Responsive Ad Slot

Sielmat Bible College 38th Graduation Service hmang: M.Div. zo thar mi 11, B.Th. zo thar mi 10 um

Sunday, April 2, 2023

/ Published by VIRTHLI
Sielmat, April 2, 2023, Virthli (ONP): Sielmat Bible College (SBC) chun vawisûn, April 2, 2023 chawhnung dâr 1:30 p.m. khan Roberts Jubilee Chapel Sielmat-ah Graduation Service a vawi 38-na hlawtling takin an hmang. Hun hmasa tieng Sir James Lawrence Darngawn, Dean of Physical Education, SBC in Bible châng tiemin ṭawngṭaina a nei a, Rev. Dr. James R. Ruolngul, Academic Dean, SBC in graduate thar hai inhmelhrietna hunser a hmang zoin Rev. Jonathan Infimate, Principal, SBC in graduate thar hai Certificate inhlânna a nei a, Rev. Zathangsing Zate, Secretary Finance ICI & Executive Director, MRH & RC a'nthawk convocation address ropuitak el ngaithlâk a nih.

Hi huna hin Rev. Lalneikhup Hmar, Secretary Ministries & Education ICI in graduate thar hai ṭawngṭaipêkna a nei a, Mr. James Vanlalding Songate in graduate thar hai âiaw'n thuhrilna hun a hmang.

38th Graduation Service a hin Bachelor of Theology (B.Th) zo thar mi 10 le, Master of Divinity (M. Div) zo thar mi 11 hai Degree inhlân an nih.
 
Hi huna hin Rev. Dr. James R. Ruolngul, Academic Dean, SBC le Rev. H.B. Hluothang, Chairman, Board of Governors, SBC in Award semna le inhlanna hung an hmang. Awards chi hran hran sema um le a dawngtuhai:

1. Rev. Thangler Award For Academic Proficiency: Mr. Lalhlunsang Hmar of B.Th

2. Ms. Lienzakhawl Award For Missions Studies: Ms. Julie Ronghangpi of B.Th

3. Rev. Lalngaisang Award For Christian Ministry: Mr. James Vanlalding Songate of B.Th

4. Ms. Ngulṭhatling Award For General Contribution: Mr. James Vanlalding Songate of B.Th

5. Ms. Vanlalsuong Award For Best Character: Mr. Benwati Gospela Nampui of B.Th

6. Elder Dr. Lalzakung F. Tusing Award For Academic Excellence: Mr. James Vanlalding Songate of B.Th

7. Rev. Darsanglien Ruolngul Award For Academic Excellence in M. Div: Mr. Lalhlunsang Hmar of M. Div.

Hunser hmang huna hin ICI Central Choir hai a'nthawkin inpâkna hla ropuitak tak el ngaithlâk a ni a, hun khâr ṭawngṭaina le Bendection hrilna Rev. Alan L. Ṭhiek, Registrar, SBC in a nei zoin hun suktâwp a nih.

Graduation Service a hin graduate thar hai lâwmpuitu mipui tam tak el fê khâwm a ni a, zantieng huna thlâithlêng buotsaia um hlimtlâng taka kiltlâng a nih.
Don't Miss
© all rights reserved
made with by Simon L Infimate