hotuhai lei a ni bawk. Hieng po po baka hrietna mi petu PATHIEN malsawmna lei liu liu a nih.

4. Hmarha'n ei baksam taka i hriet iem?
DJ: Hmar haiin ei baksam taka kei a mimal ngaidana ka i hriet chu Pathien thu mani nuna nunpui/phursuokpui niin ka hriet. Ei hnamin ei baksam phawt phawt chu khawvel thil taka khawm nisien hi thu a hin a dawnna a um vawng kawng iengkim ah.

5. Medical Doctor hi i chinlai a'nthawka i aim in life reng a ni am?
DJ: Aih,doctor ni hi ka aim in life an’nawin, ka lo mang phan ngai naw reng reng thil a nih. Famtah ka puhai (L) HRANGDAMNGEN a.k.a H.D NGENA INFIMATE le (L) HMANGTHANGLIEN KEIVOM haiin thina kho tlanga cancer natna suola an zal lain "eini sunga DOCTOR pakhat bek hung ni tum ro aw" ti a an thu incha sukpuitling nuomna leia ka buon a ni deu tak.

6. I chinlai ainthawka tuchena inchûkna hmun le i lo kaina hlak hai hriet nuom a um ngei? 
DJ: Ka school kaina hlak hai:
(a) Kindergarten sung po ka nu zirtirna hnuoia Parbung Jubilee standard ah ka kai.hi school a hin pawl 6 khawm kan  chuk ( unau hnambuoi lei khan)
(b) Class 2-10 chen hi DOUGLAS MEMORIAL HIGH SCHOOL, Rengkai ah ka kai (nei le neilo kara monthly fee bata mi’n exam tir phal hlaktu kan hotupa Principal Rev.LALNGAILIEN JOUTE chungah lawmthu hril kan bat nasa hle kan sungkuoin.a chunga kan lawm tak meu meu a nih). ti laia Principal Rev.LALNGAILIEN JOUTE chungah lawmthu hril kan bat nasa hle kan sungkuoin. A chunga kan lawm tak meu meu a nih). ti ding a hi A a siem ding. Hmawsarum a ka zuk siem le a mi pantu an um ran leiin ka suk ṭhel a la um el thei.
(c) Class 11 le 12 chu Imphala JIM HR. SEC SCHOOL, Sangaiprou ah ka zo.
(d) MBBS chu RIMS ah ka zo.

7. Ei ram (a bikin Tipaimukh Area) hi Medical tienga namenlovin harsatna'n a tuom zing zing el hlak hi ienganga hmalak am ṭha dingin i hriet a?
DJ: A ni khawpel maw, hmalak dan dinga ṭha awma ka hriet chu bieltu ei MLA le a biel mipui hai ṭhangkawpa sawrkara nawr niin ka hriet.

8. Inchûklai mek hai hin ei rama Medical tienga ei baksamna hi iengangin am hma la inla a ṭha I ring?
DJ: Medical tienga ei baksamna hruk bitna ding chun tuta class 10 inchûklai le Class 11 le 12 (Sc) hai lai hin HMAR school taphawtah "Career Guidance" hi uor thei inla ṭha ngawt dingin ka ring. Medical line chau naw khawm line dang dang a hai ni leh. Asanchu, inchûklai nuom pawng lekha inchûk ve ringawt hi inchûktuhai lai hin ei tamlem a angin ka hriet! Ka dem el chuong nawh, hrietnawna hin mimawl ah a mi siem tlat leiin hi lai tak hi ṭhanglak hun lai niin ka hriet. HMAR thluok hi a sie bik nawh, Inchawkphur hi ei mamaw hle in ka hriet.

9. Medical Doctor ni ding hin iengang Subject le ieng tieng lekhabu am tiem hin hlawtling ngei ngei theina ding um thei a ta?
DJ: Medical line a ding chun Science Subj. hieng Biology, Chemistry le Physics hai hi a pawimaw (Mathematics in weightage a nei nawh. Sienkhawm, thiemsa ruok chun Physics le Chemistry ah a ṭangkai hle). Sc subj. seng a khawm biology hi a weightage 50% a nih. Physics le Chemistry hin 25% ve ve an phur bawk. Entrance Exam a. Class 12 (Sc) Exam ah hieng Subj. Pathum (3) haia 40% (for ST) hmu hai tadi’n Apply thei a ni hlak. Hieng subj. Pathum (3) hai i thlur zawng Author amani rilrempui zawng lekhabu inchaw a hriet hne vieu el hi a ni takin ka hriet, hlawtling ngei ngeina ding chun.

10. Nitin Darkar ieng zat am lekha hi i tiem hlak?
DJ: Competitive Exam dinga kan singsa lai khan chu ka lo inchik sese ngai nawa chu nitinin darkar 6 - 8 vel ka tiem hlak niin ka hriet.

