Album Kum 2007 - 2014 sunga VCD to HD buotsaitu;
MI TAK TAK STAR: LIEN SHAKUM (PUNK PAWISA NEILO)

CCPur ZRS Local Cable TV Demand Channel a Punk Pawisa Neilo le Bithu D' Music Video haia Song of the Week/Song of the Month lo hau rawp hlak ei hohlimpui

Hming:  Lien Shakum (Pauhminglien)
FB Profile Name:  Lien Shakum
DoB: September. 17, 1988
Pa hming:  Tlangbiekthang Shakum,
Nu: Sawngneikim
Unau: 5, Pasal 3 Nuhmei 2, Ama hi a upa tak dawt, A upa tak a thi.
A Nuhmei: Frida Lalzarzo
Naute: Master Faith Marcus Ronghaklien (2yrs)
Address: Rengkai, CCPur, Manipur ah an um vawng.
1st Album: Punk Pawisa Neilo
Hobby:  Music ngaithlak le thei ang ang a hnam rawngbawl
Mi ngainat zawng: Hnam hmangaitu indik tak, hmangaina hau mi.

Virthli leh in pawlna huna zawna a dawnna hai:
Music Video chungchang a iengangin am thaw inla market hi tha nawk zuol dingin i ring a?
Lien- Kei ka mimal a ding chun hlawkna ka beisei nawh. Anachu, Hmar hla pakhatin a pung an chun ka lawm.

Virthli hi iem i ngaidan?
Lien- Virthli hi hnam tadinga sinthawtu ropui tak an ni a. Ka ngaisang a, Chatuonin dam zing raw se.

Artiste's hai sukhmasawnna dingin iengangin am hma la in la tha dingin i ring?
Lien- Mi pakhat tawngbau leia lunghnuol el lova kal pen tawk tawk a, ei thaw pei chun hnam damna la ni ngei a tih.

Mi ngai sang tak:
1. Hnam tadinga ka mi ngaisang tak hai- Pu Dr. John H. Pulamte & Pu Upa Laldawnlien Varte
2. Ka chintea inthawka ka Grammar le ka zirtir bu a ka hmang- Pu L. Keivom IFS (Retd.)
Ama hi 2007 a inthawk hla sak inhnik tanin, Guiter a per thei a, AIR ah Radio Artiste 2011 a inthawk niin AIR FM CCPur ah Artiste pakhat a lo ni ve tah.

Mipui hmaa sakna hmasak- 2007 (?)
Punk Pawisa Neilo ti album tuchen a zawr suok zat- 450 ++
Release ni Dec. 27, 2014 zan HSA Campus, Rengkai, CCPur

Ama hi mani nina inzapui ngailo mihriem, mi inngaitlawm tak el a ni a. Mi thenkhatin nitin kut sinthaw a a fak zawngna chu fimthu dam a sawisakin, ‘Punk Pawisa Neilo...’ ti damin an fiem hlak a. Hrietthiemna lien tak neiin a dawn letin, an ngaisie pha ngai nawh. Nikhat chu Pathien-in a fak hmuna ding changkang lem a la ruot pek ngei ei ditsak hle. Thangpui nuom hai chun Virthli fethlengin thangpui thei a nih. Hmatienga Album siem nawk vat dingin an buotsai mek a. Ama rawl le mihriem hmangaitu Mr. & Mrs. Lalhmingthang Joute 2nd in-Command, CRPF, IGP HQ Agartala, Tripura; Pu Stephan C. Hmar AGS, Agartala; Pu L. Keivom IFS (Rtd.) New Delhi hai meu khawmin Album a siem nawk hun hun a chu Producer ni ngei nuomin an hla tha tak tak hai leh an inpek zie suklangin, thei ang anga an thangpui ding thuhai an lo hril ta a nih. Chuongang bawk chun Alan Famhoite le LRS Puruolte hai khawma an theina haia thangpui an tum thu an lo puong ta bawk. Pu John H. Pulamte le Pu Upa Laldawnlien lem chun a hlasakna haia lamin an tawiawm baka iengtik hun a khawm a tul ang ang an support tha hle bawk. A ruolhai tam tak khawmin an thangpui ding thu an puong a, tulai a hlasaktuhai laia fan hau ve pawl a ngai thei khawpin mi ngainat a hung hlaw mek a nih. Virthli’n chun “Pathien-in a hma thuoi mawl raw se...” tiin ei ditsakna in sangtak ei in hlan.

Post a Comment

Powered by Blogger.