Shillong, February 10,2015: February 5-7 sung khan United People’s Front (UPF) hai chun Shillong khawpui hmun hrietlo ah General Meeting cum Election  an nei a, hi hun a hin UPF hnuoia um helpawl group dang danga an hotuhai le fiel bika um Mizo National Front (MNF) Presdient Zoramthanga khawm thang ve in UPF demand hai le SoO keisei ding chungchang an hriltlang.

Hi meeting hin peace process fedan thua Central sawrkar in an duthusam angin hma anlak pek naw thu hrilin tripartite SoO Agreement hlak umzei um lova kumtin a suksei mei mei a ni thu an hril. UPF chun BJP keihruoi NDA sawrkawr chu an buoina chingfel pek thei ngei dingin beseina insangtak an nei thu an hril bawk a nih.

Hi meeting hin SoO chu keisei an remti a, amiruokchu Delhi hmuna ngei Ministry of Home Affairs hma a chauh sign dingin thu an sukthluk.

Remna palai sin thaw dinga an fiel angin Pu Zoramthanga chu sawrkar le inbiekremna an nei theina ding lawmpui daptu le hmalatu dingin an dande nghal a nih.

Hi hun a hin UPF thuoitu thar ding thlangna an nei nghala UPF President ni lai zing ST Thangboi, President, KNF chu President dinga thlangtling nawk a nih. Thuoitu dinga thlanga um hai chu hieng a hnuoia hai hi an nih.
Vice Chairman: SS Haokip, Chairman UKLF
General Secretary: Thanglianpau, President ZRA/ZRO
Treasurer: Puia, President HPC (D)
Information & Publicity: Th Stephen Kuki, Chairman KRF
UPF Convenor: Aron, Gen Secy KNF
JMG Convenor: Calvin, ZRA/ZRO External Affairs


Post a Comment

Powered by Blogger.