11. Ngaizawng, Dit zawng Ngainat zawng ti hai hi zuk hrilsa vak inla (Haha...) Vacancy a la um hmel am? Mi ieng ang mi am?
DJ: Vacancy mawh??? Hehe… zawnglai chu a um khawm a umnaw, a umnaw khawm a um ti ang deu hi a ni el naw dim a ni.. (hehe…) Duthusam hril a chawina um nghal lo... hmmmm, ka duthusam chu- Pathien-a piengtharna indik tak nei mi, kei a nekin ka chun le zuohai mi hmangai pek ngawi ngawi tu ni thei sien (an vang awm!! Hehe…), mi polite le HMAR NGAT,CHANGAL HME SUONG thiem ni ngei sien ka nuom.hahaha…
(A thra ie. – Lrs Puruolte)

12. PG khawm i la thaw tum pei niin ka lo hriet a, ieng line tak am ning a ti aw? Hmar hai hin Specialist Super/ Fine dam hi hang nei ṭeu inla nuom a um khawp el. Chuhai laia chun nang hi Pathien-zarin hung ni ngei bawk dingin kei le mitamtakin kan ditsakin, kan lo beisei zing che a nih.
DJ: P.G chungchang chu iengkim ALL INDIA P.G ENTRANCE EXAM.rank dungzuia innghat a nih. A specialization chu ka ditdan le nuomdan chun vantlang i sawr ṭangkai thei ngei hmuphak ve inla chu duthusam a nih. In mi ditsakna leiin ka lawm hle leiin in mi ditsakna tlung phak ngei thei di’n Pathien-in hrietna mi pein ka theitawp suo thei dingin hriselnain mi’n thuom ngei sien ka nuom tak zet.

13. Education line a ei ram le hnam siemthat dan ding a i hmathlir mi hril thei i ti?
DJ: Hmathlir ti a zuk hril rak dan ding khawm a vang ngei. Inchûktuin a rawngbawl ve na a ngai a, a’nchûkna ah ṭhahnemngai taka a’nchûk an’phawt chun school ṭha am, ṭhanaw a hin hlawtlingna hi an nghat bek bek in ka hriet nawh. Inchûktu, mimal inhnikna le taimakna ah an nghatin ka hriet lem.

14. Ei ram a Medical Doctor, Nurse, Staff dang dang hai le Damdawiin le Damdawi a in enkawlna hmun le Peksuokna um sun sun, CHC, PHC, PHSC, DISPENSARY le Sawrkar Scheme NRHM, JSY, ASHA le a dang dang hai hi changtlung lem a, a um thei ngeina dingin iengang takin am mipui, khawtlang le Organisation (NGO) tum tum hai hin hmala inla a tha I ring?
DJ: Hieng i hung hrilhai hi sawrkarin ei hamṭhatna dinga a i riruong vawng lem chu a nih. Sienkhawm, sawrkarna infuknaw le a function ding angin a function nawh. Mipui i ngaidan hlak chun hieng sawrkar ta, ei ram a umhai hi mani ta cheia chei chu hrillo, ei mawphurna a um ve a nih, ti chu a hrie ei um mangnaw a ang. A sietna, a ṭhaṭlem dan ding le a sawr ṭangkaina le kawng iengkima mipuiin a function ṭhaṭna di’n role ei play thei a nih, ti ei hriet ngai naw hi a pawi hle. Staff chungchanga khawm mipui ṭhangruolin ei siem ṭha thei tak meu. Asanchu, mipui rorelna hnuoia leng eini tlat leiin a function ṭhaṭ theina ding chun ui tuitla thlir a thlir el loin sawkara rawl nei thei dan kawng dap a ṭha ka ring.

15. In sungkuo hi mi titak sungkuo, mi taima, mani sin a ringum in nih ti chu mi tamtak hriet a nih a, nang ngei khawm hi I thil tum Pathien zara a vawrtawp I tlung hnung ah iengangin hmalak i lo tum deu?
DJ: I mi’npakna ah ka lawm ie. A vawrtawp niloin hmatieng fe peina dinga kalbi pawimaw ka hraw ve det det chau lem a nih. Ka tum dan chun P.G Entrance dingin in buotsai phawt a Pathien zara hlawtlingna changa inchûk zo thei a ka lo um pal chun, ka hnam chanpuihai lai ngei ka thei ang tawka thawk theia um chu ka duaisam a nih.

