Tuiruong (Barak River)
CCPur, January 5, 2015(HT): Tuiruong leilak daw dinga Manipur CM O.Ibobi Singh in Pherzawl an zin huna a lo puong le inzawma Dec. 27, 2014 nia a hmuna enfel dinga zun zin Dr Chaltonlien Amo le Engineer team hai chu dam takin Imphal an hungtlung nawk tah. An cham sungin Tuiruong leilak dawna ding hmun, a lien dan ding, thir hmangruo tul zat ding hai an zu enfel a nih.

Zani zingkar khan CM Bungalow, Imphal-ah CM le Dr Amo han inbiekna an nei huna chun sum a tul ang ang a sanction ta thu, tukum furpui tlung hma ngeia zo dingin Chief Engineer thu a pek bakah January, 2015 bo hma ngeia Sartuinek chen electric sukvar ngei ding, CHC Parbung a ding Ambulance motor, khum le matress 15 ve ve CMO/CCPur kuoma a tlung ta thu CM chun Dr Amo a lo hril. ADC a function dan ding le puonga um tah Nurse le Zirtirtu lakna ding Tipaimukh biel ta dinga Spl. DPC khawm hma lak vat a ni ding thu a hril sa bawk. Dr Amo chun Vangaitlang mipui le Taithu V/A haiin an lo phurpui zie le Tuiruong pang ramhnuoia riek hiela, sun le zana hma an lo lakpuina leia a lawm hle thu a hril bawk tiin Pu Vula, Social Worker chun ei chanchinbu palai a hril.

Post a Comment

Powered by Blogger.