Responsive Ad Slot

Assam Sawrkar le IPF thuoituhai Pu Himanta Biswa Sarma, Assam Chief Minister Chair-na hnuoi a inbiekna nei

Monday, January 24, 2022

/ Published by VIRTHLI
Dispur, January 23, 2022, Virthli (ONP): Vawisun chawhnung tieng khan Indigenous Peoples Forum (IPF) Demand (Separate District le Autonomous Council) IPF hnuoia hnam hai ta dinga an hnina le inzawmin Assam Chief Minister inrawina hnuoiah CM’s Block, Assam Secretariat Janata Bavan, Dispur, Guwahati-ah inbiekna nei a nih. 
Meeting hi Round hnia the a nih. 

Round khatna: 

Hi inbiekna hi Pu Dr. Himanta Biswa Sarma, Assam Chief Minister in a keihruoi a, Pu Parimal Suklabaidya, Forest Minister & IPF Demand Committee-a Chairman ni laizing le Pu Jogen Mohan, HAD Minister hai bakah Addl.Chief  Secretary, Principal Secretary to CM, ADGP(SB), PWD Commissioner le NHAI hotulien hai an țhang. 

IPF Palai hai chun IPF Demand chu Assam Government in Budget Session 2019 in a pass a,  5th July in Pu Dr. Himanta Biswa Sarma, Finance Minister a nilai CM kuoma sukfel dinga ziek tasa ani a, chun Pu Parimal Suklabaidya, Forest Minister a Chairman-na hnuoia 3 members Committee hai le 28th December 2020 khan inbiekna neiin thla 3 sunga sukfel dinga ti chu sukfel ala ni naw nasan in dawn ani a, Chief Minister chun IPF demand chu Assam Government in an tiem angin a sukfel ngei ding thu a hrila, IPF palai haiin Republic day a puong el dinga an ngenna chu CM in a bat a bata Sawrkar dân anga sukfel hi thil țul ani leiin Assam Government chun sukfeltu dingin Group of Ministers (GoM) indin dinga ti ani a, chu taka member dingin Assam Cabinet Ministers Pathum, Pu Parimal Suklabaidya, Pu Pijush Hazarika le Pu Bimal Bora hai ruot an nih. Minister hai hin thla 2 sung District țhe dan ding hi report an submit dinga ti a nih. 

Chief Minister chun IPF a hnam hai Assam  Governmentin in demand a ngaithlak lai zinga IPF mi le sa țhenkhat in IPF demand dit lo anga an hung hril le demand dang sawrkar kuoma an hung hni hi sawrkar thuneitu tieng ami sukbuoi hlak a, chuleiin in demand chu inthuruol takin demand ro kan pek theina ding cheuin a ti bawk.

Chun IPF haiin Council hnuoia Appointment,  Appointment NoK, Development , Land encroachment, Contract, Documents le thil dang danga harsatna an tuok hai Judicial Enquiry thaw dinga an ngenna chu GoM haiin an sui sa vawng dinga ti ani bawk a, report hi a ruola thla 2 sunga pek dinga ti a nih. 

Chun, IPF demand thlawp leia Council hnuoia harsatna an tuok hlak hai chu hrilsa a ni a, chuonga mani right demandna thua harsatna an lo tuok nawk ani chun hung intlun pei dingin CM chun palai hai a hril. 

Chuleiin, sawrkar thawkna nei IPF demand lei a harsatna tuok hai chun IPF hai hril pei ding mitin fielin an inhriettir a, tu el khawm nasa nawk zuola hma la seng dingin IPF thuoituhai chun mitin an fiel a nih. 

Meeting Round hnina: 

IPF hnam a mi hai an ram hai Council-in a  ngaisak naw lei a ISF le IWF haiin CM kuoma Haflong Cabinet nei huna a lo intlun hai hriltlangna nei a nih. 

Hi huna hin In le ram hai suksiet ani leia Railway le NHAI haiin 2015 lai daia assessment thawa um ta chu Compensation Railway hai chauin an la pêk chu NHAI hai khawma pêk ding an ti, pêk loa um chu Revenue haiin Estimate bill an hung submit huna an pek ding thu an hril a, an lo pêk thei naw pal a lo ni khawma Assam Government-in pe el dingin CM chun a hril. 

Hieng hai bakah ISF le IWF hai demand PWD hnuoi a mi hieng- 

I. Muolhoi a Mini-Stadium

II. ISF Office Building cum Skill Development Center 

III. Road Connectivity

1. Thingbung to Kumacharra via P Paisa, Gopikot,  Duban etc,

2. Retzawl to Amranagar road via Doiheng

3. Jatinga Old Railway station to Gamnuom via Mongon, Lhanghoi, Buolmuol, Bolsol etc.


Vaiphei Zillai pawl hai demand 
I. Community Hall at Gilgal Haflong.

II. Play Ground at Gamnuom.

hai chu CM chun PWD Commissioner chu SOPD a thun nghal dingin an hriettir nghâl bawk a nih. 

Chun, Tribal Medical College, N C Hills district a siem dinga ti chu  Lasang, Borial ram a ngei nisien ti chu CM chun a hmun ding le iengkim ISF hai le inbieka sukfel dingin Pu Parimal Suklabaidya, Forest Minister chu a dande nghâl bawk anih.

Mahur - Tamenglong road khawm chu Alignment siem fel zing a nia, sukfel vat a ni ta ding thu hrilin buoina um naw ding thu a hril bawk.

NH 627 (Nellie-Harangajao-Silchar section) tia ei lo hriet kha hrilpêk nawk a ni a, PWD NH Commissioner Pu Raj Chakraborty chun DPR hi siema sukfel vat a ni ding thu a hrila, February thla sûng tender thaw hman dinga ring a ni thu a hril bawk.

Hi a chunga ziek langa um hai hi minutes pahni a siem dingin CM chun Principal Secretary chu a hrilpêk bawka, iengkim hi tuta Budget a sukfel vawng dingin a hril bawk.
Don't Miss
© all rights reserved
made with by Simon L Infimate