Ṭinghmun le Zokhawthiang inkar ah Mizoram MLA 3 chuongna motor lambun a nih. MAP-3 thi, 5 in hliem tuor; Hel tukhawmin an thaw thu la puong lo
Sakawrdai, 28 March, 2015: Mizoram MLA pathum chuongna motor chu vawitûk khan hel ha’n Ṭinghmun le Zokhawthiang inkar ah an lo lambun (ambush) a, Mizoram Armed Police (MAP)- 3 an thi a, mi 5 in hliem an tuor.
Ei thudawngna in a tarlang danin MLA pathum Pi. Lalawmpuii Chawngthu, Hrangturzo bieltu, Pu. Lalthanliana, Aizawl North-2 bieltu le Pu. RL Pianmawia, Tuivawl bieltu hai chuongna motor chu HPC –D ni dinga ring han vawitûk 10:30 vel khan Ṭinghmun khaw hnawmah an lo lambun a hmuna hin anni vengtu MAP-3 an thi nghala, mi 5 in hliem an tuor. Hliem tuor lai hin mi 2 hai dinhmun chu an rik deu niin thu dawng a nih. Tuivawl bieltu MLA Pu. RL Pianmawia, Dy.Chief Whip khawm an sasengna ah hliem narak lo a tuor ni in hril a nih.
MLA 3 hai hi Mizoram Hmar tieng panga Health Sub Center umnawna khuohai enfie dinga Assurance Committee anga fe an nia. Vawituk dar 7 vel khan Sakawrdai Tourist Lodge a inthawkin inthawk dawkin Sakawrdai SDPO rawiin MAP 6 in an escort a nih.
Thu dawng danin MLA hai chuongna motor hma ah Pilot motor hi Sakawrdai OC SI Zoramthara rawiin MAP mi 5 an thlana, Zokhawthiang le Ținghmun inkar, Zokhawthiang a inthawk km 1 vel lamkawina laitak HPC-D ni a ring hai hin hla rak lova inthawkin an lo kap a. Sakawrdai OC ṭhangsa in MAP 2 chu a hmunah an thi nghal thu dawng a nih.
Lo lambuntu hai hi an rengin mi 20 bawr vel an ni a, ralthuom ṭha tak tak AK 47 le G3 hai an chawi ni a hril a nih. Hel hai hin MAP silai AK 47 (2) le Pistol 5 la pekin an inrel hmang nawk nghal niin thu ei dawng. Hi thiltlung hi hriet a ni phing leh Aizawl a inthawkin police hotu iemanizat Sakawrdai panin an fe nghal bawk.
Hi lai zing hin Virthli palai chun HPC-D hotu lien hai biein, anni chun an thaw chie a ni le ninaw an la hriet bik naw thu an hrila. An sipai hai thu an la nghak phawt thu le an ni thaw a ni chun an thawna san le sawrkar lakah an lungawinawna thu hrilfienna siem dingin an tih.
Mithi ruong hai hi Aizawl panpui mek anni a. Vawizawn dar 11 hin AMC office Ṭhuampuiah sawrkar mipawimaw le YMA branch hrang hrang le mipuiin lo hmuok an tih.
Thihai/Boral hai hming (report dawng danin):
1) SI Zoramthara Khawlhring OC, Sakawrdai, Khawzawl(Ama hi vawizan a ruong Chanmari Aizawl ah riekpui ning a ta, zingah an khuo Khawzawl panpui ning a tih)
2) Driver C Lalchuailova, Zemabawk, Aizawl le
3) C no. 673 Hmangaihmawia, Dinthar hai an nih
Hliem tuorhai:
1. Zarzoliana, SDPO, Sakawrdai, a phing vawitieng kapthlang a nih.
2.Havilder. Vanthuama, a nak changtieng le a ban kap a nih.
3.Const. Lalkhawngaiha, a ban vawitieng le changtieng bakah a zakhnuoi ah kap a nih.
4.Zahmingthanga, Assembly Secretariat IV Grade, a mawngah le a ke ah.
