MPCC Media Cell Chairman James Thanghmingmawia chun khuo 31- V/C inthlang thei aninaw nasan chu Congress in Helna tha an tinaw lei niin an hril. “Dan angin sawrkarin an thil thaw indik naw leiin Hel hai an mana,sawrkar hmalakna hi Hel hai in an ditnaw leiin Mipui anvau a kan ngai,” ati. Congress party chu iengtiklai khawmin Hel an inzawmpui ngainaw, Hel sukre tuma hma la lem an ni thu an hril anih.
James Thanghmingmawia chun,tulai hnaia HPC (D) han Mizoram Police 3 an kaphlum le MLA pathum an thuoituhai beidawng taka an siem hi Mizo mipuiin andem ti a hrila,”Opposition tieng hlakin Congress party hel le inzawm anga an hril tum hi an vangduoithlak takzet.Hel le inzawm hai chu MNF an ni a,kum 10 an sawrkar sung ralmuong derthawng khawpin Aizawl le hmun dang dang hel an tlang nel ani” ati.
