New Delhi, 14 March, 2015: World Amateur Boxing Champion vawi-5 lai lo nita le 2012 Olympic-a Bronze medal khawm lo la tah India nuhmei boxer hmingthang MC Mary Kom chu India hmarsak state (North East Region) Brand Ambassador dinga ruot a nih.

Kum 1983, March ni 1 a Manipur a pieng le seilien, Zohnathlak boxer Mary Kom hin sumdawngna chi tum tuma Rs. 2.4 trillion vel pe suok thei North East ram theina le hausakna suklârin thelâr a tih.

Mary Kom NE brand ambassador dinga ruot a nina chu official announcement siem vat a ni ding thu Minister of State in the Ministry of Development of North East Region (DoNER) Jitendra Singh chun a hril.

Vawisuna New Delhi-hmuna 10th North East Business Summit neina ah thu hrilin Singh chun “NE in Brand Ambassador ei nei ding a ni leiin hun sawttak hriltlang a ni hnungin a tawp a tawpah MC Mary Kom hming chu namnghet a nita a. Tuta inthawka ni 2 sung hin formal announcement khawm Mary Kom Delhi-ah a chamsung ngei hin siem ni’ng a tih”, ti in a hril.

Global consultancy EY report in a tarlang danin India hmarsak ram hin sumdawngna sector hran hranah Rs. 2.4 trillion hu lai vel opportunities a nei meka, mihriem million 45 bawr vel goods & services hmanga faral tu ding an um bawk a nih.

Private le Public-private partnership (PPP) mode hnuoi ah manufacturing le services sin thaw ding business sector hran hranah a tam hle bawk ti report chun a tarlang.

Kum 32 mi, MC Mary Kom hin a pasal K Onler Kom leh an innei champha (wedding anniversary) vawi-10na chu March ni 11 khan roupitakin an lo hmang tah.

MC Mary Kom’s Medal Record

Women’s World Amateur Boxing Championship
Silver- 2001 Scranton- 45 kg
Gold—2002 Anatalya – 45 kg
Gold—2005 Poldolsk – 46 kg
Gold—2006 New Delhi – 46 kg
Gold—2008 Ningbo City – 46 kg
Gold—2010 Bridgwtown – 46 kg
Summer Olympics
Bronze – 2012 London – 48 kg
Asian Women’s Boxing Championship
Gold— 2003 Hissar – Pinweight
Gold— 2005 Kaohsiung - Pinweight
Silver – Guwahati – Pinweight
Gold— 2010 Astana - Flyweight
Gold— 2012 Ulaanbaatar – Flyweight
Asian Games
Bronze – 2010 Guangzhou – Flyweight (51 kg)
Gold – 2014 Incheon – Flyweight (51 kg)
Indoor Asian Games
Gold – Hanoi – 48 kg
Asian Cup Women’s Boxing Tournament
Gold – Haikou – 48 kg
Witch Cup
Gold – 2002 Pecs - Pinweight

Post a Comment

Powered by Blogger.