5. Lalchhuanawma, (Pu RL Pianmawia, MLA) Driver, a khup a kap a nih.
Sakawrdai, 28 March, 2015: Mizoram MLA pathum chuongna motor chu vawitûk khan hel ha’n Ṭinghmun le Zokhawthiang inkar ah an lo lambun (ambush) a, Mizoram Armed Police (MAP)- 3 an thi a, mi 5 in hliem an tuor.
Ei thudawngna in a tarlang danin MLA pathum Pi. Lalawmpuii Chawngthu, Hrangturzo bieltu, Pu. Lalthanliana, Aizawl North-2 bieltu le Pu. RL Pianmawia, Tuivawl bieltu hai chuongna motor chu HPC –D ni dinga ring han vawitûk 10:30 vel khan Ṭinghmun khaw hnawmah an lo lambun a hmuna hin anni vengtu MAP-3 an thi nghala, mi 5 in hliem an tuor. Hliem tuor lai hin mi 2 hai dinhmun chu an rik deu niin thu dawng a nih. Tuivawl bieltu MLA Pu. RL Pianmawia, Dy.Chief Whip khawm an sasengna ah hliem narak lo a tuor ni in hril a nih.
MLA 3 hai hi Mizoram Hmar tieng panga Health Sub Center umnawna khuohai enfie dinga Assurance Committee anga fe an nia. Vawituk dar 7 vel khan Sakawrdai Tourist Lodge a inthawkin inthawk dawkin Sakawrdai SDPO rawiin MAP 6 in an escort a nih.
Thu dawng danin MLA hai chuongna motor hma ah Pilot motor hi Sakawrdai OC SI Zoramthara rawiin MAP mi 5 an thlana, Zokhawthiang le Ținghmun inkar, Zokhawthiang a inthawk km 1 vel lamkawina laitak HPC-D ni a ring hai hin hla rak lova inthawkin an lo kap a. Sakawrdai OC ṭhangsa in MAP 2 chu a hmunah an thi nghal thu dawng a nih.
Lo lambuntu hai hi an rengin mi 20 bawr vel an ni a, ralthuom ṭha tak tak AK 47 le G3 hai an chawi ni a hril a nih. Hel hai hin MAP silai AK 47 (2) le Pistol 5 la pekin an inrel hmang nawk nghal niin thu ei dawng. Hi thiltlung hi hriet a ni phing leh Aizawl a inthawkin police hotu iemanizat Sakawrdai panin an fe nghal bawk.
Hi lai zing hin Virthli palai chun HPC-D hotu lien hai biein, anni chun an thaw chie a ni le ninaw an la hriet bik naw thu an hrila. An sipai hai thu an la nghak phawt thu le an ni thaw a ni chun an thawna san le sawrkar lakah an lungawinawna thu hrilfienna siem dingin an tih.
Mithi ruong hai hi Aizawl panpui mek anni a. Vawizawn dar 11 hin AMC office Ṭhuampuiah sawrkar mipawimaw le YMA branch hrang hrang le mipuiin lo hmuok an tih.
Thihai/Boral hai hming (report dawng danin):
1) SI Zoramthara Khawlhring OC, Sakawrdai, Khawzawl(Ama hi vawizan a ruong Chanmari Aizawl ah riekpui ning a ta, zingah an khuo Khawzawl panpui ning a tih)
2) Driver C Lalchuailova, Zemabawk, Aizawl le
3) C no. 673 Hmangaihmawia, Dinthar hai an nih
Hliem tuorhai:
1. Zarzoliana, SDPO, Sakawrdai, a phing vawitieng kapthlang a nih.
2.Havilder. Vanthuama, a nak changtieng le a ban kap a nih.
3.Const. Lalkhawngaiha, a ban vawitieng le changtieng bakah a zakhnuoi ah kap a nih.
4.Zahmingthanga, Assembly Secretariat IV Grade, a mawngah le a ke ah.
5. Lalchhuanawma, (Pu RL Pianmawia, MLA) Driver, a khup a kap a nih.
 |
| MLA pathum hai |
