Local
Land Record transfer thuah Joint meeting nei a nih
CCPur: Zani 11:00AM khan KIC Office, Tuibuong, CCPur­ah KIC, CoPTAM le Village Chief (Lal) han Land Record transfer thuah joint meeting neiin  hmatienga hmalak pei dan ding an hriltlang. Land Record thua hin April 10, 2015  chen sawrkar hun an pek a, sienkhawm tuchen hin Bishnupur district­a Samulamlan block hnuoia khuo 108 le Henglep block hnuoia khuo 28 haia Land Records chu CCPur district­ah sawrkarin a la peklut nawna thu hai hriltlang a ni a. Thangjang Haokip, President, KIC le Letpu Haokip, Vice President, KIC & Chairman, CoPTAM hai chun,  Jiribam le Sadar Hills hnuoia Land records hai chu concern district ah transfer an nita a, sienkhawm CCPur district­a inthawka khuo 136 haia land records chu transfer a la ninaw thu an hril.



Land record transfer ding thu hi Cabinet decision chau ni lovin Revenue Dept. Govt. Of Manipur khawmin Order an suo tasa a ni a, sienkhawm Bishnupur  DC chun  CCPur Land record pakhat khawm  a umnaw thu a hril leiin  CCPur district hnuoia  khuo 136 a land record transfer thei lova um a ni thu Letpu Haokip chun a hril a, list­out/affected villages 136 a \hang lo khuo an um chun a hun laia Lal han zieklut dingin an hriettir. Affected villages 136 hai hi CoPTAM le KIC \huoitu hai an ni naw a,  a Lal hai ram a ni  leiin  Lal hai chu meeting nei nawk huna ngaipawimawa  Lal 90% bek fekhawm dingin  an hriettir bawk.

The Foundation Scholarship meeting nei
CCPur:  Actor le screen writer Rahul Bose in an din The Foundation NGO le  Manipur Scholarship Initiative \hangruola The Foundation in Manipur­a students 6 chawm a tumna le inzawmin zani 11:00AM khan Vimala Raina H/S­a BRC Hall­ah Anupriya Sharma, Regional Director, Manipur Scholarship Initiative inrawinain CCPur District­a Private & Govt. School Headmaster/Principal han joint meeting an nei.
    
Anupriya Sharma chun, The  Foundation indin a ni dan le indin a ni nasan hai hrilin  tuhin Andaman & Nicobar Island le Jammu & Kashmir haia Class VI student iemanizat The Foundation chun Maharashtra state­ah chawmin school \ha taka an kaitir thu a hril a. Tukum hin entrance test fethlengin  Manipur­a inthawk student 6  chawm a tum a. Hi thila ding hin Manipur­a District tina ZEO hai fethlengin  Form sem a ni ding thu a hril. 

Ka khuolzinna ti lekhabu tlangzar
CCPur: Mr Songkhogin in a siem Songkhogin’s Collection “Ka khuolzinna” ti lekhabu chu zani 11:30khan Chiengkonpang Community Hall­ah  Pu L. Mangkhogin Haokip, IPS, SP, CCPur chun khuolliena \hangin a tlangzar. Hi huna hin Thangkhosuanmung, Chief of Hiangtam Lamka chu guest of honour in a \hang a, lekhabu hi Rev. Jampee S. Gangte in Pathien kuoma \awng\ainain an hlan.


Legal Awareness on Women Empowerment and Women Rights
CCPur:  April 11, 2015, 10:30AM04:00Pm  khan Hmarveng AG Biekinah  Women Ministry Dept.  AG Mission Dist.(AGEI), Tui\haphai section le Manipur State Legal service Authority le Churachandpur Dist. Legal service hai huoihawtna le \hangpuinain One Day Legal Awareness on Women nei a nih.
   
 
Session ­1 ah Upa Ngurhmingthang chun “On leadership Office Maintenance in General ti thupui hmang le, Upa Rochunghnung chun Finance and Book Keeping ti thupui hmangin thu an hril a. Session 2­ah Mr Lamkhanpau Tonsing, CJM/Secy, CDLSA in Keynote address a hril huna, Sawrkara hin mitin ei \hang seng a, India danin ham\hatna (Fundamental Rights) tam tak a mi pek, tu i lak pek thei lo a ni thu hai le Bible in Nuhmei le pasal a \he naw a, ei inang vawngna  hmang thiem a ngai zie le nuhmei han Rights an nei thu hai uor takin a hril.
            
