Aizawl, May 6, 2015: Korean Culture Centre, India (KCCI) chun tukum July thla tawp tieng pang ah Korean hlasakthiem, lamthiem le film changthiem han ‘K-POP’or Korean Pop Concert Aizawl ah hung nei an nuom thu le sawrkar thangpuina an hung ngen thu Mizoram sawrkar hotu hai kuoma an hung inthlun.

Hi chungchang ngaituo hin vawisun khan Chief Secretary Pu Lalmalsawma le sawrkar mi pawimaw hai chun Chief Secretary’s Conference Hall ah an in thungkhawm.

Chief Secretary Pu Lalmalsawma keihruoi meeting a hin K-POP concert chu Korean Ambassador in Mizoram a hmu dingin a hrila, Mizoram le Korean cultural exchange programme hai laia event pakhat ani thu a tarlang. Hi concert buotsai hun dinga KCCI in an hung ruot chu Pathienni tak ani leiin inrawn tha nawk ala ngai ding ani leiin concert hun ding hi chieng taka tarlang thei a la ni naw nih. Ruohmangna neilawk dan chun K-POP concert na a hung thang ding Korean artistes hai le officials hai hi mi 60 an ni ding ana, vawisun meeting a hin hieng hai tlungna ding le venghimna fepui dan ding hai, concert an neina hmun ding bakah sound, lights le rehearsal an neina ding hai lo buoipui dingin mawphurna le chanvo hai an insem a nih. (DIPR, Mizoram)



Post a Comment

Powered by Blogger.