By Lalnunthang Songate

Parbung, March 13, 2015: Zani zan dar 7 khan Manipur-a Hmarbiel sunga khawtin anthawka Unit fe khawm Hmar Women Association, Hmarbiel Region chu Parbung-ah inṭhungkhawmna neiin hmatieng peia an kal chawidan ding hriltlangna an nei.

An thupui hriltlang ṭhenkhat hai chuh – mipuiin HWA an ngaidan – inrui thei char buoipui ang el a an ngai hi thil indik a ni naw zie Unit tina hril uor ding; hnam puon hai hi ngainat ding le nuom ang anga a man siem el loa inruoltaka khawtina dingin a man siem ṭha ti a nih.

Hmar puon hai hi Imphal-a Commerce & Industry Office-ah ei hnam puon ngei a ni zie ziek lut le sie ṭhat dan ding zawng; ei hnam puon thangsuopuon hi nuom sukpawlang el loa, a hming ang takin a dawngtu ding haiin dawng ta hlak hai sien nuom a um thu hriltlang a ni bawk.

Kum 2006 laia Meitei helpawl haiin Tipamukh-a pawitawklo Hmar nunghak an pawngsuol hai zangnadawmna sum la hmu kim naw hai chu thei ang angin sawrkar tlungpui-ah bawzui nawk dingin rem ti a ni bawk. Hmatieng pei-ah nasa nawk zuola sinthaw dingin rem ti tlang a ni angin mitinin HWA thilthawhai chu nuisan el loa thlawp tlat dingin ngenna an siem nghal bawk.

Post a Comment

Powered by Blogger.