Ms. Margareth, Advocate chun “ On Women’s Right­ India Law” ti thupui hmangin  hrilhrietna hun a hmang a. Ms. A. Shanta Devi, JMIC, CCPur chun thuhrilna hun, “Law relating to Juvenile & Rights available at the time of arrest” ti thupui hmangin thu a hril a, mipui tienga inthawk  indawn nuom nei han  indawnna siemin thei ang angin an zawna hai dawn an nih. (LRS)

Vaiphei Vawnchawi 1st Anniversary
CCPur: Zani 10:00AM khan  KKL Complex, IB  hmuna  Vaiphei Vawnchawi 1st  Anniversary­cum­Trasitional Show nei a nih. Hi huna hin T. Liansong, Social Worker & President VPC Town unit  khuollienin a \hang a, Khuallianmang, Chief of Phailianbung & Sumtuk le Lalzakhai, VP, VPC Gen. HQ hai chu functional president le guest of honour in an \hang a,  David PG Vaiphei,  Social worker chu Chief host in a \hang.  Hi huna hin thuhril ngaithlakna le   Cultural show hai inentir a nih.

Lok Adalat nei
CCPur:  April 11, 2015, 10:30AM  a inthawk khan National Legal Services  Authority, New Delhi; Manipur State Legal Services Authority le CCPur Dist. Legal Services Authority hai \hangruola huoihawtnain District and Session Court, Tuibuong, CCPur­ah “One Day Lok Adalat” nei a nih.  Lok Adalat hi  hi thlatin  2nd Saturday zat5in nei zie ding ti a nih. Hi huna hin case chi tum tum sukfello hai ngaituona nei a nih. CJM Mr Lamkhanpau Tonsing  ei palai n an pawlpuinaa chun, Lok Adalat  chu case sukfel thei loa um hai, thiemnawna hrilna ding ni lovin  inrem dan ding hrilna hun ding a ni thu a hril a,  ka lung a awi, ti theina chena inremna siem a ni dan ding ngaituona hun le Kristien nun, thuring le intuok, society le Kristien dan hai lak thiem a ngai thu a hril.

Headline:
PM in Vuongna siemtu company Airbus hmunpui  le War Memorial a sir
Toulouse: France rama cham mek Prime Minister Narendra Modi chun zanikhan Paris khawpuia inthawk km. 700 a hla Toulouse­a Vuongna siemtu company lien Airbus hmunpui a va sir. PM hin  khawvela inzinna le  thuomhnaw phurna  vuongna lien pawl Airbus A380 siem dan  a en bakah  India company, Airbus ta dinga Vuongna peng \henkhat siem hlaktuhai an hmupui. PM Modi hi  French Prime Minister le French Foreign Minister Laurent  Fabius han an tawiawm bawk. 
    
Airbus chun, PM Modi sawrkarin ‘Make  in India’ a fepui  mek chu an thlawp thu hrilin India rama khawm hiengang Airbus vuongna hi siem an hnielnaw thu an hril. Airbus Group CEO Tom Enders chun, PM Modi mikhuol theia an um chu lawmum a ti thu a hril. ‘Make  in India’ hi kan thlawp a, India le khawvel pumpui ta dingin India rama Vuongna siem dinga an inpei thu a hril.  Airbus  Group chun tuhin India rama Engineering centres pahni an nei mek a nih.
    
Airbus Executive Vice President Charles Champion chun, Airbus chun  India company 30 vel haia inthawk  dollar maktaduoi 4 man vel hmangruo an chawk mek thu, tuta inthawk sawtnawte hnunga  a hmangruo inchawk zat hi a hung pung a beisei thu a hril bawk.
            
Airbus hmunpui bakah PM Modi hin France Space Agency, National Centre for Space Studies (CNES) Hqrts  le  Indopui pakhatna hun laia India mi sipaia \hang, France ram sanna dinga hringna lo chan ta mi 4,700 vel hai hrietzingna  Neuve Chapelle­a War memorial  a sir a, sipai thi hai inzanain par a van hlan.  Neuve Chapelle hi  Paris a inthawk kms. 200 vela hla  a nih.

