Tuithaphai, June 27, 2025, Virthli: May 3, 2023-a inthawka Manipur-a Meitei le Zohnathlâk hai kâra buoina suok leia harsatna hril ruollo Imphal Hmar nauhaiin an tuok a, an in le lo, an thil nei hai po po chânin hmun tin le ramtinah ah an tlândar a. An harsatna le ngirhmun hai chu Hmar Inpui, Imphal Region in hrezingin a lukhaitu a ni angin a theinahaiah hma a lâk zing a, tarik 20-06-2025 khan Tuithaphaia ṭhuoitu umhai po meeting neiin sawrkara a ṭul le pawimawhai bawzuitu bîk dingin Committee hran lieu 'Imphal Hmar Displaced Committee' chu an indin a; ṭhuoitu dingin a hnuoia hai hi lungruol takin an ruot.
Convenor: Dr. John H Pulamte
Co-Convenor: Pi Thangthatling Sinate
Secretary: Pu Joseph Infimate
Finance Secretary.: Pu Samuel Lalropar
Treasurer: Upa C. Ṭhuoilien
Chun Hmar Inpui Imphal Region a Office Bearers hai le Committee Membes hai popo le Advisor nilaizing Pu Zorisang Ṭhiek (MSS ) hai chu automatic in Committee Member ni nghal dingin an remti tlâng bawk a nih.
Advisors:
1. Dr. L. Fimate (Former RIMS Director),
2. Dr. Chaltawnlien Amo (Ex. Minister)
3. Pu Ngursanglur Sanate (MLA, Tipaimukh AC)
Tarik 23-06-2025 khan hi Committee indin thara um ṭhuoitu hai an inhmukhâwm nghâl a; Asst. Secy cum Info. Secy. dingin Pu. Wilson Infimate le Executive Member dingin Nk. Joyce Lalremmawi Pakhuongte (IPS) hai an ruot.
Imphal Hmar mipui haiin sorkar tieng bîk a hmalâkna a hrât nâwk zuol theina dingin lungruoltaka ṭhang tlâng seng dingin abîkin Imphal Hmar mipui hai an ngênin an inhriettir nghâl bawk a nih.
