Aizawl, May 4, 2015: HPC (D) hai vauna leia April 30, 2015 a Village Council inthlangna nei ve thei lona khaw 31 a V/C hai chu Mizoram sawrkarin a ṭhiek.

Mizoram District paruka V/C hai le Local Council hai term chu April 30, 2015 khan a tawp a, inthlang ve thei lona khaw 31 a V/C hai term khawm a tawp ve nghal a; Mizoram sawrkar chun The Lushai Hills District (Village Cuncils) Act 1953 thangsanin, khaw 31 a V/C hai chu a thiek nghal a nih.

Inthlang ve thei lona khaw 31-hai chu felfai taka inthlangna buotsai thei a ni hma chun Aizawl le Kolasib District a DLAO (Local Administration Officer)-han an la enkawl hri ding a nih; ni tina V/C-hai inrêlbâwlna kawnga thaw ding tul hai chu field inspector le assistant field inspector han an kengkaw ding a nih.

HPC (D) hai vauna lei hin Aizawl District-a khaw 25 le Kolasib District-a khaw parukah V/C inthlang nei thei a ni naw a, chu dinga hming pe lut ngam an um naw nih.

HPC (D) leia inthlang thei nawna khuo hai chu - Aizawl District-ah Dáido, Damdiai, Khawlian, Khawpuar, Làmherh, Lungsum, Mauchâr, N. Khawdungsei, North Khawlêk, North Ṭinghmun, NE Tlangnuam, New Vervek, Palsang, Phuaibuang, Ratu, Sailutàr, Sakawrdai, Suangpuilawn, Sunhluchhip, Thingsât, Vaitin, Vanbawng, Záwngin, Zohmun leh Zokhawthiang-te a ni a; Kolasib district-ah Saipum, Saiphai, N. Hlimen, Phainuam, N. Chawnpui leh Saihabui-V hai an nih.

-

Post a Comment

Powered by Blogger.