Mapithel Dam dodalnain rally an nei
Imphal: Thoubal district­a chun zanikhan  khuo tum tum 12 haia mipui le students  han  Mapithel Dam bawla um dodalnain Ukhangsang Keithel Mayai Leikai a inthawk Nongpok Sekmai Panthoibi Sanglen chenin lampui hrawna (rally) an nei. Hi rally hi Conflict Widow Forum, Lilakambong  Meirapaibi Nongpok Sekmai, People Platform Secretariat, Peoples’Action for Development, NEDF, Life Development Foundation le pawl tum tum hai \hangruola an nei a nih. Rally­a \hang hai chun, “Save Thaobal River”, “Respect Indian Forest Law”, “Stop Mapithel Dam” ti le slogan dang dang  hai an khekpui.  (UNA)

Kum tin Hr. Sec.  Exam Feb. 16­ah
Imphal:  Council of Higher Secondary Education, Manipur meeting 25­3­2015 resolution dungzuiin General Holiday/Pathienni a ninaw chun kum tinin hi Council hnuoia Higher Secondary Examination chu February 26 ah \an ni  ta hlak a tih tiin Secretary, Council of Higher Secondary Education,  Manipur chun  inhriettirna a siem.

Chhattisgarh ah Police 7 kap hlum le Polcie 10 kap hliem an nih
Raipur:  Zani chawhnungtieng khan Chhattisgarh state a  Sukma district a pidmel­ Polampalli area­ah  Police le Naxalites pawl an inkaptuo a, Police 7 kap hlum an ni bakah Police dang 10 anh hliem tiin R.K. Vij, Additional Director General of Police (Anti­Naxal Operations) chun a hril.
    
Naxalites helpawl hai hin Special Task Force (STF) Squad a mi 61 hai an lo kap a, chu taka inthawka inkaptuona hi a tlung niin Police chun an hril. Hi thil tlungna hmuna hin CRPF teams 2 le Police tam lem tirlut nghal an nih. Hi inkaptuonaa thi hai chu Platoon Commander, Shankar Rao, Head Constables Rohit Baghel, Constable Mohan VK, Rajkumar Markam, Kiran Deshmukh le Rajman Tekam hai an nih.
            
Pidmel­Polampalli areea hi Maoist/Naxalites hai a hmaa inthawka an lo hratna hmun le Security Forces tam tak an lo thatna hmun a nih tiin R.K. Vij chun a hril.

India in Multi­role Combat Aircraft 36
Paris:  Zanita India PM Narendra Modi le French President Francois Hollande han  joint statement an siem  a, chu taka chun India in   France siem Multi­role Combat Rafale Aircraft 36 an chawk ding thu le MW 1650 pesuok thei ding Nuclear power plants units 6, Jaitpur, Maharashtra a \hangruola indin ding tihai a \hang. India UN Security Council a parmanent member a hung ni theina dingin France chun India thlawp a tih tiin France President  Francois Hollande chun Modi kuomah a lo hril bawk.

Zawng le Ui se hai zangnadawmna Rs. 2 lakh pei
Nainital: April 9, 2015 khan Uttarakhand High Court chun zawng le Ui in an se hai chu zangnadawmna Rs. 2,00,000 pei pek ni rawhai seh tiin a rel.  Kum 3 liemta sung khan Nainital khawpui sunga hin Ui se cases 4,000 chuong a um nia record a nih. Uttarakhand High Court in hienga a rel ni ngei khawm hin Ukil nuhmei pakhat \hangsain mi 5 Uiin an se. High Court chun ranin a se hai laia a hliem inrikhai zangnadawmna Rs. 2 lakh le a hliem inriklo hai  Rs. 1 lakh pek dinga a rel a nih tiin Justices Alok  Singh le Sarvesh Kumar Gupta han an hril.

