DAWN LUNGRÛKAH I HLUI SI NAWH

~ Kama Sungte

Hunhai an liem, kumhai an dang,
Dâwn lungrûkah I hlui si nawh;

Aw ka ngai che Sawkhlei vul mawi,

Ka tieng nghaa in nui sieu hin,

Kei di’n khawvel a pâr nawk hlak.

 

Kârah zalêng tam hai sien khawm,

I lungril her chuong nw, Parte;

Hmangaina hruolhrui ang a sei,

Kara’n zam hi intan lovin,

Kumtluong rûn hmuna ei lêngna’n.

 

Sawrthla a êng zântlai nêmah,

Mate’n kan vai I ṭhang si nawh;

Rûn hmuna ei lêng ve phâ chun,

Nangma ngaia ka ṭaplai hi,

Nghil tang ka tih, aw Lungrûnpui.

 

Sâm ang ka zâl zânmû kan sîm,

Ka tawnmangah ka lo hmu che;

Hai ang ṭhangin lunglam kan vai,

Ami iengin ka hril thiem nawh,

Lunglairûkah ka hmangai che.

 

 

I SAKHMÊL ENCHIMLO A MI RUN NGEI

~ Songlienṭhuom

P- Lungdi

N- Lungrûn

 

PN- Aw di, ka ngai êm che.
Nang naw chun lunglai hnêmtu an um nawh;
Ka Di, ka ngai êm che!

 

P- Nangma ngaiin sûnni kan tawi hlak a,

PN- Dawntu um lovin I hming ka ko hlak;

N- Aw hmangai,, mi zuk en la, mi hnêm rawh;

PN- Dawntu um lovin I hming ka ko hlak.

 

P- Hril mei an nawh, ka ngai êm che a nih,

PN- neisun hmangaina leh ka hung pan che;

P- Ngai naw lai I um nawh, Lawmna Pârte,

PN- Neisun hmangai leh ka hung pan che.

P- I sakhmêl enchimlo a mi rûn ngei,

 

PN- Nang naw mi suklawm thei rêng an um nawh;

N- Lêng dang thlîr naw ning, nang chau en ka che,

PN- Nang naw mi suklawm thei rêng an um nawh.