16. Manipur State MBBS ENTRANCE EXAM 2009 a ST Topper i ni ṭum khan eini ST iengza'm candidate in um a?
DJ: Manipur ST topper 2009 ka ni ṭuma Candidate po po zat kha 4,500 - 5,000 bawr vel niin ka hriet. Overall State Topper in 89% Entrance a hmuin State ah Top a kaia, keiin 80% score in ST Topper nina ka hmu ve a nih. 2009 chen khan Manipur State in MBBS Seats Total in 56 a nei a (ST 17) 2010 a’nthawk ta khan State in MBBS Seats Total 130 vel a nei tah (ST 43 Seat vel). KA LAWM TAKZET I MI’N PAWLPUI NUOMNA LEIIN. Mani insitna chu a na nuom ṭei anachu hehe.... (Insit naw rawh. In pawlpui tlak i nih. LAWM I UM TAK ZET. –Lrs Puruolte)
 
17. RIMS a inchûk dan kha iengang am a ni a?
DJ: RIMS a hin chu state nominee a inchûk chauh ka nih. Kan hun lai khan ST Candidate chi a hriet a harsa hle. Dan naranin mi 1,500 – 2,000 bawr vel niin an hril hlak.

18. HSA GHQ hin Inchuklaihai hmakhuo ngaituonain Education Fund tuhin Education Department enkawlna hnuoiah Bank A/c khawm hawngin an kalhmang thatak an siem mek a, an hnik taphatin an thawlawm mek bawk a, hiengang Hnam pumhuop a Inchuklaihai sawr thei ding, lekhathiem thei tak tak, insung harsat leia ni ding ni phaklo ha'n an la hung sawr ding hi inhnikna zawng a ni ve ring a um a. Ngaidan le thaw nuom dam I lo nei ve am? (Nuom le dawn naw thei)
DJ: HSA ma ma hnam tadi’n vision an nei ṭha ka ti naw thei nawh. Hnam tadinga thilṭha, lungril var nei mi ṭhuoitu ei nei leiin ka lawmin, Pathien-in varna a let tamin vur mawl sien ka nuom. HSA DAMSAWT RAW SEH!!! Mi anga kutrawl theina nei ve theia ka um hun dam a lo um pal an’ chun HSA tadi’n ka tlansiet ka’n ring nawh.

19. Mi tamtakin ei ram le hnam sietna siemṭhatna ding thu ah MLA/MDC/Officer/Teacher/VA hai an in tum bik hi a ni theiin I hriet am?
DJ: Ka mimal ngaidan chun an ni ringawt hi intum el thei bikah ka ruot nawh. An mawphurna chu ni e. A mimir nek chun lientak a nih. Mihriem hi inkam-intuo vawng ei nih. Chuleiin, ṭhuoitu varna le hrietna ringawt chun hnam khat siemṭhat thei an ni ka ring nawh. Mimal tinin mawphurna ei nei seng, ei hnam siem ṭhatna ding chun i hming, ka hming, ei mimal seng hming a mawi a ngai a. Chun ei HMAR hnam hi a mawi ding a nih. Amiruokchu, ei mimal seng hming a sie chun ei hnam hming a sie thei a nih. Ṭhuoitu anni lei el hin kawng iengkima innghat bur el khawm a ṭha nawh. Nang le kei a ang tho a MIHRIEM ve el an nih. THAWSIET AUM NAWIN THAWṬHAT NGAWT A UM THEI NAWH. In hmangai intuo taka indawm intuo lem ding ei nih a, ṭhuoitu le a mipui thukhata luongkhawm ei ṭul a nih.

20. Tulaia IT hmang dan thu a ngaidan iengang am I nei a? FB, WEB/Internet, Mobile Phone, Computer hlak hi a tam ta si a, tamtakin ei thatpui nekin ei sietpui a ang bawk si.
DJ: Khawvel changkangna in a hung phursuok ve a nih a, IT ei ti khawm a hmang thiem tadi’n malsawmna, a hmang thiem naw ta di’n sietna amani a ni thei.  Mani sie-le-ṭha hrietna (Conscience) chit hmang theina zalenna pek ei nih. Chuleiin, mani ditthlangna ah an nghat! Mani inhnik taphawt chu thaw hi mental health tadi’n ṭha ka tih. Chulaizing chun ei thiltum theinghil loa ei thil thaw taphawt a’n buktawka hmang le inchûk thiem hi a ṭha ka ti hlie hliein a puitling thlak ka ti hle.

Doctor DJ, Lawm i um tak zet. I hun hlu tak i mi pek a. Hohlim thei a ei um hi a hlu a, Nang a'nthawk vawisunni a inchûklaihai le ei ram le hnam in inchûk ding a hau hle. Hma sawnpui pha ngei sien nuom a um.
–Lrs Puruolte

Ama hi tuhin All India Medical Entrance la bei nawk a PG la sunzawm dinga insingsa mek a nih. A tumruna hi inpak a um tak zet. Ṭhangthar lai ama ang hi tam tak um inla nuom a um tak zet. Pathien-in a hmatieng mihai tadinga malsawmna ni dingin, ṭhuoi pei raw se. Chu ding chun ei ditsakna insang tak ei inhlan.

Post a Comment

Powered by Blogger.