BSF 3 kap hliem
Attar:  Zanikhan Punjab state a  Amritsar Sector­ah Pakistan Smugglers han an rama inthawk silai an hung hmetpuok a, Daoke Border Out Post (BoP) a duty BSF Jawan 3 an kap hliem a, Hospital panpui an nih tiin RPS Jaswal, DIG, BSF chun a hril. Tu kum hin BSF  han Pakistan  le ramri zulah Heroin kg. 125 vel an man ta a, ni kum khan kg. 361 zet an man.

President in  NE  Festival a hawng
Shillong: Zanikhan Shillong­ah President, Pranab Mukherjee in ni khat sung aw North East Festival a hawng. Hi huna \hang theia a um le a hawngtua ruot a nina thuah President chun lawmthu a hril a. Hi Festival hi NE biela hnam tum tum hai laia inunauna \ha lem siemtu a hung ni ngei a beisei thu a hril bawk. Hi Festival thupui chu, “ Songs and  Dances of the North East” ti a ni a, NEC in a sponsored a nih.

NE CMs han \ha an ti nawh
New Delhi: April 9&10, 2015 khan New Delhi­a  64th North Eastern Council (NEC) Plenary Session  nei huna khan India hmarsak biela  states 8 um hai Special category a sie an nina suktawp pek dinga sawrkar thlungpuiin thutlukna a siem chu NE CMs han \ha an tinaw a, an daodal thu an puong. Hieng laizing hin kum 2015­16 NEC Annual budget dingin Rs. 773 crore an passed.

Minister le MLA han that dinga vauna
Bhubaneswar:  Andhra Pradesh state a Vansadhara­Ghumusara­Nagabali Division a CPI(Maoist) helpawl han Odisha  ST& SC Development Minister Lal Bihari Himirika le BJD MLA, Balabhadaa Majhi hai chu that dingin vauna lekha an pek. Majhi hin Ayagada le Kalhandi District haia companies han  hmun an khuor theina dinga a \hangpui lei le Himirika in Vedanta a \hangpui leia that dinga kan party in a rel a nih tiin Umakanta, Secretary, CPI(Maoist) in vauna lekha an pekah an zieklang.

Samak kap hlum nawk
Guwahati:  Zani hmasa khan Kaziranga National park (KNP) ah Sapeltu han Samak an kap hlum ta sa ruong  Forest staff han  Bherbheri camp bula an hmu. Samak hi a ki an lak bakah a nakawr an at thlak niin Forest  Staff han an hril.

Medical Inst. 300 Medical College in
New Delhi:  India rama Medical Institutions 300 hai chu Medical Colleges a hlangkai le kum tin Doctors thar 10,000 pei lak thar ning a tih tiin Union Health & FW Minister J.P. Nadda chun a hril.  Public Sector um hai laia a hlawtling tak chu Hindustan Latex and Life Care Limited  (HLL) a ni a, a hlawk a la hmu pei a, PSUs  dang hai ruok chun sawrkarah suma \hangpuina an la ngen zing a nih. PSUs hai ta ding chun HLL hi entawntlak a nih tiin J.P. Nadda chun a hril.

Lakhvi lungin a inthawk insuo
Islamabad: November 26, 2008 zana Mumbai a Terrorist­hai chetnaa mawphurtu taka intum, Rehman Lakhvi (55) chu April 10, 2015 zingkar khan Adial Jail, Rawalpindi a inthawka insuo a ni tah. Lungin a inthawka insuo a ni theina ding hin Rs. 20 lakh Surety Bond ah suoi a thaw. Lakhvi Ukil­hai laia pakhat Malik Nasir Abbas chun, Lungin a inthawk Lakhvi chu a suok ta a, khawlam a fe ka hriet ta nawh tiin a hril. Jameet­ud­Dawa (JuD) activist 50 chuongin lungin tuola an lo nghak a, an fepuina chin hriet lovin an \huoihmang a nih. India sawrkar chu hi thua hin Pakistan sawrkar chungah a lawmnaw hle.
---------------------------------------------------------------------------------------------------------------------
VAWISUN THUPUI
Chun, Lalpain Noa kuoma chun, “Nang le i sunghai po po chu lawngah lut ro; nang chu tulai \hangthar lai hin ka mithmuin mi feltak i nih ti ka hriet che a nih. ­ Genesis 7:1

