Aizawl, June 17, 2015 (Virthli News):  Mizoram Pradesh Congress Committee (MPCC) chun tarik ni 17 June, 2015 khan thusuok siemin Mizo National Front (MNF) President Pu Zoramthanga chu HPC (D) hai leh inzawmna țhatak nei niin an intuma, Mizoram hmartieng khuo 31 haia HPC (D) han VC election an boycott chu ama hrietpuina ngeia thaw a ni an ring thu Congress (MPCC) chun an thusuokah an tarlang.

Congress in a tarlang danin CM Pu Hawla’n “MNF President hi Hmarsak helhai leh inpawna țha tak nei a ni a, a Control thei a ni chun an ni laia țhang ve HPC(D) hai chu Mizorama kawmaw insuo lo dinga hril dingin ka ngen a nih,” ti thu June 12.2015-a alo hril tah chu MNF President hin a zâwm ngei a ni ti a ngai thei dingin  “HPC(D) hin V/C inthlang khapna thu an sut ngei ding a nih,” ti a HPC(D) kuomah Zoramthanga'n thu a pekna kawng a hin HPC(D) hel le an inzawm zie a sukchienga, HPC (D) ha'n VC inthlang an khap khawm kha Zoramthanga hrietpui ngei a ni an ringthu Congress chun an thusuokah an tarlang bawk.

Post a Comment

Powered by Blogger.