Muolhoi, Ngaibantlang, April 6,2015:  Vawisun khan HPC(D) Assam Region Cadre hai chun an thlakhat stipend chu HPC(D), State le Central Sawrkar inbiekna (Tripartite talks) fe meka a tul ang anga hmang dingin HPC(D) Assam Region Secretary Pu David L Hmar kuomah Finance Secretary Pu Vala Lungtau in cadre hai ai-awin a’n hlan. 

Cadre hai hi insung harsa ngawi ngawi ni hai sien khawm, hotu hai fe le hungna le pawimaw tul tamtak a um hai hnam hminga an phuruk thei vena sun anga ngaiin tlawmngai le thahnemngai insuoin thatho tak le phurtakin an peksuok a nih. 



HPC(D) Assam Region hin Assam a NC Hills Distric le Cachar District lak kawpin Satellite Council Sawrkar thlungpui chu a hni a, hi demand le inzawm hin Tripartite talks tum iemanizat nei ani ta bawk a nih. Mipui le mi tlawmngai tamtak hai inpekna zar le sawrkar thatna zarin inbiekna khawm a tluong pei a. “Hi neka hma ei sawn hrat zuol theina ding le, ei renga ei thang tlang zuol theina dingin ei tawngtaina haia khawm hrie seng ei tiu” tiin Secretary Pu David L Hmar chun mipui hai kuomah lawmthu hrilin ngenna a siem nghal bawk.

Post a Comment

Powered by Blogger.