Editorial:
Mihriemhai mit hmua rawngbawl
Ei Kristien nun hi a pumpui le a nawlpuia lak chun a nghet naw a, ti takna le ringumna ei tlasam a. Nitin nuna Kristienna laklut le kalphung (system and structure) a hin Kristienna hi ei lan hnik phak nawh. Ei hlim huk chun, “Lalpa’n thil ropui a mi thaw pek tah,” ei ti a. Sawtnawte  hlimna, inhawina le lawmna tiengpang hi Pathien thlarau sinthaw nia ei hmel hriet dan a ni rawp hlak niin an lang. Ei Pathien thu  hril hlak hin ei nun a lutchil tawk nawin, Pathien thu  takin a min chie hne tak tak  naw ni awm a nih; thlarau tieng khawm takna le nghetna leh Kristien nun lampui hraw ding ei ni lai hin; thlir fim dawl ding khawpin ngir nghetna (principle) ei nei rawp a \ul. Mi hai lawm zawng ei inzawng siek  ta amani ti ding khawpin ei inhril siek a; rawngbawlna hlawtling anga inlang, hlawtling si lo ei buoipui a. Thil thar ei rek a, takna le nghetna nun nei tak tak si lovin mihai hmua inlang mawi ei tum tak hlak niin an lang.
    
Kohran invawng dan le inkei\huoina dittui, a fel tak, a \ha le an thangmawi tak dit a; hraw le zui nuom  hai hlak a Pathien mi nawh, a khawvel mi ei ti pei bawk si. Charles H. Spurgeon in, “Beram an chawm am, Kel an chawkphur” a ti ang chi hlimna hnawt taluo kohran member le \huoitu ei tam deu deu ta niin an lang. Beramte ta dinga bu tak tak aia bu tehlem le bu\hing pe tum lem hi ei ni deu fur el ta dim maw ti hi ngaituo chet chet a hun ta hle. Kohran hlim, kohran hrat le kohran hring a \ha. Amiruokchu, ei hlimna, ei hratna le ei hringna hai kha Lalpa \ha ti zawnga hlim, hrat le hring a ni am? Pastor pakhat chun, ‘mi tak lo testimony admit ching chu kohran suksietna a nih’ a ti bur el. Kristienhai a mi hmu dan khawm, ‘pawnlangnaah hin ei tla inthuk ta a nih a ti bawk. Hienganga Pastor huoisen le fel hi dit an um a, ei ram kohranin a mamaw em em el a nih. Kristien le mi piengthar ei nina hi Biekina  chauva inlang ding a ninaw a, ei insunga dam, ringnawtuhai lai dam, ei sinthawnaa dam, ei lekha inchukna hmuna dam, harsatna le beidawngna ei tuok chang damin mihai hmu thei ding le mihai entawn le inchuk thei dingin inlang thei sien nuom a um.
    
Hi Pastor bawkin  pastor­hai rawngbawl dan (Pastoral Ministry) a comment dan khawm ngaituo zui tham a nih. “Pastor sin chu nau dawn ang a nih, sie le \ha la hre lo le mani neka mawl lem thuhnuoia um a \ul chang a tam” a tih. Chun, tulai chu ei rama harsatna le Politics­ah chun a chieng naw  taphawt an ri a sie  el.  Tho  invet an ang a, a hrie tlawm tlawmin hril an nuom nawk nghal tiin a hril. A thu hril hi a la hung indik pei ding a nih.
            
An chuk suokhai (training zo hai) a hre lem dinga ngaihai nek chun a hril thiem  thiem thu hril ei ngai nuom a, Pathien thu tak le indik hril hai thu hril ruok chu ei ngai pei tanaw a, a \hing ei ti bakah a thu hril le ama nun khawm a \awl tiin  ei sawisel hlak. A hril thiem thiem dingchangna hun an ta hi!  Pastor­hai rawngbawlna ding, Dan Bu hielin a hrilhai khawm ei palzut deu an ta an naw mani ti thei a nih. Rawngbawlnaa khawm a thei le hril thiem zawnga  insem ei fepui a, Pastor­hai chanvo dinga ngai khawm ei inchu pek ta nuol el. Hi hi Kohran ta dinga \ha a ni am ti chu hunin a la hung hril ding a nih.


Post a Comment

Powered by Blogger.